11 فبراير 2009

تعاطفك لوحده موش كفايا.. اتبرع ولو بتعليق

ساعات كده الوحي بينزل عليا .. وبقعد اكتب نكش فراخ.. ودية نكشة وفتوفتة منهم كتبتها من فترة كده.
واحب اعرف رأيكم فيها بجد.. اه صحيح الفتفوتة دية من وحي الخيال.. وملهاش على الواقع مكاااااان


** ** ** **


مرت ليالي طوال على جرح قلبي الغائر ... ولم يبقى لي سوى أشعار وذكرى لزمن غادر ... تذكرتك حبيبي ... تذكرت ليالي عشقنا ... تذكرت شدة شوقنا.

فآخذتني الذكرى وذهبت لمكان كان ملتقانا ... وصدمتني الدهشة وذهلت ... أهكذا كان هوانا؟؟؟

وجدتك هناك جالساً ... ويديك بلهفة تحتضن يداها ... وبعينيك نظرة أعرفها ... فلأعوام عينايا أحتضناها.
فكنت ترسم لي دوماً هنا عشاً فوق شجرة نراها ... وأنتما الآن تبتسما وتديرا عينيكما نحواها.

فآآآآآآآآآآه على عشي أصبح لها ... وصارت أحلامي ملكاً لها ... ونزفت دمعة على خدي بمرارة وحدي أزلتها.

وقتها تذكرت ... يوماً لي أتيت ... وكان يوم الوداع ... يومها أمامي بكيت ... وبدموعك شكيت ... احساسك بالضياع.

أقسمت يومها بشدة ... وبدموعك أكدت بعفة ... أن قلبك من بعدي محكم الغلق ... ومن تستطيع أن ترتقي لمكانتي عندك من بين الخلق ؟؟؟.

صدقتك أنا وحزنت ... على حباً لي أهديت ... واليوم ضاع مني ... رغم كل ما بذلت.

وأكملت دورك ببراعة ... وأنت محتمي بقناع الوداعة ... وأتهمت الزمن بالبشاعة ... فهو من فرق بيننا ... وهو من أهلك عشنا ... وهو من قتل حبنا.

يومها نزفت دمعة حارقة ... وكان جفني يتألم من علقم مزاقها ... واليوم يحترق من دمعة مثلها ... فالأمس دمعة حزن ووداع ... واليوم دمعة جرح وخداع.

وسمعت شخصاً بجواري ... يتحدث ... بعدما شاهد إنهياري ... يتجسد.

تلك سعيدة بسحر كلماته ... والأخرى شهيدة جراء طعناته ... وترى من الجديدة ... فهكذا هي حياته.!!!

ضحاياه كثيرات ... غير معدودات ... فهو دنس الأخلاق ... يبيح المحذورات ... يرسم لهذه عش ... ويخدع تلك ويغش ... وفي عرض الثالثة ينبش ... وهي نهاية واحدة ... نهاية باقي الأخريات.

فنظرت له في ذهول أهكذا هو يكون؟؟ لم يجيبني ورحل ... وذهبت أنا في سكون ... أبكي بجنون ... من جرح بقلبي بآلاف الجروح.

خيانة وخداع ... سذاجة وضياع ... كانوا لعمري حصيلة ... ولكنه عمر وقد ضاع.

هناك 49 تعليقًا:

  1. "فالأمس دمعة حزن ووداع ... واليوم دمعة جرح وخداع."
    "أكملت دورك ببراعة ... وأنت محتمي بقناع الوداعة ..."

    كلمات راقية ورائعة...
    لكن أقولك بصراحة لست ممن أهوى قراءة او كتابة كلمات الحب والعشق .
    لكنني قرأت ما كتب قلمك فأعجبتني بعض كلماتك فهي غاية في الابداع

    ودمتي مبدعة ومتميزة، وتقبلي احترامي وتقديري

    لا تنسوا اخوانكم في غزة من دعائكم

    ||..بحــر الدموع..||

    ردحذف
  2. وأنا متعاطف معك برحيق إبداعك وتميز معانيكي

    بالفعل أحيانا الإنسان بيقعد وبينزل وحي من الكلمات عليه
    انا قبل يومين كنت في قاعة الامتحان وخلصت من امتحاني لكن مش مسموح اخرح لانه ما انتصف الوقت المحدد للإمتحان
    فجلست أكتب شوية كلمات وخواطر ..

