صعبت علينا اوي.. وروحنا ساعدنا في إطفائها
حرام ولاد عمنا
مع إنهم شعب الله المختار (يعني هو أولى بيهم)
لكن قلب الأم بقى
وقولنا ديه سياسة.. ومالناش دعوة.. وده كلام كبار
وإحنا أصلا شوية عيال مانفهمش حاجة.. وطبعا شوية عيال
ده اسم النبي حارسه وصاينه.. يفك تلاتة اربعة مننا ماعلينا
لتجيله نزلة برد جامدة.. يروح فيها وأبقى أنا اللي حسدته
مع إن عين الحبيب لا تحسد ولا وتقر :@
لكن نروح بعد ما ربنا ولع فيهم
نزرع لهم شجر بدل اللي ولع
عاااااااااااا.. وخليها عااااااااااا عشان انا متربية
وقال إيه.. تحت شعار
((التضامن الإنساني))
الـــ إيه يا خويا؟؟؟ تضامن وإنساني؟؟!
حسبي الله ونعم الوكيل.. مش لاقيه
كلمة محترمة أقولها
طيب أنا عايزة وفد إسرائيلي.. رفيع المستوى ينزل
يتضامن معانا.. في تسليك بلاليع البلد
ويتضامن معانا.. في لم زبالة البلد
وشوية يجوا يتضامنوا.. في أزمة الماية والكهربا
طيب بلاش يتضامنوا معانا.. بس بلاش ياخدوا الغاز منا
أو يتضامنوا.. ويحلوا عن نفوخ أهلنا شوية
باللي كل شوية يبلونا بيه.. برا وجوا وبحرا
وإشمعنا هم لم يتضامنوا معانا.. أيام الدويقة مثلا
مش كارثة طبيعية.. ماجبوش ليه شوية حجارة من عندهم
وجم (رمموا) الدويقة.. وبغض النظر إن جيتهم كده كده
(هاترمم) البلد كلها.. وهي (مرممة)
لوحدها بقالها سنييين
ولا السيول.. ولا .. ولا .. ولا
لاع.. دول السفراء.. وسفراء إيه بقى تحديدا
مصر والأردن والسلطة الفلسطينية...!
بالإضافة لدول اروبية وأمريكا
ده حسب ما ذكرت القناة السابعة الإسرائيلية..
(عاروتس شيبع)
ورئيس الصندوق القومي الإسرائيلي قال لهم إيه بقى..
(القوات التي قامت دولكم بإرسالها إلينا أنقدت حياتنا ، المساعدات التي تم نقلها جوا منحتنا العون ، تلك القوات قامت بأداء مهامها بشكل متخصص ومحترف وأنقذوا حياة البشر ، لقد نجحنا في منع الحرائق وإنقاذ مواطني حيفا)..
على دم كل أسير مصري ضاع
ولسه بيضيع.. وبننقذ قصاده حياة إسرائيلي
ويا حسرة قلبي..
على دم كل فلسطيني ضاع
وسلطته.. بتنقذ اللي قتلوه وبتتضامن معاهم
ويا حسرة قلبي..
على الهوية الاردنية اللي ضاعت
واللي لسه بيتضامنوا مع اللي ضيعوها
تشويه صورة الحكام العرب.. وبس
هاقوله.. يور ماذر قرعة
هم مش محتاجين.. هم اصلا مولدين
بعيوب خلقية مش مستنين ويكيليكس
ترفع عن تشوهاتم الستار
كل واحد زي الشاطر.. يا خد شجرة
وعلى إسرائيل دغوري
أزرعوا اسرائيل.. محتاجحكم
إيه مافيش دم.. مافيش إحساس
مافيش إي تضامن.. مع ولاد العم
و الله انا طول عمرى يا فتفوتى اقول عليكى بلسم
ردحذفو محضر خير تتحطى على الجرح يا ساتر و لا ميه الاكسجين بتفووووووووورى على طول
ولاد عمنا بقى وبنحبهم قولى حاجه بقى
قوولى ما تقووووووووووووووولى و سمعينى صوتك
نتكلم جد بقى
اللى حصل حاجه تغيظ و تفرس
و مش عارفه ايه وجه الاستفاده من اللى بيحصل
غير بس رفع درجه الفرسه عند كل مواطن عربى لسه عنده دم
روحوا الهى يقرفكم زى ما انتوا قارفينا وبتقرفونا دايما
الشعب الذي فقد ظله
ردحذفوفقد حاجات تانية كبيرة
اكبر من اني اجيب لها سيرة
وهو احنا لينا من غير حبيبنا صهيون يا ولاد
