28 مارس 2009

خبرين.. اعتذار.. تاج


اولا.. خبرين حلوين أوي
أنتصار تامر مبروك على شركة تراست الحمد لله
افتاح مجلة رؤية.. هي صحيح لسه صغننه بس بكره ان شاء الله هاتكبر
انا مشاركة فيها بخبرين عن الفنانين
(
ابقوا شوفهم بقى)

ثانيا.. عارفة اني مقصرة في حقكم كلكم واحد واحد
بس والله غصب عني, بقالي فترة طويلة مشغولة ويارب تخلص بقى
بس أنا صلحت النت تاني في البيت.. وهادخل لكم من البيت في الليل واخره
محدش يزعل مني علشان زياراتي قلت
ولا حد يزعل عشلان بتأخر في الرد على التعليقات
انا بحبكم كلكم.. وان كان عليا عايزة الزق في مدونتكم ليل نهار


ثالثا.. عم أحمد أبو العلا دبسني في تااااااج
وانا اول مرة ادبس في تاج.. طبعا ميرسي يا احمد

ويارب اكون ضيفة خفيفة على اللي مرر التاج لاحمد
واظن انها الجميلة كفاية طيبة




اسمك؟
رحاب.. يلا انشالله ماحد حوش

المشهور بيه وسط اصحابك؟
اصحابي او زمايلي اللي في الشغل..
RoRaZ
اصحابي اللي بره الشغل..
Reeka


سنك؟
فتافيت ربع قرن.. هايبقى قد ايه ..
ربع قرن والعوض على الله s:

مجال دارستك؟
الإعلام.. إذاعة وتليفزيون
الست المذيعة يعني


اسم مدونتك؟
فتافيت ربع قرن,, ليه بقى علشان الاسم عجبني
اكمان انا حاسة ان الدنيا فتافيت كتير اوي اتجمعت مع بعض عملت الدنيا
زي كده وصف المدونة بتاعتي ماهو بيقول
هي الحياة ايه غير شوية فتافيت فوق بعض؟!
بس كده ده كل الموضوع


صورتك الرمزية فى المدونة بتعبر عن ايه؟
انا بعشق العيون.. وبحب اوي صور البنات الملثمة
بحس فيها بغموض وسحر وجمال

هل فكرت فى اغلاق المدونة ؟ والسبب؟
لا لسه ما وصلتش لكده.. انا بقالي بس شهرين في التدوين
الله اعلم بكره فيه ايه.. بس انا بحبها وماقدرش استغنى عنها بجد


ايه رد فعلك لو حد قل ادبه فى تعليق ؟
هههههههههههه.. لو الكلام فيه وقح واباحي هاحذفه
لكن لو الكلام مجرد قلة ذوق وقلة ادب في الاسلوب
هارد عليه.. وممكن كمان اضحك الناس عليه
بس من غير ما اقل ادبي


اسوأ مدونه؟
المدونات كلها اللي
ضد الحجاب والنقاب
ومدونات
التنصير والمرتدين
كمان مدونة واحدة مش هاكتب اسمها.. ربنا يهديها بقى

هيحصل ايه للايميل بعد ماتموت؟
ها يتيتم يا قلب امه.. :"(

اديت الباسوورد لحد قبل كدة؟
اها مرة عملتها.. بس غيرت بعد كده الباس ورد
بس الايميل عندي.. مش حاجة مهمة اوي يعني
مافيهوش اسرار اصلا


السفر بالنسبالك ايه؟
انطلاق وحرية.. بموت فيه

الموود بتاعك ايه ؟
انا ماليش مود ثابت.. مودية ومتقلبة
بس التفاؤل والضحك هو اللي غالب عليا


بتعمل ايه فى وقت فراغك ؟
بقرا بكتب.. بلعب مع قطتي


الأكلة المفضلة ؟

القلقاس الأخضر.. الحمام المحمر..
ومحشي ورق العنب.. الكرشة والمومبار..
الاكل الاسياوي.. البيتزا

الصفات التى اخذتها من والدك؟
العصبية.. والنقد الاذع وفيه مقولة كده
بتقول من حق الكبير يدلع
انا اتعلمت من بابا كده برضو :)


الصفات التى اخذتها من والدتك؟
العصبية.. الحاسة السادسة.. وخفة الدم
(ده لو دمي خفيف زي ما بيقولوا)
والرضا باللي ربنا قسمه ليا


اكتر ست حاجات بتكرههم ؟
الكدب
الخيانة
التشاؤم
الحزن
الحزن
الحزن


اكتر ست حاجات بتحبهم ؟
أسرتي
التفاؤل
الأطفال
السفر
الأكل اللذيذ
قطتي



شخصيتك نوعها ايه ؟
توشيبا العربي عاااااااااا
انا عندي تأكيد الذات عالي اوي
مرحة ومتفائلة وفضولية
واقعية وخيالية مع بعض
عقلانية ورومانسية برضو مع بعض
يعنى مجنوووووووووووونة
بضمير مرتاح... :)


لماذا دخلت عالم التدوين من الاساس؟
علشان انا بحب الكتابة جدا.. بالعامية
وده ممنوع في شغلي.. كمان كنت عايزة مكان اقول فيه اللي عايزاه
مش اللي عايزه صاحب الشغل.. او اللي عايزه الناس
انا اقول اللي شيفاه وبس.. ابقى رئيسة جمهورية نفسي
لا حد يقوللي فلان يزعل.. ولا علانة تتضايق


احلى جملة قيلت فى وصف مدونتك؟
أي تعليق بجد بفرح بيه جدا وبيقى غالي جدا
بس طبعا اول تعليق له مذاقه الخاص
كان من مصطفى.. صاحب مدونة تكوين


اهمية التعليقات بالنسبالك؟
ايه فايدة اغنية حلوة.. لو ملاقتش اللي يسمعها
التعلقات هي الفيد باك بتاعي .. اللي بحس بيها اني عملت حاجة
كلمة الله لما بتتقال ليا.. بفرح بيها اوي
وكمان لما بيكون فيه نقد بناء.. بيسعدني جدا

احلى بوست كتبته؟ ضع اللينك ثم اذكر لماذا؟
فتفوتة استثنائية عن غزة الأبية
كان بيقول الحقايق في وقت ناس كتير مش فاهمة حاجة
كمان علشان تامر دياب كان اول مرة في حياته يبقى
اول تعليق وكان فرحان بكده عااااااااااا


افضل مدونة قرأتها؟
كتير جدا طبعا.. بس انا عندي زهيمر
هاقول كمان الاسماء بتاعة المدونين مش المدونة
بس محدش يزعل مني بجد.. والله هاعصر مخي على قد مقدر

