15 يناير 2011

مصر تعلو... بعد ثورة تونس

:

تونس.. ورجالة تونس ربنا يحميهم
من شهرين محدش كان يسمع أي حاجة عن تونس
وكأنها أصلا مش من دول العالم.. وفجأة
كل الصحف العالمية .. المحلية.. المطبلتية
تونس تحتل.. المنشتات الرئيسية فيها

مبروك لشعب تونس..
ومش هاقول عقبالنا

لأن سبحان الله... وربك لما يريد
تونس أطاحت بزين الفاسدين...
قوم إيه بقى...(( مصر تعلـو..
))
وده كفاية عليا جدااا..

وبما إن يعني 2011 تصنف سنة المفاجأت
من أول يوم فيها.. وهي شغالة أحداث غير متوقعة
ومن ضمن السيرياليزم بتاع 2011.. إن
يوم ما زين الفاسدين ياخد طيارته.. يلف على
دول العالم.. يدور على حته تلمه
وربنا يكرمه بعقد عمل في السعودية
مصر تنتعش إقتصاديا..
وتزهزة وتورد..


وقبل ما حد لسانه يطول عليا
إليكم ما جاء بالصحف القومية النهاردة


(( أخبار اليوم ))

(( الأهرام ))

(( أخبار اليوم ))

(( الجمهورية ))

(( الجمهورية ))
ومافيش عندي أي كومنت نوهائي غير
(( يارب.. كمان دولة تثور
يمكن نكتشف أن حدانا
برنامج نووي ))
::
:O
::




هناك 18 تعليقًا:

  1. عارفة يا فتافيت

    على قد الفرحة لتونس على قد الخوف عليها من اللى جى

    ربنا معاهم مش عارف اعمل حاجة غير انى ادعى

    الوضع فى تونس دلوقت صعب

    كتير هيقولوا دى ضريبة الحُرية

    هنشوف الضريبة ايه بعد ما الأمور ترجع تهدا

    بالنسبة لمصر صعب نقول عقبالنا مش علشان اننا منقدرش لالا خالص

    لو حصل هتبقى مجازر صدقينى

    الرعاع كتير عندنا كتروا اكتر مما ممكن نتخيل

    ربنا يحفظنا و يارب نقدر نعمل شيىء لينا و لتونس

    بس المشكلة ان احنا لازم نعمل حاجة علشان حكومتنا تتهت

    اصل دى عالم تخاف متختشيش

    تحياتى يا فتافيت

    ردحذف
  2. لا في حاجة نسيوها بعد شهرين من ازمة انابيب البوتاجاز دلوقت في عربية انابيب تحت بيتنا
    ربنا يخلينا التوانسة اللي جابولنا انبوبة بوتاجاز
    بصراحة مصر بقت دولة كوميدية جدا جدا
    مش عارف الواحد لو مكنش مصري كان هيضحك كده ازاي
    يلا يا مصر اعلو كمان وكمان بيقولو في ثورات في بنما يا رب بقي يشيلو الرئيس البنمي يمكن يدخلولنا الغاز فيها هههههههههه
    شكرا للبوست الجميل
    تحياتي

    ردحذف
  3. السلام عليكم أختي رحاب...

    أنا برضه على قد فرحي متخوف زي ما قال رامي.. وأنا قيل ده عندي.. لأن الثورة غير منظمة.. فأخشى أن يستطيع الظلمة الالتفاف عليها... إن شاء الله لا يحدث...

    على فكرة ضحكت بجد من العناوين (المدهولة) اللي ماليا الصحف بتاعتنا!!!!! :)

    تحياتي أختي الكريمة.

    ردحذف
  4. السلام عليكم
    مصر تعلو إن شاء الله فعلا
    والله إحنا نستاهل حياة أفضل من كده فعلا
    علي فكره المصري لو ناوي يعمل حاجه هيعملها
    بس ننوي والدنيا كلها هتتحرك
    دمتي بكل خير

    ردحذف
  5. مبرووك لتونس
    عقبالنا لما يعم السلام على بلادنا
    مصر ولادها رجاله ووقت اللزوم تلاقيهم ايد واحده وصوت واحد بس لما ينوا
    تحياتى اليكى
    وياريت تشرفينى بزيارتك

    ردحذف
  6. ده يدل على ان حكومتنا صاحيه وبتفكر كويس
    بس يارب تفكر فى مصلحتنا مش مصلحتها هى بس

    ردحذف
  7. لكل جبار نهاية
    التاريخ بيقول كده
    وربنا يفرج عنا اللي احنا فيه

    ردحذف
  8. اختي فتافيت ..
    عن جد شر البلية ما يضحك ، الكل خايف يصير فيه زي ما صار بزين الفاسدين " على قولتك " وصدق المثل المصري " ناس تخاف ما تختشيش " ، كل الرؤوساء خايفين يصير فيهم اللي صار في زميلهم وفي الاخر يروحوا عقد عمل في السعودية ،الكل بدأ بتخفيض الاسعار ومحاربة الغلاء وتخفيف الضرائب وغيره وغيره في محاولة للضحك على الذقون ..
    عموما عقبال باقي الأخوة يارب بالدور وبالترتيب ...
    وربنا يحفظ بلادنا العربية واولادها من كل شر وسوء يارب ..

