18 فبراير 2009

اللهو الخفي.. يخليك لامك يارب



طلعت امبارح من الشغل.. وروحت ارجع بيجامة جبتها.. وطلعت وحشة عليا في البيت لما قستها بمزاج.
كنت عاملة زي يهود الهولوكوست .. او الحمار الوحشي.. قصدي الحمارة الوحشية.
علشان الته المربوطة بعزها موت.

روحت المحل وبدلت البيجامة.. وطلعت اخد تاكسي تاني علشان اروح.
والله مرتبي كله طالع مواصلات يالا
خلي السواقين يكلوا عيش.
شاروت لتاكسي..


وقالي اتفضلي قبل حتى ما اقول راحة فين
( يا حلولي ده ايه الحظ ده طول عمري بفضل اتحايل عليهم)
لان بيتنا في منطقة بعيدة عن وسط البلد.
بس السواق شكله ابن حلال قال حرام اقف في البرد ده كده والساعه 10 بليل.
ناس ذوق ذوق صراحة.

في ثانية الا ثانية كنت راكبة التاكسي قبل ما يغير رأيه وارجع انشف من الصقيع ده.
في الطريق شاورت واحدة .. وسألها راحة فين ( طبعا الناس مقامات هي تتسأل وانا لا) المهم نزلت ركبتها هي جوه لاني هانزل قبلها .. وقال لها الاجرة 4 جنيه.
وده كتير جدا في الزقازيق.. قولت اه يبقى هايهف 4 جنيه مني.
يلا مش مهم المهم اروح.



الست اتشالت واتحط واربع عفاريت لما يبقوا ينططوك نزلني هنا.. وقومت نازلة علشان الست تنزل.
ووقتها بصيت على رقم التاكسي.. لاني هوايتي حفظ ارقام التاكسيات.واهي رياضة بقى .. انزل واركب.. اركب وانزل


نزلت هي .. وركبت انا.. ودقيقة موبايل السواق ادى ميسد.. ودخل في شارع جانبي.. هو طريق مختصر لبيتنا.
وواحد شاور له من على اول الناصية.. وركب معانا وكان رايح قرية تبعد عن بيتنا تلت ساعة.

بس طريقها نفس طريقنا بس عكس الطريق..

فعملت فيها فلحوسة وقولت له انا قولت لك راحة فين.. لازم تنزلني مكاني مش هاعدي طرق انا.
هانزل في الشارع اللي قولت عليه.
شخصية شخصية يعني.


قاللي من عنيه يا ابله ده انتي تأمر أمر
( يا حلولي تاني التاكسي بيسمع الكلام وماقلش لا هاتنزلي الناحية التانية)

جينا بقى عند الطريق اللي بيفصل بين طريق القرية وطريق بيتنا .. بيتنا شمال وطريق القرية على طول .

بفتح الشنطة وبطلع 4 جنيه وعيني فيهم اصلا لانهم كتير اوي .. وبرفع عيني من الشطنة .

ايييييييييييه ده؟؟ ايييييييييييه ده؟؟

لاقيته مشي على طول ومادخلش شمال .. وده معناه انه طلع
الصحراااااااااااوي.


قلبي وقع في رجلي .. الساعة 10 بليل وموبايلي فاصل شحن .. وجوز تيران معايا في التاكسي.


انا.. انت يا عم انت رايح فين.؟؟ انت عبيط ولا ايه؟؟
السواق.. ليه بس كده يا ابله هاوصل الراجل بدل ما تعدي الطريق هانزلك مطرح مانتي عايزة.
انا.. عايزة ايه انا ايه اللي يطلعني الصحراوي دلوقتي انا؟؟
الراكب.. يعني الحق علينا يا ابله اننا عايزين نريحك؟؟.. احنا عايزين راحتك.!!


ويلهوووووووووي ويا مصبتي السودة .. تريحوني؟؟.. وعايزين راحتي؟؟..

ده جمع مش مفرد.. يعني مع بعض هما .
يعني انا مخطوفة!!!!!!!!


اعمل ايه ياربي دلوقتي ؟؟ اعمل ايه؟؟

لو فضلت في التاكسي.. اكيد بكره هابقى عنوان في الجرايد تورين يخطفوا فتافيت وغرغروا بيها.
ولو نزلت في الطريق ده لو عرفت افلت منهم..
هايبقى بكره برضو عنوان في الجرايد بس بدل تورينهاتبقى امه لا اله الا الله غرغرت بيا.


يا وقعة هباب يعني في الحالتين هايتغرغر بيا..يلهوي وقال انا بقول عليه سواق ابن حلالده ابن صرمة قديمة ده ابن تييييييييييت.


فضلت حوالي دقيقة مش عارفة اعمل ايه.. وكل شوية حاجة تنط قصادي
مرة المدونة..
ياااااااااه خلاص كده فتافيت ربع قرن راحت ومافيش فتافيت لولبية تاني؟؟

مرة الجواز..
يلهوي مش هاتجوز وادخل دنيا؟؟ .. ايه ده ماتفقناش على كده اني ادخل الدنيا على ايد تورين زي دول..
اااااااه هو ذنب تامر دياب وعمرو تشي .. لما نزلت لهم سيسي احبطهم .. اهو ربنا رزقني بتورين علشان اعرف
ان لسه فيك تيران يا مصر.


ومرة ماما..
وهي بتدعي ليا بالستر.. شكلها كده باب السما كان مقفول ولا ما كنتش بتدعي بنية صافية.
ماشي حسابك معايا بعدين يا ماما
بس انا وراي خطف دلوقيت


وفجأة نط قصادي جوز حمام في التلاجة
ماما سلقاه ومستني بس احمره واكله.. ااااااه يا جزم يا اخوتي يارب اللي يكلوا غيري يزور
ياترى هايكلوا ولا هايحترموا غبتيويقولوا بلاش كان عينها فيهم قبل الخطف؟؟


ركبي بتخبط في بعض .. ريقي مش عارفة ابلعه .. الموبايل مافهوش شحن ولا رصيد .
الطريق كل شوية يبقى ضلمة اكتر .. ومقطوع اكتر.. والله مرعوووووووبة جدا والخوف بيزيد.


