21 يونيو 2012

2- جمهورية مصر السعيدة أوي جدا خالص!


البوست الثاني،،
في حملة التدوين اليومي،، 2012




20 يونيو،،
يوم السعادة المصرية
،،!

حملة د.مرسي،،
سعيدة أوي إنه كسب الإنتخابات
وبالتبعية طبعا
،، اللي انتخبه

حملة شفيق،،
سعيدة أوي إنه كسب الإنتخابات
وبالتبعية برضو
،، أنصاره

القضاء المصري،،
سعيد أوي بنزاهة الإنتخابات
اللي محدش عارف
،، لها نتيجة لحد دلوقتي

اللجنة الرئاسية،،
سعيدة أوي
،، عشان كل شوية
الشعب يقول
،، خلاويص وبجاتو،، يقول لســه

الشعب المصري،،
سعيد أوي
،، إنه اختار رئيسه لأول مرة
من أيام الفراعنة

والجيش المصري،،
سعيد أوي
،، إنه عيّن رئيس مصر
زي كل مرة

المقاطعون،،
سعداء أوي
،، بإنهم طلعوا صـــح
والإنتخابات طلعت مسرحية

المنتخبــون،،
سعداء أوي
،، إن صوتهم له قيمة
والصوت بيفرق في عملية الفـــرز

كارهو مبارك،،
سعداء أوي
،، بنهاية مبارك للأبـد
وإنه خـلاص مات

محبـو مبارك،،
سعداء أوي
،، إن مبارك تمـام
وإنه لسه عايش

وأخيرا طبعا تجار الحشيش،،
سعداء جدا
،، عشان الصنف المصري أثبت،،
إنه من
أجــود الأنــواع!






هناك 24 تعليقًا:

  1. لا في حاجة كمان أنا سعيد علشان ابطلت صوتي و قلت في الورقة اللي في نفسي :)
    اصلي صوتت بعد صدور الاعلان الدستوري المكمل في آخر ساعة للتصويت
    و كتبتلهم
    كل المفروض مرفوض

    ردحذف
  2. ههههههههههههه وانا سعيد ه اوى ان صباحي كان عندك هنا هلكتيني ضحك فعلا شر البلية ما يضحك ^_^

    ردحذف
  3. مصطفى سيف الدين

    أكيد محمد منير سعيد أوي بيك :))
    نورت يا دكتور،، صباحك سعادة حقيقية
    مش من سعادة البوست ده :)

    ردحذف
  4. mena moon21

    ههههههههههههههههههههه
    تلاقي مصر دلوقتي بتقول،،،
    بس بصراحة،، أنا كمصر أنبسطت :))

    والنبي والنبي عشان أكون سعيدة أنا كمان
    كبري شوية خط البوستات عندك ،، عاااااااااااا

    صباحك سكــــر
    يا سكرة :)

    ردحذف
  5. هههه..شر البلية ما يضحك!!
    عليه الرحمة اللي قال يا كل حاجة و عكسها!!
    ..من زمان اوي قلت لا زيد جاء و لا عمرو ذهب !!
    ..املنا دايما ان بكرة أحسن بإذن الله..تحياتي

    ردحذف
  6. انا سعيد انى ارى السعادة فى عيون الجميع
    و لكنها سعادة الوهم و السراب
    خدعوك فاوهموك بالسعادة

    تحياتى

    ردحذف
  7. ههههههههههههههههههههههههههههههههههه !!
    أنتى لخصتى اللى بيحصل فى مصر و الله D:
    حاجة كده مسخرة .. هم يبكى و هم يضحك!

    ردحذف
  8. المهم ان الحدوته خلصت والكل كان مبسوطه :D

    ردحذف
  9. انا بقا سعيدة انكم كلكم بترجعوا هنا
    وان هنبقا لمه تاني
    مش ملاحظة ان كل شئ وضده

    ردحذف
  10. وأنا كقارئ للبوست ،، انبسطــــ

    ردحذف
  11. هههههههههههههه
    ولاول مرة في العالم جميع الطوائف مرصيه ههههههههههههههههههههههههههههه هلكتينى ضحك يا شيخه ^_^
    انا كرنا انبسط اوى جدا خالص مالص :)

    ردحذف
  12. ده كمان غلب الصنف الليبي بتاع القذافي
    هههههههههههههههههه

    مبدعة كعادتك

    ردحذف
  13. واخيرا مصر وصلت لبر الامان
    وقدرنا نحقق السعادة لكل المواطنين
    كونوا سعداء دوما وابدا ههههههههه
    مبسوطة انا اوى جدا خالص :)

    ردحذف
  14. أحمد أحمد صالح

    فعلا مصر يا كل حاجة وعكسها
    :( بدات اقلق أوي من بكره،، ربنا يستر
    نورت المدونة،،، تقبل تحياتي

    ردحذف
  15. ابراهيم رزق

    فكروني بايام لما طلعت إحصائية بتقول
    إن الشعب المصري أسعد شعوب العالم
    هههههههههههههههههأه والله
    حقا إننا سعداء

    خالص تقديري

    ردحذف
  16. Radwa Ashraf

    أيوة وفيه هم برجر وهم يا جمل كمان
    هههههههههههههههههههه أضحكوا أضحكوا
    الأيام السودة ع الأبواب أهي

    نورتيني يا رودي يا قمراية

    ردحذف
  17. Bent Men ElZman Da !

    عن نفسي،،،
    أنا كــ فتافيت أنبسطت :)))

    ردحذف
  18. شمس النهار

    هي مصر كده اصلا
    كل حاجة وعكسها،، كل شيء وضده
    أنا كمان والله سعيدة أوي بالتواصل اللي رجع تاني
    والحياة اللي دبت في بلوجر تاني
    والله زمان يا مرضان ^_^

    ردحذف
  19. Ahmed El_Desouky

    أيوة فرفش كده وظجتطط،،،
    الايام السودة جاية أهي ،، ده أحنا هانشوف سواد

    ردحذف
  20. rona ali

    ايوة طبعا شعارنا،،، ريح الزبون
    ههههههههههههههههههههه
    نورتي يا سكراية

    ردحذف
  21. Osman Ali

    ايوة ده حشيش أفعاني من أجود الأنواع
    ههههههههههههههههههههه
    ميرسي يا عثمان،، بعض ما عندكم
    نورت البوست

    ردحذف
  22. Aya Mohamed

    ايووووة،،، وده كان الهدف من الثورة
    إنها ثورة السعداء،، ضد السعداء
    لإسقاط السعداء،، :)))

    ردحذف

خلل براحتك من غير انتظار .. فتافيت أصلاً بتحب الخيار