23 فبراير 2009

ياه معقول بعد الغيبه ديا؟؟

يااااه معقولة بجد أصدق أنا عينيا؟؟
مش أنت برضو اللي في يوم كنت ليا؟؟
بعيد واقف وسط الناس وشايفني وأنا جايه
ياه ياقلبي بعد السنين اشوفه وهو مش ليا
ابتسمت وجيت تمد بخطوتك وعينيك بتضحك ليا
استنى يا قلبي مهو يمكن مش قاصدني بالضحكة ديا
لاقيتك جيت هنا قصادي وبتمد ايديك تسلم عليا
قلبي أتنفض ده بجد كان قاصدني وهيسلم عليا
مهي سنين فراق طويلة عدت وانت بعيد عن عينيا
نسيت انا فيهم بسمتك وحبك وطعم لمستك لايديا
سلمت عليك وانا بداري لهفة قلبي ودمعة عينيا
لمست ايديك بس ياخسارة باردة ومش حاسه بيا
ايديك في ايدي بس ليه باصص لناحية تانيه؟؟
لاقيتك بتشاور له يجي جنبنا هنا ويتعرف عليا
شاب غني وابن ناس لاقيتك بتقول كده ليا!!
استغربت انا كلامك مالي انا بالقصة ديا؟؟
واتاريه كان بيسأل عن عروسة بس اخلاقها عاليه
شوفتني انا قصادك قولت اهي اولى بالصفقة ديا
غني ياقلبي وارقص حبيب زمان جايب عريس ليا

هناك 73 تعليقًا:

  1. بسم الله الرحمن الرحيم
    السلام عليكم ورحمة الله وبركاته
    فتافيت هانم
    تحياتى
    طب ماهو طلع كويس اهه وجابلك عريس
    كتر خيره
    والله فيه الخير
    مش احسن من غيره اللى بيسيب ويغدر ويخلع ويجرح وبعد كده مايعملش اى حسنة فى حياته تانى غير انه بس يسيب جرح كبير
    يالا على البركه
    ههههههههههههههههه
    بس بجد الخاطرة دى حلوة
    تحياتى
    ودمتى بكل خير وود
    والسلام عليكم ورحمة الله وبركاته

    ردحذف
  2. هههههههههههههههه
    مع ان الموقف هيبقى صعب فعلا لو حصل بس دمه خفيف قوي ضحكتيني بكلامك يا فتفوتة
    اه منك اه والله أستاذه في فن الضحك وكمان فن الحب لا كده هتبقي بروفيسور نفسي ههههههههههه
    ربنا يوفقك
    على فكرة نصك ده دخل دماغي قوي
    مودتي

    ردحذف
  3. موقف عجيب بجد
    بس فعلا ممكن يحصل
    خصوصا لو كان قريبك
    كلامك جميل بجد ومعبر

    ردحذف
  4. السلام عليكم
    فتفوتى العزيزة
    جميلة ورائعة بس عاوز أقول لك حاجة إللى بيروح مبيرجعش
    تحياتى

    ردحذف
  5. صوتي يا فتافيت
    الراجل كان ليكي ونيس
    وانتي اللي قلبك فط ونط
    واتاريه جايب ليكي عريس

    لأ بصراحة فكرة مفتكسة
    واشك جدا جدا انها تحصل ليكي
    ده انتي كنتي دفنتيه هو وعريسه وبابا غنوجه وسلاطاته

    تسلم ايدك يا بنت يا فوتيتة
    ضحكت وكنت مش عاوزة اضحك

    ردحذف
  6. السلام عليكم
    طب وانتى زعلانه ليه بس؟
    دا انتى كنتى مسكتى فى العريس
    هو حد لاقى اليومين دول
    ده عريس يابوى
    هههههههههههههههههههههه
    بس انتى مقولتلناش رد فعلك كان ايه ياترى؟؟؟؟