وده كله حصل في خلال اقل من دقيقة.


فجأة وربنا كبير بقى .. لان فتافيت طيبة وبنت حلال .. جت في دماغي فكرة.

ويا صابت يا جوز تيران بقى.




طلعت الموبايل اللي فاصل شحن .. وفي لمح البصر سمعوا صوتي وانا بقول..
انا.. ايوة رقم التاكسي اللي ركباه (00 00)..(كده انا امان بقى رقم التاكسي مع اللهو الخفي اللي بكلمه.. اكيد هاينقذني)
السواق.. فيه ايه يا ابله بتدي مين رقم التاكسي؟؟..(ولا كأني سمعاه)
انا.. ايوة على الطريق الصحراوي بعد المرور.
(علشان اللهو الخفي يعرف مكاني ومايتوهش)
الراكب.. ايه يا ابله فيه ايه بس؟؟
كده تمام اللهوي الخفي عرف رقم التاكسي ومكاني.. اكيد زمانه جاي.
بطمن نفسي
وبستعد لباقي الفكرة بقى
بصيت للسواق واللي معاه .. ولبست وش الاجرام .
ولا ابو موته في زمانه والله .
وانا اصلا ركبي بترقص من الخوف وقولت للراكب
انا.. انت مال امك اصلا بتتدخل في الكلام ليه هو بروح اهلك معاه..
وقولت لو خدت بوكس في وشي يبقى راجل محترم ومش ناوي خطف.
لكن لو طلع سيس بعد البوق ده.. يبقى انا رهينة بجد.
الراكب.. وليه بس الغلط ده الراجل ماحبش يخليكي تعدي الطريق.
(يا وقعة هباب ده خطف بجد)
انا.. برضو وانت مال امك بالموضوع انا قلت رقم التاكسي ماقولتش مقاس جزمة اهلك.

السواق.. وليه بس رقم التاكسي والطريق هو احنا هانخطفك يعني؟؟ ..
(يا وقعة طين تاني نون الجمع.. هو حمل تور واحد لما يبقوا تورين)
انا.. مش مريحني بقى نون الجمع ديه.. هو انتم مع بعض ولا ايه؟؟. وبعدين خطف مين يا سيس انت وهو؟ هو انت.....

السواق قاطعني.. مين بس جيب سيرة خطف الموضوع كله 10 دقايق تأخير.
انا.. خطف مين يا اوسطى.. ده خيالك العلمي.. انت ماتقدرش تخطفني لانهم (اللهوي الخفي طبعا) معاهم الرقم والطريق
وخلال ربع ساعة لو ماكنتش في البيت.. اعفن عسكري مرور فيكي يا شرقية هيجبكم من افاقكم.
الراكب.. الله الله يجيبنا ليه بس وانا مالي بالموضوع انا راكب بس.نزلني هنا ياعم كان يوم اسود يوم ما سمعت كلامك.
انا.. شوفت .. اهو سمعت كلامك.. والله ده خطف بجد بقى؟؟
السواق.. تيييييت امك واللي جابوا امك ناقصة تيييت امك دلوقتي..
والله يا ابله راكب ومش موصله كمان.. انزل هنا يا ابن التيييييييييييت (بس تيت قوية جدا)
الراجل نزل في مكان هوس هوس وضلمة كيك.. ومافيهوش صريخ ابن يومين.
انا.. مش ملاحظ ان الربع ساعة قربت تخلص وكده هايقلقوا (اصل اللهو الخفي بيعزني اووووي)
وانت الجاني على نفسك يا حلاوة.


السواق.. والله يا ابلة ماشي بسرعة اهو والله قبل الربع ساعة هاتكوني في البيت ولا يقلقوا ولا حاجة.
(ايه ده هو يعرف اللهو الخفي ولا ايه؟؟)
انا.. طيب اخلص بس.. واهو حتى اشم هوا نضيف من بتاع الغيطان.
السواق مشي بسرعة جدا.. وخلال 7 دقايق كنت قصاد الشارع بتعنا واللي ما ينفعش عربية تمشي فيه لانه مكسر.
اصل عقبال املاتكم ركبنا الغاز الطبيعي من سنة.. فالحكومة الله يعمر بيتها مش فاضية بقى تدخل غاز السنة اللي فاتت وترصف السنة دية.
( الله يخلي الحكومة ويخليها لامها)
انا.. ايه ده انا بيتي مش هنا؟؟ .. البيت اخر الشارع.؟
السواق.. بس الشارع يا ابلة ماينفعش ادخل فيه؟
انا.. انت حر الربع ساعة فاضل فيها 3 دقايق وعيش بقى انا مالي.
(اصل اللهو الخفي دقيق جدا في مواعيده صراحة يعني)
السواق.. حاضر يا ابله تحت امرك والله.. انا عايز اريحك .
وقتها ضحكت جدا لان اريحك ديه غير اريحك التانية خالص


وصلت تحت البيت .. وطبعا التاكسي هايعوز عفشة جديدة ..
طلعت جنيه وربع من الشنطة واديتهم للسواق.وده قليل جدا في الشرقية..

السواق مسكهم في ايده وبص فيهم وبصلي..
انا.. ايه شوية ولا ايه؟؟
السواق.. لا يا ابله ده حتى كتير..وبيمد ايديه بالربع جنيه.

انا.. لا لا يا شيخ مش هاخده والله ده حتى البنزين غلي اوي.


