17 أكتوبر 2010

القفــا بـوك... أم الفـايس بـوك!


نظرا لعيوب الفايس بوك الأمريكي.. وما له من أضرار

بالغة على صحة الأم والجنين.. قررت المملكة المباركة

إنشاء موقع
((القفـــــا بوك.. !))




وهذا حرصا منها على صحة الشعب العقلية والفكرية
وإيمانا منها بحق كل جحش في إبداء رأيه.. سواء بالتنهيق

أو بالرفص.. أو حتى بالنفر إن أمكنه ذلك..


::شروط الانضام كجحش بالقفا بوك::

1- السن لا يقل عن 30 سنة.
2-
طول القامة لا يقل عن 170 سم.

3-
الوزن لا يزيد عن 80 كجم.

4-
يفضل أصحاب البشرة السمراء.

5-
عرض القفا لا يقل عن 15سم.

6-
يفضل الغير مهتمين بالأمور الآتية:

-
السياسة (سواء انتخابات أوأحزاب أو حركات أو جماعات)

-
الدين (سواء إسلامي .. مسيحي)

-
السلع (سواء غلاء أو إختفاء)

-
التعليم (سواء مصاريف أو جودة)

-
الماء (سواء تلوث أو أزمة)

-
الكهرباء (سواء إنقطاع أو ندرة)

-
المواصلات (سواء حوادث أو حوادث).


::الأوراق المطلوبة لقبول المستخدم جحشا بالقفا بوك::

1- 6 صور شمسية حديثة.. على هذا النحو:
-
صورة للوجه والكتف بزوم مناسب.

-
صورة للجانب الأيمين من الوجه.

-
صورة للجانب الأيسار للوجه.

-
3 صورة للقفا بزوم مختلف لكل صورة.

2-
شهادة الميلاد الأصلية كمبيوتر.

3-
صورة من بطاقة الرقم القومي.

4-
صورة من جواز السفر.

5-
صحيفة جنائية للجحش.. لغرض عمل حساب على القفا بوك.

ولا يمكن إرسال عكب الفيش.. يجب أرسال الصحيفة كاملة.

6-
وصل كهرباء حديث وآخر قديم.

7-
أرقام هواتف.. منازل وهواتف نقالة للجحش..

وكل أفراد عائلته من الدرجة الأولى والثانية..

وأقرب 20 جار له.. في كل ناحية.

8-
إستمارة 2 جند .. أو تحديد الموقف من التجنيد للذكور.

9-
شهادة إتمام الخدمة العامة للإناث.

10-
شهادة موقعة من عدد 2 مواظفين حكومين

رواتبهم لا تقل عن 250 جنيه.. مختومة بختم الجحش

وعليها طابعين بوسطة.. يقرا بها بأن الأوراق المرسلة

سليمة وغير مزورة.. وإنها لجحش على قيد الحياة.


ترسل هذه الأوراق.. على مبنى أمن القفا بوك وسلامته
في ميعاد أقصاه 3 شهور قبل النقر على موافق لإتمام

عملية التسجيل.. حتى يتثنى للإدارة تحري صحة الأوراق.



::قوانين استخدام القفا بوك::

1- لا يحق للمستخدم التحدث في أي من الأزمات بشتى أنواعها
سواء سياسية أو طائفية أو داخلية أو خارجية

أو حتى أهلاوية زملكاوية.


2- لا يحق للمستخدم نشر أي خبر إلا بعد مرور 3 شهور عليه
وهذا حرصا على التأكد من صحة الخبر والمصداقية.


3- لا يحق للمستخدم نشر إي فيديو أو تسجيل صوتي إلا
بموافقة من النيابة العامة .. موافقة كتابية مختومة بختم الجحش.


4- لا يحق للمستخدم الكتابة أي نوت أو استاتس إلا بعد مرور
6 أشهر على إشتراكه بالقفا بوك.. وتصنيف كقفاوي نشيط.


5- لا يجوز عمل أكثر من 4 لايك.. و3 كومنت على كل منشور
وأكثر من هذا يعتبر تجمع.. ويعرض الكاتب والمعلق للمسائلة القانونية.


6- لعمل أي مجموعة أو صفحة تشجيعية.. يجب الحصول على
حكم من محكمة القضاء العالي.. بصلاحية فكرة المجموعة.


7- لا يجوز أشتراك أثنين من عائلة واحدة بجموعة واحدة
حتى لا يحدث تحالف في بينهم لمصالح شخصية.