تامر دياب
ستيته حسب الله الحمش
احمد ابو العلا
تامر علي
همس اليل
د. عرفة

عاشقة وغلبانة
عاشقة الرومانسية
مسدس صغير
كاتب مصري
ادم المصري
احساس لسه حي

حسام غانم
ايوشة
صفاء
المعتصم
نبض الحياة
حياتي نغم
اسافوووو
بحر الدموع
شباك موارب
بنوتة
غروبتي
بندقة
حاسوبايته
زوجة عنيدة
الفقيرة لله ام البنات
لورانس العرب
che
lady E
elsha3er
Soul.o0o.Whisper
mosfa
MǿиY El-Shreef
سحساوي
كفاية طيبة
كيارا
ريمان
ايمان
محمد غالية
البنت المشميشية
محمد ابراهيم
م/ علي دوريش
لوجين ابو الدهب
سوووووو
تامر نبيل
صمت المشاعر
القدر وأنا
امبارح كان عمري عشرين
فشكول
أبو العريف


يامرك يا فتافيت.. مش فاكرة الباقي :(
اللي ما قولتش اسمه حقه على راسي
والله عماله اعصر في دماغي
بس انا بحبكم كلكم والله


افضل بوست قرأته؟
العبر والدروس في أصول البحث عن العريس والعروس
للمبدع الجميل تامر علي.. بتاع الجلاش
الضحك اللي ضحكته في البوست ده.. عمري ما ضحكته في حياتي
بجد مووووت من الضحك وعزة جلال الله..
كمان بيناقش بجد قضية فظيعة
الطلبات العجيبة اللي بقيت عند الرجالة
(مجازا) في زوجات المستقبل...



الشغل بالنسبالك ايه؟
شغل.. واحيانا مضيعة للوقت
وكتير يعععععععععع :(


الانترنت بالنسبالك ايه ؟
حيااااااااتي.. انا باكل وبشرب
وبقعد على النت


تمرر التاج ده لمين ؟
احمد مرر لناس كنت هامرر لهم التاج
فانا هامرره لاول 5 اشخاص
هايعلقوا على البوست ده..
بس بشرط ما يكونش اتمرر لهم قبل كده
يعني ممكن يا حلو تبقى التعليق رقم 50 وتكون
ضمن اللي هايدبسوا قصدي هايجابوا التاج
وكل واحد يقول جاوبه ولا لا..

واحساس لسه حي .. ده اجباري هايجاوب
والله لو اتمرر له 100 مرة قبل
كده.. ليه بقى مزاجي

:))





هناك 110 تعليقات:

  1. أوعي تمرري البوست تاني ليا
    هههههههههه

    اجاباتك جميله وخصوصا أنواع الأكل
    كل ديه أنواع
    هههههههههههه
    نيهاهاهاهاااااااااااا

    لأ برافو وكل تدبيسه وانتي طيبه

    ردحذف
  2. وأنا أول تعليق
    تلاتلاف طوبه وعربية رمل

    ردحذف
  3. عم أحمد ههههههههههههههههههههههه
    طيب ايه هاتجاوب تاني.. بس انت تعليقك مش محسوب
    بس الناس اللي هايتمرر لهم البوست ده
    اه انا بحب الاكل الشهي جدا اصلا.. بس ما باكلش كتير
    بس تعرف الكشري .. ما بحبهووووووووش
    نورت يا هندسة

    ردحذف
  4. طب وانا تالت تعليق بس جاوبته D:

    المفروض تقولى اول 5 تعليقات مجاوبوش على التاج

    ياا .. الواحد يفرح بنفسه لما يلاقي التاج بتاعه بينتشر ويستفحل كدة بين البلوجات

    اجاباتك زي السكر ياقمر ..:)

    ردحذف
  5. انا عدلتها خلاص يا جومرررررر
    منورة التاج بتاع حضرتك والله.. هادخل بقى اشوفه عندك
    بس انتي اللي عملاه.. ولا متمرر لك؟؟!!

    ردحذف
  6. ياسلام
    الحق الاخير
    مش مشكله

    ردحذف
  7. بجد بوست جميل
    وبجد فرحت اوى لما لقيت اسمى مكتوب
    شكرا فتافيت
    وربنا ميحرمناش ابدا من كتاباتك
    تحياتى فتافيت

    ردحذف
  8. اول ضحية معاناااااااااااااااا
    د. عرلافة انت كده اول تعليق معانا وادبست في التاج قصدي كسبت التاج معانا
    يلا يا دكترة كوبي وبست كده.. وجاااااااااوب

    ردحذف
  9. تحياتي مين يا دكتور .. هو انت مش واخد بالك

    انت معاك التاج.. لازم تاخد وتجاوب

    يلااااااااااااااااا

    ردحذف
  10. لا مش عملاه

    بس هو كان بين مجموعة مدونات مش معروفة

    وانا حبيت اطلعه للنور شوية بس D:

    بحب بلوجتك ^_^

    ردحذف
  11. وانا كمان بعب بلوجتك
    يا جميييييييل.. واجاباتك عسل خالص
    واحلى حاجة انك بتكرهي هاني سلامة
    وم بتحبيش السبانخ
    عاااااااااااا.. زي زي

    ردحذف
  12. فتفوتة
    ازيك الف مبروك على المجلة و الخبرين بتاعك فيهم كانوا ممتازين اوي خصوصا بتاع عيفاء بحيث ان فلوس دافعي الضرائب بتتصرف في حاجة هايفة زي هيفاء
    و اكيد من خلال الاسئلة اتعرفنا عليك اكثر
    مودتي

    ردحذف
  13. اولا بوست هايل
    تاج هايل جدا
    الحمد لله انا التعليق رقم 12 يعنى مش هدبس التدبيسة بتاعة التاج الجميل ده..
    ثانيا
    اشكرك يا فتفوتة جدا ان انتى فاكرانى وذكرتينى فى وسط الناس اللى انتى بتحبى تعليقاتهم..
    احييكى على البوست والتاج الرائعين.

