11 مارس 2009

كل اللي بيكتبوا قصص.. جبتلكم كااااااااشاااااااااااات


يااااااااه.. وربنا وحشتوووووووني موت
مدون مدون.. ومدونة مدونة


أولا
كل سنة وأنتم طيبين.. متأخرة عارفة بس ظروف بقى

كل واحد ياخد له .. حتة حلاوة من اللي بيحبها


بس حتة واحدة.. بلاش طفاسة علشان تكفي P:

ثانيا
والله مشغولة موت اليومين دول
في الشغل والرواية بتاعتي

أصل عقبال أمالتكم.. بكتب أول رواية ليا.. وأحتمال الأخيرة
ده بتاع ربنا بقى.. ده حسب الوحي يعني


أهم ما في الموضوع بقى

أني شوفت هنا مدونين كتير موهوبين بجد

في القصص (بكل أنواعها).. والروايات زي

تامر باشا علي
بنوتة السكرة
كاتب مصري
عمرو تشي
وطبعا غيرهم كتير.. بس دول اللي فكراهم


أنا بقى لاقيت خبر جامد .. ومفأجأة D:
أماااااااااال .. يعني أجي بعد الغيبة دي
بأيدي فاضية .. ده حتى عيب


فيه موقع سعودي.. معمول له دعاية ضخمة جدا
على النت وفي الصحف والمجلات

هو أول موقع عربي.. متخصص في القصص والروايات
عامل عرض جامد جدا

انه هايسوق وينشر القصص الحلوة

ويبعها إلكترونينا.. جزء من الربح للموقع وجزء للكاتب


قولت أقولكم عليه.. يمكن ربنا ينفخها في وش
اللي مانشرش حاجة
قبل كده .. ويتنشر له.. والكاشات تجري في ايده

ده الميل بتاع الموقع
info@nus-sa.com

بس نصيحة مني لكم

الموقع أصلا بقاله شهر بس .. وده في حد ذاته ميزة

لأنه هايبقى محتاج مادة.. قيمة وكبيرة
يبدأ بها عملية النشر
وهو عايز يبقى له نجوموا .. اللي هو أكتشفهم .. فماتضيعوش الفرصة
لأننا مش هانخسر منها
بكل الأحوال إن شاء الله


كمان الموقع له.. منتدى نونو .. سجلوا عليه
علشان الأدارة تعرفكم

ويبقى لكم تواجد بأستمرار في الموقع
ده هايدعم فرصتكم أكتر


ده لينك المنتدى
http://www.nus-sa.com/forum/index.php

يارب أكون قدمت خبر حلو .. لكل كتابنا
ويكون فتحة خير على الجميع
إن شاء الله

بحبكم كلكم والله
:))






هناك 31 تعليقًا:

  1. السلام عليكم
    فتافيت
    والله وحشتينى
    أولا شكرا وانا انشاء الله هجرب وربنا يسهل
    ثانيا
    انا قفلت مدونتى
    عشان واخدة كل وقتى وللاسف بطلت مذاكرة وكنت مكتئبة
    المهم انا احتفظت بالاكونت عشان اعلق عند حبايبى
    شكرا يا فتافيت
    وادعيلى ربنا يوفقلى
    او يفتحلى سكة للكتابة
    كان نفسي تكزن عن طريق المدونة بس حسيت انها غير مجدية
    المهم
    شكرا وسلام يا قمر
    وانا نفسي اشوف روايتك مش على المدونة بس
    لا في بيتى في احلى رواية من أكبر دار نشر
    قولى يا رب
    سلام

