16 يونيو 2011

16- عندما أفلست،، أنقذتني مذكراتي!!

::
ده البوست الــــ 16في حملة التدوين اليومي،،!عندما أفلست،، أنقذتني مذكراتي!!
النهاردة بس،، بجد أشفقت جدا علىأصحاب الأعمدة اليومية بالصحف،،،!شيء صعب إنك كل يوم،، تكتب حاجة جديدة!آه الأحداث كتير،، لكن الكتابـــــة،،،حالة في حد ذاتها،، يصعب استدعائها!كتبت خاطرة وقت الخســوف،، بسقررت إني منزلهاش،، طيب أنزل بوست أزاي؟!وأنا فرغت كـــل اللي جوايا في الخاطرة!قررت أفتح مذكراتي،، وأقتبس منها!


- (الكل باطل)،، يلتفون حولك مادمت تحت الأضواء
وما إن أطفئت فروا بعيداً،، حتى أن ظلك يسبقهم!


- نعم كنت لي سفينة النجاة،،
وكنت لك،، شراعــًا من الأمــل،،
لكننا اقترفنا إثمـًا عظيمــًا،، عندمــا
أتخذنا المستحيـل،، بحــراً لنـا!!


- نحن أول من يزرع بأطفالنا،، بذور الفســاد
عندما نعلمهم طوعــًا،، أن الحلوى مقابـــل القبلــة!!

- أســوء أنواع الأمــل،،
ذاك الــذي نحيي عليه أمـــلاً،،،
في أن يأتي الموت سريعــًا!


- نحن نحب بقلوبنا،، لأن القلوب تملك العقــول،،
ونكره بعقولنا،، لأن العقول لا تعرف الحب،،!

- عندما أصرخ قائلة،، ((نعم إنني وحيــدة))،
فأنا لا أعني بالضرورة إني بعزلة عن البشـــر،،
ولكني أقـصـــــــد،،
إنه لم يأتي بعد،، من يستطيع اختراق مجال وحدتي!!

- لن أنصب على أحلامي رقيباً،، يصنفها
ولن أضع على قلبي رقابة،، تقــومه!

- وحدي بمدينتي،،
أغزل من خيوط اليــأس،، ثوب حزني!!

- هنا بباحة العشـــق،،،
كل شيء جائز،، حتى قتل القلوب!

- قليل من الذكريات الجميلة،،،
قد يخفف عنا،، الكثير من آلام اليـــوم!

:



هناك 20 تعليقًا:

  1. معاكي حق الكتابة اليومية صعبة جدا
    بس ليه منزلتيش الخاطرة؟
    بس خواطرك الخفيفة ونبضاتك في منتهى الجمال واتفق معكي في كثير منهم
    تحياتي

    ردحذف
  2. فعلا الكتابه كل يوم حاجه مش سهله
    يمكن الواحد ماحسهاش الا بسبب حمله التدوين الشهرده
    بس الجمل بتاعتك دى جميله اووى
    ياريت كل شويه كده تفتحى مذكراتك تجيبى منها حاجه زى دول :))
    ومستنيه الخاطره بتاعه الخسوف كمان
    تسلم ايدك يا رحاب :))

    ردحذف
  3. قليل من الذكريات الجميلة،،،
    قد يخفف عنا،، الكثير من آلام اليـــوم

    عجبتنى جدا

    موضوع التدوين اليومى فعلا صعب
    بس مفيد جدا فى اغلب الاحيان

    انا عن نفسى كنت بفضل اوقات متباعدة جدا عشان اكتب حاجه
    لكن دلوقتى الوضع اتغير بقيت بكتب اكتر من الاول
    حتي لو مش بشنفس القيمه لكن برتاااح اكتر

