28 فبراير 2009

يالهوووووووي.. هانموت منفجريييين


عارفة ومن غير ما تقولوا .. ان قناة فتافيت الاخبارية وحشتكم جدا
ده شيء بديهي يعني مش محتاج اي ذكاء

فتفوتة اللولبية في القلب مدارية
بجملة عاميل الاخ فقراير معايا.. يعني

فتفوتة مراسلة قناة فتافيت.. قالت ان عندها خبر جديد.. محلي والمرة ديه مش من بعيد
سمعت الخبر يا ولاد.. وجالي بوادر تخلف مغولي.. على جنون بقري
مع علامات انفلونزا طيوري

قال ايه يا سادة يا كرام.. يا مدونين يا غالين

الشرقية (مسقط رأسي ومكان سكني)

مستهدفة وعليها حراسة مشددة

قال ايه يا اوختشي.. سيدة مغربية خلتها مهددة.. لما دخلت الشرقية مفخخة
وقال ايه.. معاها يا اوخويا متفجرات موجهة
علشان تخلي الشرقية مأساة انسانية.. عبارة عن مكس ملوخية بمهلبية وعلى الوش اشلاء بشرية

ما تصوتي يا ولية انتي وهيه.


فتفوتة قالت.. حاولت يا فتافيت اعرف ايه السبب .. فان عرف السبب بطل العجب!!

فيها ايه الشرقية.. يستعدي عملية ارهابية تفجيرية؟؟

قالوا دهيه.. محتاجة معجزة الاهية .. علشان تبقى محافظة لها فائدة قومية.

طيب يا ناس ليه مستهدفة .. اذا كانت بين المحافظات متدينة!!
وفيها الاف الطلاب من اسيا وافريقيا .. بيدرسوا دين واصول شرعية!!
مش برضو علمونا ان الارهاب دقن ونقاب.. طيب ليه بقى الشرقية مستهدفة؟؟
ولا هي دقن ونقاب على السوياح.. علشان يلاقوا حد تبقى له التهمة ملفقة؟؟

قولت لفتفوتة خاسئتي يا ملحوسة يا مغفلة.. الشرقية مهددة علشان فتافيت فيها مظأططة
امال هي فتافيت شوية.. ولا اقل منها .. ولا هم اللي بيستهدفوا لهم قيمة عنها
عندها قناة اخبارية.. لولبية جهنمية مافيهاش اتفاقات مستخبية
مش ده كفاية سبب لعملية ارهابية تفجيرية؟؟


طيب يا جماعة.. اللي سبق له وخدم في منطقة مستهدفة,
ايه الاحتياطات الوقائية من المتفجرات اللي بيها الشرقية مهددة؟؟

يعني نعمل مظاهرات نطالب مع كل ازازة زيت وباكوين سكر في المعونات الحكومية
يصرفوا لينا قمصين ضد الانفجارات الفجائية!!

ولا نطالب بقانون مرور جديد لازم لكل مشاه خوذة وقائية
ده طبعا حفاظا على الامخاخ المصرية العبقرية!!

ولا نعمل بوابات مرور على الطريقة الاسرائيلية في كل الشوارع المصرية
ولازم التفتيش من الامن قبل المرور واظهار الهوية الرسمية!!

ولا نزل الباليه مادة اساسية في المناهج المصرية المدرسية
علشان نمشي بخفة في الشوارع لانتكعبل فقنبلة مدارية؟؟

ولا بدل الموبايلات نشتري اساور بدائرة الكترونية
علشان بعد الانفجار نعرف نوصل للاشلاء المفقودة والمستخبية؟؟

ولا ننزل ارشادات بمنع التجمعات العائلية تحت اي ظروف استثنائية
ده حفاظا على العائلة من الانقراض لو صادف التجمع عملية انتحارية!!

طيب المواصلات نتصرف معاها ازاي في الازمة ديا؟؟
اه نقضيها برشوطات وناخد كرسات في الصاعقة والجوية!!

طيب المدارس والاشغال والالتزامات الوظيفية؟؟
اقولكم نطالب ببيات شتوي واجازة رسمية!!

قلبي وجعني .. وخايفة امشي في اي مكان لوحدي او حتى مع بشرية
لفجأة تظهر ليا المغربية ومعاها متفجراتها المعنية

طيب يا حكومتنا الجليلة الصاحية وعلى سلامتنا خايفة ومحافظة
كنت فين يا حبيبتي لما المغربية دخلت عندنا المحافظة؟؟


والمتفجرات دخلت ازاي للبلد مع الست المغربية؟؟
ولا هربتها زي الموبيلات على الطريقة المصرية للتهرب من الرسوم الجمركية؟؟


اه نسيت اقولكم يا ولاد معلومة اضافية


المعلومات دية سرية عند قواتنا الامنية
بس داخل المحافظة بقت زي لبانة.. في بوق كل ولية على المصطبة ساعة مغربية.

وماتجبوش بقى سيرة فتفوتة اللولبية.. لتاخد في الحملة اللي جاية.

لو غبت عليكم اكتر من يومين غيبة مش عادية
يبقى كنت انا ضحية من ضحايا الولية المغربية.

