16 فبراير 2009

64 حصان.. بلا وكسة ده سيسي يا اخويااااااا



ام ميسي ولدت يلا نروحلها .. ناخد موز وبندق.. ونروح نباركلها
ام ميسي ودلت .. صلي صلي.


وصوتي ياللي مانتيش غرمااااااااااانة.. يالهووووووتيني.. ويا خراشي.. وياخربي
وعلى رأي معالي زايد..
تييييييييييييييييييييييييييييييت عليا

ميسي رضيعة.. وماله لما ترضع هي عجبة يعني.. اتولدت في ايستبورن الانجليزية.. برضو ايه المشكلة يعني هي ايستبورن منعت الولادة.. المشكلة مش في ميسي.. نوووووو ابسلوتلي.
المشكلة في اللي خلفوا ميسي واللي جابوها اصلا.

وامها شانتيل ستيدمان النبي حارسها وصاينها عمرها 15 عاااااام.
وماله يا بت يا فتافيت علشان انت عندك يعني 25 سنة وماجبتيش حتى صورصارمن غير شنب .. اخص عليكي يا وحشة يا حقودة.

والنبي ابدااااا .. نيفير ابسلوتلي اطلاقا .. والنبي ما اعتراضت على امها اهي برضو 15 سنة ومزة وطول بعرض.. تجيب عيال ومالو يعني والنبي ما اعترض.. ولا علشان انا لا عندي صورصار ولا حتى سحلية.
ده الصراصير والسحالي .. حاجة بتاعة ربنا ملناش فيها دخل امااااااااااال
اللهم لا اعتراض

بس اللي تتطس في نواضرها وتتشك في دراديرها شانتيل جبت البت ميسي.. من زينة دكورة انجلترا وسيد رجالتها ألفي باتين.. والمحروس سيد الرجالة عمره 12 عاااام.
اي وكتاب الله المجيد عمره 12 سنة.
وقال ايه طوله كله متر وربع 120 سم.
اي والنبي على بعضه كده لكشة واحدة.

ديه صورة عوائلية .. للمحروسة شانتيل, وزينة رجال انجلترا إلفي, وثمرة حبهم ميسي.
وصلوا على النبي .. علشان الواد ما يتحسدش
وتحصله كبوه ولا حاجة بعد كده .

ويروح بعدها يدور على فيجارا في السوق
والفياجرا ممنوعة اصلا للي تحت الاربعين .. مش الاشبال اللي بيلعبوا فوق العشر سنين
ده طبعا طبيا شوور واقعيا نييييفر.. يعني مجرد توضيح
وخمسة وخميسة في عين اللي يشوفك
ولا يصليش على النبي


يارافع راس العياااااال .. ومجنن الستااااااات
وقاهر الرجاااااااال
اهو لا بالطول ولا بالعرض .. متر وربع وهد الارض
نيهههههههههههااااااااااااي


بس ايه اسد وراجل راجل يعني .. ولا يبان عليه ايوتها حاجة .. لا شنب ولا دقن .. ده انا لو شوفتها في الشارع ممكن اوطي ابوسه والله..
واقول له انجغة يا بيضة .. انجغة يا قطة
النبي حارسك لامك يا بطة.


وطبعا معذورة اصلهم علمونا ان الراجل له دقن تشوك وشنب منبت .. ويكون حاجة كده تملى العين
متر في مترين
اي والله .. هو الراجل يبقى راجل الا لو
كان العرض عرضين.

بس اسم الله عليك يا سيد امك .. العرض عرض واحد
متر وربع
.. وكنز كمان يعني الواحدة تخاف
تغسلك بمية سخنة لتكش منها في الغسلة

واللي يجلها ويحط على اللي جابوها شانتيل .. شافت فيه ايه ؟؟
.. بس كلمة حق..
البت قصدي المودام تستاهل تبقى زي نيوتن وتتكتب في التاريخ وتدرس في الكتب كمان
امال زي ما هو اكتشف الجازبية الارضية .. هي النبي حارسها وصاينها
اكتشفت الرجولة المستخبية.

طيب وده الواحدة تتعامل معاه ازاي بقى؟؟.
وهو لسه في مرحلة البث التجريبي اصلا.. يعني الارسال مستمر ولو بيقطع؟؟
وياترى جودة الصورة.. الريزلويشن بتاعها عامل ازاي؟؟

طيب مواعيد عرض البرامج .. 24 ساعة ولا بث نهاري فقط .. مهو لازم ينام بدري لانه لسه في طور النمو!!
وطبعا النوم بيساعد على النمو....
وطيب واخبار النمو عنده ايه؟؟

تفتكروا النوع ده هايغزو الاسواق العالمية؟؟
ويثبت جدارة في الاداء؟؟
ولا زي العدد الصيني مع تاني استعمال بتهنج وتفصل شحن؟؟

شوفتوا يقطعني نسيت اقولكم ...
ان إلفي و شانتيل تييييييت مرة واحدة
ايووووة جاست اونس .. اونلي مرة واحدة.

