24 يونيو 2011

24- يعني إيه كــوك زيــرو؟؟!

:
:
ده البوست 24
في حملة التدوين اليومي،،!
يعني إيــه كــوك زيــرو،،؟!
وحـــــدث هــام،،،!


يعني تونس تعمل ثورة ضد نظام
كاره للإسلام،، وبعد ما يسقطوه،، الأحزاب
كلها تعمل تكتل ضد التيار الإسلامي!

يعني مصر تعمل ثورة،،، ضد نظام ديكتاتوري
وبعد إسقاطه،،، مصر يبقى فيها
85 مليون ديكتـــاتور
!

يعني الدنيا تمطر في سوريا،، النظام يقولك
الشعب مش طالع مظاهرات،، ده طالع يفرح بالمطرة
وتاني أسبوع تمطر برضو،، النظام يقولك
المطرة دي غضب من ربنا على الشعب!

يعني البحريين تقوم فيها ثورة،، ويتقتل مدنيين
ويتحكم بالإعدام على قرايب المقتولين!

يعني سوريا تدخل بالجيش بتاعها،، تدك شعبها
قال بهدف إنها بتحـارب السلفيين الراديكالين
وينشق ضباط مسيحيين عن الجيش!

يعني مصر تسقط نظام،، فاسد
ويترشح نائب الرئيس،،، ورئيس وزراءه
ويكون لهم أنصــــار كمان!

يعني الجمل،، مصر كلها تقول يمشي
ولما يحن على أبونا ويستقيل،، الجيش يحلف
يمين طلاق تلاتة مهو ماشي!!!!

يعني المصابين من ثوار مصر،، لسه ما تعلجوش
والمخلوع ينعم بعلاج فايف ستارز،، بشرم الشيخ!!
لا وإيه كلمة مخلوع بتنرفزهم،،!!
خلاص خليها السيد الرئيس المخلوع،،!

يعني معمر القذافي،، بيتهم النيتو بجرائم الحرب
عشان موت بالغلط 15 مدني بطرابلس،، لكن هو
قاتل نص شعبه بالقنابل العنقودية المحرمة دوليا!!!،،
يبقى الأخ العقيد قائد الثورة الخضراء!!

يعني سوريا ما ضربتش طلقة نار واحدة
في الجولان يجي من نص قرن،، وخلصت دلوقتي
كل قذائفها ثقلية وخفيفة،، وهي بتضرب وتقتل
في شعبها الأعزل المسالم،، اللي بيطالب بالحرية!

يعني مصر تهدي جامعة الدول العربية،، العـربي
في ربع ساعة،، وتمسك فــ الجمل!!

يعني مرتضى منصور يتحبس عشان فلول
ويرشح نفسه للرئاسة،، وبرنامجه على 4 سيديهــات!

يعني اليمن تعمل ثورة تدفع تمنها دم،، ضد الصالح
وتفرح إنه غار في ستين داهيـــة،، وتطالب
بانتقال سلمي للسلطة،، يقوم النائب يقول
لا لما يرجع الصالح الأول!!!

يعني سوزان مبارك تقول،، هاتنــازل عن كل ممتلكاتي
وتطلع الفلوس تبرعات،، والقصر ملك الشعب!

يعني الليبرالية يكون معناها الحرية،،
وحريتك الشخصية،، تقف عند حرية الآخرين
وتلاقي ساويرس بيتطاول باسم الهــزار
على حرية المنتقبات والملتحين!!!

يعني سوريا بتقول إنها بتحارب،، الأرهابين
السلفيين المندسيين المسلحيــــن،، ويكون بين الشهداء
سيد شهداء سوريا،، حمزة الخطيب 13 سنة!!

يعني مصر تعمل ثورة،، وتطالب بالمحاكمة مبارك وولاده
ومحـــامي مبارك،، تكون تصريحـاته كالتالي:
مبارك أول مؤيــدي ثورة التغيير،،!
جمال من مشجعي حركـــة 6 أبريل،،!
علاء من محبي جمـــاعة الإخوان المسلمين،،!
ومش بعيد يطلع ميدان التحرير فــ الأخر،،،
معقل الثورة المضــادة
!!

يعني الشعب في سوريا يهاجر على تركيا
من كتر وحشية الجيش ضده،، والنظام يقولك
العشرة آلاف دول،، رايحين يزوروا أقاربهم!!!

يعني أمريكا تدعم الأنظمة الفاشية طول السنين اللي فاتت
والنهاردة لما الشعب كسب،، بقت خلاص
بتدعم إرادة الشعوب،، والديمقراطية!!