دمتم سالمين يا مشاهدين .. قناة فتافيت الاخبارية.

هناك 103 تعليقات:

  1. هااااااااااااا أول تعليق
    ههاااا

    ردحذف
  2. ههههههههههههههههه

    ماشي يا هندسة.. بس حاسب والنبي من المتفجرات .. لاتكون في المدونة مستخبية

    ردحذف
  3. هههه

    بوست جامد جدا

    لا لا لازم تخدي احتياطات جهنميه
    الصبح تشربي مهلبيه
    ديه بتحمي ضد المتفجرات الفجائيه

    وبقية اليوم تكلي عسليه
    تشوفك المغربيه تفتكرك فتفوته محليه
    تصعبي عليها وتشتريلك كيلو ملوخيه

    ردحذف
  4. ههههههههههههههههه
    سكر اي فتفوته

    بس خلى بالك من نفسك بقى انتى اصلك مش حمل متفجرات
    انت مفتفته جاهزه
    D:

    ردحذف
  5. هههههههههههههههههه

    انتى دمك شربات بجد

    خالى بالك بقى لحسن فعلا تبقى الضحيه الجايه

    اول مرة اتفرج على القناة على فكرة

    بس حلوة قوووى

    المرة اللى فاتت ماكنش الارسال شغال

    ابقى قوليلى بقى المواعيد علشان اتابع (:

    ردحذف
  6. بسم الله الرحمن الرحيم
    السلام عليكم ورحمة الله وبركاته
    مراسلتنا الهمامه فتافيت
    تحياتى
    لأ بقولك ايه عاوزين ننقل مكان محطتنا الاذاعيه فى مخبأ سرى كده علشان دا هو اكيد اللى مستهدف
    وكمان انا هبعتلك شوية صعايده بودى جارد ضد الانفجارات يعنى تمشى فى وسطهم مطمنه مليون الميه ولا حتى صواريخ امريكا هتأثر فيهم
    وانا عاوزك تفضلى ورا الموضوع ده لما تجيبى قراره وبعدين بما انى رئيس حلف ابرايجيبت المستقل انا هخلى الرجاله المتخفيين عندكم يدوروا على المغربيه دى باى شكل ويمسكوها (لاحسن بعد ماتعمل عملتها عندكم تقول اروح لاولاد عمكم)ولا ايه ؟ محدش يضمن الظروف
    خلى بالك من نفسك لحد ماالمدد يوصل
    ههههههههههههههههههههه
    تحياتى ودمتى بكل خير وود
    والسلام عليكم ورحمة الله وبركاته

    ردحذف
  7. ههههههههههههههههههههههههههههههههههه


    عثل بجد يافتافيت

    والشرقاويه زنبهم ايه بس هههههههههه

    قناه حثل حثل حثل والاحلي المذييييييييحه بتاحتها

    ردحذف
  8. حلوة النشره ديه

    خلي بالك من نفسك

    ليحصل حاجه

    ونحرم من النشره ديه

    ربنا يبعد عنك شر المتفجرات القنبوليه

    والوليه المغربيه

    ردحذف
  9. هههههههههه
    اسلوبك المرة دى روعة جدا
    حلو أوى اوى
    ايللي يشوف طريقتك يفتكرك بتتكلمى عم مسرحية لعادل امام مش عن متفجرات
    ههههههههه
    تحياتى ليكى

    ردحذف
  10. هههههههههههههه


    هههههههههههههههههه


    ههههههههههههههههههههه


    ايه العسل ده يا فتفوته انتى

    ههههههههههه


    متفجرات ايه بس

    ده زى ما يكون انتى بتحكى عن مواقف وطرائف

    والله زى العسل


    اه نسييييييييييييت

    الواجب عليا اصوت بقه

    يالهوووووووووووووووووووووى

    هههههههههههههه

    كفايه مره واحده

    المهم كنت عايزه اقولك على حاجه

    بينى وبينك كده


    بصى يا قمر

    بلاش تدخلى تانى عن قذره الصحراء ولا تتناقشى معاها دى خساره فيها الكلام اصلا

    عارفه

    انا اصلا مقاطعه اى حد بيدخل عندها او اى حد بيتابعها

    هو فعلا ده الحل اننا نقاطعها ونقاطع كل اللى دخل عندها كمان

    منتظره ردك يا قمر

    تحياتى ليكى

    ومش تتاخرى بقه علينا

    ردحذف
  11. ههههههههههههههههههه

    دمك شرباااااااااااات

    اول مره اجى

    بس اكيد هاكون من المتبعين

    ردحذف
  12. اول مره ليه هنا بس يستحيل تكون اخر مره




    زبون دائم انشاء الله



    وبجد خفه دمك تحفه

    ردحذف
  13. السلام عليكم
    قامت قوات الشرطة بالقبض على عدد من المشتبه بهم فى قضية تفجيرات الشرقية وقد أدلى السيد اللواء وزير الخارجية بتصريحات قال فبها أن الحادث إستهدف الإضرار بأمن وسلامة الشرقية .
    كان معكم مراسل قناة فتافيت الإخبارية