8- لا يجوز تغير اسم أي مجموعة بعد الحصول على حكم المحكمة
لمثل أسماء تحتوي.. على سبيل المثال لا الحصر:

كلنا ... - ضد ... - متضاما ... - رافض ...

حكومة ... - رئيس ... - وزارة ... - فين ...

لماذا ... - ليه ... - أين ... - أمته.... إلخ


9- الحد الأقصى لعدد الأعضاء بأي مجموعة 50 جحش
وأكثر من هذا العدد سيصبح تنظيم يعرض المنشأ والمشترك

للمسألة القانونية.. والعرض على المحكمة العاليا.


10- لا يجوز عمل أكثر من حساب على القفا بوك
من جهاز كمبيوتر واحد.. أو أي بي واحد.. وإن حدث هذا

سيعتبر تحايل يعرض الجحش للمسألة القانونية.


لضمان سلامة كل جحش.. وللحفاظ عليه من أي
جهة استحمارية أجنبية.. سيكون حسابه مراقب من جهة

أمنية عليا.. بالاضافة لمراقبة جهازه الشخصي والاي بي

الشخصي.. وإيميلاته الشخصية.. وجميع أرقام الهواتف

التي بعث بها للجهة الأمنية.. ليشترك بالقفا بوك..


::ملحوظة هامة::
لا يقبل الأسماء المستعارة

فاسم المستخدم.. اسم الجحش رباعي

وكلمة المرور.. رقمه القومي المكون من 14 رقم



وقد تم العمل على توفير كل سبل الترفيه
((
بالقفــــا بـــوك..!))

حيث تم تصميم لعبة الرش بالماية على أجهزة الكمبيوتر

حتى تنمي مهارة الضرب بالماء والتصويب على الهدف

وهناك اللعبة التي حيرت العالم كله

وهي كيف تفك سن قلم روترينج .. وتركبه تاني

ولا يمكن لعبها إلا إذا أجتاز الجحش أختبار الذكاء.. أولا

بالضافة إلى العديد من الأبلكيشنز الرائعة

أسأل أم سحلول.. حظك اليوم مليان بالغيوم..

والعديد والعديد من المفاجأت....


القفــا بـوك... أم الفـايس بـوك!

::

البوست الجاي.. هارد على أسئلة
أ/ تامر علي
.. في بوست خريف المدونين

كان المفروض أرد البوست ده

بس القفا بوك حكم

^_^



هناك 33 تعليقًا:

  1. يا عيني عالكلام التمام ...كويس اننا جمهورية مش مملكة بقى ومباركة كمان ....مع خالص تحياتي للحمير

    فين لينك خريف المدونين يا فتفوته خليني اقرا ويارب ما يكون تاح

    ردحذف
  2. هههههههههههههههههههه

    بصراحه مش لاقى كلام اعلق بيه
    بس بوست لاينسى
    جميل جدا

    ردحذف
  3. "5- عرض القفا لا يقل عن 15سم."

    طب اجيبهالك منين بقى؟
    انا مش مستوفي الشرط دا ههههههههههههه

    "وهي كيف تفك سن قلم روترينج .. وتركبه تاني"

    شكلنا هندوس في الحلل بقىىىىىىى
    كله الا الروترينج دا قلمي المفضل سعادتك يعني
    وانا باشجع الصناعه الألماني ومعدتش معامل
    الصناعه الصيني الا في العروسه بس
    ههههههههههههه

    بوست جميل احييكي عليه

    تقبلي مروري مع شدتدين جرجير وكيلو طماطم من ام 10 جنيه

    ردحذف
  4. هههههههههههههههههههه جميل اوى بس احنا مصريين رجاله جدعان

    ردحذف
  5. القفــا بـوك... أم الفـايس بـوك!