    ردحذف
  14. assafo anaroze

    اهلا بيك يا عزيزي بس انت كده.. لازم تاخد التاج وتجاوب عليه
    لانك من اول 5 اشخاص ماتمررش لهم التاج وعلقوا عندي

    يلاااا بقى

    ردحذف
  15. مسدس صغير

    هع هع هعععععععععععععع
    انا قولت ممكن تكون ال50 وتبقى برضو مدبس في التاج
    يلا يا بابا خد التاج وجاوب عليه لانك من اول 5 اشخاص علقت وماكنش التاج متمرر لهم

    يلاااااااااا

    ردحذف
  16. مش فاهم عليك يا فتفوتة ايه يعني التاج
    مودتي

    ردحذف
  17. assafo anaroze

    يعني الاسئلة اللي عندني وانا جابوت عليها
    من اول اسمك ايه؟؟.. لحد هتمرر التاج لمين؟؟

    تاخدها وتعمل بيها تدوينة عندك وتجاوب عليها

    هاتقول تاج فتافيت مررته لك

    وفي الاخر في سؤال هتمرر التاج لمين

    نقي اصدقاء لك ومرر لهم التاج.. وقولهم في مدوناتهم علشان يجوا ياخدوه ويجاوبوا عليه

    يارب تكون فهمت عليا

    خالص مودتي

    ردحذف
  18. ok
    بس مش النهارده نخليه لبكرة

    ردحذف
  19. فتافيت
    مبروك الاصدار الاول للمجلة
    وان كان هناك صعوبة فى التعليقات
    فكرة التاج دى جميلة جدا تخلينا نتعرف اكثر على بعض
    شكرا انك افتكرت مدونتى المتواضعة ولوانها مولود جديد ولم يثبت اقدامه مع اولاد العم والخالة
    عجبنى الصراحة والتلقائية فى اجاباتك
    اعجبت بفلسفتك للحياة
    عجبنى اوى تعريفك للعمل بموضوعية
    وحبك للحرية متمثل فى حبك للكتابة والقراءة بلا قيود تفرضها ضوابط العمل
    تحياتى

    ردحذف
  20. assafo anaroze

    اوووووك.. بس ما طنش مااااشي الكلام

    سلاااااااااااااااام

    ردحذف
  21. ياترى انا عديت الخمسه المدبسين ولا لسه
    ؟؟؟؟؟؟؟؟؟؟؟؟؟؟

    تاج حلو واجاباتك احلى
    ويارب نشوفك على طول وماتغيبيش عنا تانى

    ردحذف
  22. القدر و انا

    معلش هي برضو لسه جديدة.. ومحتاجة تعديلات المهم نبدأ
    انا بحب تعلقاتك ومدونتك عسولة جدا
    التاج انتى كده اخدتيه ولازم تجوبيه يلااااا بقى

    ردحذف
  23. بندقتي الجميلة

    طبعا مدبسة يا جومرررررررر

    ده انتي رابع مدبس .. يلا بقى

    وحشاااااااااااني موووووووووت

    ردحذف
  24. فتافيت
    يظهر انى ادبست فى التاج وانا مش واخد بالى

    ردحذف
  25. هلحق الباص بتاعكم بقى
    بس مش هعرف اجاوب النهارده ممكن بكره
    او بالليل خالص
    وممكن اعمل بيه بوست زيك مش عارف مفروض اعمل ايه بالتاج ده يعنى

    ردحذف
  26. د/عرفه

    ههههههههههههههههههههه المهم انك لحقت الباص يا ابني قبل ما يفوتك

    طبعا ده انت كنت اول مدبس فيه

    بص يا سيدي.. خد الاسئلة الجميلة اللي فوق ديه.. اعمل بيها بوست عسوووووول

    قول جالك منين.. طبعا عمتك فتافيت
    وبعدين جاوب عليه زي الشاطر

    وبعدين مرره لصحابك اللي ما جوبوش عليه قبل كده

    يلااااااااااااااا اي خدمة

    شوفت الموضوع بسيط ازاي

    ديه وصفة سهلة .. دية واصفة هاااااايلة
    عااااااااااااااا

    ردحذف
  27. اجابتك جميلة اوى

    _____________
    هيحصل ايه للايميل بعد ماتموت؟
    ها يتيتم يا قلب امه.. :"(
    ___________
    هههههههههههههههههه اتسألت السؤال دة كتير
    عمر الأجابة دى ما خطرت على بالى
    جامدة اوى

    بوست جميييل اوى وتاج أجمل
    سلام

    ردحذف
  28. اجاباتك جميلة مفتفتة واهم حاجة فيكي

    الحاجة اللي بتعجبني حقيقي

    الحاجة اللي مخليا صداقتنا تدوم

    انك بتحبي الحمام والبط والمحشي اللي في السمنة يعوم

    يعني بنت بلد اصيلة اصيلة صحيح

    شفت موضوعك يا بتاعة الفنانات
    الفاتنات
    الأحياء منهن والأموات

    بحبك جدا

    ردحذف
  29. اناجيت بعد ما خلص التاج

    اصله صعب عليا اوى مقدرش علية

    مبروك المجله وشوفتى الصدف انا وانتى فى نفس الصفحة

    جميلة اوى الاخبار الفنية على الطريقة الفتفوتيه

    اشكرك على انك ذكرتى اسمى من المدونات اللى بتحبيها

    سلام يا جميل ونتلاقى فى عدد جديد من المجله:)

    ردحذف
  30. شفت البوست اول واحدة بس ما رضتش ارد علشان انفد من التاج ..

    وكل شوية اروح واجى اروح واجى علشان يبقوا خمسة ..

    يادوب رحت قرات موضوع لقيتهم 29 ..

    مش عارفة الناس دى بتيجى امتا D:

    قرأت التاج قبل كده كتير فى مدونات بس بجد استمعت به جدا معاكى يافتفوتة ..

    ربنا يحفظك ويبارك فيكِ

    وجزاكِ الله خير على ذكر اسمى ياغالية ..

    انتى كمان من المدونات المقربة لقلبى جدا ..

    أحبك فى الله ..

    ردحذف
  31. السلام عليكم
    ازيك يافتفوته
    بجد اتبسطت بزيارتك
    واجاباتك عسوووووووووووله ومفتفته خالث
    وعلى فكرة انا بقى بترعب من القطط جدا
    ومبروك علينا المجله ربنا يقدرنا وبجد تطلع حاجه خطيييييييييييييرة
    بجد انا مبسوطة بالمجله اوي
    ربنا يفرحنا بيها
    قولي آمين
    تقبلي مروري
    دمت بكل ود
    تحيـ بسومةــاتي(:

    ردحذف
  32. الله


    التاج ده جميل اوى اوى


    واجاباتك عسل اوى

    بس خدى هنا

    مادام النت حياتك وقاعده واكله شاربه عليه مقصره معانا ليه بقه وكل شويه تنزلى اعتذار

    انتى اكتر واحده شوتفها بتعتذر على فكره على مدونتها
    هههههههههههههههه

    على فكره انتى شخصيه عسل اوى

    انا بحب التاجات عشان هى بجد بتعرفنا بشخصيه المدون اكتر واكتر


    امواااااااااه ليكى يا قمر

    ردحذف
  33. اجاباتك كلها عسوله زيك يا فتفوته

    ان دلت فتدل علي مدي جمال الشخصيه

    دمتي بكل خير

    ردحذف
  34. اولا مبروك يا جميله على المجله
    وان شاء الله تبقى حد ناجح وتكسرى الدنيا (يعنى هتوقعى شويه الفتافيت اللى فوق بعض دول :D)
    وانتى فعلا حد عسول خالص ودمك خفيف
    ربنا يوفقك دايما :)