ودخلت العمارة بتاعتنا.. وانا بتشاهد وبحمد ربنا وبابوس ايدي شعر ودقن
معرفش لو ماكنتش الست دية نزلت وشوفت رقم التاكسي.
كان ايه اللي حصل؟؟

لو ما فكرتش في الموبايل .. واتكلمت بثقة واني مش خايفة.
كان ايه اللي حصل؟؟

لو اللهو الخفي روح قلبي.. ماكنش رد عليا.
:))
كان ايه اللي حصل؟؟
ربنا يخلي اللهو الخفي .. ويخليه لامه.
امييييييييين
:)

هناك 81 تعليقًا:

  1. فتفوته
    يانهارك أبيض
    ايه اللي كان هيحصلك ده؟

    بس ماشاء الله ولا قوة الا بالله أحسن من ميت راجل

    سي اللهو الخفي ده فكره رائعه مطلوب تعميمها على كل بنات مصر

    عارفه ايه اللي نجدك بجد؟
    دعوة الست الوالده

    يارب دايما تكوني بخير

    فعلا خضتيني عليكي

    ربنا ستر

    ردحذف
  2. والله العظيم تلاتة كنت ميته من الخوف وماكنت عارفة ابلع ريقي

    وطبعا ما ينفعش اي بلاغ .. مافيش اي دليل عن اي حاجة .. بس اديت رقم التاكسي لواحد جامد في المرور واهايتهف مخالفة بعون الله تخرب بيت اهله

    نورت البوست يا هندسة

    ردحذف
  3. ايه الرجولة دي بجد
    لا لا لا دنا هبطل اتريق عليكي بعد كده

    خدي هنا .. ايوه هنا
    انتي ابتديتي تقلقي بعد ما طلعتي ع الصحراوي
    هو طريقته امه م الاول ترعب وباينة بس معلش انتي برضه طلعتي بت جدعه اخر حاجة

    وانا مسامح في موضوع الواد بتاع انجلترا بس لو حصلت تاني مش هخلي السواق يرجعك بيتكوا عشان هيكون اجرا من السواق الاولاني ده
    اصل انا الي بعته ابن الخايبة :(

    ردحذف
  4. يعني ذنب تامر وعمرو خلص منك دلوقتي
    الحق استخبي بقي لحسن كده يبقي انا مستنيه مصيبه
    انتي نزلتي البوست بتاع السيسي وانا حرقت دمهم تعلبقات
    يانهاار ابيض
    انا مش هاركب تاكسيات الفتره القادمه ابسليوتلي

    وقبل ماركب تاكسي هاتأكد ان في شحن ورصيد
    هههههههههههههههههه

    خلي مامتك تقيرك انت مخك ده الماظ يا اوختي
    حمد لله علي السلامه
    ادبحي بقي فرخه فداكي

    ردحذف
  5. لآلآلآلآلآلآلآلآلآلآلآلآلآلآلآلآلآ
    انا مش مصدقة
    اقسم بالله اتخضيت
    انا شايفة انك مختفية من امبارح اصلا بس مش مدية خوانة

    بس اوعيييييييي تعمليها تاني

    يعني الموبيل اصلا كلنا بنشيله علشان الطواريء .. وكمان تاكسي بليل وممكن يروح طرق ضلمة

    شوفي بدون اي ضحك ده ستر كبير قوي من رب العالمين

    كان ممكن الجزمة اللي جنب السواق يلحق ايدك وياخد الموبيل ويكتشف انه مفيش لهو خفي ولا باين

    ربنا يأمنك انتي وكل نساء المسلمين

    ده السيد تامر دياب يبعد دعواته عنا لحسن ده سره باتع .. بركاتك يا شيخ علاااااااام حييييييييييي

    ردحذف
  6. وبعدين انتي ربنا نجاكي مش بدعاء مامتك
    ولا بعملك الصالح
    نو ابسلوتلي

    ده علشان الحمام يلاقي اللي ياكله بالهنا

    والله انا مخضوضة يا مفتفتة انتي
    انا بقول لازمن تاخدي ليكي كام درس كاراتيه طالما مدياها اجباري تاكسيات بليل
    لحد ما تجيبي زقزوقة نونو تقيكي سؤال اللئيم ابن اللئيمة

    ردحذف
  7. السلام عليكم

    شو هدا اللي حصل معاكي يا فتفوته..؟
    الحمدلله على سلامتك اولاً واخيراً وربنا يحفظك من كل سوء ومن شر أبناء الحرام
    والحمد لله انك كنتي جريئة وقوية في هيك مواقف


    لا تنسوا اخوانكم في غـزة من دعائكم

    ||..بحــر الدموع..||

    ردحذف
  8. مش ممكن
    برافو عليكى ميت مره
    حمدالله على السلامه
    بس انتى فعلا ب 100 راجل والله

    ردحذف
  9. احلي ما في الموضوع بجد
    انك عرفتي تطبخي الحوار عليهم
    بجد
    انا لو مكانك مش عارف كنت هعمل ايه
    لا بجد سديتي في الموقف

    تحياتي
    محمد

    ردحذف
  10. السلام عليكم
    أولا انا من الشرقيه ومن الزقازيق

    ودلوقتي نقدر نقووول أن الشرقيه بتبتكر أفكار جديده زي فكرة اللهو الخفي
    واللي ممكن أي بنت تعملها دلوقتي


    بس بصراحة انا معجب جدا بشجاعتك لأنك واجهتي الموقف والخوف كان سعتها في ركبك بس

    والحمد لله ربنا ستر

    بجد وانا بقري الفتفوته دي كنت خايف جدا جدا جدا


    وادعي لمك اللي دعت ليكي وربنا استجاب لدعاها

    ردحذف
  11. بس انا حاسس
    ان الشجاعه دي جت لما حست ان جوز الحمام هيتكلوا من غيرها

    ردحذف
  12. من كل الحاجات اللى انتى قلتى انها عدت قصاد عنيكى كنت مركز مع تامر ضديقى و انا و كمان مع الحمام
    بس بجد شاطره انك عرفتى تتصرفى .. مش مهم اهى مرة و عدت
    الف حمدالله على السلامه يا جميل

    ردحذف
  13. مش معقول دماغك دى يابنتى
    والله انتى عبقريه
    كنت باقرا البوست وانا مرعوبه عليكى
    ونفسى اوصل للنهايه علشان اعرف حصل ايه
    قدر ولطف