    ردحذف
  14. عزيزتى

    طب والغربيه ملهاش نصيب فى المتفجرات دى

    اصل دلوقتى الناس فى عرض اى حاجه

    خايفين من الازمه العالميه

    والارهاب هيخف حبه شويه

    ما الازمه على الكل

    انتى قطعتى البلد باقى فيها ايه

    تحياتى

    انا زى ريمان

    مقاطع قطه

    وكل اللى بيخشوا عندها

    علشان الف حاجه لو تحبى اقولهملك

    سلام

    ردحذف
  15. ههههههههههه متخافيش الناس اللى دمها سكر زيك مش بتخاف عليهم

    ردحذف
  16. واحده مغربيه .... راحت الشرقيه .... علشان تعمل عمليه إرهابيه ..... والله دي حاجه غبيه ..... لابد من خطة أمنيه .... تعيد السكينة والحنيه ..... وتطلع الست المستخبيه .... يا إما كل أهالي الشرقيه ... يدعو عليها دعوة وليه .... ساعة مغربيه .... القنبلة تتفجر فيها هي .... والعاقبة عندكم في مقر "الحبيبية العادلية"

    ردحذف
  17. انتي طول عمرك كدا مستهدفه
    مره من سواقين التاكسي(جوزين تيران)
    هههههههههههههههههههههههههه
    والمره دي كمان متفجرات وعمليات ارهابيه

    خلي بالك اصل التالته ..............
    هقولها برضو التالته تابته

    هههههههههههه
    خلي بالك بقى من نفسك

    ردحذف
  18. يابنتى دى اشاعات
    اوعى تصدقى
    وعموما طريقتك كالعاده رائعه
    ههههههههههههه
    حاسبى على نفسك
    بعدين ما نلاقيش مراسله زيك والقناه تقفل

    بعبك بعبك

    ردحذف
  19. ليه كده يا فتفوتة يا بنتى ؟؟
    مالك ومال الحكومة؟؟
    ارجعى لعجلك يا بنيه..
    الكلام دة مش هيجيب نتيجة واصل

    وممكن الولية المغربية تفجر نفسها فيكى فى ساعة عصرية..
    حاسبى على نفسك يا بتى وخافى على اخواتك.
    مصر امانة فى رقابتك...

    ردحذف
  20. جاااااااااااااااامد جدا

    والوزن مظبوط وتمام

    خليكي صاحية بقى عشان تغطي التفجير تغطية حصرية

    ردحذف
  21. يالهوي
    تموتوا متفجرين؟ ان شا الله العدوين

    طيب ايه رأيك نعمل قدام بيتكوا سد من الرمل وكل منكم نشتري ليه واقي من المنتفجرات

    طيب اسهل نمشي نقول للناس سلام عليكم واللي يرد بلهجة مش مصرية نفجره هو ونخلص هههههههههه

    ردحذف
  22. هههههههههههههههههههههههههههههههه


    يا ستير ايه النصايب دى

    ابعدى بقه اليومين دول

    لحسن منشفكيش فى البوست الى جاى

    ردحذف
  23. يارياق انت يا اللي احلي من المهلبيه
    وحشاني موت يافتافيت

    سيبك من الشرقيه وتعالي الغربيه
    احنا في الخدمه
    ههههههههههههههههههههههه

    ردحذف
  24. اية الجمال دا
    مشاء الله

    وشكرا لزيارتك مدونتى المتواضعة

    تحياتى ليكى يا فتفوتة :D

    تقبلى مرورى

    ردحذف
  25. لا لا بعيد الشر ياقمر يعني الي جاي هيفجر مايلاقيش غير الشرقيه مايروح يدجعن ويفجر حاجه كده

    ردحذف
  26. هاتوحشينا يا فتافيت

    ههههههههههههه الله يرحمك بقي

    بس أنا لو اعرف ان الشرقية مستهدفة كنت هجيت منها

    وعلى ايه انا هالم خلاجاتي واهرب من دلوقتي أحسن ههههههههه

    بوست جميل أوي يتميز بالسجع والاطناب ( متسأليش إزاي بس هو كده )

    ردحذف
  27. فتافيت

    فتافيت

    فتافيت


    انا اول ما قريت فكرت اول حاجة ادور عليكى اطمن

    انتى موجودة ولاقبلتك الست المغربية

    والصراحة انا مش مطمنة انتى مش رديتى الا على اول تعليق

    لا طمنينا عليكى

    انا هسيبك وافتح اى قناة فى التليفزيون اشوف فى اى اخبار

    وكويس انك قولتيلى عشانم مش هروح هناك الفترة اللى جاية اصل اهل ماما من هناك


    تحياتى

    ردحذف
  28. شاكرين على النشرة الإخبارية وخدى بالك من المتفنجرات
    دمتى بكل الود

    ردحذف
  29. هههههههههههههههههه
    كوكوكوكو
    فقد أطلق الديك الصياح
    وسكتت شهرزاد
    عن الكلام المباح
    لأنه قد طلع الصباح

    ردحذف
  30. انتى مقبوض عليكى يافتافيت

    لنشر اشاعات مغرضة

    وانقلاب على العادات والتقاليد اللى هو الصمت
    هههههه


    بوست مميز فتافيت

    ربنا يكرمك

    تحياتى

    ردحذف
  31. مش ملاحظة أن العمليات الرهابية الي بتستهدفك كترت من ساعة مخنقتيني بموضوع الواد ميسي ده
    مع اني سامحت خلاص ونعمة

