25 فبراير 2009

مافيش فايدة

ياجماعة سامحوني .. والله مشغولة ومش عارفة ازوركم
وكمان مش عارفة ارد على الكومنتس
بس هارد بكره ان شاء الله


** ** ** **

وديه معرفش بقى يتقال عليها خاطرة .. يتقال عليها اغنية
معرفش اهو الوحي نزل وخلاص .. وفتفتها


بجد تعبت منك .. خلاص مافيش فايدة .. لو قولت تاني أحبك .. ابقى لحياتي بايعة

سنين طويلة معاك في حيرة أنا عشتها .. ذل وغيرة وقسوة ومرارة منك شربتها

وجاي دلوقتي ترجع وتقوللي بتتألم .. كان زمان حبك ياللي بتتكلم

بجد تعبت منك .. خلاص مافيش فايدة .. لو قولت تاني أحبك .. ابقى لحياتي بايعة

حبيبي اسمعها مني وده طلبي الوحيد .. ووعد لو نفذته هاحول من جديد

احلم بنجمة فالسما وتبقى ملك ليك .. واصحى من نومك ياحبيبي والنجمة بين ايديك
وهاتها وتعالى ليا ساعتها هارجع ليك

عارفة مستحيل .. عارفة مافيش فايدة .. مهو لو قولت تاني أحبك .. ابقى لحياتي بايعة

هناك 71 تعليقًا:

  1. احلم بنجمة فالسما وتبقى ملك ليك .. واصحى من نومك ياحبيبي والنجمة بين ايديك
    وهاتها وتعالى ليا ساعتها هارجع ليك


    ايه الابداع المستحيل دا

    انت كدا اشتريتي حياتك بالثلث

    كلمات حلوة يا فتافيت السكر

    تقديري

    ردحذف
  2. مافيش فايده
    مافيش فايده
    مافيش فايده
    بس خلاص

    ردحذف
  3. ماما أمولة

    اهلا اهلا اهلا
    وكمان اول كومنت .. يادي الهنا اللي انت فيه يا قلبي

    نورتي البوست والمدونة كلها
    ومبسووووطة جدا ان النكش الفراخ بتاعي عجبك

    ياريت تبقى تنوريني تاني

    ردحذف
  4. عاشقه وغلبانه

    نسيتي قبل بس خلالص ايييييييييييييييييييييييييه

    واضح ان شعبولا ماثر في شخصيتك كتير عااااااااا

    بس ليه مافيش فايدة كتير كده

    معجبكيش الكلامك..؟؟

    ردحذف
  5. بيعجبنى انا الكلام اللى فيه كبرياء و كرامه و خصوصا لو من بنت

    ماهو يابنتى قالها و مات فعلا مافيش فاااايده يعنى لاااا راجعه ابدا فى دى الكلمة

    بس بجد عجبانى مووووت (:

    ردحذف
  6. قمة التحدي

    كلمات جميله فعلا

    ربنا معاكي ويثبتك :)

    اصل في شئ اسمه الحنين

    *_*

    غربتي

    ردحذف
  7. أحلى حاجه لفتت نظري الصوره
    أصل انا بحب الصور الجميله اللي تحسي أن فيها مهنى ورا اختيارها

    ياترى ايه المعني؟
    (السؤال ده اجباري وعليه خمس درجات كمان)

    ردحذف
  8. مهو لو قولت تاني أحبك .. ابقى لحياتي بايعة

    --

    صح كدة
    :)

    ردحذف
  9. الله على الجمال

    تقبلى مرورى

    اخولكى الصغير اسلام الشربينى

    ردحذف
  10. أجمل شيء في الحب المستحيل انه بيضفي صوره أسطورية تزيد الصورة بهاء ... ويصل بالخيال الى مالانهاية
    كلمات جميلة ..وحضور متألق :)

    ردحذف
  11. الله عليكى يافتفوته
    باشا والله
    ايه القوه دى
    احلم بنجمة فالسما وتبقى ملك ليك .. واصحى من نومك ياحبيبي والنجمة بين ايديك
    وهاتها وتعالى ليا ساعتها هارجع ليك
    فعلا مافيش فايده

    ردحذف
  12. ده على كلامك ده يبقى انا بعت حياته بالثلث
    لانى مش باقدر احرم ولا باقدر ابعد
    اصلى بجد بحبه مهما اشوف منه