    ردحذف
  7. كلام جميل

    وسرد شيق

    الغياب عن انسان غالى بيكون صعب ومع العودة رغم حلوتها بيكون فيها بعض الحزن

    معلشى على تاخيرى فى كتابة البوست والزيارة ظروف

    ربنا يكرمك

    تحياتى

    ردحذف
  8. طب اضحك ولا اعيط ولا اعمل ايه

    بس هوالموقف اكيييد صعب لكن انتى كاتبه بسخريه فى الاخر تضحك

    بس هو حقيقى ؟؟ ماظنش

    ولو فعلا حقيقى الله يكون فى العون

    تحياتى (:

    ردحذف
  9. انا مضحكتش انا الكلام اثر فيا بجد
    يالهوى اوعى تقوليلى انك اتعرضى للموقف ده
    ربنا ميوريه لاى حد
    دة موقف صعب اوى
    وبعدين ايه الندالة دى جاى يجيبلك عريس كمان
    ايه البجاحة دى

    ردحذف
  10. طب والله عايزه اضحك مش عارفه ليه

    فتافين معلش اسمحى لى بس اضحك شويه

    ههههههههههههههه

    ههههههههههههههههه


    يعنى بعد ده كله جايب عريس وجاى؟

    لا اله الا الله

    هو فى ايه يا ناس

    والله بجد حاجه غريبه

    طبعا الكلمات معبره جدا جدا

    احييكى على حسن انتقاءك للكلمات

    تحياتى ليكى يا قمر

    ردحذف
  11. فيه الخير والنبي ياختي
    الايام دي توقعي اي تصرفق من اي حد
    هههههههههههههههههههههه


    مبروك عليك العريس يافتفوتي ولو مش عاجبك نغيره
    هههههههههههههههههههه



    بجد كلامك جميل اوي اوي اوي

    ردحذف
  12. ما اعرف ليش

    بسي قلبي عورني يوم قريت الكلمات

    حسيت فيها حزن والم كبير

    كل شي معقول بهالدنيا

    الحياه قاسيه جدا

    الله يعيننا عليها

    كلمات واضحه وقويه :)

    ردحذف
  13. السلام عليكم
    فكرة جديدة وصعبة ومؤلمة
    لكن حلوة وأسلوبك جميل جدا
    تحياتى ليكى

    ردحذف
  14. فتافيت
    القصيده مع لون المدونه عامل جو عالي قوي
    بصراحه حسيت بقسوه جامده قوي وصوت حزن مكتوم

    لا لا لا انا مبحبش الرومانسيه الحزينه
    كده كفايه
    بس القصيده جامده جداااااااا وأكتر من رائعه

    ردحذف
  15. جميله جميله جدا بصراحه كلمات وقصه اصلا تحفه وبجد الانسان ده اصلا مايستاهلكيش وماتفكريش فيه تاني

    ردحذف
  16. هههههههههههههههههههههههههههههههههههههههه
    بجد اذا كان حاجه من دي حصلت معاك فدي بجد حاجه تموت من الدحك.....
    انا اول مره اشارك بس بقرالك كتير اتمنى تنوريني
    منار فايد

    ردحذف
  17. عارفه يا فتفوته
    كلامك بسيط قوى وجميل قوى بيحكى الموقف بالظبط
    وعلى فكره بيحصل كتير قوى
    وبيكون احساس صعب قوى قوى

    ردحذف
  18. فيه الخير

    الله يعين

    وحلوة اوي حكايه الصفقه ديه عندك حق ناس كتير بتعتبرها كدا وفين الاحساس انا مش عارفه الماديات جننت الناس واصبحت علاقه مفرغه من الحسيات

    الكلام جميل طبعا بس الموقف والاحساس اصعب صدمه بجد

    غربتي

    ردحذف
  19. السلام عليكم

    اسلوبك جامد جدا فى الكتابة خاصة انها تعطى بسمة لقارئها انا بس ان تكرار كلمات زى ليا وعليا اتقل الوزن شوية

    بس المهم ان احنا طلعنا اتباع فكر واحد وولائنا لرجل واحد هو الزعيم المؤمن رحمه الله انور السادات

