إعلان مهم.. بعد غيبة

كل سنة وأنتم طيبين.. عيد سعيد على الأمة الإسلامية أجمع

طبعا أنا غايبة من زماااان.. وتقريبا الناس نسيت فتافيت أصلا

بس أنا بتابع كل المدونات الصديقة.. بشكل منتظم لكن ما بعملش كومنت
وما ردتش على كومنتس الناس هنا.. بس بعون الله يخلص
شهر أكتوبر وأرجع تاني :)

ما أتجوزتش زي ما قولتوا.. بس الفترة دية مش عارفة أكتب أي حاجة

المهم.. نجي للمفيد بقى اللي كتبت علشانه البوست ده

أنا عارفة أن فيه موهبين كتير أوي في فن القصص هنا

وعلشان كده.. قولت دية فرصة إنهم ينشروا قصصهم بدون أي تكلفة

فيه كتاب للقصص القصيرة.. للكتاب الشباب والموهبين الجدد

شروطه سهلة.. والناس اللي هتنزله أهل ثقة وأنا هشارك معاهم كمان

::الشــــروط::

1- إرسال خطاب يوضح فيه تفويض من العضو بنشر نصه وتوقيعه الشخصي
ورقم هاتفه واسمه الصريح لا تقبل الأسماء المستعارة مطلقاً
تحت نصه الذي يرغب أن ينشر في كتاب نص
ونسخة من النص على بريد الموقع
info@nus-sa.com

2- يحق للكاتب أن يشارك بأكثر من نص

3- يحق للكاتب أن يشارك بأي نص نشره في منتديات نص
(في حالة كونه عضو بها)
بشرط أن يكون النص المرشح للنشر له وليس ناقلاً من شخص آخر
وكذلك يشترط إن يكون لم ينشر في أي منتدى
أو مجلة أخرى بأي شكل من الأشكال


4- لإدارة الموقع التعديل في النصوص وفقاً لما تراه فنياً ومضموناً
حيث ستعرضها على محكمين مختصين في ذلك قبل الطبع

5- على كل كاتب أن يرسل سيرة ذاتية مختصرة مكونة مما يلي
الاسم ـ تاريخ الميلاد ـ الجنسية ـ المؤهل العلمي الأخير ـ جهة العمل
إصداراته ومشاركاته الأدبية والثقافية باختصار (إن وجد)

6- صورة من بطاقة الهوية الوطنية وبطاقة العائلة أم لم توجد للإناث

7- إدارة موقع نص تهيب بالكتاب الراغبين في نشر إبداعهم مسارعة
التواصل مع إدارة الموقع على البريد
info@nus-sa.com

بعد استيفاء متطلبات النشر في البنود السابقة

فيه جروب لهم على الفيس بوك
اسمه.. جروب موقع نص للرواية
وأنا اللي كريته كمان

ناس كتير شاركت.. بس لسه عايزين ناس أكتر

وأخر ميعاد للمشاركة 30-9-2009

نفسي كل الناس تشارك فيه.. ويكون فتحت خير على الكل إن شاء الله

وياريت كل الناس تسامحني على التقصير.. بس بجد

مجبر أخاك لا بطل.. أعذروني

بحبكم كلكم :)

فين جمعيات حقوق الانسااااان؟؟

غبت غيبة طويلة.. والله وحشتوني كلكم كلكم..
وميرسي اوي للي سأل عليا.. سواء هنا
أو على الميل أو في التليفون
ميرسي للي وحشته وما سألش عليا
وخدة بالك يا سوتايته ويا دودو :((

وحشتوني وحشتوني وحشتوني .. من هنا للسنة الجاية
وهارد على الكومنتس كلها .. انهارده وبكره إن شاء الله

الأول.. ده لينك مسابقة للقصة
وفاضل 4 ايام وتخلص
للي يحب يشارك فيها .. يضغط على
مسابقة القصص القصيرة

