15 فبراير 2009

الملحمة التياتوية.. اي والله

من قناة فتافيت الاخبارية.. اللي ارسلها يمتد من المحيط للخليج.. ست فتفوتة هانم مراسلتنا.. جابت اخبار حصرية.
لان مع فتافيت كل الاخبار المستخبية .


بس خبر ايه.. جامد جامد.. وحصريا لنا وقبل الجميع .. وبعد كده هاعمل اشترك ليكم.. بفلووووووووس استغلال بقى.. امال اصرف على المراسلين منين انا.. ولا اشحت عليهم يعني.. محدش يا عيني بيقدم ليا الدعم المادي زي الحظيرة والعبرية :(

لا بقول الكلام اللي محفاظاه ليا مامي امريكا.. ولا عندي قاعدة جوية بتدعمني.. ده انا غلبااااااااااانة خالص مالص.. وهانفتح باب التبرعات قريب كمان.؟ :)

ومحدش يجيب سيرة لبابا اني هديت الحيطة خالص.. لا يقفل ليا مدونتي وتبقى فتافيت الاخبارية مشفرة.. اوعوا حد يجيب له سيرة.

دلوقتي تنضم لنا شبكة مراسلينا.. واللي اصلا كلها مراسلة واحدة ست فتفوتة اللولبية من امام معبر رفح..


قال ايه يا سادة يا كرام.. ولا يحلى الكلام الا بذكر النبي.. عليه الصلاة والسلام.. مجموعتنا التانية خللت على المعبر هناك.. بقالها اسبوع بتحاول الدخول.. والدخول ممنوع.
حرصا على ايه لست ادري بس هو اكيد حرصا على حاجة.. امال هيبقى ممنوع كده وخلاص.

وهناك اسر فلسطينية عايزة تدخل غزة.. بس برضو نيييفر ايفيييير دخول.. والناس هناك قاعدة على امل ان حد يدخلهم.

الصبح بقى انهاردة.. جت اسرة فلسطينية وصممت على الدخول.. وطبعا معلوم ان المعبر ما بيتهددش .. وصممي براحتك ياروحي.
انا معبر ديمقراطي.. من حقك تصممي.. ومن حقي اقول نووووو واي.



قامت ست من الاسرة دية قاعدة ومربعة.. قصاد بوابة المعبر.. وكشفت رسها وهاتك يا دعا .. وتدعي بحرقة ووجع قلب.. دعت بشكل يخوف حتى الامن.. حسوا ان ممكن من دعاها ده.. الارض تتشق وتبلعهم.. يموتوا منفجريين وهم واقفين.

قالوا مافيش غير سيفر الناس دية يحل الازمة.. وجه سيادة السفير للمعبر.. وفور وصوله بقى....

الاسر الفلسطينية اتلمت على العربية بتاعته.. مش علشان يقولوا عايزين ايه.. ابسلوتلي.. بس بهدلوا العربية ضرب وتخبيط وتكسير.. والسفير في موقف صعب.. اذا كان ده حاله وهو جوا العربية .
امال لو نزل ممكن يجرى ايه؟؟


قامت العربية رجعة لورا ورجعت من حيث اتت.. بس وهي ماشية بقى.. السفير سمع من المنقي يا خيار. ويا اتة ويا كوسة.. ويا سوق العبور كله
يا تيت يا ابن التيت .. يا تيت وتيت وتيت.. تيت تيت.. تيت تيت تيت .. تييييييييييييت.
ولو فضلت اتيت من هنا للصبح مش هاقدر اوصف لكم ملحة التيت والسنفونية التياتوية اللي حصلت هناك.. وكانت على شرف سيادة السفير.

شوية وجت العربية اللي بمائات الاف الجنيهات.. واللي بكل مليم فيها خدت خبطة او نطحة بالاضافة لتيتة من الاسر الفلسطينية .. بس المرة دية السفير مش لوحده.. كان معاه حد مهم جدا من الامن المصري.
ومصادرنا لم تستطيع الكشف عن هويته بس هو مسئول من العيار التقيل..


خد الاسر الفلسطينية واتكلم معاهم.. واحنا المصريين اساتذة كلام ودكتوراة في حلاوة الحديث.
باختصار الشعب المصري من اصغر عيل فيه لاكبر راس فيه بياع كلام محترف.