    قلة ادب الصراحة حتى لو الكلمة متكتبش

    ردحذف
  6. كلمات من نور

    منورة يا حبي
    انا عدلت البوست ونزلت اللينك فيه
    عشان تدخلي تقري بوست عم تامر
    ومدونة عم تامر اصلا.. فظيعة من أجمل وأرقى
    المدونات اللي بدخلها اصلا

    وبالنسبة للحمير.. مافيش طيب اي واجب لهم
    حبة علف.. حزمة برسيم ^_^

    ردحذف
  7. عمرو يسرى

    مش لازم تكتب حاجة
    كفايا عليا احس ان البوست بجد عجبك
    نورتي ونورت البلوج كله

    ردحذف
  8. على فكرة اقصد نورتني.. مش نورتي ^_^

    ردحذف
  9. قلم رصاص

    على فكرة شرط القفا ده اهم شرط
    امال ايه.. احنا بنسعى لراحة كف كل مخبر :)))

    وبعدين هو انا لا سمح الله زعلت الروترينج في حاجة
    ده حتى منزلاه اهو لعبة لأذكياء الجحوش فقط :)))

    ومش عارفة اقولك ايه على الواجب ده
    كيلو طماطم بحاله
    احمدك يا رب :))

    ردحذف
  10. الــحــــنـــــــــــــــــــين

    ههههههههههههههههههههههه
    اهو هانتفرج قريب :)))

    نورتني :)

    ردحذف
  11. غير معرف

    عم اللهو الخفي
    تصدق بالله انا قرفت من اسلوب اللهو الخفي ده

    عايز تقول الكلمتين دول.. ماتقولهم بحسابك

    وبعدين وهو من الادب انك تصفني بقلة الادب.. يا محترم افندي

    والجملة عادي جدا.. عند اصحاب النية السليمة
    والنفوس السوية.. والتربية المحترمة

    وجملة سافلة.. عند اصحاب النية السيئة
    والنفوس المريضة.. والتربية البايظة

    واظن انت صنفت نفسك بنفسك
    ومش مرحب بيك هنا

    ردحذف
  12. والقادم اسوأ
    دايما بوستاتك ليها طعم مميز تغيبي تغيبي وترجعي بقنبلة تدوينية تفجريها في عقولنا عشان نقعد نفكر
    تحياتي
    تقبلي مروري

    ردحذف
  13. طب دة القفا بوك

    هيكون منافس قوى بقا شوف الحكومة لما تحب تدلع الشعب بتاعها متحرمهوش من حاجة

    حتى الفيس بوك

    هيعملوه بنسخة خاصة للجحوش (:

    جااااااااااااااااااااااامد (:

    انا قلت لك ان الأغنية الجديدة جميلة و لا لأ

    بس أغنية جميلة جدا كلمتها بسيطة مش مكلكعة

    (:

    ردحذف
  14. من حقك كمواطنه تعمل في صالح الأمن العام ان تطالبي ببراءة اختراع القفا بوك والحصول على عوائد اعلاناته لمدة 5 سنوات اسوة بالشركة الفرنسية المشغلة لمترو الانفاق :)
    ياريت بس هما يسيبونا في حالنا وميلعبوش في سعر الاوطه اكتر من كده انتقاماً من رواد الفيس بوك :)))

    ردحذف
  15. ههههههههههههههههه

    اضحك الله سنك يابنوووتة بجد روووعة

    ردحذف
  16. وجملة سافلة.. عند اصحاب النية السيئة
    والنفوس المريضة.. والتربية البايظة

    مش النية السيئة لكن لفظك غير محترم وباين وواضح مش محتاج نية ولاغيرة واقصد بقلة ادب على اللفظ وبعدين المتربى المحترم مش يحب يرددة ولايسمعة مش كل حاجة نقلد اعلانات ميلودى السافلة بالفاظها يامحترمة

    ردحذف
  17. السلام عليكم
    هههههههههههههه
    روعة اهو هتلاقي ناس هيشتركوا بالقفا بوك
    كلام جميل فيه سخرية
    ربنا يوفقك ويبعدك عن القفا بوك
    ههههههههه
    سلامي ليكي.

    ردحذف
  18. ههههههه هههههههه ههههههههههه
    بجد مقدرتش اتمالك نفسي من الضحك اووي
    بس تعرفوا ان اصلا في ناس ع الفيس بوك زي اللي بتتكلمي عنهم بالظبط ...بس انت كدة ظلمتي الجحش اووي ...كلامك بجد في الصميم

    ردحذف
  19. السلام عليكم

    اخبارك
    ايه
    فينك
    مختفيه
    موضوعك
    رائع
    واحنا نستحق اكتر من كده
    لاننا عملناه فى نفسنا

    ردحذف
  20. ههههههههههههه
    يعنى فيه شروط للانضمام
    وفيه اوراق مطلوبه
    وكمان قوانين للاستخدام تحكمنا
    كل ده لالالالالالالالالالا انا مش لاعبه
    انا ح ادور على فقا غيررررر الاقفا هههههههه
    جميله البوست الساخر ده
    تسلم ايدكى
    قبلاتى بقى اليكى