    وأحييكي مجدداً على رحيق قلمك العطر

    لا تنسوا اخوانكم في غزة من دعائكم

    ||..بحــر الدموع..||

    ردحذف
  3. يافتافيتك يافتفوته
    جميله جدا جدا

    كل فتره كده فتفتي شويه

    ردحذف
  4. عزيزتنا فتافيت
    شكرا لمرورك على مدونة برنامجنا الأذاعى والأجابه على تساؤلاتك ستجديها بالتفصيل فى المدونه تحت تعليقك...
    http://netonradio.blogspot.com

    ردحذف
  5. ألف الحمد لله انها خاطؤة من وحي الخيال مش حقيقة وربنا مايكتب عليكي تجربة جرح الخيانة ده بيوجع قوي قوي قوي يعني بيوجع بجنان
    بس بجد كلامك ده كخاطرة أدبية درجة عالية على سلم الفن الأدبي بكرة هتوصلي لآخر السلم وتبقي فنانة وأديبة بجد على حق يعني ربنا يكرمك ويوفقك
    مودتي

    ردحذف
  6. ايه الروعه دي
    بجد جميل اوي وتعبيراته قوية جداً

    مش هقدر اتريق المره دي عشان البوست جااااااامد آخر حاجة :)

    ردحذف
  7. اولا اجمل شيء فيما كتبت فتفوتتي
    استرسال القصة وعدم التوهه ورا القافية زي بعض الناس
    بس مش قدره رغم انها شاعرية حزينة بتحكي قصة جرح قلب

    لازمن اقول اللي جوايا
    اولا دي بتحب صندل
    ثانيا بيبقى باين قوي عاشق الغنا على البنات
    بس مشكلته ان فيه بعض البنات التي تتميز بالبلاهة والعبط ممكن تصدق مغنواتي

    لكن اغلب الحريم المصرية
    حلوة ومتربية
    ومن مرض الغنا مطعمين
    وللي زيه ع القفا لاطعين

    ومتم .. خاطرة جميلة ذات قصة ومعنى وتكامل وعجباني زي كل فتافيتك

    ردحذف
  8. فتفوته
    ايه المزاج العالى فى اختيار الكلمات ده
    بصراحه رائعه رائعه
    فكرتينى بقصيدة نزار قبانى لست اسفة عليك
    بس دى كلماتها محترمه
    انت عارفه نزار فاتحها على البحرى
    بجد تسلم عبقريتك يا بنت يا جميله
    قال فتوفته قال
    دا انت لقمه بحالها


    اللست ستوته.من منبرى هذا ارسل اليك الف سلام ولجميع الاخو هوالاخوات

    ونحب نعرف الاستاذ تامر دياب ان شاء الله هنزوره يحضر لنا اسبرين..ممكن بنادول..وكوباية (مج) نسكافيه علشان فى صداع ..عامل تواطن ومواطنه فى نفوخى

    فتفوته
    ربنا يسعدك يا بنوته يا عفريته

    ردحذف
  9. نكشة فراخ برضه

    دا انتي فنانة يا سكرة

    كل سنة وانت طيبة وعقبال العمر كله في الخير يارب

    دمتي بكل الخير

    ردحذف
  10. ازيك يافتفوته

    لو ديه من خيالك يبقى خيالك ملاين أفكار جميله وده أجمل حاجه
    سيبي الكلام يعبر عن أفكارك هيخرج صادق زي بوستك ده

    أنا رأيي -وطبعا انا مش متخصص ولا غيره- بس برده رأيي أن الكلام جماله في معناه
    وبصراحه معاني كلماتك هنا جميله جدا ومش محتاجه قافيه ولا غيره

    يعني من الآخر
    جمال البوست ده في حرية كلماته وأفكاره


    فتفتي براحتك ياستي البلوج بلوجك ومحدش يقدر يقولك حاجه

    ردحذف
  11. حبيبتى جميل ما كتبتى مش عارفة اقولك ايه بس ربنا ما يكتب عليكى الاحساس بالجرح والخيانة
    بس بجد عبرتى عن شىء موجود وسارى كل يوم فى حياة ناس كتير ومش عارفة ليه الانسان ممكن يجرح ويخون ويبقى فعلا بيأكد ويقسم انه صادق وفجأة نلاقيه شخص تانى رغم انه فعلا بيأكد دة بالدموع بس فى النهاية بنعرف انها كدموع التماسيح . دمتى مبدعة .