    ردحذف
  32. الأرهابية *
    يادي النيلة

    ردحذف
  33. فتفوتى بعد الشر عنك من الفجرين
    بس أقولك ايه؟
    هتوحشينا والله
    سلامى بقى لكل الشهدااللى عندك الله يخليكى

    ردحذف
  34. فتافيت
    ايه ده اظن انك حتى انت ختقولي الارهاب عملة مغربية الصنع
    ادي كده فكرتكم عن المغاربة وحشة
    فتافيت
    الارهاب مش عملة مغربية و لا حتى اسلامية و لا يهودية و لا مسيحية
    الارهاب عملة للفقر و التهميش و الاقصاء
    الارهاب هو اللي بتعملوا دولنا على الشعوب من اضطهاد و قمع و اعتقالات بالجملة في صفوف المناضلين
    الارهاب اللي بتعملوا امريكا و صنيعتها اسرائيل في العراق و فلسطين و افغانستان
    الارهاب اللي بيعملوا صندوق النقد الدولي و منظمة التجارة العالمية والراسماليين و املاءاتهم لدول العالم الثالث و اللي بياخدوا بها اللي متسلطنين على رؤوسنا بالرغم منا وضدا على مصالحنا
    مودتي

    ردحذف
  35. يبدو فعلا انك السبب اللى خلا الشرقيه مستهدفه

    لان نشره الاخبار دى مش متوفره حتى فى الجزيره و

    غالبا الجزيره هيا اللى مولت العمليه دى

    و بكره التحريات تثبت لك

    ردحذف
  36. لأ يا فتفوتة
    خلى بالك من نفسك
    أصل دى عملية استراتيجية
    جاية فى ساعة مغربية
    فى الحسين و الصانية
    وبكرة عندك فى الشرقية .
    و الحكومة غير معنية .. كل مواطن بيتحمل المسؤولية
    هى دى وجهة نظر الحكومة المعادية
    للشعب الى يستهون بكل قوية

    ولا أقولك .. دى حاجة عادية
    بيكدس فى قوات أمنية
    لأجل الكرسى و حماية السلطوية
    ولما نتكلم بيقولوا علينا فوضوية
    ولما نسكت يقولوا علينا أحنا التخلف و الجاهلية

    والى ماتوا منفجرين
    على الأقل مرتاحين
    واحنا الدور يا ترى على مين ؟
    وهنموت أزاى عاملين ؟
    مشويين ولا مسلوقين
    ولا غرقانين فى وحل وطين
    ...
    الحكومة مهملة
    ودايماً بترمى البلاوي الى مش عارفة تواجهها على الشعب .
    وبصراحة ماليش ولا جواب على ولا سؤال من الى انتى سألتيهم
    روحى أسألى القوات الأمنية الى عندها المعلومات السرية .. أيوة فعلاً ..
    سرية علينا أحنا الشعب الحرامية
    مخربين و بلطجية
    حد ليه شوق فى حاجة يا أفندية
    ..
    نستكفى بذلك القدر من المسرحية
    علشان المخبر ابو بالطوو وطاقية
    قاعد فى الكرسى التالت و فى ايده كلابش وبندقية
    هههههههههههههههههههههههههههههه

    ســـــلام
    على فكرة مدونتك رائعة وأعتقد ان الهتمام الأخبارى واحد
    ربنا يوفقك يارب

    ردحذف
  37. ياااااااااااه ايه الاخبار السخنة دى
    شكلك كده روحتى العين السخنة
    ياااااااااااه وكمان خبر شغاااااااال
    شكلك لا تعانى من البطاله ولا ازمة اقتصادية

    والاذاعة موجهة علشان ساكنة فى الشرقيه
    وكمان الست المتفجرة مغربيه
    يبقى اكيد ليكى ضلع فى الجامعة العربيه
    وقال ايه جبتى سيرة الدقون والحجاب والنفاب والباليه الحركى والحسى
    ماتكونيش من تنظيم القاعدة

    اه
    عليكى وانتى مشرفة فى ابو زعبل
    وقابضين عليكى وانتى فوق دماغك دش اقصدى تشت
    ومعاكى الادوات المحرمة امريكيا


    طيب سلام
    علشان انتى مفتفته اصلا" هووووووووووووووووووووف

    ردحذف
  38. طب خلى بالك على نفسك بقى يافتفوتة لاننا عاوزينك دايما معانا .
    وان شاء الله تفرحينا بااخبار حلوة وتقوليللنا انهم قبضوا ع الست المغربية .
    تحياتى.

    ردحذف
  39. تصدقي انا شرقاوي و شايف ان البلد علشان نعرف نعيش فيها من زحمتها و شوارعها الضيقة ان اسلم حاجة تتفجر و يعاد تخطيطها علي نضافه

    تحياتي

    ردحذف
  40. لا انتى لازم تشوفى حرس يكون جامد لان انا متأكد انك انتى المستهدفة انتى شخصية سياسية وكفاية اخبارك اللولبية ههههههههههههه

    تحياتى

    احمد الشاعر

    ردحذف
  41. السلام عليكم / كيف حالك يا فتفوته ؟ ربنا يحفظكم يارب من كل سوء ، دمتى بخير .