بس طبعا شووور امااااااال .. إلفي ابن قوة عظمى في العالم .. امال هي انجلترا بتلعب ولا ايه؟!!
عظمى عظمى يعني .. بحق وحقيقي

يعني اقول لكل الفتافيت .. استنوا ما دوروش على المنتج الجديد .. وتقلوبها بطر على اللي معاكم
المنتج لسه جديد ولم يستخدم سوى اوووونلي مرة


وطبعا الضمان ضد عيوب الصناعة .. مش سوء الاستخدام
ولا يمكن المنتج ده .. هاينزل للاستخدام مرة واحدة
زي ابر الحقن والسرنجة

وقال خالد صالح اعترض في محامي خلع
ان الراجل 64 حصاااان
وقال ليه 64 حصان كتير.. حصان واحد كفايا جدا
واهو طلع حتى الحصان كتير
وسيسي واحد كفاية
عاااااااااا

هناك 106 تعليقات:

  1. انتي لقيتي واحده عاملة بوست ايمبوليت اتعديتي منها؟
    حصنتك من العين ورقيتك من سم العين يا فتافيت يابنت أم فتافيت

    وبعدين ايه الكلمة الأسكندراني اللي انتي حطاها دي موش عارفه ياأبلتي انها عيوبات عند عامة الشعب وفي كتاب الزمخشري؟ لو حد يحطها متكونش فتافيت اللوزعية ابدا بوتيتا

    وحياة طنط ظاظا أن ما رجعتي لقناة فتافيت الأخبارية لأكون مخليه الوالد يقفل المدونة بالشمع الأحمر

    هو يعني الفلانطيني ها يعمل فيكو كده .. نو ابسلوتلي .. ده انتوا جدعان قوي وجامدين قوي

    وبعدين راشيل مين وايميل مين؟ دول فلته عادي يعني .. زي ما تزرعي كوساية تطلع خارج الأحجام المتداولة .. خلاص ها نفضح الدنيا على كوساية واحده في انجلترا ونسيب سبت الخضار اللي عندنا هنا ونتبتر عليه

    وبتجيبي سيرة الحصنه ليه يا ماما .. ده اللي عندنا شايلين اللي يهد جبال وصابرين

    طيب دلوقتي جميع الخضار اللي هنا ها يفهم انه مش عاجبك ويقول ليكي على الخضار المستورد بقى ياحلوة
    وخلي الخضار الحيوي بتاع ايزيس ينفعك

    نعمل اييييييييييه؟ نسيبك جنبنا خلاص

    عووووووودي يا فتافيت .. عووووووووووودي لحضن آتون

    ردحذف
  2. والله اصل الموضوع استفزني جدا
    مش اكتر حاجة تقرف بجد .. ناس تفقع المرارة ويقولك حرية وانطلاق وديمقراطية
    هي ديه بقى الحرية .. عيال تخلف عيال
    لاحول ولا قوة الا بالله
    انا شلت الكلمة اللي مش عجباكي .. ولو البوست كله مش عاجبك ادلته حالا
    هو انا عندي اعز من ستسته

    ردحذف
  3. كتها نيلة الي عايزة خلف من واحد زي ده الصراحه
    أحنا ناقصين شلل رباعي يا فتافيت ليه كده يا بنتي نروح ننتحر يعني
    وبعدين الستات في المحروسة يقولوا ايه بعد ما كانوا بيشوفوا رشدي ااظة يتهبلوا هيشوفوا البرص ده هيتهطلوا !
    اييييييييييه كنتي فين يا لحمة لما كنا جزارين
    خلاص العيال دلوقتي بقت بتتجوز .. وأحنا قاعدين
    وخلفوا ... وأحنا قاعدين
    وركبوا .. الشيفورلية .... وأحنا قاعدين

    ردحذف
  4. المصيبه اننا هنلاقي العيال عندنا في المدارس عيزين يقلدوا أطفال بره
    حسبي الله ونعم الوكيل

    ردحذف
  5. ههههههههه

    يعني مرة واحدة وجاب بيها عيل

    كفاءة 100%

    الظاهر انجلترا هتعاني من مشكلة سكانية قريب

    ردحذف
  6. فتافيت السلام عليكم / أنا سمعت الخبر من الجزيره بالأمس وبصراحه قلت حسبنا الله ونعم الوكيل ولا حول ولا قوة الا بالله على ضياع الطفوله وعلى الفساد اللى وصل اليه العالم ، وبصراحه بشك انه ابوه ومتأكده إن المدام دى فاجره ، ربنا يرحمنا ويحفظنا من بلاوى الغرب .

    ردحذف
  7. على فكره لو هما متجوزين يبقى عادي خالص ...حتى شرعاً مافيهاش أي حاجه والأمثلة كتيرة جداً في التاريخ ... أما لو مش متجوزين فيمكن الموضوع ده حصل بالصدفة البحتة:) مااعتقدش ان العيال دي أصلاً واعية لنفسها .... على العموم دي ممكن تكون مواقف وطرائف ....بس الود شكله مريب برضه :)

    ردحذف
  8. ههههههههههههههههههههههههههه
    خلى بالك هو خلف وهو عنده 12 سنه يعنى لما عمل عملته كان عنده 11 واخده بالك
    على فكرة احنا عيالنا اجدع منه بس هى اللى بتخاف من الحسد ومش بتحب تشيل الهم بدرى

    ردحذف
  9. هههههههههههههه
    والله لع رجل والرجال قليلووووووو
    وبعد اللى عمله البرص ده طلع ان مفيش رجاله من اصله
    ده من اول الماتش جاب جون امال فى ماتش الاعتزال هيعمل ايه ده؟

    ده ما حصلش حتى ربع حصان

    ردحذف
  10. ايه يا فتافيت البوست اللى انتى كتباه ده .. السيسى اللى مش عاجبك ده اتفرجى عليه كمان 3 سنين ممكن يبقى حاجه اسطوريه زى هركليس كده و بعدين يمكن المزه ليها نظرة مستقبليه و عشان حى خلفت منه يبقى نظرتها طانت فى محلها .. جامد جدا التعليق بتاع تامر كنتى فين يا لحمه لما كنا جزارين
    انا بعد البوست ده هابطل اقول على نفسى صايع و اروح عند السيسى اخد دروس

    ردحذف
  11. che
    ولسه يا عم تشي
    الي يعيش ياما يشوف
    لما واحد ادك وادي كده قاعدين يتفرجوا علي عيل زي ده
    عليا الطلبات بالتلاتة أنا حاسس ان البت دي غلطت مع حد ولبسوها للواد الصغنن ده