بعد ما نزلت البوست الأخير.. ومع زن ماما
اللي مالوش مثيل
وافقت إني اقعد مع العريس المنتظر
واتكلم معاه بعقل ومنطق
واحاول افهمه.. وماطلعش في القطط على رأي مامتشي
كانت فيه مقابله يوم 5 ابريل.. قبل يوم الغضب بيوم واحد

وسألته سؤال عادي جدا.. ايه رأيك في يوم الغضب؟؟
قاللي : ابو الغضب ده شخصية شريرة!!
مين ابو الغضب ده يا عم مازينجر .. قصدي يوم الغضب بتاع حركة 6 ابريل
قاللي: يا شيخة سيبك من الغضب وأهله.. كبري دماغك.
وبعدين الغضب بتاعك ده هايفشل.

وبعد ما كلامه اثبت كفاءة .. قولت يا سلام
يمكن ماما عندها حق
والواد اهو طلع بيفهم .. وفعلا قعدت
معاه قاعدة بعد البوست بيوم
القاعدة كانت الساعة 6 المغرب..
ومشي وانا على كلمة واحدة
ماخدوش يا بابا ماخدوش يا ماما

وماما وبابا لا حياة لمن تنادي
انت كبرتي ولازم تتنيلي وتجوزي
وطبعا الكلام اللوز بتاع الاهل بقى
نفسي افرح بيك قبل ما اموت
نفسي اشيل عيالك واطمن عليك قبل ما اموت
هو انت مستخسرة الفرحة فينا

وهم في رحلة الاقناع ديه.. اتصلت خالتي
وقالت ابن خال ماما
شاب في ريعان شبابه .. 30 سنة
مااااااااااااااااات
يالهوي .. لا حول الله
يا ماما يا بابا .. الواد ده بومة .. وفقر

ماما وبابا ما اقتنعوش .. وقالوا كده حرام
الواد مناسب.. وعنده وشغال....
وعدت ايام العزاء .. وفي اليوم التالت اجبرت اني استقبله
في البيت .. علشان يعزي ماما وبابا
قعد نص ساعة .. وفي الدقيقة 40 من وصوله
خالتي اتصلت؟؟؟؟!!!وقالت...
اخت مرات خالي .. ست في ريعان
شبابها40 سنة وزي الفل
ماااااااااااااااااااااااتت

قومت قايمة .. جري على اوطتي استخبيت
لا بركاته توصلني واموت وانا قاعدة :S

ده ايه العريس الدمار الشامل ده؟؟!
دخل عمل ابادة جماعية للعيلة خلال 72 ساعة
اتنين راحوا كده .. في تلت ايام
يالهوووي.. امال لو طول شوية

يعني ده اتجوزه .. ويوم الصباحية الناس
تقرا عليا الفاتحة؟؟

وطبعا بعد ما ماما وبابا كانوا بيقولوا حرام اقول فقر

قالوا .. ده الحرام إنه يزورنا تاني اصلا :))

الزيارتين .. بركاته طالت القرايب من الدرجة التالتة
يعني بعد الخطوبة الضحايا.. هاتبقى الدرجة التانية
وبعد كتب الكتاب طبعا هايبقوا الدرجة الاولى
وفي الصباحية اكيد انا الضحية.
:((

فين حقوق الانسان يا بشر؟؟؟؟؟
فين امريكا تيجي .. مش ده برضو
يصنف عريس محرم دوليا؟؟!

يعني اتنين تلاتة منه.. يزورا اسرائيل
ونخلص منها خلال اسبوع.

الواد ده اكيد.. جرثومي او نووي
يمكن يطلع فسفوري كمان.

انا بعتذر لحركة 6 ابريل
العيب مش فيكم صدقوني.. العيب فيه
هو عرف يوم الغضب مني
واول ضحية لبركاته.. كانت يوم الغضب

يلا الحمد لله اني.. خلصت منه
قبل ما يخلص على العيلة.
D:

مبسوطة اني عااااااااااانس

انا زهقت وقرفت بجد من ام الاسطونة اللي
بسمعها مليون مرة في اليوم

من ماما وخالاتي من تيته من صحباتي
المتجوزين واللي مش متجوزين حاجة تزهق

جالي عريس من فترة .. عادي يعني مانا طول
عمري بيجي ليا عرسان مش عجبه يعني

بس المرة دية الكلام بقى اوفر اوي بجد ..
خلاص مش قادرة

ماما ليل ونهار .. قايمة نايمة .. تقوللي

حرام عليكي شبابك بيضيع
ياااالهوي ياني يامه .. بيضيع ازاي بقى

كل يوم بترفضي عرسان ومش حاسة بالمصيبة ..
مصيبة ايه يا مامتشي؟؟!!