    ردحذف
  42. فتفوتة ...

    الاول : السلام عليكم و رحمةالله و بركاته

    الثانى : معلش على التأخير

    الثالث : اهئ اهئ اهئ
    باين عندى فى الريدر ان البوست بئاله يومين
    و انتى مش دخلتى علقتى على الناس

    يا حسرتاااااااااااااااااه عليكى يا فتفوتة
    والله كنتى بنت طيبة
    و مذيعة مية مية

    هييييييييييييييييييه
    الله يرحم أيامك يا فتفوتة

    مين هيرجع يقولنا على الاخبار المستخبية
    و التفجيرات الفجائية ؟؟!!..




    يارب

    يارب

    يارب

    تحصل المعجزة و نلاقى فتفوتة فى وشنا
    ههههههههههههههههههههههه






    سلام يا قمر

    ردحذف
  43. Eng. Ahmed Abo El-Ella

    بيييييييييييس بحب الملوخية جدا
    بس ما بحبش العسلية خالص خالص
    نورت يا هندسة البوست والله

    ردحذف
  44. Bondoka

    هههههههههههههههههههه
    اه انا مفتفتة جاهزة.. ايزي فتفت

    عااااااااااااااا

    نورت يا جميل وانا بحب البندق اووووووي
    خافي على نفسك بقى

    ردحذف
  45. Sweet Violet

    ههههههههههههههههه.. المواعيد حسب التساهيل
    كا ما تبقى فيه اخبار باجي اقول

    نورت يا جمييييييييل

    ردحذف
  46. المعتصم

    عليكم السلام
    منور يا عمدة.. وانا في انظار المدد.. الحق خلص عليهم هنا
    قبل ما ينزلوا عندكم
    تقريبا هايخدوا العيلة مقاولة بقى
    نورت يا عمدة
    وخايفة اطخ لك عيارين تكون في متفجرات قريبة
    تفرق فيا
    لك عيارين عندي .. ماشي

    ردحذف
  47. كيــــــــــــارا

    منورة يا ثكر انت.. اهلا يا كميل
    وبعض ما عندكم يا جوووووومر

    ردحذف
  48. ghorBty

    ربنا يخليك يا قمر
    وماتخفيش لو جرى ليا حاجة.. هابعتكم على الحظيرة على طول هناك برضو اخبار

    هههههههههههه

    منورة يا جميلة

    ردحذف
  49. بنوتة

    مهو يا روحي هم يبكي وهم يضحك
    نورتي يا بنوتة يا بسكوتة
    وميرسي على كلامك يا قمر
    تحيااااااااتي

    ردحذف
  50. ريمان

    ههههههههههههههههههه .. ميرسي يا اوختشي على الصويت نردهالك في المتفرجات اللي جاية
    والنبي انتى سكر
    اما مزبلة الصحراء.. انا فهمت دماغها خلاص
    وبعدين ديه مش واعية خالص ان معظم اللي بيردوا عندها من جماعات التنصير.. الغبية

    وبذات اللي اسمه خدام .. دول منظمة كاملة على المدونات.. ربنا كبير يخلصنا منهم دفعة واحدة

    ميرسي على النصحية يا جميل بس لما رديت عليها كنت متخيلها بتفهم

    ميرسي تاني ونورني ديماااااااا

    ردحذف
  51. غروب

    ميرسي ربنا يخليك .. واتمنى ان تكون الزيارة مستمرة ده شرف ليا

    تحياااااااااتي

    ردحذف
  52. د.خالدأمين

    ميرسي يا دكتور ربنا يكرمك
    ومنور البوست والمدونة كلها
    تحياااااتي

    ردحذف
  53. اللؤلؤة

    كده يا عم لؤلؤ اخرتها تبلغ عني .. عندنا جسوووووووس .. جسووووووووس

    انا هاسيب بقى المشاهدين يقوموا بالواجب معاك

    ههههههههههههههههههههههه

    منور يا باشا

    ردحذف
  54. قبلاوى

    ميرسي جدا على وجودك هنا
    والاجمدك موروك
    تحيااااااتي

    ردحذف
  55. احساس لسه حى

    ما تقلقش هاتخلص على الشرقية وتعدي على الغربية تعمل معاكم احلى واجب عااااااااااااا

    وانا معاك انت وريمان.. وانا يوم مادخلت فريت مدونتها ديه شخصية زبااااااااااااالة بجد
    يلا ربنا يهدي كل عاصي

    منور البوست والمدونة

    ردحذف
  56. ايوشة

    ورنا انتي اللي عسل
    وانا عارفة انه ما يخافش عليا .. مهو عمر الشقي بقي عااااااااااا

    منورة يا جميلة

    ردحذف
  57. تامر علي

    والله العظيم منور وحتة كومنت في الجووووووول
    ومش جديد عليك طبعا.. تحفة بجد
    تسلم ايديك