    ردحذف
  13. عسسسسسسل و الله يا فتافيت

    بجد جميلة اووووى و كمان فيها شموخ كده
    بحب الحاجات دى مووووت

    ردحذف
  14. فتافيت
    مساء النور
    بس ليه كده يا فتفوتة تكسر بنفس الواد ده الحب مفيش احلى شيء في الوجود منو
    الحب يا فتفوتة بيدي للدنيا طعم خاص و مذاق احلى بالرغم من المعاناة و الصعوبة اللي بتواجهنا
    ليه يا فتافيت متدي لنفسك وليه الفرصة ممكن تتصلح الاحوال وربنا يهدي النفوس
    مودتي

    ردحذف
  15. قد كده رقيقة وحنينة هههههههه بتقوليله نجوم السما أقربلك من إني أرجعلك لا لا لا طمنتيني قوي ةعرفتيني أكتر بيكوا يا بنات حواء ههههههه
    ماشاء الله كلامك جميل ولو انه في مرمطة للراجل يعني ولو كانت مكتوبة لمجهول حتى يعني
    بجد انتي جبارة وخطيرة يتخاف منك منتيش سهلة ربنا يعينه بأه الي هتبقي من نصيبك على قوتك
    هههههههههه ياريت متدايقيش من طريقة كلامي هنا يعني ده من العشم وإ ننا عيلة وحدة مش كلنا مدونين يبقى كلنا اخوات ولا ايه
    مودتي

    ردحذف
  16. كلامات جميله ودى بقه تتسما كلو فى كلو

    بس بحب فيكى العظمه الى انتى فيها بحسها فى كلامك

    ربنا يكون معاكى

    ردحذف
  17. بسم الله الرحمن الرحيم
    السلام عليكم ورحمة الله وبركاته
    اختنا الكريمة فتافيت
    تحياتى
    لالالالالالا ايه ده
    دا انا سايب شعبان وريكووعبدالباسط بيتخانقو بسببك ومحمود الليثى حلف طلاق لو مااخد الغنوة بتاعتك دى ليبطل غنى
    وبعدين اسلام بيقولهم انك سارقه الكلمات منه ابقى خلى بالك بقى احسن يرفع عليكى قضية
    بس ايه الطلبات السهلة دى
    يبقى احنا يارجاله بعد تفشحط الفشحاط تقوليلنا نجمة من السما طب ما ده كلام فاضى يعنى لو احرجك وراح جابلك نجمة من بتوع السما(صنع فى الصين هتعرفيها مثلا)هو انتى كنت مسكتيها قبل كده ؟؟
    بقولك ايه الواد شكله ندمان ولازم تديه فرصه تانيه وبلاش اسيه
    هههههههههههههههههههههههه
    بس على فكرة الوحى بتاعك ده غاوى نكد على الرجاله وكده ماينفعش هيفضل كده لما يطفشلك الناس اللى بتقرا المدونة
    خليها شويه كده وشويه كده
    هههههههههههههههههههههه
    بجد كلام على الرغم من قسوته الا انه جميل
    تحياتى ودمتى بكل خير وود
    والسلام عليكم ورحمة الله وبركاته

    ردحذف
  18. خاطرة جميلة
    وعجبني الكلمات
    وهي دي فتفوتة المفترية
    لو مسك نجم السما يقدر يقول للزمان ارجع يازمان

    خلاص نديه استمارة سته ونرجع تاني نحب تاني عادي يعني

    وحشنتيني لما بتكوني رايقة والمزاج وردي والنوسكافية مش مدلوق ع الارض

    ردحذف
  19. انا لو منتج هشترى منك الكلمات دى
    واعمل بيها أغنيه تكسر الدنيا
    واكتب فى الاخر
    الشاعره الغنائيه فتافيت
    واضمن ليكى شهره عاليه جدا

    ردحذف
  20. بجد كلماتك جميله اوى
    زاذا كان كلتاخير هيطلع بالجمال ده منتظرينك دايما

    "وجاي دلوقتي ترجع وتقوللي بتتألم .. كان زمان حبك ياللي بتتكلم"

    حلوه اوى دى
    ليه فعلا الرجاله فاكره انها مهما تعمل هترجع تلاقى الست منتظراه بكل حب
    متهئلى ده برضه من غرور الرجل
    مش شايف ان حد ممكن يقوله لا ابدا
    يلا ربنا يهدى

    ردحذف
  21. وايييييييه
    ومن اول يناير خلاص هاشيل حديد
    هههههههههه

    لا حلوه الرتم بتاعها قوي
    بس صعبتيها عليه خالص نجمه من السما
    طب خليها من العتبه
    ربنا يسعدك
    سلااااااااااااااااااااام

