17 أبريل 2011

تحية إجلال لأبو خضرة.. وسلام للبوابة

>

إحساس رائع لما تلاقي ناس ما تعرفهاش بتحبك،،
ولأنها مش مستفيد منك، فبيكون حبها حب حقيقي وصادق
أنا واحدة من البشر فقدت ثقتها في كل الناس،،
القريبين قبل البعاد كمان
لكن باللي شوفته النهاردة في منتدى أبو خضرة
(( قولت لسه الدنيا بخير فعلا ))
منتدى أبو خضرة من متابعين مدونتي،،
وكريت ليا قسم خاص
ده من حوالي سنة وشوية،،، لما الثورة بدأت
أنا أختفيت بسبب إنقطاع النت
ولما رجع فضلت الدخول عـ الفيسبوك،،
ومدخلتش البلوج خالص
وما كنتش متخيلة إن عدم دخولي هنا،،
ممكن يثير قلق حد عليا
بس أعضاء أبو خضرة قلقوا عليا فعلا
وعلى رأسهم أبو خضرة

اللي حط إعلان على رئيسية الموقع.. بيقول فيه



هو أنا طابعي مش مرهفة الحس، وكده يعني
بس بجد دموعي نزلت، إحساس حلو أوي أوي
إنك تتأكد إن فيه ناس بتحبك، وبتقلق عليك حقيقي مش تمثيل
رغم إنهم حتى ما يعرفوش اسمك الحقيقي إيه
ولما دخلت على توبيك ده ، أضغط
وشوفت كلام أبو خضرة مع أحد الأعضاء
حسيت بحاجة غريبة، مش عارفة أوصفها خالص
بس ما فيش أروع من أنك تحس إن كلامك بيأثر في حد بجد
ألف تحية وسلام،، لمنتدى أبو خضرة الجميل
ومافيش كلمة توصف،، اللي عايزة أقوله


كمان بحي سايت البوابة الإخباري
على متابعته مدونتي المتواضعة،، ونشره لأجزاء من

بوست زلزال الثورة،،
وسماه زلزال كذبة أبريل

وبوست خطاب اللمبي،،
وسماه خطاب رئاسي من طرة

متشكرة جدا لسايت البوابة
ولمحرر المقالات

على الهامش:

هو المتحف المصري ده بتاع مين؟؟
مش برضو بتاع شعب مصر؟؟ ولا زاهي حواس اشتراه؟؟
يعني إيه لما يفتح بيت أزياء.. يصور الدعاية في المتحف؟؟
مهو لو ورث له يقول لنا.. حتى نسميه المتحف الزاهي!!
لكن يفتح المتحف بليل... ويصور دعاية ويستعمل فيها الآثار
اللي أصلا مكتوب عليها... ممنوع التصوير.. يبقى مافيش
غير كلمة واحدة هي اللي تصلح كرد فعل للحدث،،
بس حيائي يمنعني
إني أقولها،،
حفاظا كمان على مشاعر المتابعين الأفاضل

السايت بتاع بيت الأزياء.. أضغط

وأنا بدعو كل متابعي فتافيت،،
إنهم يشاركوا معانا

في حملة بلغ عن زاهي حواس
هانبعت إيميل لحكومة د. شرف على العنوان ده
pm@cabinet.gov.eg
نبلغ باللي حصل.. ونطالب بالتحقيق في الواقعة
وإتخاذ الإجراءت اللازمة.. والعقوبة المناسبة

حاجة مهمة:

كل سنة ،، وأخواتنا المسيحيين
بخير وسعادة وهنــا
^-^







هناك 24 تعليقًا:

  1. هو ده فعلا اللي بيسعد
    ان تلاقي ناس بتدور عليكي لما تغيبي ماتعرافيهمش
    ولا يعرفوكي وبيحبوكي فعلا في الله

    ومش عايزين منك حاجة غير المشاركة الحواريه والتواصل

    بس برضوا بيبقا في منهم اللي عايز يجرحك وهو برضوا مايعرفكيش

    :)

    ردحذف
  2. نسيت صحيح الصور دي تركيب ولا فعلا هوه مصورين جوه المتحف فعلا

    علشان يتصور جوه المتاحف بيتعمل تصريح وبيدفع تكاليف جامدة وبيكون لها اماكن معينة للتصوير