ان عمرك بقى 25 سنة وزيادة
انن ااااااااان تش ..

طيب وده الدوا بتاعه عضل ولا وريد؟؟
تابلت ولا شرب؟؟!.. خيبة لا يكون العمر الوحش
الشر بره وبعيد عليا

والله العظيم حرااااااااااام ..
ايه يعني 25 سنة ؟؟!!

ركبت طقم سنان ؟؟!!
والله العظيم ما خلعت درس

لبست نضرة قعر كوباية؟؟!!
اقسم بالله نظري 6/6

ماشية بعكاز؟؟!!
زي القردة والله العظيم

كرمشت وشبت؟؟!!
ابسلوتلي نوهاااااااائي

طيب ماله بقى عمر ال25 ده؟؟
ده انا لسه في عزي يا نااااااااس

يا بنتي حرام عليكي..
شوفتي السنة اللي فاتت جالك كام واحد؟؟
ما بعدش يا ماما .. العدد في الليمون كبري دماغك

لا بس انا بقى بعد يا فالحة
واحد في فبراير.. وواحد في ابريل
واحد في يوليو .. وواحد في سبتمبر
واتنين في عين العدو في نوفمبر
(دول بتوع 2008 بس)
عااااااااااا

طيب يا ماما ديه حاجة مبشرة جدا اهو.. مالك بقى؟؟!

انتي هاتهزري يا خبتي الناقعة..
انتي مش حاسة ولا بتستهبلي؟؟!

والله ماحسة بحاجة؟؟!.. ايه فيه ايه؟!

من نوفمبر 2008 لاخر مارس 2009 مافيش غير العريس ده اللي جه!

طيب وده خطر يا ماما يعني؟؟ انا كده دخلت مرحلة الخطر؟!!
يعني كده خلاص لازم نضحي بالام علشان الجنين يعيش

مش مكسوفة من نفسك وانتى طول الباب كده؟؟
الله ديه عقدة بقى علشان اطول منك!

جتك خيبة وانا قدك كنتي انتى واخواتك معايا

الزمان يا ماما بيختلف.. هو زماننا زي زمانكم
ثم ان ده قسمة ونصيب

اتوكسي يا خبية عمري.. ماكل صحابك اتجوزوا وخلفوا اهم!

مهم علشان بيتجوزوا وخلاص.. ولو كنت عايزة كده
كان زمان عندي اورطت عيال
لكن انا على جثتي

ااااااااااااااااااااه
(ديه ماما عضتني على فكرة)

هو حرام اني استنى الشخصية اللي تفهمني؟؟!!
حرام اني اقول يا واحد اعيش معاه
مبسوطة مرتاحة يا بلاش جواز؟!

يعني ايه اتجوز واحد
مش فاكرة اسمه احمد ولا محمد؟؟!!
يعني اتجوز واحد
مش فاهمني؟؟!

يعني ايه اتجوز واحد
مافيش بينا اي عامل مشترك؟؟!

يعني اتجوز واحد
علشان الناس ما تقولش عانس؟!

طيب انا بقى عااااااانس
وهافضل عايشة لوحدي كده
زي قرد قطع زي ما ماما بتقول

ومش هاتجوز ابدااااااااااااااا

الا الانسان اللي اوافق عليه
بعقلي وقلبي سوا

انسان يفهمني وافهمه
نفهم بعض يا ناااااااس

انسان يحترمني ويقدر دماغي
قبل يفكر في جسمي

حد يقول لامي تحل
عن نفووووووووخي

بدل ما اولع في المدونة بتااااعتي
وكل المدونات الصديقة

عااااااااااااااااااااااااااااا

:"(

صورة وتعليق.. عقدة بعيد عنكم!!