    ردحذف
  22. ربنا معاك
    ويكون عندك وقت تقدري تردي و تكتبي جديد كمان

    تقبلي خالص تحياتي

    ردحذف
  23. أول انطباع :حيوية الفضاء
    مدونتك تضخ بالأ شكال و
    الألوان و الكلمات الجميلة
    سعدت بزارتك لمدونتي :)

    ردحذف
  24. ده ايه الروقان ده يا دكتورة بس
    ده روقان وشمخان و أفلام عربي كمان
    بس حلو الشغل الجديد ده
    من ساعة الفلانتين وإنتي عايشة أمواد عجيبة :)
    ما علينا بس اديكي قلتيها بنفسك مفيش فايدة يا بنتي

    ردحذف
  25. السلام عليكم
    فتفوتى العزيزة
    إنت عذبت الراجل خالص الراجل إعترف بغلطته خلاص بقى يا فتافيت حاولى تصليحيهم
    تحياتى

    ردحذف
  26. Sweet Violet

    اهلا يا قمر

    مافيش احلة من التحدي والكرامة

    وعلى رايك قالها ومات وهو خير ماعمله اصلا في حياته انه مات عاااااااااااااااا

    نورتي البوست يا جميلة

    سلااااااموز

    ردحذف
  27. ghorBty

    اهلا يا قمر

    الحنين دايما بيكون للذكرى الحلوة والناس العزيزة .. مش لاي حاجة بنحن ولا لاي حد

    نورتي يا جميلة

    وبموت في مدونتك بجد رااااااقية جدا

    ردحذف
  28. Eng. Ahmed Abo El-Ella

    عارف يعجبني فيك نضافة دمااااااغك

    الصورة يا هندسة البحر ده كان مقدار حبي اللي عمره ما كان هاينقص لو كان حافظ عليه

    بس انا بقى سبت البحر ده وبعدت عند الصخور الناشة اللي مافيهاش ولا نقطة ماية من البحر

    وبتفرج على البحر من بعيد .. بس ماعنديش اي استعداد اني اروح عنده تاني .. انا هنا احسن ومرتااااااااااحة

    ها اخد كام من خمسه .. علشان الحق مكتب التنسيق عاااااااااااااااا

    نورت يا هندسة

    بس ما قولتش رايك في الكلام؟؟؟

    ردحذف
  29. كفايـة طيبـة

    اهلا يا جميلة وطبعا صح
    ده صح جدا جدا جدا جدااااااااااااااااااا

    نورت يا قمر

    سلااااموز

    ردحذف
  30. اسلام الشربينى

    الاجمل بجد انك زورتني

    نورت يا اسلام وشرفتني زيارتك جدا

    تحيااااااااااااتي

    ردحذف
  31. تامر علي

    والله انت كلامك فظييييييييع جدا وزي الفل
    بحس فيك ساعات بعبقرية الكلمة

    والحضور الجميل والمتألق ده بتاع حضرتك طبعاااااا

    نورتني وشرفتني كمان

    سلاااااااام

    ردحذف
  32. wesoooooooooo

    الله عليك يا جميل ياللي رافع معنوياتي

    وبجد مافيش فايدة.. لو كان فيه كنت عملت المستحيل

    بس بجد ماااااافيش فايدة

    نورت يا عسسسسسسسسسل

    ردحذف
  33. عاشقه الرومانسيه

    يا ستي ربنا يهديه ليك
    بس اسمع منى بلاش تضحي اوي علشان ما يستاهلش ما تتعبيش اوي

    نورتي يا قمراية

    ردحذف
  34. بجد حلوة منك اوي اوي اوي
    و حسيتها اوي اوي اوي
    تسلم ايدك بجد
    تحياتي
    محمد

    ردحذف
  35. شمس وقمر

    هههههههههه والله وانا كمان بحب الحاجات ديه موت
    ومدونتكم رائعة
    بس يا ترى مين معايا شمس ولا قمر؟؟
    اي ان كان نورتوني

    ردحذف
  36. assafo anaroze

    نورتني يا رفيق
    بس فرصة ايه وتتصلح ايه بس
    اللي انكسر مابيتصلحش .. واللي يروح مابيرجعش

    نورتي بجد جدااااااا

    وسعيدة اوي بالتواصل ده

    تحيييياتي وخالص احترامي

    ردحذف
  37. كاتب مصري

    هههههههههههههههههههه بزمتك شوفت حنية ورقة كده
    ده انا بلسم والنبي عاااااااااااااااا

    لا طبعا انا عمري مزعل من الهزار .. وكلنا اخوات اكيد ..