وفضل يهدي في الناس.. وقال استنوني هنا.. انا هاحاول اعمل حاجة واساعدكم.. واختفي في ظروف غامضة داخل مبنى هناك.
وهناك انباء مؤكدة ان المعبر لايونكن يتفتح لمجموعتنا :S
بس فيه بصيص امل ان الاسر الفلسطينية ترجع.
بس لم يتم التوصل لوقت الرجوع.. غير ان المسئول لسه مخرجش من المبنى لوقتنا هذا..

كانت معكم مراسلة قناة فتافيت الاخبارية الجهنمية.. فتفوتة اللولبية.. في تغطية الحدث
الوصلة التيتاوية التي شنت على سيادة السفير
من امام معبر رفح.


شكرا لشبكة مراسلينا ..فتفوتة
والتغطية مستمرة انتظرونا بعد الفااااااصل

هناك 34 تعليقًا:

  1. ربنا يستر علينا
    انا حاسس اننا هتخسف بينا الأرض بعد الدعا ده

    ردحذف
  2. أنا أفتكرت الحملة عليا عشان اسمها التياتوية :)
    جميل خالث بث أنا فرحان أوي في سيادة السفير الي عربيته اتروقت دي
    وفي ثؤال ؟
    هو محدث من المثريين رفع شماعة حتي يضرب بيها عربية البعيد ده ؟

    ردحذف
  3. السلام عليكم
    أختي فتافيت اول شئ بحب أحييكي على قناتك الاخبارية المتميزة بأخبارها العاجلة وصدق رؤيتها المنهجية
    وأحيي مراسيلكي(مع انهم شخص واحد اللي هو حضرتك)

    تاني شئ اعلمي وكوني على يقين تام ان اهل غزة لم يعودوا يتأملوا الخير في هذا المعبر المغلق
    فإن كانت مصر تغلق معبر رفح ، فإن مصر وكل البشر لن يستطيعوا إغلاق باب الله تعالى
    رجاءنا بالله كبير وتوكلنا على الله عظيم

    بارك الله فيكي وجزاكي الله الجنة بما قلتي

    لا تنسوا اخوانكم في غزة من دعائكم

    ||..بحـر الدموع..||

    ردحذف
  4. انتي يا بنت الناس اللي قبلي دول جم امتى؟ دول بايتين على باب المدونة؟

    وياترى الناس اللي مبيتنهم على المعبر في ام تيت البرد ده ها يدخلوا امتى؟

    العجيب في الامر ان الناس دي مش رايحة دزني لاند .. نو ابسلوتلي دول داخلين يستشهدوا .. حسبي الله على أم تيت المعبر على ام تيت اللي قفلينه على ام تيت اللي بياخدوا القرارات من تحت الألحفة

    وافينا ياامو اسماعيل بآخر أنباء الغلابة وزمايلك اللي واقفين دول كمان

    حاضير ها احاول امسك لساني ومقلش لبابا بس اصل انا ستيتة غير مضمونة اطلاقا
    بحبك يا نشرة اخبار السادسة انتي

    ردحذف
  5. اولا لازم أعرف مين المراسلين بتوعك علشان أبلغ عنهم
    هههههههههههه
    ثانيا زى ما بيقولوا دخول الحمام مش زى خروجه
    هههههههههههه
    ثالثا وده الأهم أن مصر مكنتش عامله المساعدات دى لله ده بس بسبب الضغوط الشعبيه وتلاقيهم مش راصيين يعدوهم مستنيين أى مقابل
    وانتى حتروحى من مصر فين اكيد الروتين الملل بيعطل اى حاجه وخصوصا انهم جم من غير اى ورق ومعهمش اى اثباتات
    رب يرحمنا ويرحمهم هما كمان

    ردحذف
  6. حمد الله على سلامة المراسلين أهم حاجة

    ومبروك القناة الجديدة

    بس أنا عايز النسخة الـuncut من النشرة دي :)

    ردحذف
  7. Eng. Ahmed Abo El-Ella

    بعد الشر علينا انشالله الناس الوحشة اللي السبب في كده
    احنا في السليم برا دائرة انتقام الدعاء ده

    نورت يا هندس والله

    تحياااااااتي

    ردحذف
  8. Tamer Diab

    ههههههههههههه .. ليه هو انا ادخلك التريخ واكتب بوست كامل عنك.. كبيرك سطر في بوست صخنن نيههههههههاااااااااي

    والله لو كنت فتافيت هناك.. اظن كان هايبقى فيه حاجة تانية .. بس يا دوب فتفوتة بس اللي كانت هناك