    هل هو عمل ده

    بس ماينفعش يتصور الموديل وهو قاعد علي كرسي اثري ممكن يتصور جنبه لكن مش عليه
    الا لو كان ده الكرسي التقليد اللي في القرية الفرعونية

    ياريت نتأكد قبل مانعمل الجروب من الكلام ده علشان مايتقالش علينا مش فاهمين

    ردحذف
  3. ياه فعلا هي دي الطبطبة عالقلب يا أجمل فتفوته ياللي حبايبك كتير يا قمرايه ....موضوع حواس تم العمل فيه بس عايزين نتأكد إن الصور دي مش فوتو شوب ولو إنها حتى لو فوتو شوب لازم تصاريح من المتحف ...بس شكله اشترى المتحف من مصروفه الشخصي هو كمان ....تسلمي يا فتفوتيي

    ردحذف
  4. إحنا منعرفش اسمها ولا شكلها .. ولا هي ساكنة فين .. بس صفحتها بتنادي

    يابختك يا فتافيت

    حب الناس لا يُــقدر بثمن

    وأنتي فعلاً تستاهلي

    تحياتي

    ردحذف
  5. السلام عليكم .. شكرا شكرا للأبنة فتافيت وللمدونة وللمشاركين فيها وشكرا للثورة المجيدة وشكرا للذين قطعوا الأنصالات وهم يعتقدون أنهم قد عزلوا الأحرار وأفكارهم وأحلامهم عن العالم , بينما هم في واقع الحال قد زادوهم قربا والتصاقا وحميمية أكثر مع صناع الحرية في مصر وسواها , كان مخاضا عسيرا ومقلقا .. ولكن المولود كان رائعا ومدهشا .. هم اعتقدوا واهمين أن العقم الثوري والسياسي صار في الشعوب العربية مرضا لا شفاء منه .. وسرعان ما تبين أنهم يحدثون أنفسهم أمام مرآة مشروخة كالمصابين بالأنفصام .. وصار واضحا للعيان أنهم كانوا مجرد كذابين وأن بيتهم الواهي لم يكن ليصمد أمام صيحة طفلة مصرية كانت تهتف " أحلف بسماها وبترابها الحزب الوطني اللي خربها " كان واضحا في صرخة امرأة مصرية منقبة تصيح في الميدان مخاطبة مبارك : وديت ولادك على لندن .. أنا ف بطني ولد عمره سبعتشهر .. حقدمة هدية للثوار .. يموت .. يموت وتحيا مصر .. هذه هي القصة ! لذلك كان العرب مندهشين من الفعل المصري خلال الثورة وما بعدها .. والباقي عندكم .. والحمدلله ع السلامة
    نعم لم يكن لدينا مصلحة في محاولة التواصل معك .. فقد كنا على يقين أنك جزء من هذا العمل الرائع وكنت واحدة ممن حققوا الحلم بالحرية وكانت بصمتك واضحة سواء في الفيسبوك أو في صرخة أو في لهفة أو في كوب ماء أو رغيف خبز أو يد حانية لامست قلب أحد الثوار .. مصلحتنا الوحيدة كانت في أنه حين تكتبين او تتكلمين أو تصرخين بالآه .. أننا نسمعك .. ونشد على يدك .. ونقول سلامتك سواء كنت في مصر او تونس او البحرين او ليبيا .. أنتن بناتنا أخواتنا اُمهاتنا .. أنتن صانعات هذا الجيل الذي ولد من رحم الحرية .. كل عام ومصر بخير ..

    ردحذف
  6. بصراحة أول مرة اسمع عن موضوع بيت الازياء
    اي كان لو هذا صحيحا فهو مرفوض شكلا وموضوعا

    ردحذف
  7. يا فتافيت السكر انت لازم الناس تفتقدك لما تغيبي عنهم لانك حد مميز وماشاء الله نشيطه فا بتاثري في اللي حواليك :)
    انا شكلي ها اعملك اعلان زيهم عشان بقالنا فترة مش بنتواصل :)
    اتمنى تكونٍ ديما بكل الخير يا فتافيت :)

    ردحذف
  8. حمد الله علي سلامتك

    حب الناس شي لا يقدر بثمن

    من احبه الله احبه عباده و ملائكته

    آدام الله عليكي الحب و الفرح و السعادة

    تحياتي

    ردحذف
  9. (:

