03 أبريل 2010

أحمد مهنى.. ليه؟؟



انا لا يهمني البرادعي.. ولا غيره
ولا الثورة الخضراء.. ولا حتى الحمراء

اللي قهرني.. هو اعتقال أحمد مهنى بالشكل ده؟؟
هو مش فيه حرية فكرية؟؟
وحرية ثقافية..
وحرية عقيدة
وحرية...............


كل يوم حرية منهم تموت قصاد عيني
هو فيه ايه يا ناس؟؟؟

هاقول ايه بس..
لا حول ولا قوة إلا بالله


واحدة صديقة قالت.. انهم اعتقل احمد
بدل كمال جبريال.. عشان محدش يقول ان
الحكومة ضد الكتاب المسحيين!!
طيب ليه اصلا مصادرة حرية الفكر؟؟

بصوا.. انا مابحبش البرادعي
ولا عايزاه يمسك حكم

بس كمان.. انا بشمئز من مصادرة الرأي
ما كل واحد حر في رأيه
ويعبر عنه بطريقته
ليه كده؟؟؟؟

:@

هناك 4 تعليقات:

  1. مساء الخير يا فتفوتة هانم
    بتشمئزي؟
    يعني انتي حالة فريدة؟
    ما كلنا مشمئزين من بدري

    وحتى قصة بنحب البرادعي دي مش هي الحدوتة
    ها نحبه على ايه
    ولا نكرهه ليه
    بنقيمه موضوعيا على اي اساس

    القصة ان الواحد تعب قوي من كتر اللي بيسمعه
    الله يخرب بيت مصادر الأخبار
    لو كنت اولع في جهاز الكمبيوتر كده واعيش مرتاحة
    أءكل واشرب وانام
    مش ده الغرض القومي لوجودنا
    اما عن تشغيل مراكز التفكير
    فده مش مطلوب خالص

    المهم انتي سخسيا عاملة ايه؟ طمنيني
    وحشتي المدونات

    ردحذف
  2. السلام عليكم
    بصراحة مش عارف الناشر دة عمل اية عشان يعتقلوه وهل هوا يستحق دة ولا لا لكن عموما انا ضد الظلم او الحجر على الحرية الفكرية لاحد اذا كانت غير متناقضة مع الكتاب والسنة لكن برضة انا مع ان للحرية حدود وهى ان الانسان يكون مقيد باوامر الله ونواهية لان دة هوا صمام الامان الوحيد لحماية الفرد والمجتمع
    تحياتى ليكى

    ردحذف
  3. أنا سمعت إنهم سابوه خلاص ... لكن بدون أي حيثيات للقبض عليه أو الافراج عنه ... يعني دي تكية وياخدوا اللي ياخدوه ويسيبوا اللي يسيبوه من غير أي حساب من أي جهة
    مفيش فايدة

    ردحذف
  4. فتفوتة العزيزة يسعد مساك
    كل التضامن مع احمد و مهما حاولوا يا عزيزتي مصادرة اي نوع من التعبير عن طريق السجن و الاعتقال لن يستطيعوا ابدا بهكذا ممارسات الا ايقاد نار التغيير التي يتمتع بها اصحاب الضمائر الحية و لن يثنيهم ذلك عن عزمهم في ان يعيشوا في ظل اوطان حرة كريمة

    ردحذف

خلل براحتك من غير انتظار .. فتافيت أصلاً بتحب الخيار