أجلس طريح الأرض, والمقعد مني قريب
فلقد تعلمت الدرس, الـمـقـعَـد حكر على شخص وحيد
لا يجوز الجلس أو النبس, إلا لغالي هــوَّ سيدي الرئيس

خبرين.. اعتذار.. تاج

اولا.. خبرين حلوين أوي
أنتصار تامر مبروك على شركة تراست الحمد لله

افتاح مجلة رؤية.. هي صحيح لسه صغننه بس بكره ان شاء الله هاتكبر
انا مشاركة فيها بخبرين عن الفنانين (ابقوا شوفهم بقى)

ثانيا.. عارفة اني مقصرة في حقكم كلكم واحد واحد

بس والله غصب عني, بقالي فترة طويلة مشغولة ويارب تخلص بقى

بس أنا صلحت النت تاني في البيت.. وهادخل لكم من البيت في الليل واخره
محدش يزعل مني علشان زياراتي قلت
ولا حد يزعل عشلان بتأخر في الرد على التعليقات
انا بحبكم كلكم.. وان كان عليا عايزة الزق في مدونتكم ليل نهار

ثالثا.. عم أحمد أبو العلا دبسني في تااااااج
وانا اول مرة ادبس في تاج.. طبعا ميرسي يا احمد

ويارب اكون ضيفة خفيفة على اللي مرر التاج لاحمد

واظن انها الجميلة كفاية طيبة

اسمك؟
رحاب.. يلا انشالله ماحد حوش

المشهور بيه وسط اصحابك؟
اصحابي او زمايلي اللي في الشغل..
RoRaZ
اصحابي اللي بره الشغل..
Reeka


سنك؟
فتافيت ربع قرن.. هايبقى قد ايه ..
ربع قرن والعوض على الله s:

مجال دارستك؟
الإعلام.. إذاعة وتليفزيون
الست المذيعة يعني

اسم مدونتك؟
فتافيت ربع قرن,, ليه بقى علشان الاسم عجبني
اكمان انا حاسة ان الدنيا فتافيت كتير اوي اتجمعت مع بعض عملت الدنيا
زي كده وصف المدونة بتاعتي ماهو بيقول
هي الحياة ايه غير شوية فتافيت فوق بعض؟!

بس كده ده كل الموضوع

صورتك الرمزية فى المدونة بتعبر عن ايه؟
انا بعشق العيون.. وبحب اوي صور البنات الملثمة
بحس فيها بغموض وسحر وجمال

هل فكرت فى اغلاق المدونة ؟ والسبب؟
لا لسه ما وصلتش لكده.. انا بقالي بس شهرين في التدوين
الله اعلم بكره فيه ايه.. بس انا بحبها وماقدرش استغنى عنها بجد

ايه رد فعلك لو حد قل ادبه فى تعليق ؟
هههههههههههه.. لو الكلام فيه وقح واباحي هاحذفه
لكن لو الكلام مجرد قلة ذوق وقلة ادب في الاسلوب
هارد عليه.. وممكن كمان اضحك الناس عليه
بس من غير ما اقل ادبي

اسوأ مدونه؟
المدونات كلها اللي ضد الحجاب والنقاب
ومدونات التنصير والمرتدين
كمان مدونة واحدة مش هاكتب اسمها.. ربنا يهديها بقى

هيحصل ايه للايميل بعد ماتموت؟
ها يتيتم يا قلب امه.. :"(

اديت الباسوورد لحد قبل كدة؟
اها مرة عملتها.. بس غيرت بعد كده الباس ورد
بس الايميل عندي.. مش حاجة مهمة اوي يعني
مافيهوش اسرار اصلا

السفر بالنسبالك ايه؟
انطلاق وحرية.. بموت فيه

الموود بتاعك ايه ؟
انا ماليش مود ثابت.. مودية ومتقلبة
بس التفاؤل والضحك هو اللي غالب عليا