    ثم انتى فى ايه ولا فى ايه؟
    انتى فى خطف؟
    ولا فى ماما والمدونه والمجتمع والناس؟

    انا عرفت فايده حفظ ارقام التاكسيات دلوقتى بس
    وعلى فكره ده كان خطف بجد
    الموضوع كان مترتب وواضح قوى
    بس الحمد لله انه الهمك تتصرفى ازاى

    ردحذف
  14. يا نهارك أبيض
    إنتى كنتى مستنيه لما يطلع على الصحراوى
    الحمد لله ربنا عداها على خير
    ربنا يحميكى .. يا أختشى
    إنتى صحيح طلعتى بمية راجل وعبقرينو فى ذلوك الموقف
    وربنا يخليه بردك اللهو الخفى وقف جمبك وقفة رجاله
    بس خلى بالك بجد مصر مبقتش أمان زى الأول ..إتحسدنا يا أبلتشى

    ردحذف
  15. انا اول مره هنا ويارب اكون خفيف
    برافو اوي تصرفك والحمد لله ان ربنا ستر 00حمدالله ع السلامه يا قمر
    لفت نظرى موضوع ال 4 جنيه ده00مش كتير ع الزقازيق؟
    اصل انا قعدت هناك 5 سنين الجامعه وعارف اسعار التاكسيات
    بمناسبه الزقازيق000لفت نظري موضوع هناك مش بيحصل عندنا
    الميكروباصات والتاكسيات مش بيلموا لسانهم حتي لو فيه حريم في العربيه
    لا دول اصلا مش بيلفت نظرهم ده 000يبقي لسه قايل لصاحبه وانت مال تييييييت امك يابن ال تيييت

    وتلاقيه بص للبنت وقالها اجره يا انسه0000عادي خالص يعني كأنه مش من هنا؟
    ولا ايه

    ردحذف
  16. فكرتي كويس فعلا
    لكن مش كل مره تسلم الجره
    خدي بالك من نفسك بشكل اكثر من كده
    الناس في الشارع مش تمام
    وانتي عارفه كده كويس
    الحمد لله انك كويسه

    ردحذف
  17. السلام عليكم

    يا ربي
    ربنا يحفظك من كل شر

    ايه دا والله الواحد ما بقاش عارف هو في مصر والا في شيكاغو ربنا يرحمنا برحمته

    والاخبار اياها والحوداث اللي بنسمع عنها خلت الواحد خاله هوس من اي حركة بيشوفها


    بس ما شاء الله عليك بجد ربنا يقويك كمان وكمان

    ومامتك طلعت مظلومة ودعواتها استجابت وربنا سترها معاك قدميلها اعتذار رسمي

    اول مرة ازورك وسعدت بمدونتك جدا

    دمت بخير

    غربتي

    ردحذف
  18. هما دول الشراقوة ولا بلاش هما دووووول فعلا

    وبعدين بجد ماشاء الله...لكن في حاجة ازاى مكنش فيه رد فعل منك بعد ده كله كنتى نديتي حد واتصرف تصرف تانى معاه بعد مانزلتى

    وهاتى رقم التاكس وانا هعمل الللازم...انا اللهو الخفى:)

    انا كدة فهمت هو راح طريق الحسينية من عند المرور كدة..خطف خطف بجد

    حمدا لله ع السلامة وبعدين مشوار من عمرا افندى(وسط البلد) لحد اتخن حتة ب2.5 بس :)

    ردحذف
  19. لا بجد جامدة .

    اللهو الخفي و تليفون عمل شغل .

    بس الأكثر طريقة كلامك الجرشية معاهم و اللي أكدت ليهم أنهم حيروحوا فين . ده يمكن تقف أنك انتي اللي تخطفيهم !! :)

    بس خلي بالك من نفسك ، أحسن ممكن اللهو الخفي يكون مشغول .

    ردحذف
  20. هههههههههههههههههههههههههههههههههههههههههههههه يخرب شيطانك دمك خفيف قوي على فكرة قوي قوي قوي الحمد لله على سلامتك حمادث الإختطاف فعلا كترت قوي ربنا يسترنا ويستر على ولايانا بس افرضي مثلا مكنش قصدهم خطف ولا هباب يعني هو القدر ده الي جاب الظروف دي مش يبقى حرام عليكي وقعتي قلب السواق في رجله وجنيه وربع بس مع انكم بتدفعوا 3 جنيه والراجل نزل في نص الطريق يلا أهم حاجة سلامتك والسواق يعوضها في مشوار تاني والراجل راجل مهيكلوش تيران ولا حاجة
    ربنا يحفظنا ويحفظك يارب
    مودتي

    ردحذف
  21. يخرب بيت دماغك
    .
    .
    جدعه جدا جداجدا
    يعتمد عليكي ياعني
    انا مكسوف اقول رجولة
    لاني حاب تصرفك دا وانت بنت مش لازم ياعني عشان فعل كويس وجريئ يبقي من راجل
    .
    .
    تحياتي والسلام

    ردحذف
  22. بسم الله الرحمن الرحيم
    السلام عليكم
    بصى بقى ماتقدريش تنفذى كلامك اللى كتبتيه فى التعليق عندى انك مش هتيجى تانى
    ده مش بمزاجك
    وبعدين هو انا لازم كل مرة اقولك انى ببقى شايلك منابك فى الخباثه
    المفروض تعرفى انتى لوحدك
    دا انتى الخير والبركه برضو يافتافيت هانم
    هبقى اعلق على البوست بالليل لانى مش داخل من الجهاز بتاعى
    سلام وماتنسيش تبقى تاخدى منابك من الحلاوة من درج المكتب بدل قبل النمل مايتلم عليه
    سلام

    ردحذف
  23. ههههههههههه
    ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههه هههههههههههههههههههههههههههه اة تعبت
    بس خلاص

    ردحذف
  24. Tamer Diab

    ايوة مانا لما بتقوللي لك اعداء قولت لها تامر وعمرو وهارفع عليكم قضية اتحريض على خفطانثى عااااااااااااااااااا

