17 فبراير 2009

تامر مبروك .. اعلن التضامن معك


يعني احنا طرمخنا في حاجات كتير .. وبنقول مش مهم بكره تتعدل .. يا سيدي امشي جنب الحيط احسن وكل عيش .. وانت مالك بس..
يعني انت اللي هاتعدل المايلة؟؟..
معظمنا ان ماكنش كلنا بيقول كده .. واللي هايقول لا .. هاقوله ماشي .. بس في اقرب مرايه كده واقف .. وقول لا وشوف ساعتها المراية هاتقولك ايه .. مش هاقولك انا


تامر مبروك ..
مصري نظيف محترم.. ماقلش وانا مالي .. ولا حط الطرحة على وشه واستحى وسكت


تامر مبروك..
البورسعيدي .. بورسعيد المقاومة .. فاكرنها ايام ما كان لسة فيك رجالة يا مصر .. اهو تامر قال لا فيه راجل ونص كمان.

تامر مبروك ..
رفض انه ياخد حقه تالت ومتلت ويبيع العمال بتوع تراست.. تامر راجل يستاهل كلنا نقف جنبه.

مش هاقعد احكي في تفاصيل بقى .. وقول عمل وسوى .. لا
انا بس هاقول .. لكل راجل بجد .. لكل مواطن شريف .. لكل انسان لسه فاضل عنده انسانية

تامر مبروك محتاااااااااااااااجك بجد

محتاج انك تنشر قضيته لكل الناس .. ولكل واحد محترم او حتى مش محترم
لازم الناس تعرف وتقرا وتشوف .. اللي بيحصل في تراست بورسعيد

مش هارغي كتير زي كل فتفوتة .. بس هاقول الكلمتين دول وخلاص علشان الكل يفهم عايزة اقول ايه؟؟

نعلن تضامننا مع تامر مبروك .. المصري النظيف .. المطالب بحق عمال تراست ببورسعيد


والذي تم الحكم عليه بعدما كشف المستور بالادلة والبراهين عن حقائق مهمة

تعني تلوث المدينة واهدار حق العمالة المصرية بشركة تراست

بتعويض 42.5 الف جنيه مصري تعويض لشركة تراست
في وقت انه ممنوع من العمل
منذ عام كامل ولم يدخل جيبه جنيه واحد من عام بسبب تراست


التفاصيل في

مدونة الحقيقة المصرية

مدعمة بالصور والمستندات والتسجيلات التي تثبت حق تامر .. وتثبت ايضا مدى الظلم الذي وقع عليه

يا سااااادة مصر بلد التمانين مليون مواطن .. تستورد عمالة هندية
وحسبي الله ونعم الوكيل

نتضامن مع تامر مبروك

وأملنا في القضاء المصري كبير
ان ينصف تامر في الاستئناااف .. ويحكم بالعدل

اه تامر مبروك .. مكتشف الحصبة الالماني
في مصرعلى فكرة

هناك 24 تعليقًا:

  1. كلنا معاك يا تامر
    وجامد البوست يا فتافيت وربنا يجعله في ميزان حسناتك

    ردحذف
  2. يعني على ما شلت الحمام من الشوربة تاخد اول تعليق .. عاااااااااااااااااااااا

    ربنا يتقبل منك يا فتافيت يا حلوة وربنا يثبتنا كلنا ع الحق

    ردحذف
  3. Tamer Diab

    تامر با شاااا نورت يا مش زعيم
    وربنا يجازي كل واحد على قد نيته .. يارب
    افضى بس .. وافتت براحتي في البوست اللي فااااااااااااات نيههههههههههههاااااي

    سلااااااااام يا باشا

    ردحذف
  4. ستيته حسب الله الحمش

    روح قلبيني سوتاتيتة

    ولا يهمك اهم حاجة الحمام .. وزي ما بنتضامن مع تامر علشان يا خد حقه
    بطلب التضامن معايا علشان اخد حقي في الحماااام بموت فيه خاصة بالفريك والحبهاااااان