بتعمل ايه فى وقت فراغك ؟
بقرا بكتب.. بلعب مع قطتي


الأكلة المفضلة ؟
القلقاس الأخضر.. الحمام المحمر..
ومحشي ورق العنب.. الكرشة والمومبار..
الاكل الاسياوي.. البيتزا

الصفات التى اخذتها من والدك؟
العصبية.. والنقد الاذع وفيه مقولة كده
بتقول من حق الكبير يدلع
انا اتعلمت من بابا كده برضو :)

الصفات التى اخذتها من والدتك؟
العصبية.. الحاسة السادسة.. وخفة الدم
(ده لو دمي خفيف زي ما بيقولوا)
والرضا باللي ربنا قسمه ليا

اكتر ست حاجات بتكرههم ؟
الكدب
الخيانة
التشاؤم
الحزن
الحزن
الحزن


اكتر ست حاجات بتحبهم ؟
أسرتي
التفاؤل
الأطفال
السفر
الأكل اللذيذ
قطتي

شخصيتك نوعها ايه ؟
توشيبا العربي عاااااااااا
انا عندي تأكيد الذات عالي اوي
مرحة ومتفائلة وفضولية
واقعية وخيالية مع بعض
عقلانية ورومانسية برضو مع بعض
يعنى مجنوووووووووووونة
بضمير مرتاح... :)

لماذا دخلت عالم التدوين من الاساس؟
علشان انا بحب الكتابة جدا.. بالعامية
وده ممنوع في شغلي.. كمان كنت عايزة مكان اقول فيه اللي عايزاه
مش اللي عايزه صاحب الشغل.. او اللي عايزه الناس
انا اقول اللي شيفاه وبس.. ابقى رئيسة جمهورية نفسي
لا حد يقوللي فلان يزعل.. ولا علانة تتضايق


احلى جملة قيلت فى وصف مدونتك؟
أي تعليق بجد بفرح بيه جدا وبيقى غالي جدا
بس طبعا اول تعليق له مذاقه الخاص
كان من مصطفى.. صاحب مدونة تكوين


اهمية التعليقات بالنسبالك؟
ايه فايدة اغنية حلوة.. لو ملاقتش اللي يسمعها
التعلقات هي الفيد باك بتاعي .. اللي بحس بيها اني عملت حاجة
كلمة الله لما بتتقال ليا.. بفرح بيها اوي
وكمان لما بيكون فيه نقد بناء.. بيسعدني جدا

احلى بوست كتبته؟ ضع اللينك ثم اذكر لماذا؟
فتفوتة استثنائية عن غزة الأبية
كان بيقول الحقايق في وقت ناس كتير مش فاهمة حاجة
كمان علشان تامر دياب كان اول مرة في حياته يبقى
اول تعليق وكان فرحان بكده عااااااااااا


افضل مدونة قرأتها؟

كتير جدا طبعا.. بس انا عندي زهيمر
هاقول كمان الاسماء بتاعة المدونين مش المدونة
بس محدش يزعل مني بجد.. والله هاعصر مخي على قد مقدر

تامر دياب
ستيته حسب الله الحمش
احمد ابو العلا
تامر علي
همس اليل
د. عرفة

عاشقة وغلبانة
عاشقة الرومانسية
مسدس صغير
كاتب مصري
ادم المصري
احساس لسه حي

حسام غانم
ايوشة
صفاء
المعتصم
نبض الحياة
حياتي نغم
اسافوووو
بحر الدموع
شباك موارب
بنوتة
غروبتي
بندقة
حاسوبايته
زوجة عنيدة
الفقيرة لله ام البنات
لورانس العرب
che
lady E
elsha3er
Soul.o0o.Whisper
mosfa
MǿиY El-Shreef
سحساوي
كفاية طيبة
كيارا
ريمان
ايمان
محمد غالية
البنت المشميشية
محمد ابراهيم
م/ علي دوريش
لوجين ابو الدهب
سوووووو
تامر نبيل
صمت المشاعر
القدر وأنا
امبارح كان عمري عشرين
فشكول
أبو العريف

يامرك يا فتافيت.. مش فاكرة الباقي :(

اللي ما قولتش اسمه حقه على راسي
والله عماله اعصر في دماغي
بس انا بحبكم كلكم والله

افضل بوست قرأته؟
العبر والدروس في أصول البحث عن العريس والعروس
للمبدع الجميل تامر علي.. بتاع الجلاش
الضحك اللي ضحكته في البوست ده.. عمري ما ضحكته في حياتي
بجد مووووت من الضحك وعزة جلال الله..
كمان بيناقش بجد قضية فظيعة
الطلبات العجيبة اللي بقيت عند الرجالة
(مجازا) في زوجات المستقبل...