    شوفت كنت هاتخطف يالهوي ومين بس يشلك هنا مش فاهمة انا

    قاعدة على قلبينك لطالون

    ردحذف
  25. عاشقه وغلبانه

    ايوة وانتي تاعلي اشهدي معايا في المحكمة ان ما قفلت لهم مدوناتهم مابقاش انا .. يبعتوا ليا تاكسي يخطفني؟؟ مااااااااشي

    الماظ مين يا اوختي ده بركة دعا الوالدين يا امه.. ا

    كنا هانرةح في داهية لكن ربنا ستر

    نورت يا عسسسسسسسسسل

    ردحذف
  26. ستيته حسب الله الحمش

    معلش بقى يا اوختشي كان ورايا خطف على الرسيع وجيت على طول عاااااااااااا

    والله كنت هاموت من الخوف.. بس انا اصلا طبعي ما يبانش عليا جوايا ايه

    لاتعرفي فرحان ولا زعلانة ولا متنرفزة.. بيبان بمزاجي

    فده فادني جدا.. بس الحمد لله بجد

    ومش هاسيب حقي من تامر وعمرو.. بعون الله هاهفهم بوست بس لما اروق

    الحمام ده كان اهم حاجة في دماغي وقتها يا واوختتش اصلا

    ده حمااااااام مش شقتين فول

    زقزوقة مين بس.. ماما رااااااااااافضة اي نوع من الزقزوقات لنا.. حتى بابا .. ماما بتقول ان في السنة بيموت 5 مليون واحد على الطرق.. معنجهاش استعداد تساهم انهم يبقوا 5 مليون وواحد

    نورتي يا روحي وبعد كده لو اختفيت

    ولعي في تامر وعمرو على طول
    عااااااااااااااا

    ردحذف
  27. بحـــر الدموع

    اهلا بك ونورت البوست ربنا يكرمك.. قوية ايه ىبس ده كله تمثيل ده انا كنت زي الكتكوت المبلول والله .. بس لابسة وش اسد

    نورت البوست وربنا معاكم وينصركم ويهون عليكم
    اميييييييييين

    ردحذف
  28. wesoooooooooo

    اهلا يا جميلة نورتي البوست
    100 راجل ايه بس.. ده الست بيميت راجل

    قوللي اني ب100 ست
    اهو كده ابقى ب 10000 راجل عااااااااااا

    نورتي ومدونتك سكر زيك

    سلامووووووووووز

    ردحذف
  29. محمد ابراهيم

    ربك كبير بقى.. مارضاش ليا المصيبة ديه
    والله جوز تيران من غير مبالغة الحمد لله

    نورت البوست

    تحياااااااتي

    ردحذف
  30. مهندس / على درويش

    تخيل يا هندسة انت خايف وانت بتقرا امال انا كان ايه حالي
    انا وربنا كنت هاموت من الخوف يااااااااه بجد كان موقف زفت

    الحمد لله انه عدى على خير.. وشجاعة ايه بس
    ده كان من برا هالله هالله ومن جوا يعلم الله

    نورت البوست يا هندسة
    تحيااااااااااااتي

    ردحذف
  31. مهندس / على درويش

    طبعااااااا ده حمام هو عصافير.. وبعدين انا بعز الحمام جدااا

    اول حاجة عملتها لما روحت دخلت اطمن عليه
    عااااااااااااااااا

    ردحذف
  32. Che

    الله يسلمك.. بجد الحمد لله

    بس اوعى تفتكر اني هاسيب حقي بقى كده تأجر انت وتامر سواق يخطفني

    طيب كنت نقي راجل.. مش تور عااااااااااااا

    نورت يا عمرو

    ردحذف
  33. عاشقه الرومانسيه

    هههههههههههههههههههه اصلا انا كده اصلا ممكن يكون بيني وبين الموت ثوانى وافكر في الدنيا كلها ده طبع بعيد عنك والله

    مش عارفة بقى خطف ولا كان بيتهئلي الله اعلم

    بس اهو خد درس مني في فنون الخطف
    اول حاجة اتاكد انها ما تعرفش اللهو الخفي
    عااااااااااااااااا

    نورت يا جميل

    ردحذف
  34. إيمان

    اللهو الخفي ده روحي روحي روووحي

    ويا كزوفي يا اوختشي يوم ما تيجي تيجي على خطف.. طيب كنتي تعالي اول امبارح كان على سيسي زي الورد

    نورتي واتمنى تتكرر تاني
    تحيااااااتي

    ردحذف
  35. Don_Lochy

    طبعا كتير جدا ده اتخن مشوار 2.5 ويوم ما يفتري يبقى 3 جنيه
    وعنك حق في طول لسان السواقين انت هاتقوللي

    نورت ووالله ومش عارفة يا جماعة مكسوفة
    كده الناس اول مرة تيجي تيجي وانا مخطوفة

    اهلا بيك هنا
    تحياتي

    ردحذف
  36. لورنس العرب

    الله يسلمك ويخليك

    ما تاجر ليا توك توك ولا ميكروباص من عندك.. ويبقى ثوابك كبير

    نورت البوست لورانس
    تحيااااتي

    ردحذف
  37. ghorBty

    اهلا يا قمر نورتي والله

    فعلا دعوة ماما هي اللي انقذتني وكمان حمام ماما اللي اداني الدفعه وانا ابذل قاصر جهدي علشان اكله

    امااااااااال .. نورتي البوست
    تحياااااااااتي

    ردحذف
  38. ılı. 3AbdAllah.ılı.