    ردحذف
  12. لا فعلا فتفوته النهارده عاظفيه اوى
    ده علشان الفلاتنين ولا ايه
    على العموم اصعب حاجه فى الحب الخيانه
    بل اصعب حاجه فى التعامل مع الناس الكدب والنفاق


    المهم كلماتك معبره ورقيقه ومستنين منك المزيد

    ردحذف
  13. بسم الله الرحمن الرحيم
    السلام عليكم ورحمة الله وبركاته
    فتافيت هانم اختنا
    تحياتى
    بقى دى نكشة فراخ؟؟؟؟؟؟؟؟؟؟؟؟؟؟
    يعنى لو كان مزاجك عالى بقى وقعدتى تكتبى هتعملى ديوان كده زى بتاع قيس بن الملووح
    بجد بوست جميل خالص والمشاعر على الرغم من انها حزينة الا انها صادقه جدا
    تقبلى مرورى وتحياتى
    ودمتى بكل خير وود
    والسلام عليكم ورحمة الله وبركاته

    ردحذف
  14. لالالالا البوست المرادى بجد توحفه منك

    اداء عالى جدا واحساس عالى جدا واغنيه شرين

    عمله شغل عالى بس فى ملحوظه شرين فى الاغنيه

    بتكلم على النيل ولى شرب منو وبتاع هى نسيت انها

    لما كانت حامل سفرت امريكا عشان تولد هناك وابنها

    ياخد الجنسيه الامريكيا وتتعايق بيه

    منفقه صح

    معلش سورى انى طلعت من موضوعك الجامد جدا بس

    البت دى بتستفزنى كل مبسمعها فى الاغنيه دى بس

    تحياتى لكى ولبوستك ولكلامك الجميل

    ردحذف
  15. كلمات ممزوجة بصدق الاحساس .... خطها قلم ممزوج بمداد من الروعة ....تقبلي تحياتي

    ملحوظة: أنصحك بقراءة كتاب "وحي القلم" لمصطفى صادق الرافعي لو مكنتيش قرأتيه وان شاء الله هاتدعيلي :)

    ردحذف
  16. فتافيت / السلام عليكم الحمد لله إنه مجرد خيال وربنا يحفظك ويحفظ عمرك من الضياع ، سامحينى أنا فتنى عندك كتير بس ياجميل ما سبتش تعليق يالا ردى عندك اتنين فاتوا وده التالت مع خالص تحياتى .

    ردحذف
  17. السلام عليكم
    احييكى على الكلام الجميل جد
    بجد روعة
    تحياتى ليكى

    ردحذف
  18. "فالأمس دمعة حزن ووداع ... واليوم دمعة جرح وخداع."
    "أكملت دورك ببراعة ... وأنت محتمي بقناع الوداعة ..."


    بجد كلامك جميل و راقى جدا.نعكشة فراخ إيه بس اللى بتقول عليها

    و الله كلامك تحفة

    أنا مش عارفة أشكرك إزاى على الكلام اللى قولتيه و سعيدة بجد إن المدونة عجبتك

    ردحذف
  19. (اه صحيح الفتفوتة دية من وحي الخيال.. وملهاش على الواقع مكاااااان )
    هأ هأ هأ قال يعني هناخود بالكلام ده ، قال وحي الخيال قال ، و الله لو ما بطلتي لقول لأمك ... و الله يمكن تفرح ان حد هيخلصها منك .
    جميل البوست و رقيق جدا، و من غير زعل مش لايق عليك
    سلام يا اجمل فتافيت الدنيا .