الشغل بالنسبالك ايه؟
شغل.. واحيانا مضيعة للوقت
وكتير يعععععععععع :(


الانترنت بالنسبالك ايه ؟
حيااااااااتي.. انا باكل وبشرب
وبقعد على النت


تمرر التاج ده لمين ؟
احمد مرر لناس كنت هامرر لهم التاج
فانا هامرره لاول 5 اشخاص
هايعلقوا على البوست ده..
بس بشرط ما يكونش اتمرر لهم قبل كده
يعني ممكن يا حلو تبقى التعليق رقم 50 وتكون
ضمن اللي هايدبسوا قصدي هايجابوا التاج
وكل واحد يقول جاوبه ولا لا..
واحساس لسه حي .. ده اجباري هايجاوب
والله لو اتمرر له 100 مرة قبل

كده.. ليه بقى مزاجي

:))

باقة زهور حمراء

يطوي آخر ورقة أمامه, وقد ضاق صدره غيظا من هذا الزحام, ويتساءل غاضباً:
"تباً لهم!, كيف اتفق كل هؤلاء على تلك المؤامرة؟!!.. ألم يجدوا سوى اليوم حتى يأتوا به جميعاً؟!!".

يوقع بالانصراف على عجلة من أمره, والقلق يملؤه, وكل ما يجول بخاطره؛ مؤكد لن تغفر تأخيري عنها بهذا اليوم!!...
ولكن يعود ليطمئن نفسه قائلاً:
"قلبها يشع طيبة, حتماً ستغفر لي؛ ومن يغفر لي إن لم تغفر حبيبة عمري؟!!".

يهرول لسيارته, ويزيد من سرعته مخترقاً كل الإشارات المرورية!!.. ضارباً بوابل المخالفات المنهالة عليه عرض الحائط!, فأي مخالفة أصعب من دمعة تترقرق بجفونها بسبب تأخيره عنها اليوم تحديداً؟!!.

يتلفت بجنون نابشا كل الأرصفة كي يجد بجوارها مكانا يركن به سيارته!!.. ولكن مؤامرة أخرى تحاك ضده, مثلما أتفق عملاء الشركة على الحضور جميعا بهذا اليوم, اتفق سكان المنطقة على أن تركن سياراتهم أمام متجر الزهور اليوم أيضا!!.

يتركها بمنتصف الطريق, كسهم يندفع لداخل المتجر منتصباً أمام باقة زهور حمراء بديعة المنظر!!, تأتي له العاملة حاملة باقة الزهور البيضاء التي اعتادت على تحضيرها له يوميا منذ عدة سنوات!!.. ولكنه يختار الحمراء لهذا اليوم!!

يقف ليدفع ثمن باقة الزهور الحمراء, ويترامى لمسامعه همس العاملة وزميلتها قائلتان:
"- ترى ما سر الباقة الحمراء لهذا اليوم؟!
- عجبا وهل انكشف لغز الباقة البيضاء اليومية لتشغل بالك الحمراء الآن؟!!"

أدار وجهه نحوهما, فاحمر وجهيهما خجلاً, لم يشغل باله كثيراً فلقد اعتاد الهمس منذ عدة سنوات, ابتسم ومضى قدما لخارج المتجر, كي لا يزيد من تأخيره عليها!!.