    ايه ده انت كنت مراقبني ولا ايه؟؟
    اوعى تكون السواق وجاي ياخد بقيت الاجرة.. نيهههههههههههاااااااااااي

    رقم مين ده زمانه اتنش دلوقتي مخالفة خربت بيت امه هو انا بلعب

    ده انا نابي ازرق ولحمي مر

    نورت يا باشا المدونة

    اهلا بلدياتي الشرقاوي الكريم العظيم

    تعالى كتير ماشي
    سلااااام

    ردحذف
  39. مهندس / محمد حشيش

    هندسة نورت والله المدونة وهطخ لك عيارين
    طخخخخخخخخخخخ طخخخخخخخخخخخخ

    انا اللي خطفتهم كمان.. ده كان احتمال اطلب فديا علشان ارجعهم تاني عاااااااااااااااا

    اللهو الخفي ده انتيمي لايونكن يستندل معايا

    نورت يا هندسة وتعالى تاني
    مش لازم اعزم يعني
    انت صاحب
    بيت

    ردحذف
  40. كاتب مصري

    اهو يبقى اتربى بقى.. علشان مايطلعش بزبون راكب قبل زبون مع الزبون التاني .. ده برتكول سواقين وهو ماعملش بيه يستاهل اوي جدا خالص

    نورت البوست.. والله
    تحيااااااتي

    ردحذف
  41. ادم المصري

    اهلا وسهلا مرحبا نورك غطى على الكهربا

    راجل ايه بس يعني عمالة اقول الته المربوطة وتقوللي راجل

    بس الحمد لله انها عدت على خير

    نورت البوست والمدونة كلها
    تحياااااااااتي

    ردحذف
  42. المعتصم

    عليكم السلام

    يا سلام يا اخويا اشمعنا انا اللي تدلهاي على جنب في الدرا

    هي الحلاوى بتاعتي عليها تار ولا ايه؟؟

    ابقى تعالى اقرا البوست .. عاااااااااااا

    مش انا جالي عقد خطف.. بس اختلفنا على المرتب
    عاااااااااااااااا

    مستنية الكومنت علشان اضرب لك العيارين
    بتوووووووعك

    ردحذف
  43. البت المشمشية *حلوة بس شقية *

    يا سلاااااااام يعني انا مخطوفة وانت بتضحكي

    ماشي طيب اتعلمي حاجة..

    نورت يا جميل يا شقي انت

    ردحذف
  44. بصراحه جااااامد موووووت

    انا اول مره ادخل عندك و اكيد مش اخر مره

    انا مش كتر حلاوه البوست قريت المدونه كلها

    اكيد اكيد حتلاقينى تانى


    تحياتى ليكى

    --------------------------
    كان معكى من امام الكيبورد
    واحد مخه لاسع شويه
    شبـــ اون لاين ــاب
    الاسكندريه
    ------------------------

    ردحذف
  45. يااااااه
    والله أنا ايللي ركبى كانت بتخبط وانا قاعدة
    بلاش تركبى تاكسي بليل كده خليها مواصلة عادية يكون راكب ناس كتير
    عارفة واحدة كانت معانا قبل كده في المدرسة فتحت التاكسى ونزلت منه وهو سايق وايديها يعينى اتكسرت بس أرحم
    عارفة ليه؟ عشان مكنش معاه رقم اللهو الخفي
    ههههههههه
    ربنا يحفظك ويسلمك من كل شر
    تحياتى ليكى على الموضوع الجامد المرعب
    سلام يا قمر

    ردحذف
  46. السلااااام عليكم

    زعل ايه بس مفيش زعل ولا حاجة

    وبعدين انا سامع كلمة خطف وكلام غريب.. أنت يمشوفتيش ترسانة الأسلحة اللي عندي فوق ولا إيه..


    يلا ..ربنا ع المفتري :)



    اللي هو مش حضرتك طبعاً:)

    تحياتي

    ردحذف
  47. ههههههههههههههههه

    والله ماعارف اقولك ايه

    طول منا باقرأ البوست وأنا قلقان و خايف عليكي بجد بس الحمد لله ربنا ستر

    وماشاء الله عليكي طلعتي ذكية ولماحة

    بس نصيحة من أخوكي بلاش تطلعي بالليل لوحدك تاني

    ردحذف
  48. حمد لله على سلامتك ، أنا موجود ، بس ايه كمية التيييييت الي انتي بتقوليها ، أنا رأي يكون عنوان الموضوع ( تييييييييييت) ، و انت فهمتي السواق غلط الراجل كان عايز الصحراوي ، عشان يعمل فيكي زي ما عمل الواد بتاع ميلدوي يعلق في شجرة على شجرة صبار واضح انك خنقتيه في الطريق فقال أطلع على الصحراااااااااااااوي هههههههههههه
    حمد الله بسه

    ردحذف
  49. فتافيت ايه يامه دانتى فرن عيش بحاله هههههههه
    لذيذة

    ردحذف
  50. فتفوتاااااا

    ياربىىىىىىىىىىىىىىى
    والله لولا انك انتى اللى كاتبة البوست
    مش حد تانى

    أنا كان قلبى وقع والله


    بجد أنا دخت أصلا و أنا بأقرأ البوست
    بجد ربنا يكون فى عونك


    أكيد كان يوم صععععععععععععب



    بس اللهو الخفى طلع ابن ناس بردوا
    الدنيا لسه بخير والله
    :)



    و حمدلله ع السلامة يا قمر





    خالص ودى

    ردحذف
  51. بجد انا مش عارف لو اللهو الخفى كان خارج نطاق الخدمة فى الساعة السودة دى كنتى عملتى ايه؟؟ أو حتى كان بيكلم خطيبته بمناسبة الزلانطاين.. كنتى عملتى ايه؟؟
    الحمد لله ربنا ستر..
    هههههههههههه
    بوست هايل جدا وحلو اوى وربنا يسترنا ويسترك بس بلاش مامتك تدعيلك تانى ..هههههههه
    تحيتى

    ردحذف
  52. دى ميزة الخطط الفجائيه
    لا وانت مركزه انه جاله ميسد كول قبليها
    لالانبيهه ولماحه
    عموما البجامه لن تنسى فهيه السبب
    وبعدين دى دماغ واحده يتغرغر بيها