    ردحذف
  4. جمل فى منتهى الروعه
    حاولت اختار جمله عشان احطها فى الرد بتاعى احترت
    كل الجمل تستحق ان تكتب
    بالنسبه لموضوع الكتابه انا معاكى انه حاله مزاجيه
    ممكن ييجى يوم عليكى وتكتبى كتير وفى كل حاجه وبنفس القوه
    وبرده ممكن ييجى عليكى يوم تستجدى القلم والالم
    لكن دون جدوى
    احسنتى

    ردحذف
  5. السلام عليكم

    فعلا المذكرات الملونة تنفع في البوست الأسود...!
    جميلة عباراتك وتشبيهاتك..
    وبالذات:
    - كل المواد المشتعلة،، دائما ما تحتاج
    عامل مساعد أو محفز للإشتعال،،
    إلا،،، غيرتي عليــــــك!!
    - حبي لك كالعطر،، تزداد قيمته بمرور الزمن
    ولكنه إن تبخـــر،، لن يتكثـــف ثــانية!!
    - اعلم تمامــًا،، أنك مركز الدائرة بعشقنــا،،
    وما أنا إلا خط،، يرسم محيطها،،،، ولكن تذكــــر
    إن رحلت عنك،، ستصبح مجرد نقطة،، بلا أي هويــة!!

    فتحية لهم كلهم ونيشان لتلك العبارات الثلاثة..
    ................
    معك تماما في المقدمة... ذكرتيني بكلمات أختنا (نسرينا) عندما قالت مبررة عدم مشاركتها فب الحملة: "أحبُّ أن أكتب.. لا عليَّ أن أكتب"!

    والحقيقة أن هناك الكثير من الكتاب الكبار أشعر في بعض ما يكتب بهذا الأمر.. أنه لا يكتب بنفس!!!
    فشتان بين الكتابة والاستكتاب.

    تحياتي ... ويا مسهل.

    ردحذف
  6. من جهة أخرى تعلمت مع الأيام أن انتظار الإبداع أيضا لينزل وهم كبير.. وهو ما جعلني أتوقف عن الكتابة القصصية والروائية أكثر من 10 سنين!!!!!
    فـ80% من الإبداع يأتي مع ممارسة الكتابة.. و20% هو الذي يأتي وحده... وأؤكد أن التدوين وتشجيع الآخرين يساعد كثيرا على الإفراز الغزير نسبيا للأفكار..

    بالمناسبة.. لماذا لا تستعينين بملاحظاتك وتعبيراتك الخفيفة في الفيس بوك؟ فهي مادة لا بأس بها أيضا. وأرى أن تسجيلها هنا يحافظ عليها من الضياع في صخب الفيس بوك.

    ردحذف
  7. اوافق الاستاذ ماجد في كلامه عن الابداع
    اتعلمنا في كلية الفنون الجميلة كلما مارس الفنان تقوس فنه ابدع اكتر واكتر وتجلت مواهبه

    عجبتني مقولة الاطفال جداااااااااااا
    نص تصرفتنا مع الاطفال توحي لهم بالفساد
    زي ماام كده بتأكل ابنها وعايزاه ياكل اكله تقول له كل بسرعة لحسن حد يجي ياكل اكلك
    منتهي الغباء اللي في الدنيا

    ردحذف
  8. ممكن استلف مذكراتك دي شوية؟؟
    شوية بس
    الله؟
    هفرها
    :)

    جميلة جميلة

    ***********************

    مها ميهوووو

    ردحذف
  9. كم اسعدنى تواجدى هنا بين زهور بستانك المتفتحه

    حقا لعطرك عبير منفرد

    ولحرفك بهاء ورونق

    دمت مبدعه غاليتى

    تحياتى

    ردحذف
  10. جمييييييييييله بجد جدااااااااااااااااا جدااااااااااااااااا الفتافيت دى

    ماشاء الله موهوبه جدا

    ردحذف
  11. مصطفى سيف

    مممممم.. ما نزلتش الخاطرة عشان،،،،
    عشان مي هاقدر أنزلها،، أو بالأحرى
    مش هاقدر أتخيل إن حد بيقراها.. وبيقراني جواها!