    ردحذف
  12. صوتي يا اللي مانتش غرمانه

    لسه بقول عندي في المدونه الولد في خامسه ابتدائي وبيعاكس

    ده انا كنت فكمراه بيهزر ولا بيقلد الشباب
    طلع الموضوع بجد يا اخوتشي


    يانهار مش معدي
    هي كانت ناقصه


    سيبك انتي انا صوت ضحكي صحي البيت
    ههههههههههههههههه

    ردحذف
  13. ياتامر انت هاتسيب الاكشن وتمسك في الخلفه

    المصيبه مش في كونها خلفت
    المصيبه ان في كده اصلا

    ومعني انه وافق علي الولد انه عمل فعلا عملته
    جاب منها عيل بقي ولا لا مش ده الاساس
    ده مش احمد الفيشاوي والمحروسه بتاعه
    ههههههههههههههههههههههه

    ردحذف
  14. عاشقة وغلبانة
    ما خلاص يا حاجة انتي لازم تزلينا يعني ... أتنيلنا وعرفنا الأكشن .. نعمل ايه يعني انا والغلبان تشي
    نتشلل يعني ويقولوا بسبب عيل صغير
    وبعدين ما احنا لو عندنا ديموقراطية كنا زمانا انا وهو عندنا حمادة وعلا واحنا في تالتة أول في ابتدائي

    ردحذف
  15. ههههههههههههههههههههههههههه


    ازراق بقى

    ردحذف
  16. اسكت اسكت واتكسفوا بقي
    العيال فعلتها
    هههههههههههههههههههههههههههههههه
    ههههههههههه
    الموضوع مابقاش للكبار فقط

    ده العرض مستمر


    حد يفهمني المنيله دي عملت كده ازاي

    ردحذف
  17. علي فكره تشي سابك وهرب ياتامر
    ههههههههههههههههههههه


    بس رومانسي موجود ممكن تعملوا حزب

    الموضوع ده هايأثر علي شكلكوا وقدراتكوا

    لازم تحتجوااااا

    ردحذف
  18. Eng. Ahmed Abo El-Ella

    يا عمي هما الكبار عارفين يتنيلوا لما العيال عندنا هتتجوز
    يا سيدي ده الكبار هنا بياخدوا أنجيكشن وفياجرا عشان يتمشوا ع الكورنيش

    معلش يا فتافيت اصل الموضوع هيشل امي عمال ارد بدالك وانتي سايبه الرجاله تموت بعض للمره التانية برضه

    ردحذف
  19. حاااااااااااضر يا عاشقة
    اما يصحي تشي ولا باينه مش هيقومله قومه تاني ههههههههههههههههههههه

    ردحذف
  20. طبعا انتي تقصدي لازم( تتحجبوا) وتقعدوا في البيت مش تحتجوا
    أنصفنا يارب أنت عالم بينا

    ردحذف
  21. انصفهم يارب
    ههههههههههههههههههههههه


    اديهم علي قد نيتهم السودا
    هههههههههههههههه


    روح نام ياتامر السهر للي في سنكوا غلط

    سيبتوا ايه لالاطفال

    ردحذف
  22. والله وعملوها العيال ورفعوا راس انجلترا

    عيني عليكي يامصر وعلي ولادك
    ههههههههههههههههههههه

    ردحذف
  23. يا عم تامر عاشقه بطلع اكتئابها علينا و بتفوق علينا
    و بعدين انا بجد حزين على نفسى .. نوم ايه اللى انامه .. انا اخاف انام اتنقط ولا اتشل و انا نايم
    بس الواد شكله بيبى خالص مايديش على انه يعرف يدخل الحمام لوحده مش يخلف
    و على الكحيت ... جتنا نيله فى حظنا الهباب

    ردحذف
  24. يا دي الفضيحة أم جلاجل والجرسة أم حناجل
    وبعدين انتي فرحانة فينا اوي علي اساسا أنكوا هتتجوزوا من مقديشيو منتوا هتتنيلوا وتتجوزوا مصريين
    ولا خلاص كده بتطلعوا باسبورتات وعلي انجلترا علي الأقل تضمنوا تبقوا امهات قبل متبقوا في مصر عاهات

    ردحذف
  25. اكتئاب ياتشي.!!
    انت ايه اللي صحاك
    روح كمل نومك وماكلش دعوه بعيال انجلترا


    المصيبه بجد لو العيال بتوع مصر يقلدوا
    ماحنا شعب يحب التقليد زي عنيه..

    ردحذف
  26. ماحنا قاعدين اهو حاطين خيبتنا علي خيبتكوا وساكتين ياتامر

    منك لله ياحكومه

    ردحذف
  27. على رأى الكحيت عشان سقطت سهوا كلمه الكحيت عشان محدش يفهم غلط

    ردحذف
  28. يااااااه كفارة يا عم تشي
    انت رجعت من سفارة أنجلترا امتي
    وحياة النبي يا شيخ لو ليك حد هناك وصيه عليا في أجراءات الجنسية

    وانتي يا عاشقة اقدي ساكتة خالص لحسن وربنا اجيب مدونتك دي علي الأربع فرد كاوتش

    ردحذف
  29. لو لقتوني سكت فجأة يبقي اغمي عليا

    ردحذف
  30. فتافيت اختفت
    حبيبتي لو ماظهرتش في خلال 24 ساعه لازم نبلغ الحكومه
    اومال ايه..
    تكون اتخطفت من جانب الانجليز علشان بنقر ونحسد الجيل الصاعد بتاعهم


