21 يوليو 2011

ســؤال،، بدل ما أتشــــل!!!

.............

وربنا لو جالي شلل،، هايبقى قليل في الأيام العجب دي!!
سؤال الله يكرمكم يارب،، وحد يجاوبني عليه
لا هو مش سؤال،، هما سؤاليــن



ليه
د، حازم عبد العظيم،، يستبعدوه من التشكيل
بتهمة إنه عضو أو مساهم أو مدير أو أي بتنجان في شركة إسرائلية
والحكومة بتاعتنا،، بتصدر نهارا جهارا ،، وبشكل علني
الغاز لإسرائيل؟؟،، طيب الدكتور حازم بريء من ده
ومع ذلك تم استبعاده لمجرد شبهة،، طيب
إيه الحل في التصــدير؟؟!
عـــــــــا؟؟

علل،، يعني إفطـــن....
لما قولنا إن المخلوع ممكن يموت،، طلع لنـــا
مصدر مسؤول وقال إنه لو ربنا خده،، هاتكون الجنازة عسكرية
لإنه فرد من أفراد القوات المسلحة،، ومن أبطال أكتوبر!!
على عيني يا عمنا والله كلامك،، لكــــن
مش العسكريين الأولى بيهم المحكمة العسكرية؟؟!!
ولا هو عسكري في الجنازة،، ومدني في المحاكمة؟؟
مهو يا عسكري يا مدني،،
ولا حتى المخلوع من المتحولين؟؟

حد يرد عليا بدل ما تشــــل،،،
!!!!!!!

هناك 7 تعليقات:

  1. انا معنديش دلوقتي
    بس هابعت ميسد كوول للمجلس العسكري وان ردوا علي هاقولك ^_^

    انا خايف شلل الأطفال يرجع تاني على كبر.. بعد ما مااااااااااااما سوزان كتر خيرها قضت عليه هههههههههه

    ردحذف
  2. ههههههههههههههههههه
    والله عندك حق
    وهايبقى الجديد عندنا
    فيرس شلل الثوار
    ونزل له تطعيم،، رصاصتين مطاطي
    وشمة غاز مسيل للدموع :)))

    ردحذف
  3. غلطان تشل نفسك...مانت عشت حياتك طول عمرها في عصر مبارك وعادي...الظاهر مبارك لسة بيحكم لحد دلوقتي واتضحك علينا...سعد زغلول قال مفيش فايدة

    ردحذف
  4. البركة فى خالد صلاح و اليوم السائع ده حتى لما اتزنق فى 90 دقيقة حاول يفلت بشغل الصحافين القديم اللى احنا اتعلمناه لما تتزنق هاجم

    اما المخلوع فلا مانع من جنازة عسكرية يتقدمها المبيد الحشرى العسكرى على ان نرش عليه جميعا
    اما موضوع المتحولون فبلاش لحسن حد يطلع يقولنا ان حسنى كان اصله سالى و اتعمله عملية و اتحول و يبوظ القضية

    اين بوست التزويغ

    تحياتى

    ردحذف
  5. لأننا لازلنا

    فى عصر مبااارك

    مع الأسف و الأسى

    ردحذف
  6. ولاتتشلي ولا حاجة
    الموضوع بسيط الثورة لسه مادخلتش بلدنا

    اصل اللي حصل ده كله كان بروفه خاليهم بقا يعملوا له جنازة عسكرية خاليها تبقا ثورة بجد الجد بقا

    ردحذف
  7. مش محتاجه شلل والله
    خساره يحصلك حاجه على سؤالين
    اصل لو على الاسئله المريبه مابقاش فى اكتر منها بالنوعيه دى :D

    ردحذف

خلل براحتك من غير انتظار .. فتافيت أصلاً بتحب الخيار