    ردحذف
  53. جميل


    السرد كما لو كان الواقع

    ردحذف
  54. إيه ده .... انتو عندكم الخاطفين أخلاق جداً وبيتهوشوا من أي حاجه ...ده كان ناقص يجبلك وجبة من مؤمن وعلبة كانز :) .... إحنا بأه عندنا الخاطفين رجاله بجد ...مفيش حاجه تقدر ترجعهم عن اللي في دماغهم :)
    ممكن لما تركبي تاكسي بعد كده تسأليه ...خطف ولا توصيل ؟ لو قالك خطف ممكن تتفاهمي معاه:)

    الحقيقة الموضوع ده أصبح ظاهره فعلاً ولازم يبقاله حل لأن المشكلة دي بتزيد ... مثلاً انتي عارفة الحكم الشرعي للي يخطف حد إيه ... يطبق عليه حد الحرابة ...يعني يتصلب في ميدان عام ويتقطع ايده ورجله من خلاف يعني عكس بعض ويتساب لحد ما يموت .... وده إسمه ردع ..يعني لو اتطبق مره واحده لايمكن حد يفكر فيها تاني .... أما القانون فيمكن ياخد فيها 3 ايام مع ايقاف التنفيذ
    ملحوظه:لو انتي عارفه رقم التاكسي متسكتيش ... روحي بلغي عنه وقولي اللي حصل لانه ممكن يكررها مع ضحيه (مش مفتفته) زي حالاتك وتقع الكارثة .... ساعتها هاتاخدي ذنب السكوت على هؤلاء الكلاب وليس الذئاب لأن الذئاب عندها شرف شويه.
    احمدي ربنا وممكن تدبحي لوجه الله ولو كام حمامه كده وتعزمي معشر المدونين عليهم احتفالاً بنجاتك :)

    ردحذف
  55. على فكرة وبعد إذنك أنا استعرت الموقف ده وحطيته ضمن قصة قصيرة بكتبها دلوقتي والجزء الأول منها ع المدون دلوقتي عندي عدلت فيهه حبة عشان لزوم الحكاية عندي
    ياريت تسمحيلي وتشرفيني
    مودتي

    ردحذف
  56. السلام عليكم/ ليه كده يافتافيت ترعبينا عليكى أنا كنت حتجنن لحد ما وصلت معاكى للهو الخفى ، ربنا يحفظك والحمد لله ، بس يا جميل مش كل مره ... بعد كده ممنوع ركوب تاكسى ليلاً وحدك أو حتى تواجدك فى الشارع ليلاً ، وحمام محمر ايه اللى كنتى بتفكرى فيه ربنا يهدينا ويهديكى .الحمد لله .

    ردحذف
  57. بسم الله الرحمن الرحيم
    السلام عليكم ورحمة الله وبركاته
    ايه اللى انا شوفته وقريته ده ؟؟؟؟؟؟؟؟؟؟؟؟
    خطف مين ؟ انتى اكيد بتهزرى ؟ صح؟؟؟؟؟
    هو مش انا لسه جايبلك طبنجه الاسبوع اللى فات ؟؟
    وماتقوليش مكنش معاكى طلقات
    مش انا قلتلك تبطلى تضربى فى الفاضى علشان الظروف اللى زى كده كنتى تضربى فى المليان على طول ؟؟؟؟؟؟؟
    ادى اخرة اللى مش بيسمع الكلام
    على العموم اذا كان الاخ تامر هو اللى بعت بتاع التاكسى علشان يخطفك احنا هنبقى نتصرف معاه
    وعلى فكرة بس ماتقوليش لحد احنا عشان خاطرك هنعمل حملة على التاكسيات فى الزقازيق وماتقلقيش هنجيب السواق ده يعنى هنجيبه وهنظبطه صح
    ده باين عليه عبيط ومكنش يعرف هو كان هيخطف مين ولا ايه ؟
    بعد كده ماتنزليش من غير الطبنجه انتى فاهمه ولا لأ؟
    اما بخصوص الحلاوة فده علشان محدش يقول اشمعنى فتافيت واخده منابها اكتر مننا ويبصولك فيه
    انا خايف عليكى من العين احسن تتعبى بس
    وماتبقاش حتة الحلاوة منظورة
    يلا سلام
    تحياتى ودمتى بكل ود وخير
    والسلام عليكم ورحمة الله وبركاته

    ردحذف
  58. حمد الله عالسلامة

    إيه الذكاء والنباهة دي كلها

    ما شاء الله عليكي

    ردحذف
  59. شبــ اون لاين ـــاب

    والله اشكر التاكسي اللي خطفني علشان عرفك بمدونتي

    نورت وعلى فكرة مدونتك دمااااااااااغ بجد

    اهلا بيك وهنتواصل شور ان شاء الله

    ردحذف
  60. بنوتة

    اهلا يا بسكوتة بس انا ماقدرش انط من التاكسي لاني كنت على طريق سريع لو كنت نطت كانت عربية فعصتني في ثانية

    بس الحمد لله واللهو الخفي عمل واجب معايا .. ربنا يخليه ليا ولكل البناااااااات

    نورتي يا جميلة

    ردحذف
  61. القلم السكندري

    مافيش احلى من السيلف ديفنس يا شاعرنا
    وبعدين الاسلحة اللي عندك صعبة في الاستعمال ملاقيش عندك حته اليكتريك جان ؟؟

    وربنا على المفتري هع هع هع ماشي

    نورت البوست سلامووووووز

    ردحذف
  62. سمو الامير

    اهلا سموك نورت البوست

    عادي بقى اصلا الشغل بتاعي بيخلص بليل ومش علشان حاجة.. لاني بروح الظهر مابعرفش اصحى بدري فبضطر اقعد لبليل

    بس الحمد لله حصل خير

    نورت تاني وماتغبش علينا

    ردحذف
  63. سحساوي

    فينك يا سحس من زمان والله قلقت عليك
    وبعدين تغيب تغيب وبرضو ترجع تعترض.. يلهوي عليا اكتب سياسة تعترض اكتب شعر تعترض اكتب بلالا تعترض.. ياريتهم كانوا ناس بتعرف تخطف كويس وكنت ارتحت يا راجل مني.

