07 أكتوبر 2011

نقابة المدونين



كل مدون بيحلم بحفظ حقوقه الأدبية والفكرية
كل مدون بيحلم إنه مايلاقيش تدوينته منشورة باسم
شخص تاني بعد ماتعب فيها

إحنا كمدونين من حقنا يكون في جهة
تحمي حقوقنا الأدبية والفكرية من السطو عليها

الجهة دي لازم تكون نقابة
أيــــوة نقـــــابة للمدونين
ماتستغربوش


 دي مجرد فكرة بدأت بحوار
عادي بين أخوة مدونين

مصطفى سيف
صاحب مدونة
طير الرماد
رحاب الخضري
صاحبة مدونة
فتافيت ربع قرن
نهى صالح
صاحبة مدونة
كلام فاضى

وتحــــولت لحلــــــم كبيـــــر
بنحلم بيه ونفسنا نحققه
علشان نحفظ حقوقنا بشكل محترم

لــــــو الفكرة عجبتكم
أنشروا البوست ده في مدوناتكم ...
ولو إنتشرت الفكرة ولاقت ترحيب..
ساعتها هنقدر ننشر التفاصيل وندخل في تنفيذ الفكرة

مش هنقدر ننفذ فكرتنا لوحدنا
شاركونا بأرائكم وأفكاركم وأي استفسارات لكم
على أي مدونة من المدونات التلاتة

كلام فاضى
طير الرماد
فتافيت ربع قرن

يمكن الفكرة تكون مستحيلة
بس لو حاولنا مع بعض هنقدر نحولها لواقع!


ودي الفــــان بيــــج
أضغط،،،
بتاعة المشروع،،
شاركونا،،!
:

هناك 7 تعليقات:

  1. طبعا هي اكيد مش هاتكون نقابةى بشكلها الرسمي
    يعني ممكن تكون جمعية،، رابطة،، بس لازم تكون شيء معترف بيه... حتى نقابة مهياش مستحيلة على غرار نقابة الصحافين الالكترونين!

    ردحذف
  2. احنا كنا اتكلمنا في الموضوع ده ايام ما انتشرت سرقة البوستات ونشرها في المنتديات وقلنا لازم حفظ الحقوق الادبية للمدونين بطريقة رسمية وبعض الناس قالوا هيسألوا على الخطوات الرسمية وقالوا انسوا يا جماعة :)) لكن مفيش مانع من بعث الفكره من جديد واهو على الاقل يقولوا رايح فين ؟ رايح النقابة جاي منين ؟ جاي من النقابة :))

    ردحذف
  3. نتمنى الحلم يتحقق

    ردحذف
  4. حمد الله ع السلامة يا فتافيت (:

    مش تطمنينا نزعل يعنى دلوقت و لا نعمل ايه

    اهم حاجة رجعتى بالسلامة

    ...............

    بالنسبة للنقابة او الرابطة

    ربنا الموفق

    ردحذف
  5. فكرة جيدة وجميلة جداً ممكن تكون أكثر وأكثر إذا كنتم تبنيتم الأمر بالفعل فعلنا شئ شبيه يسمى

    رابطة هويتي إسلامية توقف منذ فترة ولا مشكلة أن أشترك معكم في احيا مثل هذه الفكرة

    ردحذف
  6. السلام عليكم

    تحياتى
    هى فكره كويسه
    بس متهيأ لى التنفيذ حيكون صعب جدا
    متهيأ لى لازم الاتصال بجوجل
    وانا مشترك معاكم
    تحياتى

    ردحذف
  7. الفكرة اكتر من رائعة :)
    ياريت تتنفذ فعلا

    ردحذف

خلل براحتك من غير انتظار .. فتافيت أصلاً بتحب الخيار