04 مايو 2011

أوبريت (( إخترنــاه ))... برؤية 25 يناير ^_^

/

أظن مافيش أنسب من النهاردة،، عشان الأوبريت ينزل

نصيحة مهمة قبل قراية البوست

لمزيد من المتعة،،. يُنصح
بسماع الأوبريت الأصلي لتنشيط الذاكرة

:
:
:

أسقطناه،، أسقطناه
يوم ما ظهر وإحنا كرهنا،، أسقطناه وخلعناه
من أول كلمــة كرفنــاه،، أسقطنــاه وخلعنــاه
من أول عهــده فقسنــاه،، أسقطنــاه وخلعنــاه
وعلى فلوسنا،، هنجري وراه
وده تأديب من ترهيب،، ولا فشخرة ولا ظلم شباب
دم شهيد،، وحقوق جيل،، ضايعة وأجيال ضايعة معاه ،،
أسقطناه أسقطناه

أسقطناه،، أسقطناه
من غير لجنة ولاء وآه،، أسقطناه وخلعناه
رأيـنـــا حر وأعلانــاه،، أسقطناه وخلعنـاه
بهجوم ثــورة ووقعنــاه،، أسقطناه وخلعناه
والدنــيا كلهـــا شيفـــاه
وده تأديب مش ترهيب،، ولا فشخرة ولا ظلم شباب
ســف بلدنا،، وهو حاكمنـا،، ومش ممكن راح ننسى سوزان
وإحنا وراه لما شاء الله،، أسقطناه وحبسناه

لا هيلهيني،، ولا يخليني،، أنسى المحكمة بينه وبيني
إلا بلدنا،، وحق ولادنا،، وبقولها وأملي فــ الله،،
عشان كده إحنا حبسناه
أسقطناه،، وخلعناه،، وإحنا وراه لما شاء الله،، أسقطناه وحبسناه

بعد ميدانا،، ورفع شعارنا،، بقى كل العالم مصاحبنا
حتى الإخوة هتفوا بنخوة،، راح وأخد الشر وراه،،
عشان كده إحنا خلعناه
أسقطناه،، وخلعناه،، وإحنا وراه لما شاء الله،، أسقطناه وحبسناه

ثورنا وثاروا،، وزاد فــ عناده،، ماسلمش ثاير في ميدانه
وما يحاسب،، حد يقاتل،، وما شوفناش حد إستثناه،،
عشان كده إحنا حبسناه
أسقطناه،، وخلعناه،، وإحنا وراه لما شاء الله،، أسقطناه وحبسناه

أول مرة،، يا مصر يا حرة،، تفتحي باب الحرب المرة
بعد ما دمر ،، غزة وقرر،، يبدأ عهد حصار ودمار،،
وعشان كده إحنا خلعناه
أسقطناه،، وخلعناه،، وإحنا وراه لما شاء الله،، أسقطناه وحبسناه

وفي لقاءاته،، جيمي بكلابه،، ينسى معاهم كل أخلاقه
يدي أوامره،، بتفجير شعبه،، وشوية ويصلي معــاه،،
وعشان كده إحنا حبسناه
أسقطناه،، وخلعناه،، وإحنا وراه لما شاء الله،، أسقطناه وحبسناه

كله بجاحة خطابه بصراحة،، وبيخدع شعبه ببلاغــة
ويخيرنا،، يا ثورة بفوضى،، يا استقرار وأمان وياه،،
وعشان كده إحنا خلعناه
أسقطناه،، وخلعناه،، وإحنا وراه لما شاء الله،، أسقطناه وحبسناه

كنا فـ ثورة،، وهوجة ودوشة،، وقعنا في مصيبة وكارثة
رسم الخطة،، وقال فــ مكالمة،، هاتوا جمل والبغل معاه،،
وعشان كده إحنا حبسناه
أسقطناه،، وخلعناه،، وإحنا وراه لما شاء ،، أسقطناه وحبسناه

بدأ الخطة،، وسكها سكة،، رمى في إيدينا شوية فكة
وقال نتحمل،، لما يكمل،، نهب بلدنا وولاده ويــــاه،،
عشان كده إحنا حبسناه
أسقطناه،، وخلعناه،، وإحنا وراه لما شاء ،، أسقطناه وحبسناه

ده بيعذبنا،، وبيسحلنا،، بجهاز ظالم مالهوش معنــا
ولا ينفعنا،، غير ثورتنا،، هي الهنا والغنا والجــاه،،
وعشان كده إحنا خلعناه
أسقطناه،، وخلعناه،، وإحنا وراه لما شاء ،، أسقطناه وحبسناه

دولة معادية،، وقال دي معاهدة،، ناسي إنها ورقة ودايبة
غازنا وصدر،، قفل المعبر،، منه كفرنا يا خلق الله،،
وعشان كده إحنا خلعناه
أسقطناه،، وخلعناه،، وإحنا وراه لما شاء ،، أسقطناه وحبسناه

أسقطناه،، أسقطناه
يوم ما ظهر وإحنا كرهنا،، أسقطناه وخلعناه
من أول كلمــة كرفنــاه،، أسقطنــاه وخلعنــاه
من أول عهــده فقسنــاه،، أسقطنــاه وخلعنــاه
وعلى فلوسنا،، هنجري وراه
وده تأديب من ترهيب،، ولا فشخرة ولا ظلم شباب
دم شهيد،، وحقوق جيل،، ضايعة وأجيال ضايعة معاه ،،
أسقطناه وحبسناه


على الهامش::
تعبيرية أوبامـا،، أم تعبيرية سرايـا


أعلنت القوات الفيسبوكية عن مقتل الرئيس باراك أوباما
في عملية خاصة قادتها قوات الفوتوشوب
على مبنى في نيويورك وأن صفحتها تحتجز جثته

معتبرين ذلك أعظم إنجاز للقوات!!



هناك 7 تعليقات:

  1. جامدة الاغنية اوي :)
    اما عن اوباما فالصراحة دي احسن رد على صورة بن لادن
    الباين كده لا اتقتل ولا عارفين مكانه شكلها حركات واشتغالات
    تحياتي

    ردحذف
  2. (;
    (:

    جامدة الأغنية

    ردحذف
  3. تحفة
    صيحت لها على تويتر :)))
    مشتاجين جوي جوي يا دميل
    اشوفك في مليونية مبارك بقى:))))

    ردحذف
  4. ثقافة الهزيمة .. العتبة الخضراء

    و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

    و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

    ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

    باقى المقال ضمن مقالات ثقافة الهزيمة بالرابط التالى www.ouregypt.us

    ردحذف
  5. ياااااااااه , كانت أيام
    نفسي كل اللي كانوا بيطبلوا و يزمروا للريس دول يمسحوهم من الإعلام خالص و يريحونا

    ردحذف
  6. يا ري يا ري ي ي ي ي..
    جامدة قوي الاغنية..
    وكمان الصورة بجد اجمد رد على الهبل الامريكي :)

    ردحذف
  7. انا حاشيرها ع الفيس
    و بعدين دي دعاية لمدونتك مش سرقة
    هههههههههههههههههههه

    ردحذف

خلل براحتك من غير انتظار .. فتافيت أصلاً بتحب الخيار