    ردحذف
  2. انا لسة امبارح ببص على مدونتك واقول فتافيت راحت فين

    كنت هأجر منادى من بتوع الميكروفونات واجى ادور عليكى

    انتى وقفتى عند الانفجارات

    بس انتى طمنتينى ان الحمد لله مفيش حاجة

    بس دلوقتى عرفت انتى مشغولة فى اية

    ربنا يوفقك وتوصلى للى انتى عايزاة

    تحياتى

    ردحذف
  3. فتفوتة
    متمنياتي لك صديقتي بالتوفيق في الكتابة اديكي طلعت شاطرة و بتالفي روايات
    هههههههههههه
    اتمنى اننا نشوفوا ابداعك عن قريب و يا رب يوصل للمغرب
    مودتي ابقى زورينا لو انت فضيتي

    ردحذف
  4. ياسلام على الاخبار الحلوه
    طب والناس اللى زى بقى تعمل ايه
    انا ماليش فى الحواديت مش بعرف احكى

    ماليش دعوه
    عايزه اى حاجه
    حتى موقع رسوم متحركه
    هههههههههه

    انتى ماخدتيش الدعوه بتاعتك ليه؟؟؟؟ هتلاقيها على الميل

    ردحذف
  5. السلام عليكم

    ازيك يا فتافيت..؟ ان شاء الله بخير
    وان شاء الله ربنا يوفقك في روايتك وينزل وحيك أفكارك بسهولة وراحــة
    ولا تحرمينا من مواضيعك الرائعة ومرورك الطيب
    ودمتي بخير..

    لا تنسوا اخوانكم في غــزة من دعائكم

    ||..بحــر الدموع..||

    ردحذف
  6. حمدا لله على سلامتك وبالتوفيق فى روايتك
    أنا مش بكتب روايات بحب المقالات
    عموما كنت عايز اقلك إنى فى كتاب جديد نازل للمدونين هيكون للكتاب الساخرين
    أنا برده مش بكتب ساخر
    فقلت أقول لأصحابى المدونين
    ياريت تقدمى دى التفاصيل
    البيانات المطلوبة فى كل ميل مرسل هى كالتالى

    الاسم ثلاثى مع ذكر هل ترغب فى نشره ام ترغب فى نشر اسم مستعار - مع ذكر الاسم المستعار فى حالة عدم الرغبه فى نشر الاسم الحقيقى

    المحافظة

    اسم المدونة

    لينك المدونة

    أرقام التيلفون - ضرورى

    نسخه مكتوبه من التدوينه (البوست) المراد نشرها مع وضع لينك التدوينه فى الايميل (اللينك والبوست نفسه مكتوب) و
    ملف وورد مرفق به التدوينات المرشحه مكتوبه والتى تم كتابتها فى الايميل ايضاً

    عبارة " أوافق على النشر" مكتوبة فى الميل و فى كل ملف ورد من الملفات المرفقة

    عنوان ورقم تليفون أقرب مكتبه منك او اقرب مكتبه فى المحافظة او القريه او مركز توزيع جرايد - كشك جرايد

    نرجو مراعاة البيانات السابقه بعد اذنكم
    dwen_fun@yahoo.com
    Enas_lotfy_4@hotmail.com

    ردحذف
  7. زغروطة يا عبسلام

    طب حد يضرب نار طيب
    اي حاجة واعملوا بحتة الحلاوة الي البنية جابتها

    ظهرتي اخيراً يا فتافيت حمد الله بسه
    بالسلامة يعني
    الخبر جامد جدا بجد وربنا يكرمك وتبقي من نجوم القصص كده ويكون قصصك ليها هدف دايماً
    نورتي دنيا التدوين من تاني

    ردحذف
  8. فينك فتافيت
    انا قولت البنت تلاقيها مشغوله مع نصها التانى
    وتوقعت الاقى اول بوست بتعلنى فيه خبر خطوبه او جواز
    بس برضه طلعتى علينا بخبر حلو
    خلاص ابقى اقول لأختى على مواضيع القصص دى أصل هيا اللى غاويه قصص
    ومنتظرين الروايه بتاعتك
    اكيد شديده
    سلام ومتغبيش كتير بعد كده