    ردحذف
  9. Ramy

    اهلا يا كابير... منور
    انا عارفة ان لسه علينا كتير اوي
    الناس مستنية يوم 25 يناير كأنه يوم التحرير
    اللي عايز يثور... ما بيحددش ميعاد
    احنا شعب حابب الخنوووووع
    زمان لو قريت تاريخ... ايام ما جه الفتح الاسلامي لمصر... اتقال على شعب مصر ايه
    يجمعهم مزمار.... وتفرقهم عصا :((

    يلا ربنا كبير... لازم تحصل حاجة
    بس مانكرش ان الدولة مرعوبة دلوقتي
    بدليل الجبالي اللي راح زار الراجل اللي ولع في نفسه امبارح قصاد مجلس الشعب... وبيقولك ان الرئاسة تتابع حالته

    بالنسبة لتونس
    ده اول الطريق... والوصول للنجاح سهل
    انما الحفاظ عليه... صعب
    ربنا معاهم.. يحميهم ويساعدهم

    ردحذف
  10. مصطفى سيف

    هههههههههههههههههههههه
    اهم حاجة ان الانبوبة وصلت... دي بقت دليفري
    وحطوا لكل فرد باكت سجاير مستوردة على بطاقة التموين :)))))

    ربنا يخليلنا تونس يارب :)

    نورتني يا دكتور مصطفى
    تحيااااتي :)

    ردحذف
  11. ماجد القاضي

    أهلا أ. ماجد.. شرفتني
    والله انا خايفة على تونس
    لان امريكا وبريطانيا وفرنسا مركزين اوي
    غير ان كلاب الحكم برضو لسه هناك
    ربنا يستر عليهم

    ام بالنسبة للجرايدنا القومية
    دي بقيت كوميديا جامدة
    يعني افيد من تمن لب :)))

    نورتني .. وشرفتني

    ردحذف
  12. إبن النيل

    اهلا بك اخي الفاضل
    شرفتني زيارتك
    مصر تعلو ان شاء الله
    بس لسه بدري على علوها... طول ماحنا كده
    احنا نستاهل احسن من كده اه
    عشان احنا بشر.. لكن لو شعهب
    نستاهل اللي بيرجى لنا

    نورت البوست.. تحياتي

    ردحذف
  13. mrmr

    مرمر نورتيني... والله واحشني جدا
    انا اسفة على تقصيري .. :$

    مبروك لتونس.. وربنا يحميهم ويكلل ثورتهم بالتوفيق
    وعقبالنا... لما ربنا ينفخ في صورتنا

    نورتي يا قمر البوست
    والبلوج كلها
    تحياتي

    ردحذف
  14. Bondoka

    يا جميــل.. نورتي
    وحشاني جدا.. والله

    والله هي صاحية.. وبتفكر اه
    بس يارب تفكر فينا احنا كمان.. يارب

    نورتي يا جميلة :)

    ردحذف
  15. سندباد

    اهلا اهلا بالسندباد
    لكل ظالم نهاية اه... بس طول ما الناس
    راضية بالظلم.. مافيش تغير خالص
    مافيش تغير.. طول ماحنا مبسطوييين اننا مظلومين

    نورتني يا سندباد
    خالص تحياتي :)

    ردحذف
  16. وجع البنفسج

    اهلا اختي الكريمة.. نورتيني
    والله انا نفسي كل الحكام تورح تعمل
    عمرة مع زين الفاسدين .. ههههههههههههههههههه

    نورتي البوست
    وشرفتيني بالزيارة يا قمر
    اهلا بيكي :)

    ردحذف
  17. https://www.blogger.com/comment.g?

    blogID=4474765446167449478&postID=2268549380480420779&page=1&token=1542294112118

    ردحذف
  18. ان النظافه ليست مجرد كلمة فقط بل انها كلمه ذات معنى وذات اهميه قصوي في حياة الفرد والمجتمع فان المحافظة على النظافة تعنى الاستمتاع بصحة جيدة بدون الاصابة بالامراض ولهذا جئنا لكم بمجموعه من افضل شركات تقديم الخدمات المنزليه
    شركة كشف تسربات المياه بالاحساء


    شركة مكافحة النمل الابيض بالاحساء


    شركة تنظيف بالاحساء



    شركة تنظيف كنب بالاحساء



    شركة تنظيف مجالس بالاحساء


    شركة مكافحة حشرات بالاحساء

    شركة تنظيف فلل بالاحساء



    شركة تنظيف شقق بالاحساء

    شركة رش مبيدات بالاحساء

    ردحذف

خلل براحتك من غير انتظار .. فتافيت أصلاً بتحب الخيار