    ردحذف
  20. بحـــر الدموع

    مرورك اسعدني جدا اخي الفاضل.. ومبسوطة جدا انك اعجبت بكلماتي رغم انك ما بتحبش الكتابة العاطفية

    وبعدين انا كان اي ديسك باقعد عليه في المدرسة يبقى كله كلمات كده غريبة.. وافضل اخرج عليه اي حاجة جوايا

    المهم انك تكون حليت كويس في الامتحان

    وشرفني ردك ورأيك
    ربنا يحميكم وينصركم يارب

    سلام عليكم

    ردحذف
  21. عاشقه وغلبانه

    يا حبيب قلبي يا غلبان.. اخبارك ايه يارب الاكتئاب يكون راااااااااح..
    وما تقلقيش ده انا هفتفت لكم لحد مايبن لكم صحاب
    امال انا عاملة فتافيت ليه

    نورت يا سكر البوست
    سلااااموز

    ردحذف
  22. انت تسال والكمبيوتر يجيب

    تمام يا فندم روحت وشاركت كمان
    ولذيذة الفكرة اوي.. وكفايا ان بثينة كامل معاكم
    بموووووووت فيها انا

    تحياااااااتي

    ردحذف
  23. كاتب مصري

    فعلا الحمد لله إني ماعشتش إحساس الخيانة.. بس برضو حسيت احساس ابشع منه.. يلا كله خير برضو

    والحمد لله انها عجبتك والله مبسوطة ان الناس قالت عنها كويسة.. لان ماعنديش ثقة خالص في الخواطر بتاعتي

    نورت البوست يا فندم
    القهوة تغلي بس واصب لك فنجان قهوة عجب.. علشان كلام ده :))

    ردحذف
  24. Tamer Diab

    يا فرج الله اخيرا اخيرا تامر دخل من غير ما يرمي كتاكيت هنا

    والله منشحكة جدا جدا جدا انها عجبتك .. يا حلولي بعرف اكتب

    نورت يا مش زعيم تامر
    وطبعا المدونة مدونتك والبوست بوستك
    سلااااااااامووووووز

    ردحذف
  25. ستيته حسب الله الحمش

    والله انتي بتقولي كلام زي الفل.. البت ديه بتحب صندل في البوست ده

    بس يا ست الكل دلوقتي بقت البنات تقدر تاكل علق الشباب وتغرغر بيه كمان.. احنا استقوينا وافترينا نيههههااااااااي

    وحل كتشششششششير كتشششششششير.. ان كتابتي عجبتك يا سكر انت

    سلام يا زعيمة

    ردحذف
  26. يلهوي يلهوي
    اعمل ايه في الكي بورد بتاعتي اللي بنص لسان ديه

    قصدي حلو كتشششير .. وقصدي عقل الشباب

    بس خلاااااااااص

    ردحذف
  27. الفقيرة إلى الله أم البنات

    يادي النور يادي الهنا.. ست الكل هنا
    وبعدين مج نسكافيه ايه اللي هاتشربيه عند تامر.. والنبي ابدتشن ولا يونكن تحصل نيفرررررر
    هاتتغدي هنا يعني هاتتغدي وتحبسي كمان.. وعند تامر ممكن تحلي.. لان انا ماليش في الحلو نوهائي

    وميرسي يا ست الكل على كلامك اللي زي الفل
    ربنا ما يحرمني من فتفتك هنا يارب

    والنبي انت عسسسسسسل

    ردحذف
  28. ماما أمولة

    اهلا يا جميل ده انا لازم اطخ عيارين تحية لاول زيارة ليا

    طخخخخخخخ طخخخخخخخخخخ


    وشوفتي انا اصغر من بودي بيوم اثل انا ثخنن حالث :))))

    ربنا يعزك ويارب تكرر الزيارة
    وما تبقاش الاخيرة

    سلام يا جميل

    ردحذف
  29. Eng. Ahmed Abo El-Ella

    اهلا يا هندسة .. وميرسي على بوست الفضايح اللي عملته وفتفوتي بقت بجلاجل هناك

    وربنا يخليك على كلامك وجميل ان البوست عجبك

    نورت يا هندسة والله
    استنى يارجل
    اقعد اشرب حاجة

    ردحذف
  30. نبض الحياة

    الله يحلي ايامك وميرسي على التعليق الجميل
    ويمكن ماعشتش صحيح احساس الخيانة بس زي ماقولت لقد تفتفت من ماهو افظع من الخيانة.. يلا كله بيطلع في الفتافيت