    تحياتي

    ردحذف
  58. منار فايد

    هههههههههههههه والله انا تعبت
    تعرفي اني طول عمري كده
    ليا نوادر كتير جدا.. وكلها كوارث بعدي منها
    واي حد تاني ممكن كان يروح فيها
    لدرجة انى حاسة مثلا اني هاروح في بوق ميه شربته مثلا

    منورة يا منار يا سكر
    تحيااااااااااااتي

    ردحذف
  59. عاشقه الرومانسيه

    هههههههه ماتخفيش عليا يا ستي لو روحت فتفوتة موجودة

    وانا كمان بعبك بعبك .. بعبه يا بابااااااااا عاااااااا

    منور يا دودو يا جميل انت

    ردحذف
  60. مسدس صغير

    مصر امانة في رجبتي انا.. يلهووووووووي تبقى ضاعت مصر
    انا ضيعت اكتر من 8 سلالس لحد ما امس حلفت مية يمين مافي دهب تاني عااااااااا

    توقلي مصر كلها في رقبتي

    ماكنشي يوم يا مصري ياختي

    مين هايحرق دمنا لما تضيعي

    هانروح نجوع فين من بعدك

    منور يا مسسسسسسسسسسسسدس باشا

    وعاجبتني اوي بتاعة المظاهرة ديه وهمية

    ردحذف
  61. حسام غانم

    اغطي التفجيرات.. ياااااااااااااااه اخرتها تيجي منك يا حسام.. عايز تخلص مني اغطي التفجيرات؟؟

    ماشي ماشي.. لما يجي دوركم

    هاخلي تغطيها برضو

    منور يا حوس باشا والله

    تحيااااااااتي

    ردحذف
  62. ستيته حسب الله الحمش

    ههههههههههههههههههههه فكرة يا جميل انت يا جميل .. مش كده برضو افرضي بقى الناس اللي هايفجرونا دول بيتكلموا مصري

    ماهو كل العرب بيتكلموا مصري احسن منا اصلا

    والله وحشااااااااااااااااني موووووووت مووووووووووت موووووووووووت

    ردحذف
  63. ادم المصرى

    عااااااا عمر الشقي بقى يا ادم باشا
    واهو لسه حي اروق .. بس يا ترى قبضوا عليها ولا لسه

    منور يا ادم المدونة كلها

    ردحذف
  64. عاشقه وغلبانه

    هع هع هع هع.. اللي وداها الشرقيه قادر يوديها الغربية

    احنا نسيب البلد ديه ونروح المغرب بقى

    والله انتى وحشااااااني موت بس مشغولة جدا جدا جدا جدا

    وطلعااااااااان سربنتين اهلي والله
    اخبار البرد ايه يا جوومر

    ردحذف
  65. اسلام الشربينى

    اهلا سمسم باشا.. وشكرا على ايه بقى.. ومدونتك لذيذة جدا وانا اللي اشكرك عليها

    منور البوست يا جميل

    تحياااااااتي

    ردحذف
  66. حاسوباتيه

    انا عارفة يا اوختشي اتهبلوا من ساعة ماعرفوا فتافيت فين
    اصل كنت بسجل تسجليات من المغارة بتاعتي وماكانوش يعرفوا انا فين

    بس عرفوا خلاص .. يلا نصيبي بقى عااااااااااااا

    نورت يا جميل البوست

    ردحذف
  67. سمو الامير

    سموك بتقول ما تساليش ازاي.. مهو لازم يبقى كده مش فتافيت اللي كتباه عااااااااااااا

    هو انت شرقاوي.. طيب يلا بقى حط ديلك في سنانك واديها طيرلاان على اي مكان تاني

    انفد بجلد سموك.. الرعية عايزينك

    منور البوست

    ردحذف
  68. زوجة عنيدة

    انا هنا يا قمر عمر الشقي بقي لسه ليا عمر لوقتنا هذاى الله اعلم بعد كده فيه ايه؟؟

    وانتى منوراني والله

    ومدونتك بعزها جداااااااااااا

    منورة يا جميل

    ردحذف
  69. mohamed ghalia

    ربنا يخليك يا غالية.. انا كويسة تمام
    وميرسي على وجودك هنا
    منور بجد المدونة
    تحياتي

    ردحذف
  70. د/عرفه

    مسرووووووووور عاااااااااااااا
    منور يا دكترة البوست
    وماشي اتريق عليا
    مردوده لك .. اكيد مسيرها تعدي عندكم المغربية

    هههههههههههههههههههههه

    نورتني وشرفتني
    تحيااااااااتي

    ردحذف
  71. Tamer Nabil

    يعني تغيب تغيب وترجع تبلغ عني وتقبض عليا كمان
    ماكنش العشم خالص
    هههههههههههههههههه
    منور حضرتك ومعجبة جدا بقصص تمورة وفوفة .. فظييييييييييييعة
    دومت مبدع

    ردحذف
  72. Tamer Diab

    هههههههههههههههه ومش ملاحظ من يوم ماعرفتك وانت بتكتب غلط
    يخربيت كده.. ياابني اتعلم تكتب ازاي .. مش عيب انك تقول ما بعرفش اكتب