    ردحذف
  35. انتى مش دمك خفيف وبس والله انتى سكر وبموووووت فى مدونتك ربنا يكرمك دايما يارب


    الأكلة المفضلة ؟
    القلقاس الأخضر.. الحمام المحمر..
    ومحشي ورق العنب.. الكرشة والمومبار..
    الاكل الاسياوي.. البيتزا



    والله يعوض على امينة شلباية لو عرفت انك بتاكلى كده ممكن نتحرى :)

    ردحذف
  36. مش هتبطلي تعايريني عشان كنت فرحان اني اول تعليق لاول مره في حياتي ههههههههههههههههه
    ماثي ماثي يا فتافيت
    بس حلو اوي الجملة الفلسفية بتاعة
    ايه فايدة الاغنية لو ملقتش حد يسمعها

    ردحذف
  37. ايه الحظ الجامد ده
    جيت على تاج
    بس بجد اجابات بسيطه وجميله
    وبتدل على شخصيه مرحه وطيبه
    انا اتشرفت انى عرفتك يا رحاب
    واتمنى انك تقبلينى ضيف دائم عندك
    واسمحيلى اضيف مدونتك عندى ونبقى اصدقاء تدوين للابد(يعنى لحد ما تتخنقى منى)
    ههههههههههه

    ردحذف
  38. عزيزتى
    أنا محرج من ذوقك يا افندم ده والكرم بتاعك

    بس هنقسم البلد نصفين

    لانى فى مدوناتى اللى بقالها سنتين رافض احط فيها تاج ولا اجاوب على تاج

    بس نقسموا البلد انى ارد عليه عندك بتعليق


    نبتدى من

    ثالثا

    نخش على التاج ونقول بسم الله

    اسمى.......

    حسام ومش انا اللى اختارته طبعا

    المشهور بيه وسط أصحابى.....

    تصدقى مفيش يعنى اللى يقول اسم النهاردة يغيره بكرة.......ممكن سمسم.....حوس حوس..اى حاجه حلوة


    سنك...........

    أمبارح كان عمرى عشرين وبكره هحتفل بالستين
    ما هى كده السنين بتجرى واحنا مش حاسين

    مجال دراستك..............

    سبع صنايع والبخت ضايع فى شركة مقاولات متخصصه حاليا


    اسم مدونتى.........

    احساس لسه حى الام

    وانا مش موافق وكلام من روح اولادها الاتنين

    حاجات عجبانى صور وفيديوا واغانى وكتب الاحفاد الاتنين


    صورتك الرمزية فى المدونة بتعبر عن أية.....


    هى كانت صور كتيرة بس رسيت على الصورة دى اخيرا

    اتنين رجل وست على شكل قلب طايرين ظهرهم لبعض

    وبتعبر عن ميت حاجه حاسسها مش عارف اقولها

    ممكن محتاج كتاب علشان اقولها


    هل فكرت فى اغلاق المدونة ؟ والسبب؟....

    فكرت مره اقفل انا مش موافق بس جت انسانه انقذت الفكرة وموتتها من غير ما تقصد

    السبب هجوم من كثيرين على بالكذب والحمد الله صاحب الكذبة اعترف بعدم تاكده من اللى قاله على
    والموضوع طويل بقه يا فتافيت


    ايه رد فعلك لو حد قل ادبه فى تعليق......


    ارد عليه بسخرية واهزقه بس لو فيه شتيمة امسح التعليق واروح عنده اروح عنده واهزقه

    اسوأ مدونة..........

    قطة الصحراء
    لان مدونات التنصير والمرتدين واضحه واى حد هيفهم هدفها اما المدونات اللى بتتكلم باسم الدين وهى بتهاجم الدين وعامله نفسها حقوقية وضد التخلف

    ممكن ناس تنخدع فيها بعض الوقت

    بس اكيد مش مبرر انه يفضل مخدوع فيها كل الوقت

    هيحصل ايه للااميل بعد ما تموت.........

    محدش هيفتحه الا لو حد من اللى اديته الباسوورد
    افتكره وفتحه


    اديت الباسوورد لحد قبل كده......

    اه اديته لشخصين قبل كده

    علشان شئ فى المدونة وكنت مشغول مش بفتح نت


    السفر بالنسبالك ايه.........

    هدف ولسبب

    الموود بتاعك ايه........

    زى البحر ساعات هادى وساعات هايج وساعات عاقل وساعات مجنون


    بتعمل ايه فى وقت فراغك......

    نت او بقرا او بلعب او بفكر


    الاكلة المفضلة........

    معنديش اكلة مش مفضلة من النظر لحالة كثير من البشر لاكن الاكلة بتكون مفضلة حسب من ايد مين ومين بيشاركنى فى أكلها

    الصفات اللى اخذتها من والدك......

    يمكن الطيبة مع انها مختلفه عنه كثيرا


    الصفات اللى اخذتها من والدتك......

    يمكن الحنية مع انها مختلفه عنها قليلا

    اكتر ست حاجات بتكرههم..........


    اللى على بالى دلوقتى


    الصدق لما أتحاسب عليه

    الحب لما يعمينى

    النفاق لما بيأذينى

    دموعى لما يشوفها الناس

    الدنيا لما ترمينى

    ذل الضعيف لحاجه ليه

    أكتر ست حاجات بتحبهم...........

    برضوا اللى على بالى

    دينى

    وطنى

    اسرتى

    المراه

    الاطفال

    الفلوس


    شخصيتك نوعها ايه.........

    ده غير الود يعنى

    باختصار مع بعض الخطوط تحت كل كلمة

    زبالة بعض الوقت زى كثير من الناس

    وجدع معظم الوقت زى قليل من الناس

    لماذا دخلت التدوين من الاساس........

    اقتراح من انسانة قولت اجرب وشكرا ليها على اقتراحها ومساعدتها فى عمل التدوينه


    احلى جملة قليت فى وصف مدونتك.......

    انها فعلا احساس لسه حى


    اهمية التعليقات بالنسبالك.....

    تغيرت اهميتها مع الوقت لاكن لاتتغير فرحتى بيها اى وقت


    احلى بوست كتبته؟ ضع اللينك ثم اذكر لماذا؟.....

    مش عارف بصراحة لان فى كام بوست بيمسونى اوى فى حاجات فى حياتى وحلاوتهم بحس بيها لما بخش عليهم


    افضل مدونة قرأتها؟........