    تحياتى

    احمد الشاعر

    ردحذف
  20. فتفوته
    اللى بيروح لما يرجع ميبقاش له قيمه لانه رجع فى
    وقت معدناش محاجين له فيه
    لو كان وقتها كان جميل
    بس الأجمل انه كمان لما رجع..اثبت انه كان رائع لما
    بعد وريح

    سبحان الله يقدر الخير دائما

    زجليه جميله

    ردحذف
  21. كلام جميل .... وطبعا أسمحيلي أكمل شويه كلمات بعد كلماتك .....ودا طبعا بعد أذنك

    غني ياقلبي وارقص الحب راح في الدنيا ديا
    الحبيب يبيع والمشتري مجهول الهويه
    انسي يا قلبي دي لعبه واتلعبت عليا
    والله شاطر قدرت تخدعني طول المده ديا
    والصفقه جي تتمها واتكمل اللعبه عليا
    انت برده لسه فاكر انك ممكن تضحك عليا
    لا خلاص شوفه واحده غيري تكون أولي بالصفقه ديا
    أصل انا خلاص قررت أبيع الأخلاص في الدنيا
    وأخلاصي يكون لربي
    يارب انا عاصي ..أقبلني وتوب عليا
    واهدي يا رب كل عاصي في الدنيا ديا



    .....................
    تقبلي مروري

    علي درويش

    ردحذف
  22. لا بجد بجد
    الموضوع ده يخصك ولا مجرد فكره
    يالهوووووى
    ده لو بجد وحصل معايا كنت قتلته واهو يبقى مات على ايدى احسن مايموت على ايد غيرى

    انا هاخد الموضوع على انه مجرد فكره مطرقعه فى نوفوخك لحد ما اشوف الرد بتاعك


    ربنا يستر يااوختى

    ردحذف
  23. يا خسارة يا فتافيت ضاع الحب اللي كنت بتعتبريه حب
    بس ما تزعليش يمكن مش ده الحب الخقيقي اللي ممكن يسعدك و يوصلك لبر الامان
    ممكن كان وهم عشتيه بس حيجي يوم وتلاقي قلبك ينط من الفرحة لما قلب ثاني يشاور لو من بعيد قلب بينبض بحبك مهما كان و مهما صار
    الى ان يتحقق ذلك اتمنى انك تكوني في احسن الاحوال يا فتفوتتتتتة

    ردحذف
  24. فتافيت
    موقف تشافيز لم يكن لانه اكثر عروبة و اسلاما من العرب
    لا على العكس تماما فتشافيز ينطلق من قناعاته الراسخة في الدفاع عن المظتهدين و الكادحين
    موقف تشافيز نابع من تشبعه بفكر الثوار الاحرار كارنستو تشي جيفارا اللي بيقول في مقولة شهيرة عنه:” لا يهمني اين و متى ساموت لكن يهمني ان يملأ الثوار الدنيا ضجيجا حتى لا ينام العالم بكل ثقله فوق اجساد الفقراء و المظتهدين”
    اما الموقف الرسمي المغربي من فنزويلا لم يكن لطردها للسفير الاسرائيلي من كراكاس لا بحيث ان الموقف المغربي واضح في ما يخص القضية الفلسطينية و هي انها القضية الثانية بعد الوحدة الترابية
    اما السبب في الموقف المغربي اتجاه كراكاس فهو اعتراف فنزويلا بالجمهورية الصحراوية البوليزاريو الخصم اللذوذ للمغرب في وحدته الترابية بالجنوب المغربي
    اتمنى انك فهمت اصل المشكل بين فنزويلا و المغرب
    مودتي

    ردحذف
  25. ممممممم

    مش عارفة اقول ايه :)

    معلش ... موقف وعدي :)

    بس اسلوبك جميل ماشاء الله

    ردحذف
  26. فتافيت السكر هانم

    آسف بجد ع التأخير في التعليق ع البوست الجامد ده بس انتي عارفة انا مكنتش عارف اتقبل كلام الفترة الي فاتت