دايما كده بصفتك فتفوتة ناسية تاريخك
دول هم اللي بنوا لنا الاهرامات واحنا بنردها لهم في المسرات :)
والله يا فتفوته يا حبيبتي سابوا اسكندرية غرقت واتفلقت وسابوا المصنع لما وقع فوق العمال وبعتوا فرق إنقاذ دكت المبنى عليهم وهما أحياء بيكلموا أهليهم بالموبايل ..هو فيه كه يا ناس؟؟؟؟؟؟؟ الأوناش تموت بدل ما تنقذ؟؟؟؟؟؟؟ خليهم يزرعوا حيحصدوا ايه الا غضب إلهي
ردحذفمواقف الانظمة الفاسدة لن تتوقف مخازيها أبدأ وهذه ليست أول مخازيهم ولا أكبرها ولا آخرها فمن خان الله من الأزل لا يتوقع منه إلا موالاة الأعداء ولعق الأحذية تحت شعار التسامح وكان مما أدرك الناس من كلام النبوة الأولى "إن لم تستح فاصنع ما شئت "
ردحذفهنستنى إيه لما نفتح صفيحة الزبالة ؟؟؟ زهور الربيع ؟؟ :)
بصراحة معنديش تعليق مناسب انتي قلتي اللي فيه الكفاية انما فوضت امري الي الله حسبي الله ونعم الوكيل
ردحذفلا اله الا الله علي الحقد
ردحذفيا بنتي دول بناة الأهرامات
ويمكن يكونوا هما الي بنوا شبرا وانا مش عارف
يعني لازم تحرقي دمك كده
كبري دماغك وخلي الشعوب تعيش في بييييييس
وماشيها بيييييس عشان خاطري.
فعلا فعلا لا تعليق غير حسبي الله ونعم الوكيل
ردحذفازيك يا فتفوتى يا رب تكونى بخير انا معنديش تعليق لان بجد دى حاجه تفرس وياريت تبطلى حقد بقى الناس دى هى اللى بنت الكرة الارضيه كلها مش الاهرام بس ههههههه^_^
ردحذفاسفه على تقصيري
والله ونعم الإنسانيه فعلا
ردحذفلأ والمصيبه كمان ممكن تكون الأشجار دي من نوع شجر الغرقد اللي مش هيفتن على وجود اليهودي مختفيا ورائها عند المعركه الكبرى بيننا كمسلمين وبينهم كيهود
مصر يوم ورا يوم بتفقد كل عوامل قوتها
قبل كدا القوه العسكريه تراجعت لصالح اسرائيل بعد الحرب
وبعدها كمان انحسرت قوتها السياسيه بعد معاهدة السلام
اللي بيحصل النهاردة بقى هو تراجع تدريجي لقوة مصر الناعمه على حد تعبير الأستاذ هيكل نتيجة انغماسها في لذة علاقتها باسرائيل
الحديث في المسائل دي يطول ويطول
يلا منهم لله بقى الساسه الفشله بتوعنا
الحلو اوي في الموضوع دا انه كشف عن مدى ضعف البنيه الداخليه للمجتمع الاسرائيلي واظهعر اد ايه انهم اضعف من ان يواجهوا اي ازمه زي اللي حصلت دي..والمفروض ان دا يدينا ثقه في نفوسنا ان اسرائيل دي مجرد اكذوبه ونقدر نقهرها زي ماقهرناها في حرب اكتوبر لما عقدنا العزم على كدا واستعنا بالله ثم اعتمدنا على قوتنا الذاتيه
بس وقتها كانت مصر مصتقله سياسيا انما الوقتي حدثي ولا حرج
رغم كل السواد اللي في الصوره الا اني بردو مازلت متفائل بالتغيير الايجابي اللي هيجي ان شاء الله يوما
تقبلي تحيتي وتقديري
عندي غلطه كيبورديه
ردحذفاقصد مستقله مش مصتقله
((^))
واحشتيني يا بنتوتي و ليه الفخر انك بنتي
ردحذفمقال و لا اروع
برغم ما فيه من قنابل و الغام و حرقة دم
لكنه مكتوب باحترافية جميلة
التملق و المحلسة بتكون دائما من الاقل للاقوي و بما انه الحال الذي اخترناه للخنوع و الخضوع فهذا وضع طبيعي
و لسنا في مقام الند لنتحدث عن حقوق بل عن نول الرضا
و هذا من مآثر السياسة و الحكم الحالي
و لله الامر من قبل و من بعد
تحياتي