    يافتاافيت
    اهئ اهئ

    ماكنوش خدوا تامر
    هههههههههههههههههههه

    ردحذف
  31. فاكر هنيدى يا تامر ... انا كنت بحب صندل فى مصر
    و بعدين مش قلتلك عاشقه بتفوق علينا .. بتحاول تستفزنا انما برضه احنا مش هنكون عيال .. مع انى نفسى اكون عيل من بتوع انجلترا دلوقتى

    ردحذف
  32. تامر
    انت مش عارف تتشطر علي حكومتك اللي مبهدلاكوا جاي تتشطر علي مدونتي
    لا بقول ايه
    كله الا المدونه
    دي فيها ضرب نار

    ردحذف
  33. che

    انتوا بسبب الحكومه لا حصلتوا رجاله مصر ولا عيال انجلترا

    خلونا ساكتين
    هههههههههههههههههههههه

    ردحذف
  34. خدك ..... ولا بلاش
    ماشي يا فتافيت ونعمة لما تصحي من الأنتخه الي انتي فيها لخليها تدوينة فله
    عليا وعلي أعدائي عاااااااااااااااااا

    ردحذف
  35. ربنا يسامحك يا عاشقه .. انا لولا انى باعزك كنت قلتلك المثل بتاع لا تعايرنى و لا اعايرك الهم طايلنى و طايلك بس انا مش هاقوله

    ردحذف
  36. فاكر هنيدي يا عم تشي
    والله يا عم صنادل ومن غير كعب اساسا
    يا عم بص البت الي عندها 15 سنة شكلها ايه
    دي تخلف لو بسطلها اصلا مش زي المصريات بتوعنا الي لاعايزين يزعق لهم نبي عشان تسلم عليهم

    ردحذف
  37. تصدق ممكن يا تامر عشان كده تكون خلفت و يطلع الواد ماكنش ليه لازمه ( هو ليه لازمه بس لازمه صغيره يعنى ) .. و بكده احنا اثبتنا ان العيب مش فينا كرجاله مصر انما احنا بس اللى مش واخدين فرصه

    ردحذف
  38. ستة وتلاتين تعليق غير التمـــارجية

    ردحذف
  39. احنا صنادل يا.....
    ولا بلاش خليني اختكوا الكبيره
    ههههههههههههههههههههه
    مش هابقي انا والزمن والحكومه
    عليكوا

    بتقولك عيل اه يازمن مالكش امان

    وسمعني سلام غريب يازمان للست فايزه

    ردحذف
  40. قصدك مين بالتمارجيه دول يا تامر يا حبيبى .. انا مش واخد بالى ( وش شرير بيضحك و يطلع لسانه للى فى بالى ) .. ههههههه

    ردحذف
  41. يا عم عنها ما جت بلا صداع
    (متحرجناش)

    ردحذف
  42. che
    انت فاكر روحك بتلعب في الاهلي
    هو جوزيه مقعدك علي الدكه
    ولا مخليك بره ال18

    فرصه ايه ياخويا

    فرصه سعيده والنبي
    ههههههههههههههههههههههه

    ردحذف
  43. خليك مطلع لسانك كتير
    اروح اجيبلك عيل من انجلترا يطلعلك لسانه بجد لحد مايفرسك


    روح نام يابني

    ردحذف
  44. يعنى سبتى كل حاجه انا قلتها و مسكتى فى كلمه فرصه
    ماشى يا ست الدوك .. ربنا يخليكى
    و بعدين دول حتى مش تحت 18 دول لسه فى مدرسه الناشئين
    يا رب يا تاخدنا يا تاخد الواد ده اللى عمل فتنه و هيفتح عيون البنات على الدنيا و يخليهم يبؤا فينا

    ردحذف
  45. تامر ..

    شوفت بقي ان صاحبك هو اللي بيحرجك
    عايز قال ايه يجيبلك الفرصه علشان يحطك قصاد الامر الواقع

    ردحذف
  46. انا متاكد انى صاحبى تامر لا ممكن يكسفنى ابدا و هايبقى راس حربه و يجيب اجوان كمان
    ولا ايه يا عم تامر ... انا مقلق من نفسى من ساعه ماشفت الواد الزفت ده فطمنى الله يطمن قلبك

    ردحذف
  47. شفت يا عم تشي هتقعد تقولك فرصة وفرصة بعجوة من هنا لبكره ما صدقت افشت كلمة عليك وأنت فله يا حبيبي
    يا ابني الراجل ما يعيبوش الأ جيبوا
    ودي المصيبة التانية

    ردحذف
  48. che

    ولما ربنا ياخدكوا ستات مصر تفرس في مين.......؟؟

    تؤ تؤ
    انا مايرضنيش الحل ده


    انا كده مبسوطه بوجودكوا كده زي البيوت الوقف

    هههههههههههههههههههههههه

    ردحذف
  49. لا وبيقولوا عليا لساني طويل
    بصي يا بنتي ده مش طبيعي الموضوع ده
    دي اكيد فلته
    بس يخرب عقلك بجد موتيني من الضحك
    بس منظرهم تحفه
    والله
    طب والله الواد ابن خالتي عنده 10 سنين شكله اكبر منه وطويل كده وحلو
    بعد البوست بتاعك ده بفكر ادورله علي عروسه محترمة قيمة 8 او 9سنين كده
    استغفر الله العظيم
    اما حاجه تفقع المراره صحيح
    بلاد بتاعة عيال صحيح

    ردحذف
  50. أحنا برضه الي بيوت وقف
    الكلمة دي طول عمري بسمعها علي ناس اعرفها
    بأمارة التدوينة بتاعة الفلانتين