    البوست جميل اوي وخاصة لو كان حصلك ( وش بيطلع لسانه )
    طبعا تحسدي عليه بس معتقدش انه حصل ليكي وغلا هغير رايي فيكي واقول انك طيبين بقي وكده

    لا بس ممكن يكون حصلك وانتي مكتبتيش عملتي ايه فيه في الآخر علقتيه يعني ولا كهربتيه ولا سحلتيه بس عامة بوستاتك كلها رايقة

    الحمد لله اني باخد كوبي م التعليق قبل ما يتمسح ويجيلي كساح كل مره ومتحصلش الا معاكي :)

    ردحذف
  27. وام كلثوم كمان
    وانت عمري !
    طب بأمارة ايه

    ( نفس الوش الي فات )

    ردحذف
  28. جميلة الكوميديا السوداء دي .... الموقف أنا فعلاً شفته قبل كده .... طيب إيه أخبار العريس التاني ده إيه ؟؟؟ لاء بس بجد أصيل الراجل :)

    ردحذف
  29. انتى بجد فتفوتة زى العسل وبجد من غير ما اعرفك حبيتك اوى . هو فعلا الموقف صعب اوى بس يستاهل انه يتكتب كدة عشان مفيش حاجة تستاهل انك تزعلى عشانها . اتمنى ان نكون دايما على تواصل
    اختك او صديقتك زى ما تحبى : نبض الحياة

    ردحذف
  30. أنا ديما بقول الحب غير الزواج ، ممكن دي احبها لكن ما تفعش مراتي .و ده لا يعني انها مش كويسة يمكن عشان بحبها ممكن ابعد عنها ، جايز الافندي ده يكون من النوعية دي .
    بردو مش لايق عليكي هههههههههههه

    ردحذف
  31. ياااه موقف صعب اوى وغريب

    بس مفيش شيئ مستحيل كل شيئ ممكن يحصل وواقع

    ردحذف
  32. واللهى يا فتافيت دا راجل محترم .. وممكن يكون عمل كدا علشان كان حاسس انك بتحبيه

    ******

    بعيدا عن السياق .. مدونتك جميلة جدا انا اخدت جولة سريعة وقريت كذا بوست ... انتى بتعبرى بسلاسه ودا ممتاز جدا

    ردحذف
  33. مدونة جميلة وكلمات رقيقة

    ردحذف
  34. القصه دى مكررة مع ناس كتير و اعرف واحد جاب عريس لمراته قصدي هو اللي اتجوزها بعد كده

    يا عالم يمكن يرجع يبوس التراب يا فتافيت السكر

    انت عندك غياب بقالك كتير ما زرتنيش يابنوتي

    تحياتي

    ردحذف
  35. طب وليه بس صفقة

    هو أصلا رؤية الماضي في صورةٍ ثلجيةٍ مؤلم

    لكن لعل الايام سلوي للقلوب المحبة

    دمتِ بخير

    ردحذف
  36. المعتصم

    العمدة منور والله .. ده على اساس اخده احسن من عينه واللي يجي منه فايدة صح عاااااااااااااا

    لا يعم بلا وجع قلب هههههههههههه

    كويس انها عجبتك

    نورت البوست

    ردحذف
  37. كاتب مصري

    ميرسي يا باشا على الكلام الجامد ده
    وجميل ان النص دخل دماغك .. ده في حد ذاته جمييييييييل جدا

    هو فعلا حاجة تضحك.. تضحك جدااااااااا
    هههههههههههههههههههههههه

    بس فكرة جامدة صح :)

    نورت البوست

    ردحذف
  38. د/عرفه

    قريبي والنبي ولا اعرفه يا اخويا

    نورت البوست والمدونة .. ومبسوطة جدا ان الكلام عجبك

    تحيااااااااااتي

    ردحذف
  39. اللؤلؤة

    عم لؤلؤ الجامد .. نورت

    وياسيدي انا اصلا مش عايزاه يرجع .. ده بركه يا جامع انه راااااااااح

    نورت يا باشا البوست

    ردحذف
  40. ستيته حسب الله الحمش

    ايه الحلاااااااااااوة ديه .. حلوة اوي
    لا مانا باخد الغزا اهو فيه عاااااااااااا