تتعالى أصوات السائقين بالخارج بسمفونية سب لصاحب هذه السيارة الملقاة بنصف الطريق, ولكن لا يعبئ كثيرا بهذا الأمر!!.
يفتح باب السيارة ليضع الباقة الحمراء بالمقعد الخلفي, ويركبها بهدوء وبرود!!, وقد انفجر كل من حوله بوابل من الألفاظ النابية, أغلق زجاج النافذة, فتلك النوعية من السمفونيات لا تستهويه حتى لو عزفت خصيصاً له!!, وينطلق بطريقه لها.

يصل أخيراً عندها, يدخل مسرعاً والشوق يسبقه, حاملا بين ذراعيه باقة الزهور الحمراء؛ وتجلس هي منتظرة إياه, كملاك نزل من السماء, بفستانها الأبيض الخاطف للنظر, وقد ملئ عطرها المكان بعبق الجمال والسحر.

يقترب منها فتبتعد عنه!, فلقد ملت انتظاره, وابغض شيء بالكون الانتظار!؛ فيحاول استعطاف قلبها الحنون قائلاً:
"سامحيني حبيبة عمري!, هم من تأمروا علي هذا اليوم, صدقيني..؛ لم أقصد أبداً أن أتأخر عليكِ!"

تنظر له وكادت أن تبتسم لولا حزنها الشديد من تأخيره عنها بيوم ميلادها, فتأبى أن تنفذها وتدير وجهها بعيداً عنه مرة أخرى, فيقترب هو ليعيد محاولته ويقرب باقة الزهور الحمراء منها قائلاً:
"انظري, اخترتها اليوم حمراء.. كل عام وأنتِ زوجتي وحبيبتي, وحدك من بين نساء الكون أنيسة وحدتي!!"

يرق قلبها الحنون لحبيب عمرها, فترفع خصال شعرها المنسدل على جبينها, فيضاء الكون ببدر ليلة التمام, وتبتسم له حاضنة بين عيونها نظرة تتوقف عندها الأزمنة, وتنحر تحت أقدامها الساعات!!.

يسمع صوت خطوات آتية من الخلف, فتقفز هي بالداخل مسرعة!!, وينظر خلفه غاضباً.. فيجد حارس المقابر أمامه ويقول بعجب:
"تعيش وتفتكر يا بيه, هو حضرتك كنت بتكلم مين؟؟!!"

لم يعيره أي اهتمام, واقترب من قبرها, ليزيح باقة الأمس البيضاء, ويضع زهور عيد ميلادها الحمراء, هامساً لها قائلاً:
"أحبك واقعا أحي به وحدي..
أحبك نغما يجتاحني بلحظات صمتي..
أحبك حقيقة لا يعلمها أحد سوى قلبي..
انتظرك بساطا يعبر بي لجوارك؛ بداخل قبري...!!!!"

حبـــك يا مــــامـــــا.....

حاولت كتير أكتب حاجة.. ملاقتش كلام أقوله بجد

صعب جدا حد يوصف حبه لأمه بسهولة.. بس حاولت

مـــــــامــــــا....

مش عارف اوصف احساسي مهما فضلت اقول واعيد

اصل حبـــــك مش حب عادي ده كل يوم جوايـــا بيزيد
حبــــــك يا أمي زلزل كيــاني رغم انه قوي وشــديــــد
حبــــــك اسر قلبي وحيـــاتي مع ان قلبي صعب وعنيد

مـــــــامــــــا....

عارفة بحبـــك قد ايه يــا اغلى من عمري انــا؟؟

حبـــــــك في حياتي تـــلاقيه ســر فرحي والهنــــا

حـــب فتحت عيني عليه وعلمني معنى الرضـــــا
و يوم مـا جرحي يناديه يبقى جنبي حضــــن ودوا

مـــــــامــــــا....

يا أول كلمة نطقها لساني قبل ما يعرف معنى الكلام

يا نعمــــة ربي ادهالي تملى عمري حــب وســــــلام

يا شمعة على نورها انا ماشية تمحي بدروبي الظلام

يا ملاك مهما شاف مني عمره ما عاتب بكلمة مــلام

مـــــــامــــــا....

ربي يخليـــــكِ ليـــا ... يا وصية مســـك الختــــام