24 ديسمبر 2010

الدعوة عامة.. لتدوينة العزة

.
النهاردة مش بوست.. النهاردة دعوة
وياريت الكل يتفاعل معاها.. ده طبعا لو عجبتكم اصلا
يوم الأتنين إن شاء الله..
27/12/2010
هاتبقى الذكرى التانية
لمحرقة غزة.. أو عملية «الرصاص المصبوب»

أنا بقترح...
(وفي نفس ذات الوقت هانفذ)
إننا نوحد البوست يومها
ويكون عن أرض العزة.. غزة
.


كل واحد زي ما يحب يكتب..
عايز يحيي الذكرى

بصور المعركة.. بالخسائر أو المكاسب
أو يحكي تاريخ غزة.. رؤيته عن غزة
الحصار.. موقفه من القضية نفسها
زي ما تحب دون..
تدوينة العزة

أنا بتمنى إن الكل يتفاعل مع الفكرة
أقل حاجة ممكن نقدمها لشهداء غزة..
ونقولهم مش ناسينكم..
وأكيد هايجي يوم ناخد حقكم..

مش هاطول عليكم.. بقى
جمعة مباركة على الجميع
إن شاء الله

هناك 6 تعليقات:

  1. ربنا يجعله في ميزان حسناتك فكرة جميلة ياريت كلنا نشترك فيها
    تقديري واحترامي

    ردحذف
  2. فكرة رائعة ان شاء الله يكون لينا فيها نصيب

    ردحذف
  3. معاكي إن شاء الله يا فتوفته بس ابقي فكريني الا خالتك ال زهايمر عندها زايد اليومين دول

    ردحذف
  4. استجابة لمدونة فتافيت :

    تسمى غزة هاشم نسبة الى قبر الجد الثاني للنبي صلى الله عليه وسلم(هاشم بن عبد مناف )المدفون فيها وفيها الامام الشافعي رضي الله عنه , دخلها المسلمون العرب سنة 365 م , احتلها الصليبيون وعادت بعد موقعة حطين سنة 1187م , دخلت تحت الخلافة العثمانية في القرن السادس عشر حتى عام 1917 عندما استولت عليها القوات البريطانية اثناء الحرب العالمية الاولى ,اضيفت الى الدولة الفلسطينية سنة 1947 بعد قرار الامم المتحدة بتقسيم فلسطين الى دولة عربية واخرى يهودية , دخلتها مصر في حرب 1948وفي سنة 1948 وقعت مصر مع اسرائيل هدنة تقتضي احتفاظ مصر بغزة ( ظلت تحت الحكم العسكري المصري )واحتلتها اسرائيل عام 1956 ثم اضطرت للانسحاب منها في مارس1957لتعود للحكم المصري اعادت احتلالها في عام الوكسة 1967حتى عام 1994 حيث استلمت السلطة الفلسطينية (ياسر عرفات ) بعد اتفاق اوسلو 1993 ولم تنسحب اسرائيل فعليا الا عام 2006 انسحاب احادي الجانب وحاصرتها برا وبحرا وجوا وسيطرت حركة حماس على القطاع سنة 2007 بعد مناوشات امنية بينها وبين حركة فتح ووضعتها اسرائيل تحت حصار تام كسروه مؤقتا بكسر معبر رفح حيث دخلوا الى مصر غير امنين على عكس الاسرائيليين المرحب بهم بدون تاشيره في وطنهم الثاني سيناء, وعاد الحصار من جديد وبشكل متقطع للتنفيس ولا يزال بعض البشر من ذوي القلوب الرحيمة من الكفار ! يحاولون الوصول اليهم تارة عبر المعبر المصري ومرة عبر البحر واكتفى الصوتيون والحناجير بمشاهدة قتلى اسطول الحرية على التلفزيون كما شاهدنا جميعا سقوط بغداد وضرب غزة في التلفزيون ايضا وكعادة الجرب في جلد الضحية دوما لاموا غزة والعراق كيف تجرؤون على قول لا في وجه العرابيد ونسوا كما هي العادة ان يقولوا للجلاد كفى واكتفوا بان يقول بعضهم للضحية صبرا والادهى ان يجاهر بعضهم بان يقول للضحية كفى .

    بقي ان نشكر من ذكرنا بتقصيرنا ,وان غزة واجبة النصرة كجار مظلوم قبل ان تكون مسلمة لمن يصيبه الحديث عن نصرة الاسلام بالحساسية , وايضا نذكركم ان غزة ليست القضية بل ان حصرها وحصر الجدل حولها وحول المعبر قلة عقل وتحقيق حلم اسرائيل باللهو عن فلسطين والقدس واللاجئين والدويقة .
    كا ن شروع بوست استجابة للدعوة بس معذرة انا واخد قرار بالتوقف عن تدوينات جديدة لاجل غير مسمى لكن نظرا لانها دعوة لا ترد كانت المشاركة البسيطة دي مع تكرار الاعتذار

    ردحذف
  5. عفوا سقط سهوا ان الامام الشافعي ولد في غزة

    ردحذف
  6. بتقول مناوشات بين حماس وفتح ؟ الم تسأل نفسك ليه حماس طردت فتح من غزه ؟ عشان يابني الجماعة بتوع فتح هم بتوع عباس وعصابة التنسيق الأمني مع اليهود عشان رئيسهم السابق عرفات هو اللي عمل كل مشاريع التسوية والأستسلام وبيع القدس وهو اللي كان صديق رابين مش هو اللي فال اخويا وصديقي رابين بتلوم المصريين عشان قفلو المعبر طب لوم زعامة الفلسطينيين اللي تتفاوض مع اليهود وبينهم علاقات تجارية واخوية
    واقرأة لو سمحت مشاريع خارطة الطريق و خطة تنيت وشوف ايه هوا مشروع حماس وايه هو مشروع فتح والسلطه.. بلاش نقول كلام من غير توثيق .. فتح كانت في غزه زي ما هي دلوقت في الضفة تسليم المجاهدين لليهود اعتقال المقاومين وسرقة ونهب وقمار ودعاره تنسيق امني وغيره .. شكرا

    ردحذف

خلل براحتك من غير انتظار .. فتافيت أصلاً بتحب الخيار