    برضوا مش عارف لان المدونة بتعلا وتهبط حسب الموضوع اللى بتكتب عنه واهميته وطريقة التناول

    وصعب اعصر مخى على مدونات كتيرة قريتها خلال سنتين



    افضل بوست قرأته؟.......

    صعب احدده من موضوعات قريتها خلال سنتين


    الشغل بالنسبالك اية؟..........

    وسيلة لجنى المال اللى ميخلنيش احتاج لحد الى ان يوجد المال الذى لا احتاج بعده الى الشغل


    الانترنت بالنسبالك ايه؟.....

    دكتور نفسانى بيريحنى كثيرا ويوجعنى قليلا بشكة ابره


    تمرر التاج ده لمين......

    بعد ما طلع روحى وانا بجاوب على اسئلته اللى عاوز يخده برحته بس يجاوب بصراحه يا ريت

    ارتحتى يا فتافيت اهو ولسه هروح اعلق كمان

    شكرا يا يا افندم

    سلام

    ردحذف
  39. فتــــــــــفوتي


    وحشاني ياكميله


    باكل وبشرب وبقعد ع النت
    هههههههههههههههههههههههههههههههههههه

    ردحذف
  40. عزيزتى

    اعلق بقه تانى

    اوعى تتخنقى من اللت

    اولا

    مبروك لأنتصار تامر وعلى كجلة رؤية ومبروك ليكى على الخبرين

    ثانيا

    انتى ولا مقصرة ولا حاجه كلنا عاوزين نعلق عند كل الناس بس ساعات الشغل او الظروف او النكد او ميت حاجه تخلينا مش بنعلق

    المهم كلنا المفروض فاهمين ومقدريين

    ثالثا نشوف ردك على التاج

    ونختار بينهم

    اسم مدونتك غريب شوية وحاسس منه انك صبورة اوى ممكن تحطى فتفوته على فتفوته بصبر وطوليت بال

    والصورة اه بحس فيها بغموض وسحر

    وحلوة تضحمى الناس عليه لو قل فى ادبه ساعات السخرية بتوجع اكتر من الشتيمة وبتحرق الاعصاب

    شوفى المدونات اللى ضد النقاب والحجاب ومدونات التنصير والمرتدين الاسوأ منها اللى مش بيبين كده وبيهاجم الدين بطريقه غير مباشرة دى الاخطر والأسوء


    التفاؤل والضحك باين من اسلوبك وقفشاتك

    بقه قطتك اسمها فتافيت طيب يبقى الاسم ده من زمان معاكى معلق وليه اساس

    تقريبا بتعرفى تكلى وتختارى كويس الاكل


    بابا متعب اوى بس النقد الاذع ده فى الحق دايمن ولا الحق من وجهة نظره بس

    ماما كمان عصبية بس خفة الدم مع العصبية صعبة بس الرضا احلا شئ فى الدنيا وبرضوا ضد العصبية


    متفق معاكى بس التشائم مش بهتم بيه

    انا بعشق الاطفال اوى وبحبهم

    شخصيتك زى ما قولتى بالضبط واضح بس مقولتيش صريحة واللى فى قلبك على لسانك ضفيها

    واكيد التدوين بعد ما تخشيه هتلاقى حاجات اكتر ممكن تعمليها وهتعمليها

    هقرى احلى بوست كتبتيه

    كنتى قولتى كل المدونات اللى بزورها وخلااص بدل وجع القلب اللى عملتيه مع نفسك

    افضل بوست مقرتهوش هحروح اشوفه اكيد بالذات ان الضحك جميل

    رأيك فى الشغل جميل

    وبلاش تتعودى تدبسى الناس افرضى مكنش عندى اجابات كنت هعمل ايه
    كان المشاريب يبقوا على حسابك بقه

    اظن كده انا خلصت وخلصتى انتى كمان طبعا من التعليقين

    شكرا مرة تانى

    تحياتى

    سلااااااام

    ردحذف
  41. إجابات جميلة
    ربنا يسعدك دايما

    ردحذف
  42. فتفوووووووته وحشتيني يابنتي

    كنت مسافره والله ومالحقتش اجي ف الاول :(

    وجالي عمى الوان مادخلتش ع كل البلوجات زدلوقتي بكتشف ده بالصدفهالبحته :D

    المهم

    الحمدلله انا جيت ف الاخر

    بس اجابتك عسل اوي

    انتي بتحبي الكرشه !!!

    بلاش اقولك ع الي بيحصلي منها :p

    وحشتيني ياقمر

    ممممووواه

    ردحذف
  43. كويس انى ماعلقتش فى الاول
    وبقيت التعليق رقم 44 اه يااختى ام اربعه واربعين
    شفتى بقى؟
    عموما التاج جانى من ناس تانيه
    يعنى هاجاوبه هاجاوبه
    امرى لله
    ههههههههههههههههههههه
    بس انتى بقى ثكر
    واجاباتك عثل

    ردحذف
  44. بسم الله الرحمن الرحيم
    السلام عليكم ورحمة لله وبركاته
    فتافيت هانم
    تحياتى
    شوفى سيادتك انا هعلق على الخبرين الحلوين بس
    اولا الف مبروك على رؤيه ويارب تكبر كمان وكمان
    ثانيا الف مبروك انتصار تامر على شركة تراست بس يارب ده يكون جواب نهائى مش تثبيت وبعدها يتغير اسم الشركه والعملية تتفبرك علشان ينيمونا فى العسل
    وعقبال باقى التراستات اللى فى بلدنا
    اما عن التاج فمش هينفع انى اعلق عليه علشان لسه معلق عليه عند ستيته وانا اصلا بكره التاجات دى (ذكرى مايعلم بيها الا ربنا)
    انما فى المجمل يعنى
    الاجابات طبعا دمها خفيف خالص وفيها صدق وشقاوة
    بس ليه مش بتحبى الكشرى ؟؟؟؟؟؟
    وبعدين انتى بكاشة اوى
    بعنى هى المدونة بتاعتى من المدونات اللى بتفضليها؟؟
    على ايه والنبى
    دا لاشكل ولا منظر
    بلاش المحسوبيه دى اللى موديانا فى داهيه
    هههههههههههههههههه
    تحياتى ودمتى بكل خير وود
    والسلام عليكم ورحمة الله وبركاته

    ردحذف
  45. متبعاكي علي طول و بكتفي برد تامر
    (تامر علي)


    بس ردود جميلة و صادقة


    نيجي بأه لتامر بتاع الجلاش


    ماله بس الجلاش يا ست الكوكوتة
    ده حتي كميييل

    طيب ابقي زورينا مرة و انا اعملك صينية هتكلي صوابعك وراها
    :)

    و بونص كمان حمام محشي
    مرضية يا ست فوتفوتة



    انا انتهزت ان تامر لسة ما علقش قلت اما اجري اسبقه

    ردحذف
  46. لا تغيبي عنا يا فتافيت
    واشكرك على التاج وان شاء الله اعرف اجاوب على الاسئله قريب

    ردحذف
  47. الفقيرة الى الله ام البنات الغير معرف

    انت وحشتينى اكتر
    معلهش مقصرة معاك انا كمان
    امتحانات ام البنات البليدة

    ردحذف
  48. الحمد الله

    كده الخمسة كملوا

    نرد بقى

    أولا ألف مبروك عالمقال بتاع المجلة

    ثانيا بقى

    أنا سمعت قبل كده عن موضوع التاجات دي بس مكنتش فاهم ايه نظامها

    كان آخري يعني أعرف التاج اللي في الفيس بوك

    فلان تاجك في صورة نوت فيديو

    بس كويس ادينا بنتعلم


    ثالثا بقى

    كرشة !!!