    و أنت طيبة و محبب فيكى خلقه يا رب

    ردحذف
  10. بصي بقى انت عثل عثل وانا بحب اجى هنا

    بس السونجايه جامده حسنى تعالا بينا يالا

    هههههههههههه بجد تحفه

    ردحذف
  11. شمس النهار

    أهلا يا شمسنا الجميلة
    والله هو عندك حق.. بس عايزة أقولك حاجة
    إنك لما تلاقي حد بيحبك وهو ما يعرفكيش.. بتفرح أوي
    لكن لما تلاقي حد جرحك وهو ما يعرفكيش.. بتكبري
    يارب دايما منوراني :)

    ردحذف
  12. شمس النهار

    معتقدش انها تركيب خالص
    وحتى لو تركيب.. اهو اتخلع النهاردة وخد سنة حبس
    عقبال الباقي يا رب .. بلا وجع قلب :))

    ردحذف
  13. كلمات من نور

    ربنا يخليكي يا خالتو.. يارب
    وبعدين فوتو شوب ولا نو.. اهو خد اللي فيه القسمة
    وبعدين اشتراه من مصروفه.. ليه هو ابوه كان بيديله كام على كده... :))

    عقبال باقي الكلاب.. لما يلبسوا احكام نهائية
    بموت فيكي يا خالتو <3

    ردحذف
  14. Ahmed El_desouky

    مهو كلامكم ده.. اللي جايبني ورا :)))
    ههههههههههههههه
    ربنا يخليك يا احمد يا رب
    نورتني يا معلم :)

    ردحذف
  15. ابو خضرة

    أبو خضرة... الله يسلمك ويسلم أهل الأردن جميعا
    ومتشكرة جدا على حاجات كتير اوي
    ابو خضرة قدمهالي يمكن حتى من غير ما يقصد
    كل سنة وشعوب الأرض كلها بخير
    بتتنفس حرية.. وعايشة بسلام
    وسلاااااام كل الناس :)

    ردحذف
  16. Casper

    المهم انك سمعت عنه
    والأهم من زاهي حواس اتخلع واتحبس سنة
    يلا في داهية بقى.. عقبال الباقي
    نورتني يا شبح :)

    ردحذف
  17. Timo..

    تيمو .. ^_^ يا تيمو
    ربنا يخليك وده بعض ما عندكم يا فندم.. والله
    على فكرة انا باجي عندك..
    ومافيش بوست نزل ما قرتهوش.. شوفت بقى
    بس المشكلة اني بكون في مود...
    مش تمام.. هو أنا أقدر ما أدخلش عند تي..
    بالذمة ده كلام برضو :))
    ويارب دايما تكون بخير.. وناجح زي
    ما متعودة عليك :)

    ردحذف
  18. الشاعر الفنان أحمد فتحى فؤاد

    فعلا حب الناس.. ما يتقدرش بتمن
    ربنا يخليك.. ولك بالمثل
    إن شاء الله... تحياتي وإحترامي

    ردحذف
  19. Ramy

    رامي كل سنة وانت طيب
    عديت النهاردة قصاد كنيسة ماري جرجس
    وتقريبا الناس خصلت صلاة وطالعين.. وكنت هاموت
    واخد منهم واحدة خوص.. من اللي شاغلينهم
    تحفة بجد... بتعملوها ازاي دي :)

    ويارب دايما منورني :)

    ردحذف
  20. mena

    والله انتي اللي ثكر ثكر يعني :))
    عجباكي السونجاية اتفضليها يا قمر
    انا اكتر حاجة عجباني.. سوزي اللي بتاخد تان :))
    ايكش تتحمص.. وتبقى بكاكا دسا :))

    ردحذف
  21. ربنا يحبب فيكى خلقه كمان وكمان يارب انتى تستاهلى كل خير يارب وتستاهلى الناس تحبك وتحب كتاباتك لانها رائعة فعلا

    ردحذف
  22. ههههههههههههههههههه طبعا انتي مبسوطه علشان دايما بتحبي الشو وعايزه كده انتي علي طول مع ان ده كلام نت

    ردحذف
  23. ღ أحاسيس آيـــوشـاღ

    وأياكم إن شاء الله
    ميرسي اوي يا ايات على كلامك ده
    تسلميلي يا رب

    ردحذف

خلل براحتك من غير انتظار .. فتافيت أصلاً بتحب الخيار