29 ديسمبر 2010

فرحانة يامصر.. لما الهوان إتهان؟؟؟

.
جمعة الشوان..
أول ما أقول الأسم ده
طبعا تفتكروا على طول عادل إمام..
دموع في عيون وقحة



لكن ماقصدش عادل إمام.. أقصد
البطل المصري أحمد الهوان
اللي ثبت الموساد 11 سنة

أحمد الهوان..
أول واحد جاب لمصر أحدث جهاز لاسلكي
في العالم.. قبل حرب 73 يرسل من القاهرة لتل أبيب


أحمد الهوان اللي..
رفض فلوس الموساد وقت ما كان مش لاقي ياكل

أحمد الهوان اللي..
رفض يعيش عيشة الملوك.. وقت ماكنت مصر مدمرة

أحمد الهوان..
أول بطل عربي في المخابرات يتعمله مسلسل

أحمد الهوان اللي..
ريقه نشف عشان معاش ياكل منه.. بقاله عشرين سنة
:
أحمد الهوان.. اللي أتنساااااا..
والكل فاكر عادل إمام!!


أحمد الهوان..
مريض ومش لاقي فلوس يتعالج بيها

أحمد الهوان..
اللي شال كفنه عشان مصر.. مصر بتذله

أحمد الهوان..
خوفني أوي من مصر.. أوي
لما الأبطال بتنساهم.. هاتعمل معانا إيه؟؟

وأحنا لا روحنا تل أبيب..
ولا جبنا لاسلكي..
ولا كنا بنخدمها 11 سنة
في بيت الأفاعي

طبعا دلوقتي.. تلاقي أسرائيل.. هاتتبعله إيميل
تقوله ألف صحة وعافية.. العرق سوس اللي
شربته مع الريس ذكريا.. وخلي مصر تنفعك بقى
مش كان زمانك ملك.. تاكل تشرب تتعالج بفلوسك!

آآآه يا خوفي منك يا مصر
ياترى.. قلبك هايقسى على مين تاني؟
ياترى.. هاتعملي في ولادك إيه تاني؟؟
ياترى.. هاتذلي أبطالك ليه تاني؟؟
كده يا مصر تبيعي أبنك.. وتهينيه؟؟
:"(

كل الشكر....
(( لإعلامي محمود سعد ))
شال هم أحمد الهوان.. وتكفل بعلاجه
بعد ما البلد باعته.. وذلت أنفاسه عشان العلاج



رقم البطل.. أحمد الهوان
0123830816
لكل اللي عايز يقول له إنه فاكره
وحاسس إنه قدوة له
في الوطنية اللي ضاعت من بين
قلوبنا من زماااااان..

أطمنوا عليه
شدوا على إيده
حسسوه.. إن لو حتى مصر نسيته
ولاد مصر فاكرينه!


لك الله يا بطل..!
::

:(

::

هناك 16 تعليقًا:

  1. طب هنحب فيها ايه تانى

    ):

    و على رأيك هتعمل فينا احنا ايه

    شكراً يا أستاذ محمود سعد

    و ألف سلامة

    يا بطل يا أحمد الهوان

    ردحذف
  2. طب ما ينفعش نعمل تجمع

    و نعمل زيارة ليه

    لو ينفع حتى يتبرع بالتنظيم يبقى كتر خيرة

    هكون اول الموجودين بأذن الله

    و تبقى حاجة بسيطة نقدمها له

    لو ينفع

    ردحذف
  3. صحيح على فكرة

    أسرائيل ممكن جداً جداً

    تتكفل بعلاجة

    و ساعتها بقى مش عارف الدنيا هيبقى شكلها ايه

    مش حُب فيه لكن مذله ليه و لينا

    ااااه يا بلد

    ردحذف
  4. لا حول ولا قوة الا بالله
    حقيقى مش عارفة اقول ايه

    ردحذف
  5. فتافيت انتي اخدتي الفكرة من على بالي والله انا كنت بحضر لمادتها اول واحد اتكلم عنه وائل قنديل في الشروق وبعدين الدستور الاصلي ودلوقت محمود سعد ,فكرة رامي بعمل مجموعة لزيبارته تعتذرله عن كل حاجة بما فيها افتكارهم لعادل امام ونسيان صاحب الحق و لو كنا اكثر ايجابية وطرح فكرة حساب بنكي علشان اسرائيل تعرف انها اذا اشترت الكلاب فالبلد لسه مليانه اسود حتاكلها في يوم معلوم ,انا للاسف بره مصر ومعرفش مدونين كتير بس اكيد فيه حد ممكن نثق فيه كلنا ونساعد بحاجة زي كده,انا لسه كاتب قصة في مدونتي عن التضحية وسبحان الله نهايتها زي نهاية قصة احمد الهوان اللي على مصر هان

    ردحذف
  6. حسبي الله ونعم الوكيل وكفي

    ردحذف
  7. السلام عليكم...