    ردحذف
  51. الراجل مايعيبوش الا جيبه.!!!
    ده كان زماااااااااااااااان

    الاصدار الجديد من الرجاله مليان عيوب

    زي المبايلات الصيني علي راي فتافيت

    اللي يرجعها بالسلامه

    ردحذف
  52. اسماء دخلت فى النص يا رجاله .. يا ترى اسماء هتنضم لمين لصوت الحق انا و تامر ولا لبنت حتتها عاشقه ولا هى كتبت كلمتين و خلعت من هنا خلاص

    ردحذف
  53. عيب عليك يا تشي

    ايد بتخبط علي صدري وانا بكح

    ردحذف
  54. تامر
    فلانتين ايه
    ده علي اساس ان سيادتك كنت بتحتفل بيه في ستي ستارز مع مراتك والاولاد


    ماتخلينا ساكتين يابني ب قي

    ردحذف
  55. طيب بذمتك يا عاشقه و سؤال تتحاسبى على رده يوم القيامه .. انا موافق اننا موبيلات صينى بس انتوا بأه ايه
    مستنى الاجابه على 0900 و ابقوا قابلونى فى التعليق الجاى

    ردحذف
  56. اسمااااااااااااااااااااء

    مالكوش غيرها

    يارب ماتكونش مشيت

    ردحذف
  57. احنا الصين نفسها
    وكل صيني له صينيه تعلمه الادب
    هههههههههههههههههههه

    ردحذف
  58. يا فرحة طنط فتافيت فيا
    فتافيت هتطلع عينا يا تشي هتقعد تضحك وبسسسسس
    وبعدين هو في واحدة اسمها
    أسماااااااااء الي ملكوش غيرها
    اسم غريب اوي

    ردحذف
  59. شكلها مشيت و باعتك مش زى انا و القائد تامر اللى يا رب يكون بطل كح ( يا عم تامر مش قلنا هنبطل الحشيش عشان مانكحش خصوصا و احنا محتاجين صحتنا بعد الواد المشئوم اللى فتافيت حطالنا صورته ده ) المشكله يا اخى تحس من كلام عاشقه ان الواد فتح عكا مثلا مع انها مش كيميا

    ردحذف
  60. صحيح كل واحد فيكوا له بدل المدونه اتنين
    اومال قاعدين تبظوا مدونه فتافيت ليه

    ماتروحوا ترغوا هناك

    ردحذف
  61. اوعى يا عم تامر .. اسماء دى اهلاويه و قادرة .. احترس نفسك و انا كمان هاحترس نفسى ... واحده و مش قادرين عليها يبقى هنقدر على اتنين
    الله يخرب بيت الواد الهباب اللى فتافيت بلتنا بيه ده
    الواد ده ا هيموت من كتر الدعا يا من كتر النق

    ردحذف
  62. يا تشي يا ابن اللذينة هههههههههههههههههههههههه هموت م الضحك

    ردحذف
  63. كيميا.....!!
    ده علي اساس انك علومانجي قديم بقي
    ههههههههههههههههههههههه


    طيب يابتاع عكا اما نشوف

    المشكله مش في الاكشن زي ماقولت
    ابسليوتلي ونيفر

    المشكله في الترتيبات اللي توصلك للنقطه الحاسمه دي

    تقد تفتح بيت منك له...؟؟؟؟

    ردحذف
  64. انتى بتطردينا يا عاشقه و بتقولى ان ل واحد فينا عنده مدونه و ده على اساس ان مدونتك اتكلبشت و هى واقفه صف تانى
    و بعدين احنا قاعدين عند فتافيت لغايه ما ترجع

    ردحذف
  65. الواد اللي فتافيت جابته ده هايجيب لرجاله مصر اكتئاب وده هايأثر بالسلب علي الاكشن
    وهو مش ناقص
    هههههههههههههههههههههههههه
    هههههههههههههه

    ردحذف
  66. بجد انا سعيد جدا بزيارة مدونتك

    الموضوع جامد جدا وجديد جدا احنا عايزين ياما من العيال دى


    تحياتى لقلمك


    احمد الشاعر

    ردحذف
  67. بقلك يا ريس جاتلي فكرة
    أحنا نروح انا وانت لأقرب عطار ونحكيلة علي الواد ابن الواطية ده وهو الي هيجيب م الاخر ونعرف ابن التيت ده موضوعه ايه
    اصل بصراحه مش مصدق هو اي نعم مش عكا يعني الموضوع بس العيل المعفن ده معتقدش انه ليه اي لازمة في الدنيا مش في انجلترا بس

    ردحذف
  68. عاشقه هتفضل تلقح علينا يا عم تامر
    هنعمل ايه
    عايزين حل سريع و حاسم و جذرى .... استنى لما اروح ادور على عيل و اشيله على ايدى يمكن عاشقه تتهد شويه لما تشوفه

    ردحذف
  69. انا بقول نتكسف علي دمنا يعني ونرغي في مدونه تانيه علشان مانزعلش فتافيت


    انا هاروح علي مدونتي بدل فتفوتي ماتزعل مني


    هم اللي خلوني ارغي يافتفوته والله
    حطيهم هم الاتنين بلاك لست
    ههههههههههههههههههه

    ردحذف
  70. ايه يا عم الشاعر موضوع ايه الي جامد
    ده موضوع منيل بستين نيله علي دماغنا كلنا
    الله يحرق الواد علي البلد الي جابته

    ردحذف
  71. بينا على عاشقه يا عم تامر عشان فعلا انا خايف من رد فتافيت ... بس والله يا فتافيت عاشقه هى اللى ضحكت علينا

    ردحذف
  72. ياااااااااااه أخيرا لقيت حاجة هتزعل فتافيت
    لو هعرف ان موضوع اننا هنا هيزعلها انا كنت عزمت شبرا كلها النهاردة يلا بقي الجيات اكتر م الرايحات