    ردحذف
  9. بت يا فتفوته
    وحشتينى قوى قوى
    متغبيش كده ..الواحد بيقلق على فتافيتك

    يارب دايما تجيبى الخير

    ردحذف
  10. شكرا بجد على شهادتك الي أعتز بيها جدا جدا
    ربنا يكرمك ويوفقك ونقرا الرواية عن قريب
    طبعا زورت المنتدى وسجلت فيه وهتابعه وأنزل فيه حجات
    يارب بأه متتأخريش علينا والرواية متاخدكيش مننا
    خالص تحيتي ومودتي

    ردحذف
  11. اخبارك دايما حلوة ومفيدة ربنا يوفقك وهنحاول نجرب ويمكن الواحد يبقى يوم حاجة جامدة كدة ...

    ردحذف
  12. حمدلله على السلامه
    بجد مفتقدينك

    ربنا يوفقك في الروايه الأولى ديه ويارب تكون بدايه لسلسه طويله من النجاحات ان شاء الله

    بس على فكره مفيش ملبن في حلاوة المولد ديه!!!

    ردحذف
  13. وحشتيني
    ووحشني واحد عارف نفسه
    والله اني احبكم في الله كأنكم أخوة الدم واللحم

    وفق الله فتفوتة الفتافيت
    ايه رأيك ابعت في الموضوع بتاع الساخرون اللي قال عليه محمد ولا أنا أقل من كده؟
    أنا شايفة نفسي اقل
    وعارفة ان رأيك ها يكون غير موضوعي لأنك بتحبيني

    يالا كفاية عليكي كده

    ردحذف
  14. فتفوته
    وحشتينا والله
    ايه الغيبه الطويله دى يابنتى
    عاوزه ارحب بيكى على طريقة غبتى فانطفأت الشموع والله

    عاوزين نقرأ الروايه قريب ان شاء الله
    متغيبيش تانى

    ردحذف
  15. بسم الله الرحمن الرحيم
    السلام عليكم ورحمة الله وبركاته
    فتافيت
    تحياتى
    بقى انا اتصل بالواد صاحبى واكلمه ع الموبايل واسأل على الانفجارات وسموك قاعده تكتبى فى روايات
    ماشى
    ماشى
    ماشى
    انا اللى غلطان
    وبعدين انتِ عارفه انى ماليش فى موضوع الكتابه ده من زمان بامارة البوست بتاع حلاوة المولد
    ههههههههههههههه
    تحياتى وربنا يوفقك
    ودمتِ بكل خير وود
    والسلام عليكم ورحمة الله وبركاته

    ردحذف
  16. واللي مابيكتبش قصص يشترك في المنتدي بس ولا ايه يافتافيت ياجميله انتي

    مبروك الروايه وعقبال ماتخلصي عليها قصدي تخلصيها يعني
    ههههههههههههههههههههههههههه


    انتي وحشاني كتير

    ردحذف
  17. أولاً : عوداً أحمد عبدالسلام أبوسريع :)
    ثانياً : نشكرك شكراً جزيراً (جزيلاً يعني:) على الخبر ده ونتمنى ميكونوش نصابين زي بعض المواقع التانية (أصل أنا اتنصب عليا كتير:)
    ثالثاً: ابقى اكتبي لنا أجزاء من الرواية بتاعتك علشان (نشركهالك ) قصدي ننقدهالك لإن لازم عين ثالثه معاكي علشان الرواية ليها طريقة مختلفة في الكتابة ولازم تاخديه في اعتبارك علشان تطلع جميلة أن شاء الله (وأهو بالمرة نقراها قبل ما تتنشر ان شاء الله:)
    رابعاً : نسأل الله تبارك وتعالى أن يوفقك دائماً لما فيه الخير