    نورت يا اجمل مدونة فيك يا بلوجر
    عايزة حقي في الحمام

    سلااااااااموز

    ردحذف
  5. ياما في المصانع من بلاوي وكوارث يا فتافيت
    المصنع اللي هو اشتكى منه ده لازم عشان يتعمل معاه اجراء قانوني يبقى الكلام صادر من جهه حكوميه
    ولله الحمد كل المفتشين بتوع الصحه ووزارة الصناعه بياخدوا رشاوي - إلا ما رحم ربي
    وعلى هذا الاساس انا اخاف عليه من تهمة التشهير بالكذب
    صحيح هو صادق وانا مصدقه
    لكني خايف عليه بجد

    ردحذف
  6. تامر مبروك ها ياخد حقه لأن ربنا اقسم لدعوة المظلوم "وعزتي وجلالي لأنصرنك ولو بعد حين"
    طيب قولي بس انك ها تزوري سوتيتة وابقى عيلة لو معملتوش ليكي

    ولعلمك وعلشان تيجي حالا بالا انا عاملة محشي كرنب ولحمة موزة وفاصوليا وكوسة ده غير حبيب قلبك الحمام وانتي نقي واستخاري بقى

    ده انتي تاخدي حقك تالت ومتلت ياقمر المدونات

    ردحذف
  7. لورنس العرب

    لا هو سمع تامر حسني وهو بيقول
    انا مش هاخف المرة ادي ضاع من عمرس سنين في الخوف مش هاكون انسان عادي انا هاتحدى اي ظروووووووف

    ربنا معاه ومع كل مظلوم .. ثم كل مواطن شريف
    وربنا قادر انه يجيب حقه
    ربنا كبير وعادل

    نورت البوست

    ردحذف
  8. ستيته حسب الله الحمش

    حرااااام اتقي الله فيا والنبي .. وانا قاعدة باكل باتيه وبشرب كابتشينو

    ام عن الزيارة .. فكده انتى ادبستي في عزومة .. وانا لازقة بقى

    ربنا يكرمك ويعزك يارب .. ويبارك لك
    وبالف هنا وشفا وصحتين على قلبك

    تسلمي يا روووح قلبي

    ردحذف
  9. السلام عليكم / اللهم احفظ الشرفاء الأنقياء من كيد الأعداء ، وارحم بلادنا من الخونه والعملاء آمين .

    ردحذف
  10. سيدتي
    اول شيئ حبيب اصلح لك معلومة انا مغربي و مش فلسطيني مع كامل الاحترام لاهلينا و اخوانا في فلسطين
    ثاني شيء كل التضامن مع تامر بالرغم اني ما عرفوش بس يكفي انو مناضل شريف رافض الظلم و بيدافع على الطبقة العاملة و حقوقها من الراسمال المتوحش اللي ميهموس غير الربح
    دلوقتي يا فتافيت جي الوقت اللي العمال لازم يردوا و لو سيء بسيط من اللي عملوا لهم تامر
    لازم يشلوا حركة المصنع ما يشتغلش و يتضامنو مع زميلهم
    وكل القوى و الضمائر الحية في مصر لازم تكون جبهة موحدة للدفاع عن تامر
    مودتي
    وشكرا على الزيارة

    ردحذف
  11. سيدتي
    اول شيئ حبيب اصلح لك معلومة انا مغربي و مش فلسطيني مع كامل الاحترام لاهلينا و اخوانا في فلسطين
    ثاني شيء كل التضامن مع تامر بالرغم اني ما عرفوش بس يكفي انو مناضل شريف رافض الظلم و بيدافع على الطبقة العاملة و حقوقها من الراسمال المتوحش اللي ميهموس غير الربح
    دلوقتي يا فتافيت جي الوقت اللي العمال لازم يردوا و لو سيء بسيط من اللي عملوا لهم تامر
    لازم يشلوا حركة المصنع ما يشتغلش و يتضامنو مع زميلهم
    وكل القوى و الضمائر الحية في مصر لازم تكون جبهة موحدة للدفاع عن تامر
    مودتي
    وشكرا على الزيارة

