:
تونس.. ورجالة تونس ربنا يحميهم
من شهرين محدش كان يسمع أي حاجة عن تونس
وكأنها أصلا مش من دول العالم.. وفجأة
كل الصحف العالمية .. المحلية.. المطبلتية
تونس تحتل.. المنشتات الرئيسية فيها
مبروك لشعب تونس..
ومش هاقول عقبالنا
لأن سبحان الله... وربك لما يريد
تونس أطاحت بزين الفاسدين...
قوم إيه بقى...(( مصر تعلـو.. ))
وده كفاية عليا جدااا..
وبما إن يعني 2011 تصنف سنة المفاجأت
من أول يوم فيها.. وهي شغالة أحداث غير متوقعة
ومن ضمن السيرياليزم بتاع 2011.. إن
يوم ما زين الفاسدين ياخد طيارته.. يلف على
دول العالم.. يدور على حته تلمه
وربنا يكرمه بعقد عمل في السعودية
مصر تنتعش إقتصاديا..
وتزهزة وتورد..
وقبل ما حد لسانه يطول عليا
إليكم ما جاء بالصحف القومية النهاردة
(( أخبار اليوم )) 
(( الأهرام ))
(( أخبار اليوم ))
(( الجمهورية )) 
(( الجمهورية ))ومافيش عندي أي كومنت نوهائي غير
(( يارب.. كمان دولة تثور
يمكن نكتشف أن حدانا
(( يارب.. كمان دولة تثور
يمكن نكتشف أن حدانا
برنامج نووي ))
::
:O
::
عارفة يا فتافيت
ردحذفعلى قد الفرحة لتونس على قد الخوف عليها من اللى جى
ربنا معاهم مش عارف اعمل حاجة غير انى ادعى
الوضع فى تونس دلوقت صعب
كتير هيقولوا دى ضريبة الحُرية
هنشوف الضريبة ايه بعد ما الأمور ترجع تهدا
بالنسبة لمصر صعب نقول عقبالنا مش علشان اننا منقدرش لالا خالص
لو حصل هتبقى مجازر صدقينى
الرعاع كتير عندنا كتروا اكتر مما ممكن نتخيل
ربنا يحفظنا و يارب نقدر نعمل شيىء لينا و لتونس
بس المشكلة ان احنا لازم نعمل حاجة علشان حكومتنا تتهت
اصل دى عالم تخاف متختشيش
تحياتى يا فتافيت
لا في حاجة نسيوها بعد شهرين من ازمة انابيب البوتاجاز دلوقت في عربية انابيب تحت بيتنا
ردحذفربنا يخلينا التوانسة اللي جابولنا انبوبة بوتاجاز
بصراحة مصر بقت دولة كوميدية جدا جدا
مش عارف الواحد لو مكنش مصري كان هيضحك كده ازاي
يلا يا مصر اعلو كمان وكمان بيقولو في ثورات في بنما يا رب بقي يشيلو الرئيس البنمي يمكن يدخلولنا الغاز فيها هههههههههه
شكرا للبوست الجميل
تحياتي
السلام عليكم أختي رحاب...
ردحذفأنا برضه على قد فرحي متخوف زي ما قال رامي.. وأنا قيل ده عندي.. لأن الثورة غير منظمة.. فأخشى أن يستطيع الظلمة الالتفاف عليها... إن شاء الله لا يحدث...
على فكرة ضحكت بجد من العناوين (المدهولة) اللي ماليا الصحف بتاعتنا!!!!! :)
تحياتي أختي الكريمة.
السلام عليكم
ردحذفمصر تعلو إن شاء الله فعلا
والله إحنا نستاهل حياة أفضل من كده فعلا
علي فكره المصري لو ناوي يعمل حاجه هيعملها
بس ننوي والدنيا كلها هتتحرك
دمتي بكل خير
مبرووك لتونس
ردحذفعقبالنا لما يعم السلام على بلادنا
مصر ولادها رجاله ووقت اللزوم تلاقيهم ايد واحده وصوت واحد بس لما ينوا
تحياتى اليكى
وياريت تشرفينى بزيارتك
ده يدل على ان حكومتنا صاحيه وبتفكر كويس
ردحذفبس يارب تفكر فى مصلحتنا مش مصلحتها هى بس
لكل جبار نهاية
ردحذفالتاريخ بيقول كده
وربنا يفرج عنا اللي احنا فيه
اختي فتافيت ..