    الموقف فكرته حصلت بس بشكل تاني خالص غير اللي انا كتباه

    يلا خير .. حد لاقي عرساااااااااااان

    ردحذف
  41. ياااااااااه لدرجة دى ده ندل بئا :)
    لا بجد احساسك جميل اوى تسلم ايديكى المدونة حلوة اوى بجد والبوست الاولانى انا قريت اغلب البوستات اللى فيها مرسيى للمرورك على المدونة

    ردحذف
  42. wesoooooooooo

    ههههههههههههههههه شايفة كده يعني

    طيب تمام .. رد فعلي عااااااااااااا

    الرقابة تمنعه هههههههههههههه

    الفكرة بتاعة الخاطرة حصلت ولكن بشكل تاااااااااااااااني خالص غير اللي انا كاتباه

    مافيش اي رومانسية ولا اي حاجة من دية في الواقع

    نورتي يا جميلة

    ردحذف
  43. Tamer Nabil

    نورت والله وفينك من زمان غايب

    لعل المانع خير ان شاء الله

    نورت بجد وفرحانه انك هنا

    تحياااااااااااااااتي

    ردحذف
  44. Sweet Violet

    لا اضحكي يا قمر محدش واخد منها حاجة

    هي الفكرة الرئسية حصثلت لكن بشكل بعيد تماما عن وصفي للموقف .. خااااااااااااالص

    نورتي يا كميل انت يا كميل :)

    ردحذف
  45. *البت المشمشية *حلوة بس شقية *

    هههههههههههههههههههه ماهي البجاحة لها ناسة يا جميل

    كبري كبري .. نورتي يا عثثثثثثثثل

    سلااااااموز

    ردحذف
  46. ريمان

    ياروحي اضحكي براحتك ده انا من يومها بضحك
    هههههههههههههههههههههههه

    هههههههههههههههههههههههههههههههههههههه

    نورتي يا قمر البوست

    ردحذف
  47. عاشقه وغلبانه

    اه يا اوختشي طمرت فيه العشرة عااااااااااااااااااا

    ههههههههههههههههههههههههههه وربنا ضحكتيني

    نورتي يا عسل البوست

    ردحذف
  48. اقصوصه

    هلا وغلا حياتي

    وسلامة قلبك يا معودة

    نورتي البوست وشرفتني زياراتك

    تحييييييييييياتي

    ردحذف
  49. بنوتة

    نورتي يا جميلة وميرسي على كلامك
    تحياااااااااااتي

    ردحذف
  50. Eng. Ahmed Abo El-Ella

    ايوة ايوة المدونة السودة تنفع في اليوم الابيض

    نورت يا هندسة والف بركة انها عجبتك

    ميرسي يا باشا على المرور

    سلاااااااموز

    ردحذف
  51. حاسوباتيه

    اهلا اهلا ونورتي البوست وربناااااااا

    ولا تفكري فيه تاني .. والنبي يا اوختشي ولا اولاني اصلا

    وميرسي اوي انها عجبتك

    سلاااااموز

    ردحذف
  52. منار فايد

    جميل انك ضحتي يا سكر مهو شر البالية ما يضحك

    ونورتيني والله وهنتواصل دايما ان شاء الله

    مدونتك عسل خالص

    سلاااااموز

    ردحذف
  53. romansy

    اهلا يا باشا نورت البوست والله

    حلو انها عجبتنك .. والله لا احساس ولا حاجة

    شاكة دبوس اصلا عااااااااااا

    نورت يا باشا

    سلاموووووز

    ردحذف
  54. ghorBty

    اهلا يا قمر

    لا عادي لا صدمة ولا حاجة زي ماقولت شاكة دبوس

    ههههههههههههههههههههههههه

    عادي بقى نورتي البوست يا جووومر

    سلاااااااااااااااموز

    ردحذف
  55. elsha3er

    عندك حق بس انا معرفتش اجيب بدايل لهم .. غير اني كتبتها اون لاين كده وفي 3 دقايق كانت مكتوبة