    ردحذف
  12. أعلن التضامن مع الأستاذ تامر
    وحتي نهايه المطاف نحن متضمنين معه

    ردحذف
  13. طيب المهم ملحوظة صغيرة المدونة بتاعتى طارت اللى انا دخلت بيه ده مدونة جديدة بس بنفس الاسم زيها بلظبط ياريت تضيف لينك المدونة الجديدة عنك وياريت تعمل تنويه بكدة دى خدمة منك يعنىhttp://o0mshmsh0o.blogspot.com/

    ردحذف
  14. يعنى ضيفى اللينك الجديد ده عندك ومتستغربيش هو هو نفس الاسم المدونة ونفس الاستايل
    بس القديمة باظت قمت عملت واحدة جديدة
    بنفس الاسم
    تعالى زورينى بقه فى بيتى الجديد

    ردحذف
  15. فتافيت

    أولا بأعتذر عن التأخير
    معلش سامحينى

    ثانيا : بجد ان شاء الله ربنا معاه
    و هيظهر حقه
    و ياريت فعلا كل واحد فينا لو يقف يدافع عن حقه ماكنش دا وضعنا

    ثالثا : هو انتى اللى كاتبة بالفرنساوى فى الشات بوكس؟؟



    مرة تانية معلش على التأخير
    و سلام يا قمر

    ردحذف
  16. كلماتك حماسية ومؤثرة ومفتفتة لليأس فعلاً ..... إن شاء الله بعد كل هذه الإيجابية لن يضيع حق هذا الرجل أبداً

    ردحذف
  17. فتفوتي
    انا جايه بس اقولك علي موضوع القايمه اللي طلبتيها
    اختاري اول حاجه Customise
    وبعدين Add a Gadget
    وبعدين Blog List New!

    وعيشي حياتك بقي ياجميل

    ردحذف
  18. معاكي حق يا فتافيت
    اللي يقول الحقيقه ويدور علي حقه في البلد دي يحصله كده

    ردحذف
  19. ربنا معاه و احنا كلنا معاه اكيد
    فعلا الي يكشف الحقايق في البلد يحصله اكتر من كدة بكتير

    تحياتي
    محمد

    ردحذف
  20. ميرسي يا جماعة لكل واحد دخل البوست واعلن تضامنه مع تامر.. وده امل تامر اكيد في المدونين

    سلوو .. اهلا يا قمر بس انا ما بكتبش فرنساوي خالص بتكلم كمان مكسر

    assafo anaroze

    انا اسفة فعلا واعتذرت لك في البوست اللي فات بعد ما زورت مدونتك
    نورت يا رفيق :)

    البنت المشمشية
    مبروك العودة

    عاشقة

    ميرسي يا سكرررررررررررررررررررر


    ميرسي لكم كلكم بس انا ماردتش على الكومنتات لانه بوست تضامن اكيد مش محتاج مني رد

    اشكركم كلكم من جوه قلبي

    ردحذف
  21. يارب يحسب ذلك في ميزان حسناتك وبجد يا جماعه انا محتاج الدعاء لاني في محنه بجد كبيره لو الحكم ده اتطبق وتم تأكيده في الاستأناف يبقى عليه العوض فيكي يا مصر لكن الي عايز اوضحه للجميع ان المستندات التي قمت بتقديمها للمحكمه جميعها رسميه ومختومه بختم النسر وتؤكد فساد هذه الشركه وخطورتها على الامن القومي ومش عارف على اي اساس تم صدور هذا الحكم

    ردحذف
  22. الحقيقه المصريه

    ربنا معاك يا تامر ومع كل انسان مظلوم في الدنيا

    ربنا كبير ان شاء الله وقادر يظهر الحق

    فدولة الظلم ساعة

    ربنا يعينك وبفرج كربك ان شاء الله

    طمنا عليك باستمرار

    ردحذف

خلل براحتك من غير انتظار .. فتافيت أصلاً بتحب الخيار