    نورتني يا دكترة
    وكويس ان هذيان ذكرياتي عجبك!

    ردحذف
  12. Bent Men ElZaman Da !!

    تسلمي يا جميلة
    لا الخاطرة مش للنشر اصلا،، دي أسرار حربية :))
    والله مبسوطة اللي نزلته ده عجبك
    مش متخيلة انه يعجب حد اصلا :))

    نورتي يا جميلة

    ردحذف
  13. تاكاشى

    تعرف أن الجملة دي واقعية جدا
    كتير بنكون في اتعس اوقات بتعدي هلينا
    ولما نفتكر حاجة حلوة عدت،، نبتسم ويخف علينا الالم

    بص هو موضوع التدوين،، بالنسبة ليا صعب اوي يوميا،، مش عشان انا ما بكتبش بشكل يومي،، لا خالص،،،، بس مش كل اللي بكتبه ينفع ينزل!

    نورت البوست :)

    ردحذف
  14. givara

    اولا خليني اقولك اني بحد جدا اسم جيفارا
    سواء على ذكر أو انثى :)

    ثانيا نورت البلوج،،
    تقريبا دي اول مرة تشرفني

    وبتفق معاك ان الكتابة حالة،،
    ممكن تكون طوع ليك في يوم،، وممكن تتمرد في يوم تاني

    شيء رائع ان خربشتي دي عجبتك :)

    ردحذف
  15. ماجد القاضي

    اهلاا اهلا اخي الكريم

    يمكن العبارات اللي عجبتك اوي
    عجبتك كده،، لأنها كانت أصدق عبارات مكتوبة! :)
    يمكن كمان لأني كتبتها في أسوء أيام حياتي!
    ودايما الألم بيكون أصدق،، عن السعادة!

    بحس أنا كمان أن في كتاب بيكون حايسيين
    وبيكتبوا وخلاص،، وده لاقيته واضح جدا
    في مقال حواوشي لعمر طاهر،، كان جامد :)))

    وموضوع اني استنى الوحي،، دي بدعة هههههههههههه
    وفعلا خلتني أبطل كتابة قصص لمدة سنة كاملة
    لاحظ أني بدأت كتابة القصص في نص 2009 بس!

    فيه حديث شريف مش فاكرة منطوقه تحديدا لكنه،، فيما معناه،، إن العلم بالتعلم،، والحلم بالتحلم
    فأكيد إن الكتابة لو متعثرة،،
    هاتتعدل بالاستكتاب!

    نورتني اخي ماجد
    ويارب دايما منورني،،، تحياتي

    ردحذف
  16. شمس النهار

    وأنا كمان متفقة معاكم طبعا :)

    بالنسبة لموضوع الاطفال،، فانا بشوف العجب
    ولما اجي انتقد حد،، يقولي طيب لما نشوف هاتبقي تعملي ايه في تربية ولادك،، ولا تربية ولادي اكيد اسهل من أني الاقي ابوهم،، فمحدش بيشوف هابيهم ازاي :)))

    نورتيني يا باشمهندسة :)

    ردحذف
  17. أحسن تـستاهـل

    يا خراشي يا خراشي
    تفريهم ،، عااااااااااااااااااا
    دي أسرار دولة يا اوختشي :))

    عثثثثل يا مهاميهو ^_*

    ردحذف
  18. جايدا العزيزي

    ميرسي أوي على كلامك الجميل
    ربنا يخليكي يا رب
    دومتي بخر وسعادة
    تحياتي :)

    ردحذف
  19. ليس فقيرا من يحب

    يخليكي ليا يا قمر
    ده بس من ذوقك والله :)

    نورتي يا حبي :)

    ردحذف

خلل براحتك من غير انتظار .. فتافيت أصلاً بتحب الخيار