ردحذفعن جد شر البلية ما يضحك ، الكل خايف يصير فيه زي ما صار بزين الفاسدين " على قولتك " وصدق المثل المصري " ناس تخاف ما تختشيش " ، كل الرؤوساء خايفين يصير فيهم اللي صار في زميلهم وفي الاخر يروحوا عقد عمل في السعودية ،الكل بدأ بتخفيض الاسعار ومحاربة الغلاء وتخفيف الضرائب وغيره وغيره في محاولة للضحك على الذقون ..
عموما عقبال باقي الأخوة يارب بالدور وبالترتيب ...
وربنا يحفظ بلادنا العربية واولادها من كل شر وسوء يارب ..
Ramy
ردحذفاهلا يا كابير... منور
انا عارفة ان لسه علينا كتير اوي
الناس مستنية يوم 25 يناير كأنه يوم التحرير
اللي عايز يثور... ما بيحددش ميعاد
احنا شعب حابب الخنوووووع
زمان لو قريت تاريخ... ايام ما جه الفتح الاسلامي لمصر... اتقال على شعب مصر ايه
يجمعهم مزمار.... وتفرقهم عصا :((
يلا ربنا كبير... لازم تحصل حاجة
بس مانكرش ان الدولة مرعوبة دلوقتي
بدليل الجبالي اللي راح زار الراجل اللي ولع في نفسه امبارح قصاد مجلس الشعب... وبيقولك ان الرئاسة تتابع حالته
بالنسبة لتونس
ده اول الطريق... والوصول للنجاح سهل
انما الحفاظ عليه... صعب
ربنا معاهم.. يحميهم ويساعدهم
مصطفى سيف
ردحذفهههههههههههههههههههههه
اهم حاجة ان الانبوبة وصلت... دي بقت دليفري
وحطوا لكل فرد باكت سجاير مستوردة على بطاقة التموين :)))))
ربنا يخليلنا تونس يارب :)
نورتني يا دكتور مصطفى
تحيااااتي :)
ماجد القاضي
ردحذفأهلا أ. ماجد.. شرفتني
والله انا خايفة على تونس
لان امريكا وبريطانيا وفرنسا مركزين اوي
غير ان كلاب الحكم برضو لسه هناك
ربنا يستر عليهم
ام بالنسبة للجرايدنا القومية
دي بقيت كوميديا جامدة
يعني افيد من تمن لب :)))
نورتني .. وشرفتني
إبن النيل
ردحذفاهلا بك اخي الفاضل
شرفتني زيارتك
مصر تعلو ان شاء الله
بس لسه بدري على علوها... طول ماحنا كده
احنا نستاهل احسن من كده اه
عشان احنا بشر.. لكن لو شعهب
نستاهل اللي بيرجى لنا
نورت البوست.. تحياتي
mrmr
ردحذفمرمر نورتيني... والله واحشني جدا
انا اسفة على تقصيري .. :$
مبروك لتونس.. وربنا يحميهم ويكلل ثورتهم بالتوفيق
وعقبالنا... لما ربنا ينفخ في صورتنا
نورتي يا قمر البوست
والبلوج كلها
تحياتي
Bondoka
ردحذفيا جميــل.. نورتي
وحشاني جدا.. والله
والله هي صاحية.. وبتفكر اه
بس يارب تفكر فينا احنا كمان.. يارب
نورتي يا جميلة :)
سندباد
ردحذفاهلا اهلا بالسندباد
لكل ظالم نهاية اه... بس طول ما الناس
راضية بالظلم.. مافيش تغير خالص
مافيش تغير.. طول ماحنا مبسطوييين اننا مظلومين
نورتني يا سندباد
خالص تحياتي :)
وجع البنفسج
ردحذفاهلا اختي الكريمة.. نورتيني
والله انا نفسي كل الحكام تورح تعمل
عمرة مع زين الفاسدين .. ههههههههههههههههههه
نورتي البوست
وشرفتيني بالزيارة يا قمر
اهلا بيكي :)
https://www.blogger.com/comment.g?
ردحذفblogID=4474765446167449478&postID=2268549380480420779&page=1&token=1542294112118
ان النظافه ليست مجرد كلمة فقط بل انها كلمه ذات معنى وذات اهميه قصوي في حياة الفرد والمجتمع فان المحافظة على النظافة تعنى الاستمتاع بصحة جيدة بدون الاصابة بالامراض ولهذا جئنا لكم بمجموعه من افضل شركات تقديم الخدمات المنزليه
ردحذفشركة كشف تسربات المياه بالاحساء
شركة مكافحة النمل الابيض بالاحساء
شركة تنظيف بالاحساء
شركة تنظيف كنب بالاحساء
شركة تنظيف مجالس بالاحساء
شركة مكافحة حشرات بالاحساء
شركة تنظيف فلل بالاحساء
شركة تنظيف شقق بالاحساء
شركة رش مبيدات بالاحساء