    معلش بقى عاااااااااادي

    والسادات اللي قول عليه كلمة يبقى محتاج تعديل في خلايا المخ بتاعته ده لو كان بعد الشر عنده

    الساااااااااادااااااااات اسطورة

    نورت يا شاعرنا

    سلااموز

    ردحذف
  56. الفقيرة إلى الله أم البنات

    اهلا يا روح قلبي منورة

    والله عندك حق اهي الفايدة الحيدة من ده كله انه اثبت انه خير انه راااااااااح مايستاهلش

    وماكنتش مستنية رجعه اصلا ان انا اللي سايبة

    وهاكرر تاني الفكرة الرئيسية حصلت فعلا ولكن بشكل يختلف تمااااااااماااااااا عن الصورة اللي صورتها انا

    مش كده خااااااااالص مع ثبات الفكرة الرئيسية

    يلاااا خد الشر وراح

    نورتيني ياجومر بس والله غصب عني مش عارفة اجي عندك

    ربنا العالم انا مشغولة ازاااااي

    سلاااااااااموز يا سكر

    ردحذف
  57. مهندس / على درويش

    تسلم ايديك انت كتبت احلى من اللي انا كاتباه مليون مرة والله

    نورت البوست ومتشكرة اوي على الاضافة الرائعة

    تحيااااااااااااتي

    ردحذف
  58. عاشقه الرومانسيه

    ههههههههههههههههههههههههههههههههههههه ضحكتيني وانا اروح في داهيه في واحد زيه ليه؟؟؟؟؟؟؟؟

    تاني الفكرة الرئيسية حصلت فعلا ولكن بشكل يختلف تمااااااااماااااااا عن الصورة اللي صورتها انا

    مش كده خااااااااالص مع ثبات الفكرة الرئيسية

    يعني لافيه رومانسية في اللقاء ولا حتى انا فاكره من الاساس ولا حتى كان وجها لوجه

    حاجة كده يعني يلا مش مهم

    نورت يا جميييييييييل

    ردحذف
  59. assafo anaroze

    نورت يا عزيزي البوست والمدونة كلها

    وياسيدي انا مش زعلانة خالص والله عادي
    ده حتى بضحك من يومها .. مش مهم بقى

    اما شافيز .. فالظاهر ان كوبا ديه ارض مباركة طلعت شافيز وجيفارا جاهد فيها

    بفكر نعمل رحله لكوبا يمكن العرب يتعلموا حاجة هناك

    نورتي بجد تاني وتالت وعاشر

    وسامحني مش عارفة اجي اليومين دول

    بس جاية قريب ان شاء الله

    نوررررررررت يا رفيق

    سلااااااااااام

    ردحذف
  60. كفايـة طيبـة

    مش مهم تقوللي حاجة المهم انك منوراني هنا

    نورتي يا جميل البوست

    ويارب تيجي ع طول

    سلاااااااااموز

    ردحذف
  61. Tamer Diab

    اولا حمدلله ع السلامة يا مش زعيم تامر .. وطبعا مقدرة وقدر انت كمان غيابي بقى

    وربنا شوف وربنا انا كمان باخد كوبي في تعليقاتي عندك لانها بتضيع برضه (وش بيهرش في دماغه)

    تقريبا احنا فقر على بعض عااااااااااااااااا

    ام عن رد فعلي فليه كده بس الرقابة تمنع
    هههههههههههههههههههههههههههههه

    وبلاش تطلع لسانك كتير .. علشان الجو ملوث وممكن يجلي مكروب طاير في الجو وتتعب وده يبقى تخليص ذنبي علشان بتغظني