    ردحذف
  73. انا لما قرات طلعت مني كلمه واحده بس وهي يالهوييييييييييييييييييييييييييي ايه ده معقول اللهم لا حسد ده احنا مش عنسنا لا احنا نروح ندفن نفسنا

    ردحذف
  74. اولا انا بقيت مدمن فتفته على طول
    مش بعرف اقاوم
    ثانيا واضح حقد النسوان جامد اوى فى كتابه الموضوع
    انتى عارفه لو كنتى جبتى الصرصار اللى بتكلمى عليه ده مكنش زمانك بتكتبى بحرقه اوى كده
    ثالثا وده الاهم
    انا جاى المره دى من غير تعقيم ولا حاجه
    بس عندى فضول اعرف المنتج الجبار ده علشان نبقى نكتبه للناس بعد كده
    ومتفهمنويش غلط

    ردحذف
  75. فتافيت العيش الفرنساوي والأنجليزي
    ان ما وريتك على انك حطيتي الأسفين ونمتي لا من شاف ولا من دري

    العيال مسكوا في بعض وكسروا فلاشات المدونة من كتر الكراسي اللي في الكلوبات

    يعني تامر لوحده مفروس لخمسين سبب لازمن انتي وبوستاتك تكوني الواحد وخمسين؟

    وعمرو كل دودة ودودة في قلبه قد الحنش ملكيش اخوات صبيان؟

    البنت العسل عاشقة طيب انا عارفه ان البوست يجيب ازبهال واكتئاب وصويت ولطم كمان .. بس انتي كبري نفوخك واحترمي الأجرام اللي احنا فيه ياابو موته

    الاهي وانت جاهي اشوف ليكم حصانين يخلوكوا ماشين بتقولوا إيجيبشن هاي هاي هاي

    او بتغنوا "عيني منه آه يالهويز عيني منه يا خراشي"

    تامر وعمرو .. طيب حقكوا عليا خلاص عندا فيهم ها اجيب لكم عروستين موافقين على ايجار جديد والبنت عاشقة تشوف انتاج شبرا ودار السلام .. قطيعه محدش بياكلها بالساهل

    انتوا ياض منك ليه مين اللي صنادل؟ مفيش مزز؟ والنبي لأوريكم اتنين من جزر القمر يعلموكوا العفة
    اعتذر منك ليه لحسن تكبر في نوفوخي

    واخيرا هي دي الفتافيت لما تفتفت محدش يعرف يلم فتافيتها وراها خالص ولا حتى مكنسة كهربا

    د عرفة .. متفهومونيش غلط؟ اسمها متفهمونيش صح .. صباح الفل ياباشا

    بنت يا فتافيت متنسيش موضوع بورسعيد لحسن البمبوطي لما بيزعل بيأبح

    على اللينك ده راجل طالب منك المساعدة والمساندة .. مش انت مصري .. ادخل وطوف وشوف .. ولو في ايدك حاجة متقصرش
    http://elhakika.blogspot.com
    لا لتراست بورسعيد .. لا لتلوث البيئة .. لا لعمالة هندية على أرض مصر

    اشترك معانا ولو ببوست .. تعاطفك لوحده مووووووووووووو كفاية

    بوسة على البوست اللي ضحكني هو وتعليقاته ده

    ردحذف
  76. شاكر زيارتكم الكريمة وكلماتكم الثاقبة ورجاء دوام التواصل لاني لرغب في ان تكون المدونة بمثابة منبر يضع علامات علي الطريق يستفيد منه الاخرين حتي لا يمروا بنفس التجربة

    ردحذف
  77. بت يا فتفوته
    ايه خفة الدم دى..والإجرام(وش إجرام)
    ايه الكلام الرهيب ده
    يابنت انت جبتى الكلام بالتدفق ده إزاى
    يارب
    بموت فيك وفىوش الاجرام اللى لابساها


    هيغمى على من الضحك على تعليقات عمرووتامر وعاشقه
    حرام عليكم
    الناس بتصحى من الفجر لما تضحك العمارة يقولوا عليها إيه..هيقولو ام البنات محتاجه استشارة لطبيب نفسى بتضحك والدنيا نايمه


    فتفوته..اشك انه كلام حقيقى ..لان العالم دى واطيه وبتصدر سفاله وبتكذب عادى
    وان كان حقيقى فهما مقرفين اكثر من الخنزير المعفن

    موااه يافتفوته

    ردحذف
  78. Tamer Diab

    هههههههههههههه .. جتها ستين خيبة والله العظيم
    ده تأوي راجل .. عايز يدفن في الردة ويتسقسق بالماية علشان يتفش ويكبر ويبقى لو منظر

    قال راجل قال بلا وكسة .. يا خبتي
    هم الدول الرجالة اللي فضلت لك يا فتافيت .. يا حظك الهباب با فتافيت

    نويت وهاكل رد على كلامك بس ارد على الناس

    ردحذف
  79. Eng. Ahmed Abo El-Ella

    يقلدوا اييييييييييييييييه؟؟ يلهوي هي ناقصة مصر ولا حاجة
    مش كفايا قضايا النسب اللي فيها رجالة رافضة تعترف بالعيال
    هايبقى عندنا قضايا فيها عيال رافضة تعترف بعيال
    وهانعمل بىق محكمة جديدة مع محكمة الاسرة تبقى مكحمة الوكسة المختصة بالاشبال فوق العشر سنين
    ويجعل محكاكم المحسنين عمااااااااااار

    عمااااااااار يا بريطانية

    ردحذف
  80. حسام غانم

    هههههههههههههههههههه الخوف الموضوع ينتشر في البلاد التانية اللي فهيا مشكلة سكانية اصلا