    ردحذف
  18. السلام عليكم

    ربنا يبارك لك يارب

    وانت كمان وحشتنا ووحشتنا طلتك علينا

    ان شاء الله يكون خير

    ربنا يبارك لك في الرابط دا ويجزيك خير

    وكل حد عنده موهبه تكون سبب سعادته ان شاء الله

    دمت كما تحبي :)

    ردحذف
  19. السلام عليكم

    حمد الله ع السلامه يا قمر

    يا قمر يا غايب

    هههههههههههههه

    بلاش تغيبى كتير كده

    انا اخدت الحلاوه بتاعتى

    شكرا يا قمر

    وحلوه المعلومه دى بس انا ماليش خالص فى القصص

    ههههههههههه

    ردحذف
  20. السلام عليكم
    عودا حميدا
    وحمد له علي السلامة

    ربنا يكرمك ويوفقك وان شاء الله تظهر لك رويات وكتب كثيرة

    وان شاء الله نسمع كل خير عنك
    ويكون الموقع ده كويس وليس كغيره

    ردحذف
  21. ربنا يوفقكو فى القصة واشوفك يا فتفوتة يا بنت...
    هيه مامتك اسمها ايه عشان الدعوة بس؟؟
    ههههههههه
    ربنا يوفقك ويسدد خطاكى
    تحيتى وخالص مودتى

    ردحذف
  22. فتفوتة القمر
    وحشانى يا عسل
    ومنورة البلوج كلو
    والخببر حلو
    المهم الاقى القصص اللى بحبها وهيا زهور

    ردحذف
  23. هو الخبر الحلو في الموضوع انك هتنزلي روايه
    ياللا شدي حيلك بقي انا مستني الروايه دي
    وهاشتري عشر نسخ كل اسبوع
    وتبقي اعلي مبيعات في تاريخ الادب العربي زي عادل امام كده في الفيلم :D:D
    ان شاء الله ربنا يوفقك ومبروك مقدما يا فتافيت
    بس ليا طلب عندك
    لو باذن الله يعني ربنا وفقك والروايه كسرت الدنيا
    تبطلي تكتبي بالالوان الغريبه دي
    انا عندي مدونه سودا علي فكره
    بس باكتب بالابيضحرصا علي مشاعر اخواننا اللي عنيهم بتوجعهم
    :P

    ردحذف
  24. ازيك حمد الله على السلامة ، افتكرت الجماعة بتوع التكس اياهم ، غدروا بيك يا معلم ، لكن أنا عارف فتافيت السكر هانم ، ممكن تعمل ايه ، بس الشيطان قعد يودي دماغي و يجيب ، و كنت هاعمل ثورة المدونين الأحرار ضد التكسيات .
    الحمد له انك بخير و حلو الخبر ده
    أنا كنت في بداية كتابة رواية بس مكنتش عارف أعملها رواية و لا قصة قصير ، و لا ما اكتبش اصلا ، لكن ممكن افكر اكلمها بعد الخبر الجميل ده ، و مش عشان الكاشات و لا حاجة بس لأني حاسس ان فكرتها شوية جميلة .

    ردحذف
  25. شكرا جزيلا

    أكيد هتبقى روايه جامده

    ردحذف
  26. وحنشوف اول رواية امتى ... خبرينا

    ردحذف
  27. هي صحيح دي اول مرة اعدي هنا بس اكيد مش الاخيرة... و شكرا علي الحلاوة و الكاشات :)

    ردحذف
  28. ربنا يوفئك دائما فى طرح الاخبار المفيده لكل مدون

    ردحذف
  29. ربنا يوفقك يا قمر
    وان شاء الله تكون روايه جامده
    ومش تكون الاخيره :)

    ردحذف
  30. السلام عليكم / وحشتينا يا فتافيت ، اخبارك ايه ؟ شكراًعلى الحلوى وعلى اللينك ما تغيبى عنا تانى مع حبى وتحياتى .

    ردحذف

خلل براحتك من غير انتظار .. فتافيت أصلاً بتحب الخيار