    وعلى فكرة الواد ماكنش اسمه ميسي .. ميسي ديه ثمرة حبه عاااااااااااا

    يعني ما بتعرفش تكتب وكمان زهيمر.. حالتك متأخرة خالص هههههههههههههههههه

    منور يا معلك البوست وانا يهمني بركة سيادتك تحل عليا

    منور بجد يا تامر

    ردحذف
  73. wesoooooooooo

    والله.. طيب بالمرة مش عايزة تبعتي لهم جوابات او زيارات مثلا .. اللي انتى عايزة .. بس المهم مايبقاش عندي وزن زيادة علشان الجمرك عااااااااااااااا

    منورة يا جميل

    ردحذف
  74. assao anaroze

    عزيزي انا البوست كله ساخر .. من كل كلمة في المعلومات من اول انها سرية والبلد كلها تعرفها وانها متفجرات دخلت البلد ومعرفش ازاي ديه
    وانهم عرفوا انها مغربية.. من غير ما يقبضوا عليها.. طيب لو عرفين ماقبضوش عليها ليه

    الموضوع كله ساخر ونقد كوميدي مش اكتر

    لكن الارهاب مالوش اصلا وطن .. الارهاب عمليه غسيل للمخ والضمير والمشاعر.. عملية غسيل انسانية من كل القيم والمبادئ
    اعتذر لك بشدة لو كانت اي كلمة في البوست ضيقتنك
    بس والله ما قصدي اي حاجة
    دمت بخير وسعادة

    ردحذف
  75. صيدلانيه طالعه نازله

    ههههههههههه انا بوقل كده من بدري محدش صدقني خالص .. منورة يا جميلة البوست
    وسعيدة جدا بتشريفك ليا
    تحيااااااااتي

    ردحذف
  76. NIDAAL .R

    على فكرة انا ولا اعرفك بعد اللي قولته ده.. ومع اول قفا اديهم لينك مدونتك على طول هههههههههههههههههههههههههههههههه

    بجد كلامك تحفة واضاف كتير للبوست بتاعي
    مبدع وزي الفكرة اللي اخدتها عنك من مدونتك

    منور المدونة والبوست
    واتمنى انك تكون هنا ع طول

    تحيااااااتي

    ردحذف
  77. ABOALI

    كده يا ابو علي.. ده كله
    وفي الاخر هووووووووف كمان .. ماشي ماشي
    وابو زعبل ووحبس وقضية
    ده انت داخل على طمع بقى
    اسمعها مني ياابني.. بلااااااااااش تقف قصاد فتافيت
    اللي بيخاااااااااااف ما يدخلش فتافيت
    عااااااااااااااااا
    شرفتني بزيارتك واتمنى
    تكرر كتير كتير كتير

    ردحذف
  78. نبض الحياة

    حبيبه قلبي نبض
    ماتقلقيش عليا عمر الشقي بقي
    بس مافيش اخبار تقريبا كده
    no news good news
    منورة يا روحي البوست

    ردحذف
  79. أحــوال الهـوي

    اهلا اهلا اهلا.. منور والله المدونة مش البوست بس
    وربنا انت بتقول كلام زي الفل فعلا
    هو ده حل الشرقية الوحيد
    ربنا يخلي الولية المغربية لامها
    زي ما هاتحل لينا المشكلة المرورية

    منووووووووووووووووووور

    ردحذف
  80. elsha3er

    بدور اهو على بودي جاردز يكونوا شداد كده
    طوال عراض قوي الشكيمة.. حاجة كده تملى العين زي زكي شان عااااااااااا

    منور يا شاااااااااااااعر بجد
    ربنا ما يحرمني من كومنتاتك

    ردحذف
  81. حياتى نغم

    انا الحمد لله تمام.. ربنا يكرمك يارب .. ومتشكرة اوي على سؤالك

    ميرسي ومنورة البوست كالعادة

    ردحذف
  82. Soul.o0o.Whisper

    وتدور الايام.. وتفوت السنين
    وفجأة في يوم مطرة والشبابيك بتخبط في بعض تلاقي فتافيت قصادك بتقولك.. انا جيت اهو وعمر الشقي بقى

    وحصلت المعجزة يا ولااااااااااااد فتافيت عاااااااااااايشة عااااااااااااااااايشة عاااااااااااااايشة

    سبحان الله ويجمع الشتيتين بعدما يظنا كل الظن ان لا تلاقي

    هههههههههههههههههههههههههههههههههههههههه

    منورة يا قمرؤ والله

    وانا جيت اهو وزي القرد
    لحد دلوقتي.. الله اعلم بعد كده ايه النظام

    تحياااااااااااااااتي

    ردحذف
  83. السلام عليكم

    طيب حنعمل إيه..
    الدنيا كلها مشعلله نار ومستنية حريق يهب علشان يولع المنطقة كلها
    يلا علشان فتافيت حتولع المنطقة كلها ..