    نووووووووووووورت وربنا

    ردحذف
  62. Tamer Diab

    خفففففففففففففففففففففة .. ولسه برضو مطلع لسانك روح يارب دبانه تقف عليه

    وتبلعها وانت مش واخد بالك بس يع يع يع يع

    يعععععععععععععععععععع

    نيههههههههههههههاااااااااااااااااي

    ردحذف
  63. تامر علي

    هههههههههههههههه ده اصيل اصلانة يا راجل ايه ده كل ديه اصلانه فيه عاااااااااااااا

    نورت يا باشا البوست
    والمدونة كلها

    ماتحرمش يارب

    ردحذف
  64. نبض الحياة

    نورتي يا ست البنات المدونة كلها
    وليا الشرف اننا نبقى صحاب كمان .. اهلا يا جميلة

    ومافيش حاجة تستاهل يا جميل كل بيطلع في الغسيل

    الله تنفع مطلع اغنية عاااااااااااااااا

    نورتي يا قمر وهنتواصل دايما ان شاء الله

    اختك فتافيت

    ردحذف
  65. سحساوي

    عاااااااااااااااا .. لا طبعا مش كده خالص لان في الاصل الموضوع كان رسمي يا ابو العريف وكمان انا اللي فشكلت .. مش زي ما قولت خالص

    غير ان الموقف يختلف تماماااااااااااااااااا عن اللي انا كتباه .. خااااااالص

    ومش فاهمة كله مش لاقي عليا اعمل ايه علشان حاجة تليق

    اقولك .. ابطل اكتب خالص علشان ترتاح .. انا هاطخ المرة الجاية يا سحس علشان ارتاح منك بقى

    كرهتني في عشتي يا راااااااجل

    هههههههههههههههههههههههههههههههههههههههههه

    نورت يا سحس باشا البوست والمدونة
    وربنا ما يحرمني من اعتراضك
    ابدتشن ابدتشن

    ردحذف
  66. ادم المصرى

    انا الحياة علمتنى ان المستحيل ممكن في ثانية يبقى الواقع اللي عايشينه

    مافيش مستحيل في الحياة اصلا

    نورت البوست ادم

    تحيااااااااتي

    ردحذف
  67. ايــــــــــــــــــوب

    اولا نورت البوست .. وشرفتني زياراتك

    ثاني انا مش بحبه ولا حتى فاكراه

    ثالث معرفش بقى عاااااااااااادي

    انا مبسوطة ان المدونة عجبتك ده شرف ليا بجد

    يياريت تكرر الزيارة

    تحياااااااتي

    ردحذف
  68. راجى

    ده من ذوقك يا فندم

    ميرسي على الزيارة

    نورت البوست

    ردحذف
  69. أحــوال الهـوي

    يمكن ولا حد يعرف في ايه في بكره

    وسامحنى والله غصب عني يا بابتي مشغولة جدا بس هاجي اكيد قريب جدا

    بس كمان ماتحرمنيش من زيارتك ليه

    نورت الدنيا كلها

    تحياااااتي

    ردحذف
  70. القلم السكندري

    لا مش كده خالص .. هي مش صقفة ده هي يتقال عليها بالفصحي

    هرااااااااااااااااء

    نورت يا هندسة البوست

    دمت بخر وصحة

    خالص ودي

    ردحذف
  71. ايوشة

    نورتي يا جميلة وانتى مدونتك تحفة كمان جدا
    اتمنى اننا دايما نتواصل

    تحياااااااااااتي

    ردحذف
  72. سوري يا جماعة على التاخير في الرد بس ظروف

    وكمان سوري لو اي تعليق وقع منى وماردتش عليه هايبقى وقع منى من غير ما اخد بالي

    ميرسي ليكم كلكم

    تحياااااتي

    ردحذف
  73. الموقف صعب وانا لو فى الموقف ده معرفش ممكن اعمل ايه أو ممكن يحصلى ايه بس يارب ما يحصل انا مصدقت

    بس جميله يا فتافيت

    ردحذف

خلل براحتك من غير انتظار .. فتافيت أصلاً بتحب الخيار