    ربنا يخليك يا جميل ودومتي نبض جميل في قلب مدونتنا
    سلااااااااام

    ردحذف
  31. د/عرفه

    لا موش علشان الفلانطين خالص.. ده له فتفوتة سبيشيال اوردر طبعا

    بس حبيت انشر حاجة من خواطري اشوف بعرف اكتب ولا ارحم البشرية واسيب الكتابة وابقى عملت معروف في البينيأدمين ههههههههه

    نورت يا دكتور ويارب
    تفضل تفتفت عندي
    عطوووووووووول

    ردحذف
  32. المعتصم

    اهلا يا عمدة ومنور البوست والمدونة.. جميل انها عجبتك والحمد لله ماطلعتش نكش فراخ

    ربنا يسامح بقى اللي كان محسسني اني بكتب بطريقة بنت ساقطة ابتدائية

    نورت ويارب دايما معانا هنا

    سلام عليكم

    ردحذف
  33. ادم المصرى

    ايه ده يعني قبل كده كانت فتافيت فالصو.. ضاع شقى عمرك يا فتفوتة
    ههههههههه.. المهم انه عجبك وده في حد ذاته يسعدني تو ماااااااتش

    ام عن الاخت المحروسة شيرين .. انا بحب الاغنية جدا.. وبكرهه شيرين جدا .. كلمات الاغنية وهمية

    وبعدين هي كان قصدها نهر الميسيسبي.. بس اتلغبطت وقالت نهر النيل

    وبعدين ده انا كاتبة مشربتش من نيلها والنبي مانت شارب .. ده اعتراض على اللي بتغني مش الاغنية

    وبعدين ده الطبيعي يا سيدي .. مش كان تامر وهيثم منشوشين احكام واتسجنوا وبقوا رد سجون علشان التهرب من التجنيد
    ويا صلاة النبي مع اول ظهور ليهم بعد الكفاااااااارة .. كان ايه اوبريت لاكتوبر .. هي ديه السيريالية المصرية

    نوررررررررررت

    ردحذف
  34. تامر علي

    ميرسي جدا على كلامك بجد فرحتني موت
    واكيد هادعي لك لاني ماقرتش الكتاب.. هاحاول اقراه

    نورت البوست بتعليق الجميل
    سلاااااااااام

    ردحذف
  35. حياتى نغم

    ده انا اللي فاتني كتير لما ماكنتيش بتعلقي على فتافيتي
    ربنا يخليك يا جميل.. وطبعا رديت على كل كلامك .. هو انا اقدر اكنسله

    نورتي البوست والمدونة يا احلى نغم

    ردحذف
  36. بنوتة

    اهلا يا بنوتة يا بسكوته نورتي البوست
    وانا اللي احيكي
    على الكومنت

    نورتي

    ردحذف
  37. انا ودماغي

    اهلا يا دمااااااغ هانم.. اصلا مدونتك دماغ بجد.. واحتمال اعمل عملتك لانك شجعتيني ؟.. بس ربنا يديني الصحة

    ميرسي على الزيارة والكومنت الجميل
    واتمنى انها تكرر

    سلام يا جميل

    ردحذف
  38. أول زيارة من باب أحوال الهوى ...أجد الأفكار والصور جيده ...فقط ينقصها جرس القصيدة أو الرتم الذى يميز النثر عن الشعر تفضلى بقراءة قصائد الأبنودى ومطر عندى وأهديك الرابط التالى لقراءة فطاحل الشعر العامى والفصحى
    http://www.adab.com/modules.php?name=Sh3er&doWhat=shqas&qid=323
    مع خالص تحياتى لك

    ردحذف
  39. سحساوي

    ليه كده يا سحس.. يعني اطخك انا دلوقتي عيارين؟؟
    واللي يعرف امي يروح يقولها عاااااااااااااا

    بس بجد ليه مش لايق عليا.. ؟؟
    مش لايق عليا الجد وكده.. ولا العربي الفصيح ولا ايه بظبط وجعت قلب من الاسئلة وانت مابتردش