    نورتني وتعلقاتك كلها بموت فيها
    دمها خفيف وشقية جدا

    سلااااااااموز

    ردحذف
  38. ادم المصرى

    ميرسي اوي على كلامك وياسيدي العظمة لله

    بس انا فعلا الناس بتقول عليا كده .. ومش عارفة ليه حتى انت من كام بوست بتقول كده

    يبقى اكيد ديه حقيقة وانا معرفش

    نورتني يا ادام والله

    ماتحرمش يارب من زياراتك

    سلااااااااااااااام

    ردحذف
  39. المعتصم

    وعليكم السلام
    هههههههههههههههههههههههههههههه
    وهي تفوت عليا انا عايزها اصلي مركة سحابه .. ولازم الختم والضمان كمان

    قال صيني قال لا يونكن ابدتشن ابدتشن

    نورتني يااااااعمدة والله

    ردحذف
  40. ستيته حسب الله الحمش

    سوتايتة روح قلب فتافيت والحته الجوانية كمان

    طبعا امال احنا بنلعب ولا ايه .. اللي اتكسر يطوووووووح

    وانتى والله وحشااااااااااااااني موت بس والله مطحونة اليومين دول

    نورتني يا جووووووووووومر والله

    بموووووت فيكي

    ردحذف
  41. د/عرفه

    ياااا سلام يسمع منك ربنا يا دكترة يارب

    الله يخليك رافع دايما معنوياتي

    نورتني جدااااااااا

    سلاااااااااموز

    ردحذف
  42. Bondoka

    اهلا يا قمر شرفتي المدونة بزياراتك

    والله عندك حق هم فعلا عندهم غرور في الحته ديه فاكرين انهم بعد الفراق لو جم هيلاقوا البنت محلك سر وعايشة على الاطلال واذكريني والحاجات دية

    بس ده وهم بيتصدموابالحيقيقة بقى بعدين

    اهم حاجة انك نورتني يا جميل

    تحياااااااااااتي

    ردحذف
  43. الشنكوتي الكبير

    ههههههههههههههههههههه ميرسي اوي اوي
    وانت كمان تقوللي عتبه والمعتصم يقوللي صيني

    لايونكن ابدا نجمة من السما وتكون كمان لسه منورة ما تتطفييييييش

    امااااااااااال هو انا شوية عااااااا

    نورت يا شنكوتي باشا

    سلااااااااموز

    ردحذف
  44. مهندس / محمد حشيش

    ااااااااه يا هندسة والله ماعرفة الاقيها منين ولا منين
    واديك شايف لما بتطبل بيقى الدق من كل حته

    بس سيبك انا مبسووووطة باللي حصل جدا

    احسن يستاهلوا اوي جدا خالص

    انا مش شمتانة اوعى تفهمني صح (وش شرير)

    ههههههههههههههههههههههههههه

    نورت يا هندسة البوست

    وافر احترامي وخالص ودي

    ردحذف
  45. Rose

    ميرسي جدا لذوقك
    وانا سعدت جدا بزياتي لمدونتك الرائعة
    وفي قمة سعادتي بزيارتك لمدونتي

    تحيااااااااااااااتي

    ردحذف
  46. Tamer Diab

    ههههههههههههههههههههههه انت شايف اني من يوم الظلانطين وانا غريبة ههههههههههههههههه

    عادي يعني يا تامر انا اصلا ما بثبتش على مود ابدااااااااا

    وعارفة انه مافيش فايدة
    ورحمة خالي حسن اللي معرفهوش مااااااااااافيش فايدة

    مش هاقولك بقى نورت والكلام ده

    انت صااااحب بيت يا معلم

    سلااااااااااموز

    ردحذف
  47. اللؤلؤة

    عم لؤلؤ اهلا ونورت يا باشا

    لا ابدا ابدا .. ده مستحيييييييييل

    مافيش فايدة والله .. بس لو جاب النجمة ممكن افكر عااااااااااااااا

    سلااااااااموز

    ردحذف
  48. محمد ابراهيم

    والله كلامك احرجني اوي اوي
    وبسطني اوي اوي
    ونورتني اوي اوي اووووووووووي
    تحياااااااتي

    ردحذف
  49. جمييييييييل اوى اوى اوى


    بجد رائع يا قمر

    كلامك حلو

    ينفع اغنيه على فكره

    تحياتى ليكى

    مش تتاخرى علينا بقه

    ردحذف
  50. عزيزتى
    الحب اللى يجرح وميفرحش

    يبقا البعد عنه احسن

    ويمكن يكون مش حل اساسا

    اللى كتبتيه نسميه احساس وخلاص

    تحياتى

    سلام

    ردحذف
  51. انا جاية ارد الزيارة

    بس اول مرة اقرا تشبية جميل للمستحيل بالشكل دة

    تبقى سيبي الوحى ينزل عليكى كتير
    مش مهم يكون اسمها اية المهم انك تعبرى على اللى جواكى