    ردحذف
  21. ضحكت جدا ولكنه ضحك كالبكاء
    فشر البلية مايضحك
    تفوقتي على نفسك
    تحياتي

    ردحذف
  22. اعتبروني عضوة مؤسفسة في القفا بوك
    مع اني ها اضطر اطلب منكم تعملوا معايا واجب وكوسا
    لأن قفايا مش بالعرض الفخم ده كله :)

    ردحذف
  23. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    ردحذف
  24. السلام عليكم ورحمة الله
    سعدت كثيرا بتواجدي هنا
    وفقك الله
    موضوع اكثر من رائع

    ردحذف
  25. ايه يا فتفوته
    الشروط المجحفه دي

    مش قادر الاقي شرط واحد ممكن اترشح بيه

    كده هتخسروا قفا في حملتكم المرفوصه قبل النفرة الكبري

    ممكن واسطه

    تحياتي

    ردحذف
  26. فتفوته هتجنينى بموت فيك وفى بوستاتك وتعليقاتك ماشاء الله عليك خسارة فى المدونه السوده دى ربنا يزقك بواحد فوشى بمبى كده حاجه من اللى يفرح القلب..زيار بيختى تقلعى الاسود ده بقى علشان صحتنا وبرضه انت صغيرة على الاسود ده
    بنت فتحيها ربنا يفتح عليك
    وعثل وتجننى كالعادهة وام البنات بتحبك موز وعنب وخوخ

    ردحذف
  27. ههههههههههههههههههههه
    عجابني اوي
    علي فكره هتلاقي كتير اوي هتشترك
    يا مكتر القفا عندنا
    اه ياقفا ياقفا ياقفاااااا
    فكره لذيذه وكلام دمه خفيف

    ردحذف
  28. القفا في كل بلاد الدنيا حاجة وعند الشعب المصري حاجة تانية خالص..
    القفا في أي بلد عبارة عن قاعدة يرتكز عليها الإنسان كي تعلو هامته، ويتألق جبينه، ويرتفع رأسه إلي عنان السماء..
    لكنه عندنا "مسخرة" له أمثال ونوادر وحكايات ويقاس به قدرة الإنسان علي التحمل..
    في حين من المفترض أن يكون "القفا" عند أي بني آدم هو تلك المنطقة التي تعلو الظهر ويحظر الاقتراب منها، لكنه عند بعض الناس ليس مجرد منطقة معزولة تغطيها ياقة قميص..
    فالسيد أمين الشرطة يتعامل معه باعتباره منطقة نفوذه التي يعبث بها كيفما يشاء ويتأكد عن طريقها من قدرات الشخص "المضروب عليه" علي التحمل.. في حين أن الحلاق يعتبره فرصة لإظهار قدراته لأن البني آدم عنده "مجرد قفا"..
    أما الفنان فيري أنه يكشف قدراته علي الظهور بصوته فقط ليعرف مدي تأثيره لدي الجمهور..
    بينما يتعاطف عالم النفس معه ويعتبره مكانًا الاقتراب منه جريمة..
    لكنه في نظر الساخرين مكان "يهلك من الضحك".. وفي الأمثال "خدنا إيه من وشك عشان تدينا قفاك"..!
    (:
    دمت بخير

    ردحذف
  29. انا متابعة جديدة بس الموضوع حلو جدا ..وعلى فكرة انا احد ضحايا الفيسبوك او ممكن تقولي في مرحلة قلب الفيسبوك وتركه في سلة مهملات الاخرين
    ...:) موفقة واتمنى قراءة المزيد

    ردحذف
  30. ده كده مش طلب التحاق ده فيش و تشبيه هههههه الموضوع ده قوي جدا برافوا عليكي

    ردحذف
  31. فتافييييت فييينك

    طيب

    كل سنة و انت طيبة

    عيد أضحى سعيد (:

    ردحذف
  32. رامي

    وانت طيب وبخير وسعادة
    انا هنا بس عرفش ليه ما بدونش

    المهم انك بخير :)

    ردحذف
  33. ربنا ما يحرمني من تعليقاتكم عندي
    تعليقي جه متاخر عارفة.. بس حقكم عليا

    هاخدة جاوة بقى عندكم
    عشان كلمك وحشني

    ردحذف

خلل براحتك من غير انتظار .. فتافيت أصلاً بتحب الخيار