30 يونيو 2011

30- اختبار الحصول على،، عضوية القلة المندسة!!

:
:
ده البوست الأخير،،
في حملة التدوين اليومي،،
إختبار الحصول على عضوية،،
القلة المندسة،،،!

أولاً،، أختر الإجابة الصحيحة:

- وجه الشبه بين زين العابدين بن علي وحسني مبارك:
1- السعودية
2- الثلاث خطابات
3- نوع صبغة الشعر

- بـالعام الذي قتل فيه 1000 شهيد تم:
1- علاج مبارك على نفقة الدولة
2- ترشيح عناصر النظام المخلوع للرئاسة
3- نفخ عجلة الإنتاج

- سبب فرار آلاف السوريين لتركيا:
1- عمل الشوبينج
2- جولة سياحية
3- وَصْل صلة الرحم

- سبب بكاء تامر حسني بميدان التحرير:
1- انشغال الفتيات بالمظاهرة وعدم حدوث اغماء جماعي
2- برودة الطقس مما حال بينه وبين إظهار شعر صدره
3- دمــاغه كانت بتــاكله

- العمل الفني الأنسب لتوثيق 2011:
1- شرف الأستاذ شرف
2- شفيق يا راجل
3- رامي الإعتصامي

ثانيــًا،، أذكر تاريخ وأهداف ونتائج كلا مما يلي:
1- غزوة الصناديق
2- موقعة الجمل
3- غزوة ميكي ماوس

ثالثـًا،، أوجد وجه الشبه بين كلا مما يلي:
1- القذافي وتوفيق عكاشة
2- ميكي ماوس ونجيب ساويرس
3- الإعلامي العربي وأفلام الخيال العلمي


ربعـًا،، قوة الملاحظة:

(1)


أوجد ثلاث اختلافات بين الصورتين؟

(2)


أوجد ثلاث اختلافات بين الأمن والبلطجية؟

خامسـًا،، تاريخ:
- (شهداء 25 يناير،، ماتوا في أحداث يناير):
المناضل،، حمــادة هلال

1- علل،، موت شهداء 25 يناير بأحداث يناير؟
2- وما الفرق بين،، أحداث يناير وثورة يناير؟
3- أذكر مسمى،، لمن ماتوا بأحداث فبراير؟

- (هبطل السجاير،، وأكون إنسان جديد،،
ومن أول يناير،، خلاص هاشيل حديد):
نبوءة للمناضل،، شعبان عبد الرحيم

1- هبطل السجاير،، تشير إلى:
- أزمة الحشيش التي سبقت الثورة
- أزمة السجاير التي شاهدتها الثورة
- ارتفاع أسعار السجاير بعد الثورة
- كلمة لها دلالة خطيرة بالقاموس الماسوني

2- خلاص هاشيل حديد،، تشير إلى:
- متاريس ميدان التحرير
- سلاح الأمن المركزي الناري
- سلاح البلطجية الأبيض
- إشارة لعزل عز من أمانة الحزب الوطني

3- هكون إنسان جديد،، تشير إلى:
- إنسان ليبرالي
- إنسان إخواني
- إنسان سلفي
- إنسان أجندة خارجية

سادسـًا،، أذكر أهمية كلا مما يلي:
1- وجبات الكنتاكي بميدان التحرير
2- البونبوني بالثورة المضادة
3- تظغيط البط بالإنتخابات الرئاسية

:

كل من سينجح بهذا الاختبار سيحصل،، بالإضافة
لكارنيه جمعية القلة المندسة،، سيحصل على:
إقامة لمدة يومين (فول بورد) ببورتو طرة
بالإضافة إلى (خصم لمدة عــام)
على جميــع وجبات كنتاكي!




هناك 8 تعليقات:

  1. اختار الاجابه رقم 9 من كل اختيار

    الشهر خلص خلاص يالا بقا باقل الحق الحمله اللي بعديه :)

    ردحذف
  2. امتحان سهل ممتنع
    اسئلة من خارج المقرر وفي مستوى الطالب الثورجي :)
    تحياتي

    ردحذف
  3. هههههههههههههه
    لا احناواخدين الكارنية من زمان
    تحب نتوسطلك ولا حاجة :p

    ردحذف
  4. ده احنا كلنا كده هناخد الكارنيه ده عن جداره :D

    ردحذف
  5. http://www.stadelahly.com/news/details.php?newsID=8406
    رابط الموضوع

    ردحذف
  6. دة إمتحان تعجيزى لأن كل الخيارات صح فى كل الأسئلة
    بس أنا حأختار أول إجابة فى كل سؤال
    لأنى بصراحة طمعانة فى الجائزة
    أبدعت بجد و موتينى من الضحك و دى مهمة صعبة اليويمن دول

    تحياتى لك

    ردحذف
  7. الامتحان ده سهل جدا لكن فى سؤال غلط يا فندم و الطلبة عاملين يعيطو بيقولوا مفيش فرق
    الهطل و السذاجة و البلاهة و السماجة و العنطزة و الصباع اللى يشبه صباع ابراهيم حسن
    الطلبة مش عارفة تجاوب يا افندم ممكن تحذفى السؤال و توزعى درجاته على باقى الاختبار
    سوال يا افندم
    هى الاقامة 1 فول بورد 2 فول بالزبت الحار 3 فول اتوماتيك
    تحياتى

    ردحذف
  8. هههههههههههههههههه D: امتحان سهل خالص

    ردحذف

خلل براحتك من غير انتظار .. فتافيت أصلاً بتحب الخيار