    والله يا سيدي ده من معاميق معاميق خيال
    انا بعون الله ماتخنتش ابدا.. وعرفت اني اتخنت
    نههههااااااااااي

    سلام يا سحس يا جامد يا جامد

    ردحذف
  40. maxbeta3zaman

    اهلا بحضرتك ونورت المدونة
    انا بموت في احمد مطر.. وعدني اشعار كتير جدا ليه
    بس ديه مجرد خاطرة.. كلام بيكون جوايا بخرجه عن طريق الكتابة

    ومتشكرة جدا على اللينك اللي حضرتك بعته ليا
    احمد نجم مميز بس ما بحبهوش بصراحة.. بس نؤيد سيادتك كانت اخر حاجة قرتها ليه.. وكانت فظييييييييييييعة

    متشكرة تاني على الزيارة
    ويارب تكرر ان شاء الله

    ميرسي لحضرتك جدا

    ردحذف
  41. السلام عليكم
    جميلة جدا كلماتك
    وتصويرك للخداع والخديعة بكلمات رائعة
    ونزيف من الحروف
    التي لو سمعها المخادع لشنقته

    دمتي بكل خير

    تقبلي مروري
    وتحياتي

    ردحذف
  42. هو الخاسر صدقينى
    خاسر لحياته ودينه
    مادام لم يأنف ان يصون
    اعراض الاخريين سيجد ما يرد له
    الدين فى يوم من الايام عندها لن
    يجدى الندم وسيجد نفسه وحيد بلاصديق
    ولا حبيب مخلص وحتى بلا صفحة بيضاء من الذنوب.
    ..........................................
    تحياتى لك للكلمات والاسلوب كتير حلو وجميل الله يزيدك جمال وجمال.

    ردحذف
  43. السلام عليكم
    العزيزة المفتفتة:
    هذه فتفوتة جميلة ورائعة وفتفتى برحتك يا فتافيت
    تحياتى

    ردحذف
  44. hasona

    اهلا بك في المدونة ونورت البوست
    والله مبسوطة اوي من ثناءك على كلماتي
    ربنا يعزك.. ويدي كل مخادع على قد خداعه يارب
    نورت البوست واتمنى ان الزيارة
    تبقى مستمرة ان شاء الله

    تحيااااااااتي

    ردحذف
  45. norahaty

    تورتي يا دكتورة المدونة
    بروفيلك مصري بس لهجتك فيها تكة شامي والله اعلم :)

    ميرسي لكلامك ولمرورك .. واكيد اللي بيخدع وينافق خاسر دينه قبل ما يخسر دنيته

    اللهم اجعل من المتقين

    شوفتني زيارة حضرتك واتمنى انها تكرر كتيييييير

    تحيااااااااتي

    ردحذف
  46. اللؤلؤة .. المتلئلئة الجميلة

    نورتي البوست يا جميل وهافتفت اكيد
    طول ما انتي بتفتفتي معايا هنا .. ربنا ما يحرمني من فتفتك هنا ابدا

    نورتي يا جميل

    تحيااتي

    ردحذف
  47. لؤلؤة

    سوري والله كنت فكراك بنت عادي بقى .. طيب خليها عم لؤلؤ مثلا

    سوري تاني

    نورت يا باشا

    ردحذف
  48. الكلام جميل وجميل وجميل
    والخيانه محوها مستحيل
    كل شئ تواري وضاع بين غصن و عش كان أهلاٌ للضياع
    اما البكاء فيجوز للقب الـمُباع
    ولكن لايجوز أن تبكي لشخص باع
    أبكي لأيام الهوي فيها قد مات
    ولكن هيهات ...هيهات هلم مات أم مات ؟؟؟؟

    ردحذف
  49. مهندس / على درويش

    كلامك رائع يا باشمهندس

    ودايما تعليقك بيكون اضافة للبوست بتاعي

    ربنا ما يحرمني من زياراتك

    واسفة ماشوفتش الكومنت الا دلوقتي

    ردحذف

خلل براحتك من غير انتظار .. فتافيت أصلاً بتحب الخيار