    قلقاس !!!

    أقول ايه بس

    ردحذف
  49. ماشاء الله اجاباتك حلوه

    عندي شيويه تعليقات بس

    صحابك بيقولوك يا RoRaZ بجد ؟ :d اصلها صعبه اوي :D

    وبالنسبه للاكل الاسيوي ايه المطاعم اللي بتنصحي فيها ؟ وايه الاكلات الحلوه اللي نجربها؟

    مدونه جميله :)

    ردحذف
  50. فتفوته
    اولا احب اهني علي الخبرين
    واقول ان المجله جميله بجد
    وحاسس انها هيبقي ليها مستقبل مالوش حل يعني من الاخر
    ثانيا اشكرك جداااااا
    انك فاكراني
    وموجوده في اللسته اللي انت قولتي عليها

    ثالثا اجاباتك ممتعه
    بجد والله

    تحياتي ليكي

    ردحذف
  51. حد ياكل حمام وممبار وكمان قلقاس في وقت متأخر زي ده ؟؟ الساعة داخله على 12 :)

    أنا مبسوط إن في بوست ليا عجب سيادتك يا فندم كما إن بوستات حضرتك تزيدنا بهجة وتجعلنا أكثر اشراقاً ولمعاناً :)

    كما توجه بالشكر للأستاذ أحمد أبو العلا الباشمهندز الكبير بهذه المناسبة الميمونة .. أخبار الجلاش إيه ؟؟:)

    ردحذف
  52. مبروك على المجله
    بجد جميله ومتابعينك اهو مالكيش حجه بقى
    الأكل المفضل
    القلقاس الأخضر.. الحمام المحمر..
    ومحشي ورق العنب.. الكرشة والمومبار..
    الاكل الاسياوي.. البيتزا
    تصدقى جعت
    أقوم أكل بقى تيجى تاكلى معايا؟؟؟؟

    طول عمرك دمك زى العثل يافتفوته
    ايموشن "بوسه"

    ردحذف
  53. أمبارح كان عمرى عشرين!!!

    ميرسي يا معلم.. ومدونتك بجد بحب ازورها جدا
    ونورت البوست والتااااااااااج

    ردحذف
  54. ستيته حسب الله الحمش

    اخلا سوتايته
    وحشااااني.. انا بحب نعمة ربنا كلها
    الا السبانخ بععععععععع بجد بقى

    وانا شوفت المقال بتاعك

    عثثثثثثل زيك يا عثثثثثثثثل

    ردحذف
  55. زوجة عنيدة

    والله فرحت جدا لما لاقيتك معايا.. انا بعبك اصلا
    واخص عليكي يا جميل مش عايزة التاج

    مانا ممكن ادبسك فيه حالا.. بس بلاش علشان بس تعرفي قد ايه فتافيت طيبة

    منووورة

    ردحذف
  56. لجين أبو الدهب

    احبك الذي احببتني فيه

    والله مدونتك تحفة بجد.. وبحبها جدا لانها بتحكي حاجات معرفش عنها حاجة المدراس الدخلية بالنسبة ليا مجهول

    بس يلا اهو نفدتي من التااااااااج

    منوووورة

    ردحذف
  57. بـسـمـــة صـــــلاح

    امييييييييين.. ويارب تكبر وتبقى حاجة مهمة
    انتى نورتيني يا بسبوسة

    ردحذف
  58. ريمان

    مووووووووووة ليكي انتى كمان كبيرة خالص
    النت يا اوختشي انا شغلي عليه

    يعني ليل ونهار على النت.. بس مش على المدونة فخمتو يا لولو

    بعببببببببك

    ردحذف
  59. صمت المشاعر

    ميرسي يا صمت يا هثثثثثثثثثثل

    نورت يا معلم

    ردحذف
  60. DaNDoNa

    ياااه ولما توقع فتافيت تعمل ايه؟؟!!
    وانتى حد واتنين وتلاتة عسل وسكر وقمر

    موووووووووووة يا جميلة

    ردحذف
  61. ايوشة

    اه والله بحب ده كله وكمان بحب السي فوود كله كله
    وبحب الفطير والفسيخ.. انا بحب الاكل جدا اصلا

    وانتى دمك شربات وحته سكر يا قمر

    مووووووووة

    ردحذف
  62. ايوشة

    شلباية مين ام قفص صدري معترض ديه
    ياااا شيخة بلا قرف

    طيب لو ده هيخليها تحل عنا

    مساتعدة اكل قصادها فسيخ بس هي تنوي تنتحر

    ردحذف
  63. Tamer Diab

    تشااامر صديقي العثثثثثثثثثل
    يلا بقى اديها انت كمان التاج
    انشالله محد حوش
    منور يا كاابير

    ردحذف
  64. Gemy

    اهلا بيك منور طبعا
    وبستأذن علشان تضيف المدونة عندك
    يا راجل ده انا الفها واوصلها ليك دليرجري هههههههههههههه

    منور والله

    ردحذف
  65. احساس لسه حى

    عزيزي اللي احساسه لسه عنده

    90% من اجاباتك كنت متوقعها علشان كده مررته لك اجباري
    علشان اعرف انا شايفة صح ولا لا

    وميرسي انك جاوبت حتى لو مش عندك

    عندي عندك واحد.. بفكر نفتحهم على بعض بسلم داخلي ونهمل روووف عااااااااااااا

    نورتي بجد يا حسام باشا

    ردحذف
  66. عاشقه وغلبانه

    حبيبي يا قمر وحشااااني يا داكتورة عاااااا

    اه باكل اشرب وكده (وش مكزووف) وبقعد على النت

    مووووة

    ردحذف
  67. احساس لسه حى

    اسم المودنة مش غريب والله.. ده حتى كمييييل

    قطتي اسمها كيكي.. مش فتافيت

    بابا متعب جدا وانا اكتر منه

    وماما خفيف اوي وبتقول شوية افيهات تحفففة

    وهم الاتنين عصبيبني وهذا ما جناه ابي علي .. عصبية انا وسريعة الاشتعال

    انا كمان بحب الاطفال بجنون.. حلم حياتي يبقى عندي طفل.,.. بفكر انشطر قريب بقى مش باين لها جواز عاااااااااااااااا

    انا صريحة جدا لدرجة الصراحة المرة.. ونسيت اضفها صح

    راي في الشغل .. هو اللي حساه نحيته

    الأكل اللي بحبه انا قولت شوية منه بس

    احساااااااس نورتي بجد..