    تحياتى

    ردحذف
  52. الله عليكى

    كلامك جميل

    ابداع

    تحياتى

    ردحذف
  53. وحشتينى
    قلت اجى اشوفك ولقيتك عماله تفتفتى كلام جميل

    ردحذف
  54. السلام عليكم / كيف الحال فتافيت ، ماشى سماح بس ماتغيبى أكتر من كده ، وبالنسبه للتدوينه جميله جداً أنا أحب البنت صاحبة الكلمه والكرامه ، بس البطله غلطانه ما ينفعش تقول حبيبى إلا لزوجها ، لا تندم . دمتى بخير .

    ردحذف
  55. تنفع اغنيه جدا جدا
    بس ياترى مين يغنيها
    عارفه تنفع ماجده الرومي ممكن
    وتقبلي مروري

    ردحذف
  56. فتفوته


    اما تيجى قوليلى عشان عايزه اقولك على حاجه كده

    شكلك مش بتدخلى نت كتير

    بس ابقى عرفينى اما تيجى يا قمر

    ردحذف
  57. السلام عليكم
    الله عليكى بجد
    كلام في قمة الروعة والاصرار والتحدى
    تسلم ايدك
    تحياتى

    ردحذف
  58. هى دى البنات والا بلاش :D
    عجبنى جدا كلامك يا فتفوته
    وعجبتنى اوى المدونه بتاعتك
    ياريت تقبلى مرورى :)

    ردحذف
  59. ريمان

    تسلمي يا جميلة على كلامك

    انت عثثثثثل خالص

    بوسة كبيرة

    ردحذف
  60. احساس لسه حى

    نمشيه احساس وخلاص يا سلام
    هو انت جيت في جمل يعني

    نورت البوست وحياة ربنا

    ردحذف
  61. زوجة عنيدة

    منورة يا قمر.. وهو الوحي اصلا بينزل لوحده والله

    لا بمسكه ولا بجيبه

    شرفتني زيارتك يا جووومررررر

    ردحذف
  62. ماما عبير

    نورتي يا قمر

    وزيارتك شرفتني .. يارب تكرر تاني

    تحيااااااااتي

    ردحذف
  63. الفقيرة إلى الله أم البنات

    والله انتى اللي وحشاااااااااااااااااااااني موت موت موت موت

    وانا عارفة انى مقصرة في حقك

    بس سامحيني والله العظيم غصب عني

    ردحذف
  64. حياتى نغم

    اهلا يا احلى نغم في الدنيا كلها
    وهي غلطانة طبعا وهي شالت على دماغها ودفعت تمن غلطتها سنين ضاااااعت من عمرها

    سامحيني على تقصير معاكي بس والله مشغولة جداااااااااا

    ردحذف
  65. منار فايد

    يااااا سلام .. طيب هاتي تليفونها واعرضها عليها عااااااااااا

    منورة يا جوووومر

    ردحذف
  66. ريمان

    حصل يا فندم

    انا بدخل كتير بس مافيش وفت اتابع المدونة بشكل كبير

    مطحوووووووووونة انا في الشغل

    ردحذف
  67. بنوتة

    والله اللي في قمة الروعة وجودك دايما عندي يا ثكررررررر

    بعبك بعبك

    ردحذف
  68. DaNDoNa

    يارب بجد تكون عجبتك

    ومش بس اتقبل مرورك ده مروك شرفني يا جميل

    منورة المدونة كلها

    وتسلمي على كلامك الجميل

    يارب تكرر الزيارة

    ردحذف
  69. فتافيت انا على فكره اول مره اشوف بلوجك بصراحه بس بجد بالتوفيق ربنا معاكى

    ردحذف
  70. احلم بنجمة فالسما وتبقى ملك ليك .. واصحى من نومك ياحبيبي والنجمة بين ايديك
    وهاتها وتعالى ليا ساعتها هارجع ليك



    جميل يا فتافيت معبره جدا وسلسه اوى
    تقبلى تحياتى ,,,

    ردحذف
  71. فتفوته مواضيعك رائعة بجد وأنا بدخل النت خصيصا عشان اشوف مدونتك لا تحرمينا من الابداع

    ردحذف

خلل براحتك من غير انتظار .. فتافيت أصلاً بتحب الخيار