    أختي رحاب.. بوست قوي جدا...

    للأسف أول مرة أعرف الموضوع..!

    تعليقك بجد كان مميز جدا...

    ------------

    يا ترى إسرائيل شمتانه فيه دلوقتي؟!

    طيب يا ترى ممكن تبعتله وتقوله عرضنا لسه قائم واختار انت بنفسك؟!!!!!!

    ------------
    والله حاجة تثير الحسرة والمرارة وربما اليأس في قلب كل شريف يحاول يوما المقاومة في سبيل شرف هذا الوطن..


    تحياتي أختي الكريمة.

    ردحذف
  8. مصر الأم لاتنسى أبنائها ..وشعب مصر الطيب ليس بناكرللجميل...
    لابد أن نفرق بين مصر الشعب الطيب ، ومصر النظام الحاكم.....
    وأقدم أخلص تحية للأستاذ محمود سعد ..الذى تحمل مسئولية علاج البطل ..هذه المسئولية التى تجاهلتها الدولة...ربما خوفاً من اسرائيل!!!!!!!!!

    ردحذف
  9. والله الواحد بكى لما قرأ الخبر ده في الدستور
    لما واحد زي أحمد الهوان يتعمل فيه كده
    مستنيين ايه
    هنستنى ايه تاني
    اه يا بلد بايعة ولادك
    اه يا بلد المحترم فيكي ياخد على قفاه والحرامي ماشي مرفوع الراس

    ردحذف
  10. شيئ مفجع فعلا بجد
    لكن اختي رحاب كما قال الأستاذ محمد الجرايحي هناك فارق بين مصر الدولة ومصر النظام والحكومه..فتلك باقية وأولائك زائلون.

    الأبطال امثال الرائع احمد الهوان في قلوبنا والله من غير اي رياء..دا حتى عندك لو اتعرض اي عمل فني عن اي من ابطال هؤلاء الواحد بيبقى مشدود ومشاعره كلها معاه وكأن الواحد بيعيش الواقع دا..فما بالك بقى بأصحاب البطولات الحقيقيه

    طيب بخصوص رقم الموبايل دا .. انتي متأكده منه؟
    اقصد عشان بس نكلم الراجل بجد ونقوله على الاقل كلمتين يحسسوه ان فيه لسه ناس عندها ضمير في مصر

    كل سنه وانتي طيبة
    ^^

    ردحذف
  11. ربنا يستر على مصر بقت بتربى وتحتضن الأفاعى فقط

    ردحذف
  12. هو اللي فلحوا فيه يدوا لعادل امام 4 مليون دولار نظير اعلان فودافون
    صدقتي يا فتفوتة والله

    ردحذف
  13. السلامو عليكم

    يافتافيت
    كل سنه وانتى طيبه
    والبطل أحمد الهوان بخير وصحه وعافيه
    انا هكلمه وهقوله اوعى تندم
    اوعى تتحسر
    اوعى تضايق
    انته مثل اعلى لينا كلنا
    انته عملت كتتتيير وخت قليل قوووى
    بس والله ما هننساك

    كتر خيرك يافتافيت بجد
    انا بجد بقالى مده طويله مشفتش بوست جميييل واثر فيا زاى البوست ده بجد

    كل سنه وانتى طيبه
    وسامحينى انى بقالى مده مش متابع

    تحياتى لشخصك المبهر
    محمـــد التركـــى

    ردحذف
  14. فتافيت..
    بجد دي من اجمل التدوينات اللي قريتها..
    بس للاسف بتوجع..
    لانها بتعبر عن الواقع..
    ......
    ........واقعنا..!!

    ردحذف
  15. بصراحة لم أرى المسلسل، وليس بالضرورة أن أتذكره إذا ذكر اسم الرجل العظيم، لكنني في الحقيقة أعلم أكثر من علمي بالمسلسل وأعتقد هذا أفضل كثيراً، شكرا لكِ ونتمنى أن يكون شبابنا مثال يحتذر به كما كان في السابق البعيد..

    ردحذف
  16. طب بعد إذنك حأعملها صورة بروفايل

    ردحذف

خلل براحتك من غير انتظار .. فتافيت أصلاً بتحب الخيار