    ميرسي اوي ليك

    ردحذف
  68. mohamed ghalia

    اهلا غالية بجد نورتني
    ميرسي .. ويسعد اياامك يا رب

    ردحذف
  69. MǿиY El-Shreef

    حمدلله على السلامة

    ده انا بعشق حاجة اسمها كرشة وفشة ومومبااااار
    بحبهم جدا ويا سلاموز على الكوارع بااااشا

    ههههههههههههههههههههههههههههههههههه

    موووووووووووووووة

    ردحذف
  70. عاشقه الرومانسيه

    شوفتي يا ام الخلول اهو ادبستي فيه برضو عاااااااااااااااااااااااا

    وحشتيني خالص والله.. واكيد اجاباتك هاتبقى اعثل من بتاعتي

    موووووووووة

    ردحذف
  71. المعتصم

    عمدددددددددددددة عليكم السلام

    والله بحبها يمكن علشان لا شكل ولا منظر .. عاااااااااااااااااا

    ده كفايا بوست حلاوة المولد وبوست الماطوة

    حاجة تفرح كده.. بجد دمها سكر

    ومش محسوبية يا عم ده رفع من الروح المهنوية

    نورررررررتني يا عمدة

    ردحذف
  72. mony

    انتى كده بتتدبسي ما دام فيها حماااااااام
    يبقى انا فرافيرو انا جاااااااااااي
    والجلاش ماله بس مش انا اللي البوست بتاعي
    كان صنية جلاش.. طيب انا هاحكمك
    انا البوست بتاعي جلاش.. ولا هو اللي بتاع جلاش
    بس انتوا متجوزين ولا انا فهمت غلط؟؟
    لو فهمت غلط كبري دماغك.. ولا فهمت صح برضو كبري
    بس انا في الحالتين مش هاكبر من الحمام خاااالص
    نورتي يا عسسسسسسسسل

    ردحذف
  73. لورنس العرب

    وزير الموصلات بتاع المدونين
    نورتني بجد.. وهي ديه الناس الجامدة
    ما تتهزش من تاجات وتجاوب على طول
    ميرسي لمرورك وماتغبش
    انت عناااااااا
    نورت

    ردحذف
  74. الفقيرة الى الله ام البنات

    وحشتيني وحشتيييننننننننننيييييييييي
    اووووووووووووووووووووووووووي

    ربنا يعينك وترجعي لنا بسلامة
    بعبك بعبك بعبك
    موووووة

    ردحذف
  75. حسام غانم

    ميرسي يا حس الله يبارك فيك
    واهو ادينا علمناك حاجة وكله بثوابه عاااااااا
    ام بخصوص الكرشة والقلقاس
    ايه رايك طيب في الكوارع والفسيخ
    كده مرضي.. يموت فيهم
    عاااااااااااااا

    ردحذف
  76. عمك ياض

    هو حظك انى مش ياض ده عاااااااااااا

    اه والله كلهم بيقلوا ليا روراز.. ليه بقى لن ده النك نيم بتاعي في اي موقع بدخله
    حتى تلاقي البانر بتاع البلوج ممضي بRoraz

    ام عن الاكل الاسيوي

    انا بحب اوي الاسبرينج رول سواء مقلي او على البخار.. بالخضار والجزر تحفة

    كمان السيشوان الاسباسي والتانج كون العادي.. شربات تجنن وبموت فيها

    وبحب الفراخ بالكريمة والحبهان والنولدز المدخن بموت فيهم

    على فكرة انا بطبه اسيوي حلو جدااااااااااا.. لاني بحبه اوي اوي اوي

    بصراحة انا باكله على طول في سحر اسيا اللي في ستي ستارز

    لان للاسف في الشرقية مافيهاش مطاعم وده اقرب مكان ممكن اكله فيه

    منووووووور يا مااااااااان

    عمتك فتافيت

    ردحذف
  77. شربات تجنن وبموت فيها.. عااااااااااا

    شورباااااات .. سوب يعني تحنن مش شربات وجزم

    ههههههههههههههههه

    ردحذف
  78. أبو العريف

    شيف المدونين الهمام.. منور يا مااااان
    طبعا فاكراك هو انا انسى البطاطس الجنان

    نورتي والله يبارك فيك

    ميرسي جدا

    ردحذف
  79. أبو العريف

    شيف المدونين الهمام.. منور يا مااااان
    طبعا فاكراك هو انا انسى البطاطس الجنان

    نورتي والله يبارك فيك

    ميرسي جدا

    ردحذف
  80. ايوة يا فتفوتة
    متجوزيييين
    :)

    امال بقولك بكتفي بتعليقه ليه يعني
    :)
    و عموما يا ستي ولا تزعلي
    ده لو شبة البوست بتاعك بالجلاش يبقي بوست جميل جدا علشان هو بيموت في الجلاش بنوعيه


    و عزومة الحمام لسة قائمة
    فكري قبل ما نرجع في كلامنا
    :)

    ردحذف
  81. السلام عليكم

    اولا ً ألف مبارك لتامر .. وهكذا يكون الرجال الذين ينتمون لوطنهم

    وثانياً قد احسنت الاجابة على الأسئلة
    وجعلها الله في ميزان حسناتك

    دمت بخير..