    تبقى خيب لو العدوة جت مصر

    يا مامي يامامي

    تبقى خيبة

    نورت يا حسام باشا

    ردحذف
  81. حياتى نغم

    والله عندك حق حسبي الله ونعم الوكيل هي ديه بقى الحرية صح
    عيال تخلف عيال .. لا حول ولا قوة الا بالله

    نورتي يا نغومة يا سكر

    والله بحبك جدا

    ردحذف
  82. تامر علي

    جواااااااااااز ايه بس هم الكبار بيتجوزوا هناك عشلان العيال تتجوز

    صلي على النبي بس قال جواز قال

    الواد شكله مريب فعلا .. بس برضو ماكنتش اتخيل يطلع منه كده

    هههههههههههههههههههههه

    نورت البوست يا زعيم

    ردحذف
  83. المعتصم

    يا عمدة هههههههههههههههههه .. لا هو عمل عملته وهو 12 سنة هو دلوقتي 13 سنة بس لسه 122 سم

    هههههههههههههههه

    ربنا يديله الصحكة نورت يا عمدىة

    وعيارين بتوعك بقى اهم من الطبنجة الجديدة اللي جبتها ليا

    طخخخخخخخخ طخخخخخخخخخخخخ

    نورت يا عمدة

    ردحذف
  84. عاشقه الرومانسيه

    ههههههههههههههههههههههههه

    ماتش الاعتزال مافيهوش جول يا قمر .. بيكون ودي ههههههههههههههههههههههههههه

    نفسي بس اعرف اخباره بعد الاحتراف ههههههههههههههههههه

    نورت يا جووووومر

    ردحذف
  85. Che

    ده اتفرلاج عليه بعد الاحتراف .. هايبقى ديركبة انجلترا .. وكل ماتش بعيل قصدي بجول

    قال جزارين قال .. ياعم اسكوت والنبي واكفي على الخيبة ماجووووووووووووور

    هع هع هع هع (وش بيضحك ضحكات شريرة)

    ردحذف
  86. Tamer Diab

    يااااااساتر على الحقد قال مع حد تاني

    ايه الحقد ده يا عمنا .. خليك كوووول واعترف
    الفي لرجل الالفية الجديدة

    راااااااااااااجل الفي واهري يا قوطة وانا مبسوطة اهري يامهري وانا على مهلي

    عاااااااااااااااااااا

    ردحذف
  87. عاشقه وغلبانه

    اه مانا اخدت بالي .. قال زعلانة على اللي بيعاكس
    بره الموضوع خرج من معاكسة .. الموضوع خرج من ايدينا خلاص .. ووصل لعيااااااال

    بس ايه واد ده كفاءة بجد

    وبعدين انجلترا سبقانا بسنتين ضوئية في العلم .. طبيعي ان عيالها تخلف واحنا لسه بنعاكس

    ده التطور الطبيعي للحجة الساقعة

    بس شوفتي الواد طول ركبي وعهد الله

    فاااااااااااصل وهاواصل مع بقيت الردود بتاعتك يا سكر

    ردحذف
  88. romansy

    هع هع هع .. متاكد انه ازرق مش لون تاني
    هههههههههههههههههههههه

    نورت يا شاعرنا

    ردحذف
  89. تامر عاشقة

    ما تخطفتش بس والله فضلت اضحك على التعليقات اكتر من ساعاتين وكنت مشغولة مش عارفة ارد
    وانا ما اتخطفتش .. يومها .. اتخطفت امبارح بس ههههههههههه

    هارد على بقيت الناس وافضى لكم في ملحمة الفي اللي حصلتي

    بس كلمة حق يعني .. روح نام بقى واسكوت
    الفي حط وشكم في ..... ولا بلاش خلي الطايق مستور

    يا الفي يا رااااااااااااااااااجل يا سبع

    ردحذف
  90. che
    وكمان لك عين تقول صندل

    بعد الفي كده .. خلااااااااص كده كله قلب قباقيب

    قال احنا صنادل صلي على النبي في نفسك بس وما تقولش لحد

    لو منك اروح انتحر يا عم وانت قده اربع مرات كده

    ردحذف
  91. لا مش اربعه اتنين ونص عاااااااااا

    ردحذف
  92. اسماء عوني

    ههههههههههههههههههه اي والنبي دورلي له على عروسة تكون قده كده في الحجم
    اصل بينه وبين شانتبل فرق في السرعات البت تخلفه اصلا

    ده درعها اتخن منه

    هو فلتة زماااااااااااانه .. وخلاص كده عيال انجلترا قالوا كلمتهم .. قال عيال قال

    ده احنا اللي عيال هنا

    نورتي يا سمسمة المدونة

    ردحذف
  93. elsha3er

    هو احنا خالصين واحنا عندنا سن الجواز عدى التالاتين وعندنا ازمة سكانية

    امال لما العيال تدخل كمان في الدوري العام هانعمل ايه؟؟؟؟؟؟؟

    ارحمنا يارب .. لا مش عايزين من دول

    كفايا علينا رجولة ما بعد التلاتين يا عم .. مصر مش ناقسة

    نورت البوست والمدونة

    وسعيدة جدا بزيارتك

    ردحذف
  94. Tamer Diab

    ورحمة خالي حسن اللي عمري ما شوفته .. ولا عطارة ولا ناووي ينفع معاكم

    انتوا كبركم تتباسوا وش وضهر وتتحطوا جنب الحيطة

    قال عطارة قال عاااااااااا

    بلا خيبة

    ردحذف
  95. حاسوباتيه

    هههههههههههههههههه احنا احنا فلة يا ماما .. احنا بس عايزين فرصة.. واحنا نثبت كفاءة عااااااااا