    تااااااااااامر دايما الكومنت بتاعك بيسعدني جداااااااااااااااااااااااا

    نورت يا مش زعيم

    ردحذف
  9. بحـــر الدموع

    اخي الفاضل ابن ارض العزة.. ربنا يوفقكم وينصركم ويهون عليكم
    وربنا كبير اكبر من اي حاجة .. ربنا يعينكم

    مرورك شرف للمدونة
    تحياتي واجلالي

    ردحذف
  10. ستيته حسب الله الحمش

    هههههههههههههههههه ابدا يا اوختي دانا حته فتحت ورشيت ميه وماكنش حد موجود

    ربنا ما يحرمني من طله ايوتها حد منكم عندنا في ماي مدونة

    برد ايييييييه .. ده رصاص يا روحي .. يلا ربنا كبير بقى

    والله قولنا كده انهم داخلين غزة مش كوكي بارك .. بس مش مصدقين تقريبا محدش منهم عدى الناحية التانية قبل كدا ..

    نورتي البوست يا روح قلبين فتفوتة وصديقة فتافيت

    سلام يا عثثثثثثثل

    ردحذف
  11. د/عرفه

    ليه بس الاذى ده.. وبعدين اكيد اكيد مسيرهم يتحبسوا وساعتها قناة فتافيت تجيب دورفها .. وتستريح يا دكتر

    واكيد طبعا دخول الحمام مش الخروج منه ابسلوتلي .. وانت دكتور وعارف وربنا يجعل بيوت المحسنين عمار نيههههههههههاااااااي

    والله ماعرفة روتين ولا ازمة بروتين
    ربنا يطلعنا منها على خير

    مرورك عقم البوست .. عااااااااااا

    نورت والله ربنا ينورها في وشك

    ردحذف
  12. حسام غانم

    الله يسلمك .. ده هي حته مراسلة واحدة لو راحت عليه العضو في القناة

    الله يبارك فيك.. بس ده ارسالها من بوست فات مش انهاردة بس

    ام النسخة الان كات.. نيييييفر تطلع ابدتشن
    انت عايز القناة تتشفر.. احنا غلابة من غير ضهر خليها تكمل بالستر

    نورت يا حسام افندي
    سلاااااااااااموز

    ردحذف
  13. فتافيت السلام عليكم / تعرفى بحب نشرة أخبارك جداً ، ياريت اللى قلتيه يسمعه اللى خايفين يفتحوا المعبر لأهل غزه يتم نزحهم إلى هنا ، شعب رائع بارك الله فيهم واحنا هنا نتمنى نسيبها ، بإذن الله حنفضل على قلبهم وهما اللى حيسيبونا ويقوموا من على نفسنا ،
    كفايه لاحسن ن ف سس يى يااه احم .

    ردحذف
  14. حياتى نغم

    وعليكم السلام
    وعلى فكرة فتافيت كلها نشرة وقناة ومراسلين .. بيموتوا فيكي يا جميل

    وقول يارب يحسوا ويعرفوا ان الله حق

    ربنا كبير والله واكيد نصره قريب

    نورتي يا جميل البوست

    ردحذف
  15. يلهوووووووي سلامة نفسك

    انشالله هم اللي نفسهم ينقطع .. الوحشين اللي مابيسموعوش الكلام

    سلااااااموز

    ردحذف
  16. والله انتي جايبه أخبار حصريه فعلاً .... بس في نفس الوقت "حسريه"لينا علشان بنتحسر على اللي بيحصل من القوات الباسلة بتاعتنا.....بس لمي فتافيتك كويس علشان في فتافيت بتتخطف هناك :)

    ردحذف
  17. مساء النور
    اول مرة ازور مدونتك و عجبني اوي خطها التحريري الساخر
    سيدتي نقلتي الوضع في معبر رفح بطريقة ساخرة بس ممتازة
    الوضع هناك صعب اوي ولازم خصوصا ع الشعب المصري اللي طول عمرو ابي و شهم و مساند دائما للقضايا الانسانية انو ينتفض و يثور ضد القرارات السلطة السياسية اللي مرمرت وش مصر في الوحل
    مع ذلك احب اني اقول مهما كانت مواقف النظام الحاكم في مصر فقيمة المصريين زي ماهي في قلوبنا
    كل التحية و الاجلال لشعب مصر
    مودتي
    دعوة للتواصل مع مدونتي

