30 أغسطس 2011

عيد سعيد،، عيّد على أخواتك في الصومال!

.................

عيد سعيد عليكم كلكم،،، عيد كله فرحة إن شاء الله
عيد سعيد،، عشان طول عمري فاكرة إن عيد مبارك
يعني العيد بتاع مبارك،، عشان كده عيــد سعيــد
عشان ولادنا لما يطلعوا يفتكروا انه بتاع خالد سعيد


كلنا بنعيد وفرحانين،، بس فيه قلوب مكلومة
ياريت نفتكر أهالي الشهداء ،، ونتصل بيهم نعيد عليهم
هتلاقوا هنا (أضغــط) أرقام أهالي بعض الشهداء
مكالمة مش هاتخسرك،، بس هاتفرق معاكم كتير

كلنا بنعيد وفرحانين،، بس فيه شعوب حزينة
أوعوا تنسوا أخواتكم المسلمين اللي لسه متحرروش
في فلسطين وزنجبار والصين وتنزانيا،، وغيرهم مش شعوب المسلمين
أدعوا لهم بالحرية والنصــر،، ماتنسهومش في العيد

كلنا بنعيد وفرحانين،، بس فيه سوريـــا
النهاردة بس راح 14 شهيد،، أدعوا على بشار
ربنا يأخذه أخذ العزيز المقتدر،، وأدعوا لأخواتنا هناك
ربنا يثبت خطاهم ويقوي قلوبهم،، ويقرب النصر منهم،، آمين

كلنا بنعيد وفرحانين،، بس فيه الصومال
ممكن نعيّد عليهم،، ونعمل خير بجد،، مش من بتاع الفستان البمبي
هانبعت كلنا النهاردة رسالة فاضية لرقم،، 9596
الرسالة بــ 5 جنيه،، هاتوصل لأهلنا في الصومال
هدفنا تجميع 100 ألف جنيه عدية لهم،، تروح كمواد غذائية
الجهة المشرفة على التبرعات،، اتحاد الأطباء العرب
عايز تتبرع بأكتر من 5 جنيه،، أبعت أكتر من رسالة

كل سنة وإحنا أمة واحدة،، جسد واحد
كل سنة وإحنا منصورين،، وفي طريق الحرية ماشين
كل سنة وأمة محمد كلها فرحانة،، وراية الإسلام مرفوعة
ربنا يعيده علينا،، وعلى مصر كلها مسلمين ومسيحين بخير وبركة
عيـــــد سعيـــــــــد،،
سعيد ها سعيد :)


هناك 3 تعليقات:

  1. يارب يكون عيد سعيد على الدنيا كلها

    ردحذف
  2. امييييييييييين
    تسلمي يا مرمر سا قمر <3

    ردحذف
  3. كل سنة وانتي طيبة يا رحاب
    وكل سنة والامة الاسلامية والعربية بخير
    وربنا يرفع عن كل وطننا العربي البلاء
    وبخاصة اهل الصومال
    والله الذي لا اله الا هو لو ان امراء الخليج اخرجوا زكاة مالهم ليكفوا اهل الصومال لكفوهم لكنهم للاسف يفهمون الدين خطأ
    يستخدمون الدين لترسيخ قواعد حكمهم ولا يؤدون واجباتهم نحو المسلمين
    تحياتي

    ردحذف

خلل براحتك من غير انتظار .. فتافيت أصلاً بتحب الخيار