    انا بهيس خلااااااااااص .. منك لله يا تشي انت وتامر

    العيب في اللي عندنا دول اصلا .. مافيهمش الفي واحد يوحد ربنا

    ههههههههههههههههههههههههههههه

    نورتي يا قمر ويارب اشوفك هنا كتير
    والنبي الفي ابن حلال
    خلاكي تيجي عندنا هنا

    نورت يا جميييييييل

    ردحذف
  96. د/عرفه

    عاااااااااااااا قال حقد نسوان قال .. ليه بعد الشر فو الفي ده نسون ده راجل وسيد الرجال .. يا بلد مافيكيش الفي واحد

    وتعقيم ليه بس.؟؟
    هم معقم اصلا لوحده .. وطهر كمان ده يسود اونلي مرة وبس

    وماتقلقش اكيد فيزر مش هاتسكت وتجيب سر التركيبة
    ولا تقولي لا الحبه الحمر ولا الزرقة الفي معاه سر المهنة

    نورت يا دكترة وبنشكح موت لما بتكون هنا

    ربنا ما يحرمني من كومنتاتك المعقمة

    ردحذف
  97. ستيته حسب الله الحمش
    نعمين يا ابلتي .. هو انا كل ما اعمل اعادة اعمار للمدونة تتكسر .. يعني اكشف راسي وادعي على تامر اللي كل مرة يكسر لي المدونة
    والاصلاح والاعمار عليك المرة دية كمان .. واهو يبقى لك لازمة بعد الفي يا معلم ما قال مالكووووووووش لازمة عااااااااااااا
    وهو يبقى 52 حاجة لما الاعمار يعمله كمان



    وعمرو ودوده انا مالي بقى .. ده بعد الفي احتمال اتقلبوا لكبرة يا امي .. ربنا يعينه بعد البوست ده احتمال ينتحر لانه مش لاقي فرصته هههههههههههههههه

    حصانين اييييييييييييه .. انا وعاشقة عايزين اتنين سيسي نربيهم على ادينه .. وسيسيك على ما تعوديه يا اوختي

    اللهي يوعدهم بجوز مزز من واق الواق .. يكلوا رداعتهم ومهم نايمين

    عرفة .. بيعمل شغل علشان هو هايتقف مع الشركة المنتجة وهايبقى الموزع المعتمد .. والله باضتلك في القفص يا دكتر هايبقى عليك بالحجز لسنتين قادام

    نورت يا عسسسسسسسسسسسسل يا جميل انت يا سوتايبة يا روح قلبيني وجواااات قلبيني كمان

    ردحذف
  98. قيس بن الملووووح

    قيس ابن عمي عندنا يا مرحبا يا مرحبا

    والله بتابع المدونة بتاعتك .. وهاتبقى جامدة ان شاء الله

    ياريت نفضل متواصلين

    ردحذف
  99. الفقيرة إلى الله أم البنات

    هههههههههههههه نورتي يا احلى ام بنااااااااااااات
    وربنا يفرح قلبك كده على طول .. وايه يعني لما تضحكي
    اضحكي اضحكي قبل ما الضحك يضاف على وصل النور

    ام عمرو وتامر ديه بس حلاوة روح بعد اللي قروه هنا .. مقدرة احاسيهم انا .. ربنا يكون في عونهم عاااااااااااااااااااااااا

    ام عن انه مش حقيقي الموضوع مش في قناة فتافيت الجهنمية ده الحظيرة كمان ذاعته .. ده واد فلتة زمااااااااانه يا امي

    مايحرمنيش من طلتك عندي .. ولا فتفتك السكر ديه

    موووووووووووووة بوسة كبيرة خالص

    ردحذف
  100. تعبت من الرد واللهي
    بس ليا عوده علشان ارد على تامر وعمرو .. واخد بخاطرهم برضو بكلمتين
    بعد الاحباط الشديد اللي حصل لهم
    واقولهم خلي املكم في ربنا كبير .. الدنيا ماوقفتش على الفي
    اكيد لسه في عيال كتير
    راجعة تاني .. فاصل
    نوااااااااااصل

    ردحذف
  101. الحكايه مش بالسن ولا الجسم لا بطول ولا عرض
    لا بشنب ولا دقن
    الحكايه كلها روقان
    واحنا فيه عندنا ناس رايقه كتير بس مش لاقيه فرصه
    وبعدين تعالوا هنا000انا بكلم الرجاله
    ليه محدش في التعليق قال:
    ان زي ما الرجوله مش شنب الرجوله بردو مش خلفه
    ماحنا عندنا في مصر نسبه العجز كبيره والخلفه شغاله الله ينور 00الساعه بخمسه جنيه والحسابه بتحسب
    الخلفه مش دليل علي انه دكر يعني

    ردحذف
  102. بلاش حقد

    الراجل رافع راس الإنجليز بين الأمم

    لا تقولي روسي ولا أمريكاني

    ردحذف
  103. Don_Lochy

    ههههههههههههه والله كلام زي الفل .. بس ما يمنعش انه فلته زمانه برضو

    بلاش الحقد ده .. اعترف انه فلته عاااااااااااا

    نورت البوست والمدونة

    ردحذف
  104. مهندس / محمد حشيش

    ههههههههههههه والنبي حتى ولا مصري يا هندسة

    الواد خلاص جاب كله الارض

    اللهي يفطس

    نورت البوست ومبسوطة انك جيت لوحدك
    تعالى كتير بقى
    سلااااااموز

    ردحذف
  105. تااااامر وعمررررررو

    تقريبا نصيبك يفضل يتعلم عليكم بقى عاااااااااااااا

    البت المشمشية هاتجيب لكم احباااااااااااط تاني

    والنبيي صعبانين عليا

    هع هع هع هع هع (وش بيطلع لسانه وبيلعب حواجبينه)

    ردحذف

خلل براحتك من غير انتظار .. فتافيت أصلاً بتحب الخيار