    ردحذف
  18. فتافيت السكر .. العسل كمان
    من معبر رفع نحييك وخليك كدا على طول تمدينا بالمعلومات والاخباريات وكمان الست الفلسطينيه دى ما قلتيش لسه قاعده مربعه والا مشيت
    تحياتى

    ردحذف
  19. بسم الله الرحمن الرحيم
    السلام عليكم ورحمة الله وبركاته
    أختنا ومراسلتنا الهمامه فتافيت هانم
    تحياتى
    جامده جامده النشرة دى يعنى
    اهم حاجه انه البشمهندززز عربيته اتروقت وهو اتتييت صح
    وطبعا الباشا بتاعنا كان عامل نفق جوة المبنى وبعد ما ثبت الناس بمسمارين تمام التمام خلع وركب المترو
    حسبنا الله ونعم الوكيل
    وبعدين انا عاوز افهم حاجه
    الاول افتحو المعبر يااخوانا قلك اصلهم هييجو يقعدو فى سينا ومش هيبقو عاوزين يمشو طب الناس اللى جت وعاوزة ترجع اهه مش راضى ترجعهم ليه ؟؟؟؟؟؟؟؟؟؟؟؟؟؟؟
    حد يفهمهالى دى ويكسب فيا ثواب
    اصل انتو عارفين ان الصعايده بيفهمو على مهلهم
    يللا سلام ومستنين اهم الانباء بعد شوية
    دمتى بكل خير وود
    والسلام عليكم ورحمة الله وبركاته

    ردحذف
  20. شكرا لشبكة مراسلينا ..فتفوتة
    والتغطية مستمرة انتظرونا بعد الفااااااصل


    يا تري الفاصل دا فيه ايه
    بس تصدقي ممكن الفاصل دا يكون فيه أعلانات تدعم المحطه زي أعلانات عن غساله ولا جهاز بيت
    و..و.و.و.و.و

    وأعلانا كمان عن عرايس دا بقي هيكسب المحطه كتير جداجداجدا

    وسلامي للمراسله فتفوته اللطيفه

    ردحذف
  21. ايه يابت يافتفوته العثل ده كله؟
    انتى فعلا شرباااااااات
    بحبك مووووت

    ردحذف
  22. فتفوته انا فعلا زعلانه منك جدااااااااا
    لانى دخلت البوست اللى فات علشان اشوف ردك على التعليق بتاعى
    لقيتك رديتى على كل الناس وانا لأ
    بجد زعلانه منك

    ردحذف
  23. ها اكتلك دونت ووري .. البندجة يا هريدي

    وصلت بيكي المواصيل اعمل بوست الاقي الناس كلها في الفرح وفتفتك مش موجودة

    الاول مخدتش بالي ومخدتش خوانه .. وبعدين وانا بشرب الاستمورننج تبعي بقول امال فتافيت ادلت بدلوها وقالت ايه؟ ادور على فتافيت ياولاد الحلال القيها مجتش الفرح ولا جاملت ولا نقطت العريس

    استحاااااااااااالة محدش يحوشني .. البندجة ياهريدي

    ردحذف
  24. معلش انا هارد على عاشقه الرومانسية الاول

    والنبي سماااااااح يا جومر والله العتب على النظر

    وبتحصل في احسن المدونات .. مش في حتة فتافيت صغننة

    حقك عليا يا قمر والله مااخدت بالي انك وقعتي مني

    المرة اللي فاتت حسام غانم وقع مني وانهارده انتي .. يارتى مين هاوقع بكره

    يا جماع والنبي محد يبزعل مني انا اصلا بدخل ارد بسرعة من الشغل لان النت في البيت هباب هباب

    معلش يا عسسسسسسسسسل بقى

    ردحذف
  25. تامر علي

    نورت يا تامر باشا والله
    وتتحسر ليه مادام فيه فتافيت .. ماتقلقلش عندي كل جديد

    اتم عن فتافيتي يعنى لو جرالهم حاجة مش هاتعملوا مظاهرة لهم ولا هم ما يشبهوش شباب المعادي نيهههههههههههااااااااااي

    قول يارب وسلمها لله

    نورررررررررت

    ردحذف
  26. assafo anaroze

    اهلا بحضرتك وبجد بحس بفخر لما مدونتي حد فلسطيني يقراها وتعجبه ويثتي عليها

    وطبعا هنتواصل.. ده شيء مؤكد ان شاء الله

    ام عن الوضع .. فده بجد سلمنا انه بايد ربنا وحده
    وربنا كبير

    نورتني وشرفتني

    تحياااااااتي

    ردحذف
  27. fashkool

    عم وشيخ المدونين نورت مدونتي والله

    الست المربعة قامت؟؟؟؟؟؟
    تقووووووووم ايييييييييييييه؟؟ هو حضرتك ماتعرفش الوضع ولا ايييييييييييييه؟؟