:

حـــدث هــــام،،
يـــــا معشــر المــدونيين!!


أضغط هنا
ده جروب على الفيس لرواية
(( نحن الماضي،، من أدب الخيال العلمي ))
للكاتب الأخ العزيز،، أ، ماجد القاضي
لايك بقى وشير،، الرواية هاتنزل الشهر الجاي

إن شاء المولى تعالى!

هناك 8 تعليقات:

  1. السلام عليكم......


    بجد تسلم ايد الكاتب

    وبجد جاااااااامد جدا البوست

    _______________________

    لو ينفع ابقى معاكوا بعد الامتحانات فى فاتفيت ممكن اعرف الرد عندى فى المدونة

    دومتوا بخير
    فى رعاية الله
    shemo

    ردحذف
  2. سورى كان قصدى فى التعليق
    ابقى معاكوا فى الحملة بتاعت التدوين

    ردحذف
  3. هو ده الاختلاف بقى :D
    جميله يا رحاب :)

    ردحذف
  4. مساء الخير .. في مثل يقولك : كلهم قاريين على شيخ واحد !!
    على زمان عرفات صار في مواجهات بين فدائية والجيش الأسرائيلي في مدينة بيت لحم .. المهم لجأ الفدائيين الى كنيسة المهد .. حاصرهم الجيش من بره بره وما دخل الكنيسه هاي ملاحظة عشان لو مسجد كانوا دمروه علي فيه !
    طالت القصة مفاوضات مع الكنيسه لتسليم الشباب ! هدد اليهود باقتحام الكنيسة ولكن القسيسين رفضوا تسليمهم .. دخلت السلطة على الخط فصار في حل وسط
    انه يطلع الشباب من الكنيسه وينفوا خارج الضفة الغربية .. ناس على غزة ناس في دول اوروبيه .. وكان هذا اجراء غير انساني وخارج الأتفاقيات الدولية
    طلع مسئول من السلطة على قناة لبنانية ام بي سي
    او غيرها .. نسيت لأنه حكاية قديمة .. سأله المذيع :
    شو حكاية المقاومين اللي اسرائيل بدها تطردهم خارج بلادهم ؟ فجاوبه الأخ بكل ثقة :
    مين اللي قال انه الشباب طردوا احنا لا يمكن نسمح بهذا
    يا اخي الشباب طلعو بره يكملو تعليمهم ورح يرجعو قريب .. وكلام كثير .. حتى الآن مرجعوش ..
    ف يعني لما يقول السورين ان المظاهرات طلعت احتفالا بالمطر وانه في اليمن الشباب والبنات مختلطين مع بعض وهذا حرام ما يصير مع ان البنات في شارع والشباب في شارع وكل الدنيا شايفه .. طيب اقولك في ميدان التحرير عندكم ..
    طلعت زكريا محبوب الجماهير بيقول ويتهم الفتيات بممارسة الجنس مع الشباب وبشهادة الجيش وان الشباب يمارسون الرذيلة واعتبر ان المظاهرة مجرد رقص وزمر وأغاني وكرنفال و ...: الفيديو على قناة كوره واشارتها يا حبيبتي يا مصر وموجود على اليوتيوب .. ويستاهل بوست مخصوص من حضرتك .. أنا آسف .. لكن هذا اللي حصل وهذا الواقع العربي .. مع كامل الشكر والتقدير
    منتدى ابو خضرة - سلام لكل الناس

    ردحذف
  5. بوست جامد
    بس بعد الثورة بقوا 85 مليون ديكتاتور مش 85 بس
    متفق معاكي في كتير اوي من الكوك زيرو
    يا ريت بقى كل حاجة تتحط في نصابها الصحيح والمجلس العسكري كده شكرا اوي له والجمل بالسلامة وحتى الحكومة عليها علامات استفهام كبيرة
    تحياتي

    ردحذف
  6. هي بصراحة كل حاجه من دول عاوزه بوست لوحدها لكن فعلاً اللي بتأمل في اللي بيحصل هيعرف ان لسه الطريق طويل

    ردحذف
  7. هو انتى لسه فى الكوكا زيرو
    احوال العرب خلتها خلوكا زيرو
    هما فاكرين الناس مبقتش تفهم
    اما موضوع نبيل العربى ده غاظنى قوى و نزلت بوست ايامها
    ازاى نضحى باقوى وزير خارجية فى تاريخ مصر
    تحياتى

    ردحذف

خلل براحتك من غير انتظار .. فتافيت أصلاً بتحب الخيار