    ربنا يخليكي يا فتافيت ويحفظك ويحفظ بلدك واهلك من كل سوء


    لا تنسوا اخوانكم في غــزة من دعائكم

    ||..بحــر الدموع..||

    ردحذف
  84. فتافيت
    اول مرة ازور اذاعتك الجميلة ديا
    الف سلامة عليك وعلى كل اهل الشرقية
    من الولية الارهابية...
    وعلى فكرة هى سابت الشرقية وراحت الحسين
    بس مش عارفة خطتها الجاية فين...
    تقبلى تحياتى يا عبقرية...
    الاسكندرانية

    ردحذف
  85. غريب اوى الموضوع ده ..

    انا اول مرة اسمع عنه فعلا ..

    واضح ان قناة فتافيت زى ما هى شاطرة فى الاكل شاطرة فى الاخبار كمان ..

    وخدى بالك على نفسك D:

    دمتِ بخير ..

    ردحذف
  86. انا جيت اهو يا ست فتفوته ؟ عاجبك كده ؟ يعنى ينفع كل الشظايا اللى فوشى دى ؟ يعنى ينفع ينفجر لغم النغم جوه المحطه الاخباريه ويعملى كل التشوهات د ى فى وشى ودماغى .... انا دماغى اللى فيها مكفيها ... ومعايا عيال عايز اربيها .
    بهزر ما تزعليش المدونه عسل
    بس والله عسل انا متابع الاخبار اول باول
    اتمنى انك انتى اللى تزورينى دايما ..
    على فكره انا بترعش من الخوف

    ردحذف
  87. ايه ده
    يا نهار أبيض
    انتي سكر بجد
    سكر خالص
    سكر جدا
    سكر أوي
    بس











    هتوحشينا والله
    زعفراااااااااااااااااااااان

    ردحذف
  88. هههههههههههههههههههههههههه
    وربنا تحفه

    ردحذف
  89. انا بعت الدعوه يا فتفوته
    وصلت ولا تاهت؟؟؟؟؟؟؟

    ردحذف
  90. لأ لأ لأ يا شيخة متفجرات ايه دي اللي هتخوفنا دا احنا معانا فتافيت بحالها
    ايه ده يالهوي بحالها ازاي دي متفتفتة جاهزة
    وعشان كده مايهمناش أي حاجة احنا يعني هنتفتفت أكتر من كده ايه
    وسمعني سلام خدلك ساترررر

    ردحذف
  91. ايه يافتفوتة اتأخرتى المرة دى ومستنين أخبار فتفوتة اللولبية
    وحشتينا

    ردحذف
  92. أزال أحد مشرفي المدونة هذا التعليق.

    ردحذف
  93. ههههههه
    يعني اول مره اجي فيها الاقي تفجيرات
    لا بقي يا لوح ما بعدك لوح

    ردحذف
  94. بحـــر الدموع

    ياااااااااه اخيرا جيت تاني.. والله افتقدت جدا تعليقاتك عندي

    ربنا يحفظ امه محمد جمعاء ان شاء الله

    وان شاء الله فرجه قريب على اهل غزة

    تحياتي اخي الفاضل

    ردحذف
  95. ربنا يعينك
    وأن الله لا يضيع أجرمن أحسن عملاً

    انتي اصلك جده وتستاهلي
    وابقي عرفيني لو فيه اخبار حلوةجديدة بقي

    ردحذف
  96. ازيك يا فتفوتة معلش اتاخرت عليكى قوى بس غصب عنى
    الخبر الجامد ده انتى واثقة منه ده انا عندى كومة اصحاب شرقاوية وانتى منهم طبعا يا قمر يعنى كده خلاويص ولا ايه
    ربنا معاكو يا قمر
    ابقى طمنينا عليكم وعلى الولية المغربية

    ردحذف
  97. ربنا يوفقك يا دك وطمنيني عليكي كده

    ردحذف
  98. الفصل الاول من القصة بيقول انك موهوبة بجد
    والله مش مجاملة فعلا جميل وشيق واسلوب عرضه بسيط بس فيه حاجة واحدة
    انتي بدأتي القصة بلغة عربية فصحي
    وفي الاواخر كده قلبتي شوية عامية السيناريو
    انا رأيي خليها كلها سيناريو افضل يمكن ربنا يكرم بمخرج محترم يشوفها وينفذها
    ولو عايزة حاجة في الفروق بين القصة العادية والسيناريو احنا آت سيرفيس سعادتك
    شدي حيلك

    ردحذف
  99. مساء النور
    مرور للتحية و السلام
    كيفيك فتفوتة
    اتمنى تكوني بالف خير
    مودتي

    ردحذف
  100. ايه الموضوع
    انا كده قلقت
    هو الانفجارات حصلت ولا ايه ؟؟
    طب ماسمعناش حاجه فى النشره الجوية ولا حتى فى النشرة الرياضيه
    وكمان غرمتينى دقيقتين على الموبايل لواحد شرقاوى صاحبى علشان اطمن قالى انه مافيش اى حاجه فرقعت
    يبقى ليه الغيبه دى بقى

    ردحذف
  101. يا بنت وحشتيني
    طيب بس طمنيني عليكي
    قبل ما اعمل نشرة اخبار تبحث عن فتافيت صاحبة نشرات الأخبار
    يا غلبك يا ستيتة

    وحشتيييييييييييييني

    ردحذف

خلل براحتك من غير انتظار .. فتافيت أصلاً بتحب الخيار