    ربنا كبير مستر فشكووول
    قادر يفشكلها من عنده بدل محنا مفشكلين كده كلنا .. وبقت حالتنا تصحب على الفشكلة ذات نفساويتها

    نورتني وشرفتني

    ردحذف
  28. فتافيت
    مدونتك تحفة تحفةةةةةة بجد أول زيارة و إنشاء الله مش الأخيرة !! بجد أنانفسي أفهم حكومة قفلة المعبر و لا يوربوه حتى!! و جامدة شبكة المراسلين ...عايزنكوا بقى تلفزا ربوع مصر و تفرجونا على البلاوي !! و إشتراك إيه يا أم إشتراك ..كفاية علينا إيه أر تي و أم بي سي بلس
    مستنية جديدك و رد الزيارة :)
    سلاااام
    زينب

    ردحذف
  29. المعتصم

    يا سلاااااام يا عمدة جول كومااااااااااان

    بجد الراجل ده بيقول كلام زي الفل

    ونورت يا عمدة .. ومش هاطخ انهارد بقى
    الطلقات غليت .. واحنا في نص الشهر

    يعني في ازمة اقتصاااااااادية
    هههههههههههههه

    تحيااااااااااااتي

    ردحذف
  30. مهندس / على درويش

    يا سلااااااام .. ده عز الطلب
    امسك يا هندسة انت العاية والاعلان في القناة .. ولك نسبة من اي اعلان

    اعلان العرايس .. نيييييفر كده هانقطع على تامر علي ودكان العرايس بتاعه ..

    نورت القناة والمدونة والبوست
    اهلا بك وشرفتني

    ردحذف
  31. عاشقه الرومانسيه

    والله انتى السكر وعسل ملكات النحل كمان الصافي البيور

    وماتزعليش مني والله ما كان قصدي اللي حصل في البوست اللي فات

    العتب على النظر ليس الا

    نورتي ياروح قلبي البوست

    وبالعند في المعتصم هاطخ لك عيارين تحية
    طخخخخخخ طخخخخخخخخخخخخ
    ومش مهم الطلقات غليت .. انت اغلى يا قمر

    بس ابقى سيبي حاجة في صندوق التبرعات .. علشان اسد الاقساط بتاعة المدونة .. بسبب ضرب النر ده

    نورت يا جوومررررر
    بوسة كبيرة خااالص ... :X

    ردحذف
  32. assafo anaroze

    كنت فكراك من فلسطين .. وطلعت من المغرب
    وانا بموووووت في اهل المغرب وليا اصحاب كتير من هناك
    وكمان جيفارا .. ده انت كده عليت في نظري

    نورت البوست تاني

    ردحذف
  33. ستيته حسب الله الحمش

    يا خبر يا خبر .. ده حصل بجد
    لا فتفوتة كده انا اللي هاطخها .. بالطبنجة اللي المعتصم جبها لي عنده

    بس معلش يا سوتايته.. فتفوتة كانت بتعمل التقرير اللي نزل بث مباشر على القناة

    حق عليا ما تزعلش .. ماشي يا جومر

    هادخل حالا .. اوجب وافتفت وانتقط واضرب نااااااااااااااار

    سماح المرة دية والنبي

    نورت يا سكر انت .. وانا حسابي مع فتفوتة كبير

    سلاموووووووووووووز

    ردحذف
  34. Zanooba (Zeinab sab9n

    اهلا باهل حلون كلهم .. وقمرات حلوان
    نورت يا جميل ويارب دايما متواصلين وشور هانط لك هناك

    بس يعني جت على فتافيت .. يعني بجيب كل جديد ومش عايزين تدفعوا الاشتراك

    ماشي مسيرها تتشفر والكل يدفع الاشتراك غصبيين عنه

    بس انا اعمل الكاشات الاول .. ومش بس اشتراك ده انا هاعمل شات بار و0900 ليا .. ويبقى النصب بالكومااااااااااا

    نورتي والله وانتى سكر خالص
    تحياااااااااتي

    ردحذف

خلل براحتك من غير انتظار .. فتافيت أصلاً بتحب الخيار