20 سبتمبر 2012

هو ونفسه،، في المراية!





كان بيستغرب أوي،،
هو ليه دايمًا يبص لنفسه في المراية وهو بيبكي
؟!
إحساس غريب
،، إنه يشوف دموعه نازلة قصاد عينه،،
بس هو عمره ما حس إنها مجرد مراية
،،
كان بيحس إنه شخصين
،،
واحد بيبكي ودموعه مغرقة وشه
،،
والتاني باصص جوه عيونه
،،
و ماكنش فاهم
،، ولا عارف ليه ده بيحصل؟!!

مع كتر دموعه
،، قصاد مرايته فهم
إنه ده الأمـان
!!
هو محتاج يحس بالأمان
،، يحس إن فيه شخص
ممكن يبكي قصاده من غير خوف
،، من غير تردد ومبررات
شخص
،، ما يخافش يبان ضعيف قصاده
ما يخافش
،، إنه يكسره وقت ضعفه ده
شخص
،، يحس إنه معاه وقت إنهياره
مش عشان يستغله لا
،، عشان يكون جنبه ويدعمه!
من وقتها أيقن
،، إن مافيش حد
أقرب ليه
،، من نفسه
إن وقت ضعفه
،، هو بـس
اللي يقدر يجبركسرته
،، لأنه الوحيد اللي حاسس بيه!
*
* ** ** ** **
وقت البكا،،
أكتر وقت بيكون فيه الإنسان ضعيف
،،
اختار كويس اللي يكون جنبك ويّا دموعك
،،
لأنه يأما يقويك بجد
،، أو تستنى موتك على إيده بالبطيء!






هناك 9 تعليقات:

  1. ياااااااااااااه يا دودو
    فينك من زمان بقى؟؟؟

    وحشتيني اوي،،
    ووحشتني ايام جميلة عدت برضو هنا :)

    ردحذف
  2. أزيك يافتافيت

    و كأن البوست مكتوب علشانى (:

    و تحذيرك جه على الجرح للأسف

    للاسف

    ردحذف
  3. فعلا ده حقيقي اويي .. وياكتر اللى بيموتونا بالبطئ .. ياكترهم بجد :S

    جميــل جدا التعبير تسلم ايدك :)

    ردحذف
  4. مساء الغاردينيا
    دائماً نحتاج من يمسح بكفيه دموعنا
    نبكي أمامه ونحن ندرك أنه يستطيع بدفئه
    أن يمسح على جروحنا بأمان قبل دموعنا "
    ؛؛
    ؛
    رائعة يافافي لمستِ الروح
    لروحك عبق الغاردينيا
    كانت هنا
    Reemaas

    ردحذف
  5. جمييييييييلة اووووي
    كنت قريب كاتبة حاجة عن المراية برضه وكانت محيراني عشان بشوف فيها شخص تاني غيري
    بس وجهة نظرك مختلفة اني لازم الاقي نفسي انا ونفسي دي هي اقرب حاجة ليا واكتر حد المفروض يفهمني

    تعرفي
    صحيح لازم نختار اللي نبكي قدامهم لان الناس بتتغير واللي بكينا قدامه النهاردة ممكن نبكي عليه بكرة ونندم

    فرحت اني جيت هنا

    ردحذف
  6. ما حك جلدك مثل ظفرك

    هي فعلا كدة.. ماحدش أقربلك منك

    والبكا من أكتر اللحظات الإنسانية صدقاً

    ما علينا طبعا من دموع ليس فيها إلا البريق

    تسلم إيدك

    عجبتني قوي التدوينة

    ردحذف
  7. فعلاً اللحظات دى بتبقى حساسة أوى
    الواحد مش بس بيحتاج حد يمسح دموعه
    ده كمان بيبقى محتاج يحس بالثقة أنه يبكى ويحكى
    ويفرغ من ثقل الأشياء ..
    راقت لى ولامست شيئاً بداخلى ..

    دمتى بسعادة :)

    رووووزى

    ردحذف

خلل براحتك من غير انتظار .. فتافيت أصلاً بتحب الخيار