    اه اطلع عالصحراااااااااااوي هع هع هع.. بس طلع عبيط اخواته والله

    نورت يا سحس وماتغبش تاني
    الاقي مين يعترض غيرك عليا
    عاااااااااااا

    ردحذف
  64. فتافيت
    حمد الله ع السلامة
    موقف صعب اللي كنت فيه بس طلعت شاطرة و عرفت تخرجي منها زي الشعرة من العجين برافو
    وتسلمي من كل شر
    مودتي

    ردحذف
  65. dreem

    ميرسي ي جميل بعض ما عندكم

    نورتي بجد وامنتى تكرر

    سلاموووووووز

    ردحذف
  66. Soul.o0o.Whisper

    الله يسلمك يا جميل وبجد كان موقف صعب جدا والله.. بس الحمد لله

    اللهو الخفي طلع راجل معايا اوي

    نورتي يا جومر والله

    ردحذف
  67. مسدس صغير

    انا برضو بقولك كده .. كفايه يا امه اه يابني يا باه ياني يا باه.. على راي هاني رمزي عاااااااا

    نورت البوست وماكنش فيه منك واحد بضرب نار يكون معايا وقتها

    اتمنى تكرر الزيارة

    ردحذف
  68. soly88

    لا ده انا مملة اصلا باخد بالي من حاجات ماحدش يفكر حتى يلاحظها.. عاملة زي كرومبو كده

    نورت يا سيدي.. وبلاش تبص ليا بالعين ديه لا المرة الجاية تبقى غرغرة بجد
    عاااااااااااااااا

    اهلا بيك

    ردحذف
  69. محدش بيموت ناقص حلم

    ميرسي بس ده واقع على فكرة مش خيال.. بس باسلوبي انا

    يعني كل اللي قولته حصل نصا بس كتب النص بطريقتي انا

    نروت البوست واتمنى تعيد الزيارة تاني

    ردحذف
  70. تامر علي

    ههههههههههههههههههههه ضحكتني يا تامر والله.. اولا على مؤمن .. بجد نفسي في واحد ماجنم لو كنت افتكرت وقتها ما تستبعدتش انى كنت اعملها عاااااااااااا

    ام الحد فده لو حصل هنا هايحصل على مين ولا مين .. ياااااااه لو زوار الليل يقام عليهم الحد ده ياااااااااه

    ام عن السواق لم قولت نباغ قولنا مافيش اي دليل بس ليا معرفة جامد في المرور عندنا هايظبطه واحتمال ما يركبهاش تاني

    نورت البوست بجد
    بفرح جدا لما بشوف تعليقك عندي

    سلااااااااااام

    ردحذف
  71. كاتب مصري

    المدونة كلها تحت امرك خد اللي انت عايزه منها
    وانا بتابع المدونة ومن غير ماتقول اصلا

    ومتظرة باقي القصة

    سلام

    ردحذف
  72. حياتى نغم

    اهلا يا احلى نغم.. والله ما ينفع علشان شغلي.. لاني مابعرفش اصحى بدري فبروح على الظهر فبضطر اقعد لبليل مش هاروح ترانزيت يعني

    ربنا يستر يا جميل ان شاء الله
    نورتي البوست

    ردحذف
  73. المعتصم

    هههههههههههههههههااااااااااااي كل مرة تضحك عليا وتقوللي كده ماشي ماشي
    المسدس نسيته في المدونة ومخدتوش وانا مروحة.. بس الحمد لله في سيلف ديفنس عااااااااا

    اعمل يا خويا زي مانت عايز ايكش تقلبها تكاتك كلها هههههههههه

    نورت يا معمدة ومايحرميش من طلتك

    طخخخخخخخخخخخ.. عيار واحد علشان اعمل حساب الظروف

    نوووووورت

    ردحذف
  74. حسام غانم

    ميرسي يا معلم بعض ما عندكم

    نورت البوست

    ردحذف
  75. assafo anaroze

    ربنا يخليك يا رب .. ميرسي على المرور نورت بجد
    ياريت تكب البوستات عندك كده ةزي الكومانت علشان اعرف افهم.. المغربي عندي مش قد كده ونص الكلام بيقع مني

    نورت البوست والمدونة

    ردحذف
  76. هههههههههههههههه

    هم كده الشراقوة جرعان رجالة وستات وكتاب الله
    ودايما بنقول عليهم احنا الصعايده اننا ولاد عم

    ملحوظه
    جوز الحمام اللي في التلاجه .. ايه موقفه دلوقتي؟؟؟





    سلاموووووووووووز

    ردحذف
  77. Soooo

    انت صعيدي يعني ولاد عم .. احنا كمان بنقول على الصعايدة ولاد عمنا

    نورت يا سوووووووووو

    وابقى تعالى مش لازم اعزم يعيني ده احنا ولا عم يا راجل

    ردحذف
  78. اه جوز الحماااااااااااام .. اول حاجة اطمنت عليها اول ما طلعت اماااااااااال

    ده لولا خوفي عليه ماكنتش اتصرفت ده حمام يا عمناااااااا

    ردحذف
  79. حمدالله على سلمتك يافتفوتة بجد حطيت نفسى مكانك وانا بقرأ البوست وبجد حاجة مرعبة ربنا يحفظك ويحفظنا جميعا .

    ردحذف
  80. نبض الحياة

    اللهم امين يا جميل

    ومنورة البوست والمدونة

    معلش والله لسه واخده بالي حالا من الكومنت بتاعك

    ردحذف
  81. ياشِــرس أنت يا شِـــرس

    أُحيكي على تصرفك يا فتافيت
    بس الغلبان اللي نزلتوه في الطريق الـمهجور ده ذنبه إيه ؟
    مش يمكن مظلوم ؟؟؟

    دايما كده بتفتري على الناس ؟

    وياريت تستفيدي من القصة دي أهم درس

    أنك لو أشتريتي بيجامة ومعجبتكيش خديها برضه وأوعي تفكري ترجعيها

    ردحذف

خلل براحتك من غير انتظار .. فتافيت أصلاً بتحب الخيار