    لا تنسوا اخوانكم في غزة من دعائكم

    ||..بحـر الدموع..||

    ردحذف
  82. الف مبروك للمجله وتاج جميل وردودك جميله خالص

    ردحذف
  83. فتفوتة
    ازيك
    صباح جميل
    مودتي

    ردحذف
  84. اجاباتك لذيذه على التاج . و ميرسى ليكى يا جميل انك افتكرتى تحطى اسمى المتواضع فى التاج و مردودالك فى الافراح ان شاء الله ... و ترباتاتى اللى يحبنا ما يضربش نار

    ردحذف
  85. اسم النبي حارسك وصاينك يا فتفوتة يا بنت الحاج .....
    هو أبوكي اسمه ايه أكيد الحاج لقمة
    اسمك منور يا أختشي في المجلة لازم نبخروكي عشان الحسد والحاسدشين إلا يا اختي تتنشي عين بعد الشر هو احنا ناقصين
    والتاج كمان هينطق عليكي (مش عارفة سمعت الجملة دي فين قبل كده بس كانت الروب)اوعي تقولي لي أقلعه لا والله أبدا ما ييجي لحد غيرك ودا اسمه كلام برضك
    مذيعة وتوشيبا كمان
    ما تشوفيلنا عقد عمل في السعودية ينوبك ثواب عند الله
    واحشاني يا فتفت
    ابقي اسألي علي بقى
    أحسن مدونتي هي كمان هتتيتم يا عين أمها

    ردحذف
  86. كل الاسباب التي ذكرتيها لغيابك منطقية لكن حبنا لك ولكتاباتك تجعلنا نرفض هذا المنطق
    دمتم بخير

    ردحذف
  87. جاوبت على التاج ومشفتكيش يعنى؟؟
    بقى ده اسمه كلام ؟؟
    تورطينى وتخلعى؟؟
    هههههههه

    ردحذف
  88. بسم الله الرحمن الرحيم
    السلام عليكم ورحمة اله وبركاته
    ازيك يافتافيت هانم
    ايه يابنتى
    مختفيه بقالك فترة
    هو ايه الموضوع
    فينك
    يارب يكون خير ان شاء الله
    تحياتى
    سلام

    ردحذف
  89. السلام عليكم و رحمة الله و بركاته


    فتفوتة العسولة
    والله وحشانى يا فتافيتو

    و أجاباتك عسل زيك
    جميلة اوى

    و أنا الحمد لله اتبعت لى التاج و حليته
    بس اييييييييييه
    اوعى تقولى لحد
    هههههههههههههههههههه

    بس أنا بادلع رحاب ---> أوبى
    أوبى وان كنوبى ..هههههههههههه

    خالص ودى يا جميلة
    و مش تتأخرى علينا بئا
    ربنا ييسرلك الحال

    ردحذف
  90. mony

    ممممممم .. جميل كده جدا
    الحمام انا ماقدرش اقاومه.. بس انتم بعيد
    معندكوش دليفري ينوبك ثواب
    هههههههههههههههه
    منورة يا قمر

    ردحذف
  91. بحـــر الدموع

    اهلا بيك ومنور البوست
    وميرسي على مرورك الجميل
    ربنا يثبت اقدامكم جميعا وينصركم

    ردحذف
  92. حاسوباتيه

    الاجمل بجد انك عندي هنا
    نورتي ياقمر

    ردحذف
  93. Mustafa Şenalp

    çok teşekkürler
    hoş geldiniz

    ردحذف
  94. Che

    عمرو باشا منور والله
    فينك من زمان.. وسمعنا سلام حمدلله عسلامة هلا هلا

    ردحذف
  95. assafo anaroze
    يا مساء الفل
    انا كويسة بس عم جوجل كان عامل علي حظر عااااااا
    منور ايسافو

    ردحذف
  96. مجبورة

    عسسسسسسسسسسل والله.. عقد عمل مرة واحدة وفي السعودية
    طيب موافقة بس الحاجة هتوافقك؟؟!!
    منوراني يا جووومررررر والله

    ردحذف
  97. م/ الحسيني لزومي

    يا نهار يا نهار حضرتك بحالك هنا
    منور البلوج والبوست وجوجل كله
    ميرسي اوي على الزيارة والكلام الجميل ده

    ردحذف
  98. To Visit My

    ده وقع من جيب مين بقى؟؟
    مش قولنا كل واحد ياخد باله من حاجته قبل ما يمشيس..
    ده وقع من مين فيكم؟؟
    انت تايهه يا بابا .. عارف لو شوفتك هنا تاني هاعمل فيك ايه؟؟
    هعمل فيك بوست واللي ما يعلق يتفرج

    غووووور ياض من هنا

    ده تايهه ولا ايه؟؟

    ردحذف
  99. مسدس صغير

    والله كان مفروض عليا حظر تجول
    عاااااااااااااا

    ردحذف
  100. المعتصم

    اهلا يا عمدة
    جوجل كان عامل عليتا حظر تجول وماكنتش عارفة ادخل مش عارفة ليه
    شكلك كده اشتاكتني علشان دعيت عليك والنت فصل عاااااااااااااااااااا

    انا جيت اهو .. منور يا باشا
    وعيارين نار تحية من فتافيت طخخخخخخخخخ طخخخخخخخخخ

    ردحذف
  101. Soul.o0o.Whisper

    سرك في بيرررررررررررررر.. ولا اكنك قولتي انك جاوبتي التاج ولا حاجة خالص

    وحشتيني يا ثثثثثثثثكر

    ردحذف
  102. تامر علي

    انا اكل مومبار وحمام في اي وقت وفي اي زمان.. ده مومبار هو لعبة ولا ايه

    ههههههههههههههههههههههههههههه

    والبوست كان هايل بجد

    نورتني .. وعلى فكرة المودام دبستكم في عزومة حمام

    دتبيس تدبيس

    وانا لازقة بقى

    :))

    ردحذف
  103. wesoooooooooo

    منور يا عسل .. تصدقي انا جوعت لما شوفت الاجابات انا بموت في الاكل اللذيذ اصلا

    منورة يا جووومررررر

    وبوسة كبيرة خالص

    موووووووووووووووة

    ومعلش تعليقك وقع منى انتى وتامر علي

    بعبك يا جومرررررررر

    ردحذف
  104. احيه نسيتيني يارورو
    انا مخصماكي انتي وحشه
    خلاص كده انا قلبت عليكي

    ردحذف
  105. فتفوته حبيبتي
    ولا يهمك ياجميل
    كلنا بتعرض لمواقف بتكون مضايقانا او ظروف انشغال بنسيب فيها حاجات مهمه في حياتنا
    بس بنرجع تاني برضو
    وبنرجع اجمل واقوى
    وحشتييييييييييييييييييني
    وكمان كاتبه اسم مدونتي عندك اول مره حد يعمل كدا معايا....
    ههههههههههههههه

    منار فايد

    ردحذف
  106. همس الليل

    ليه بس يا سبع الليل كده .. هاضيف اسمك
    بس انتى في القلب جوة يا قمر مش محتاجة اكتب اسمك يعني

    مش كفاية اني حماااااااااااااااتك

    ردحذف
  107. شباك موارب

    مهو لازم اكتب اسمك طبعا
    مش انتى عسل وسكر وبموت في مدونتك
    نورتي يا سسسسسسكرررررررررررررة

    ردحذف

خلل براحتك من غير انتظار .. فتافيت أصلاً بتحب الخيار