21 سبتمبر 2010

عشان خاطر.. عمونا تامر


أولا
عشان نبقى متفقين.. أنا مش متظبطة من أول رمضان

عشان كده ما ردتش على تعليقات كتير عندي..
لأني مش عايزة أرد بشكر وبس

فمحدش يزعل مني.. ده بالنوسبة لأولا


ثانيا بقى.. عمونا تامر علي.. مرر ليا تاج وأدبست فيه

هو تقريبا مخدوع فيا بجد.. وفاكرني موثئفة

ربنا يسامحه على ظنه ده :((


**___**___**___**

ما هي كتب الطفولة التي بقيت عالقة في ذاكرتك؟
هي الطفولة ديه لحد سن كام يعني؟؟.. يعني نقول لحد سن 16 مثلا؟


كنت بعشق فلاش
.. ياااااااااااه وأموت بقى في حل مسابقتها

كان عندي أعداد كتير... بس ضاعوا كلهم مرة واحدة


في أبتدائي على ما أعتقد يعني.. كنت بحب أوي قصة علاء الدين

ده لأن كان عندي قناعة إني هلاق
ي المصباح والمارد في يوم من الأيام

وفي أعدادي تقريبا برضو.. أثرت فيا جدا قصة أوقات عصيبة بتاعة تشرلز ديكنز

كنت وقتها فاكرة أن مافيش روايات ممكن تتقري إلا العربية بس

وبعدها أعجبت جدا بالأدب الغربي عامة.. وقريت لتشرلز برضو آمال عظيمة


في تانية ثانوي بقى.. كان مدرس ال
عربي بتاع الدرس بيعزني جدا
وكان بيشجعني إني ماذكرش كتاب العربي بتاع المدرسة.. تخيلوا

وأداني كتاب كان الغلاف بتاعه مرعب.. اسمه الكوميديا الآلهية لدانتي

قريته ومافهمتش منه ولا كلمة..وهاتكلم عنه تحت بعدين

واللي فضل عالق في ذهني بقى.. غلافه :)

المهم إني ما ذكرتش .. وجبت 29 / 3
0
ويارتني نفعت هههههههههههه


**___**___**___**


مَنْ أهم الكتاب الذين قرأتَ لهم ؟
على فكرة السؤال ده.. من بره المنهج

لكن هحاول افتكر.. بعيد عنكم امراض الشيخوخة بقى


على رأس القائمة.. الإمام الشافعي طبعا

ديوان الشعر بتاعه.. بصراحة مش عارفة أقول عنه إيه

بس الصمت في حرم الجمال.. جمال


إحسان عبد القدوس
.. من أهم الكتاب والعباقرة اللي قريت لهم

وهو اللي خلاني أحب أوي القصص والروايات.. حبيت أخر حاجة

أبطال (ستات) روايته.. ومش تحيز بس
إنه لمتمكن حقا
عبقري جدي.. تحس لما تقرا رواية له بحالة
من اشتراوس الجنزبيل تجتاحك


في الادب الغربي

الروسي دوستويفسكي.. قريت له كام قصة قصيرة

لكن رواية الأخوة كارماروف عجبتني جدا.. قرتها بعد ما عرفت

ان فيلم الاخوة الاعداء متاخد منها.. واصلا هو اللي عرفني

عن حد عبقري اسمها دوستويفسكي


الإيطالي دانتي في الكوميديا الآلهية.. أثرت فيا بس مش في وقت ما قرتها

بعدها نقول ب8 سنين.. وقع قصادي ملخص طويل مفهوم لها وقريته بتأني

أكتر حاجة معلقة في ذهني.. ده بعض النظر عن براعته في الثلاثيات والثنايئات المتتالية

طريقة دانتي.. في تصويره لكل ذنب وطريقة العذاب الخاصة به في الجحيم أو في التطهر في المطهر

وبعد شوية.. أكتشفت غبائي الجيني وده العادي يعني بعد ما قريت ملخص

رسالة الغفران للمعري وإنه كتبها قبلهوإن دانتي ماطلعش فاير على فكرة :))


ومن هاذوهي اللحظة جه عشقي الفظيعي للأبي العلاء المعري

قريت عنه وله.. بس عنه أكتر.. وأزبهليت

إيه الراجل ده.. ذكي متعفف صابر محير لدر
جة تحببني فيه أكتر
يعني أبن كثير يقول عليه ذنديق..

والغزالي يقول ولي من أولياء الله الصالحين

واتباعا للقاعدة الكيدوانية بقى

بقول نص البطيخة يا حاج


ده كفاية كلام المعري في بيت الشعر ده

لا أطلب الأرزاق والمولى يفيض علي رزقي

إن أعط بعض القوت أعلم أن ذلك فوق حقي


توفيق الحكيم
.. ميلاد فكرة

القصة ديه.. حلق في ودني لأخر عمري

ماقرتش لتوفيق كتير.. بس ديه خلته اسم اتوشم بتلافيف عقلي

ده لو أعتبرنا
أن عندي عقل وفيه تلافيف كمان

والله أعلم طبعا.. هو أنا شوفته؟


د/ يحيي الرخاوي

تعتة الرخاوي.. جامدة جدي وجدتي وعمتي وعمي

بستمخ منها جدا.. ويمكن بنفس درجة استمخاخي

من مج نسكافيه اتنين في واحد.. من غير سكر

اه والله لكم ان تتخيلوا بقى


أنيس منصور
.. مواقف

مع مواقف.. الفنفنة دلوقتي وقتها


**___**___**___**


من هم الكتاب الذين قررت ألا تقرأ لهم مجددا؟
بصوا هو أنا ما عنديش وقت أصلا للقرايه

لأني دايما لايك لايك مشغولة ^_^
يا ترى هاعمل إيه في وقت فراغي

لدرجة إن ما بقاش عندي وقت فراغ
أعمل فيه اللي فكرت أعمله

ده من ناحية.. ناحية تانية بقى مهمة

يعني بذمتكم حد رمى حاجة قذرة في صفيحة زبالة

ترجعوا تقولوله .. افتح الصفيحة وقولنا اللي رميته

يععععع يععع.. ده أنا يغمن عليا


**___**___**___**


في صحراء قاحلة ، أي الكتب تحمل معك؟
اموووت أنا..
أعشق الصحراء

بس قاحلة ديه توجست منها خيفة.. والله

لكن دائما وأبدا.. في شنطتي مصحف شريف

صغير بسوسته بني في دهبي.. بس المشكلة هنا

ياترى شنطتي هاتكون معايا بقى وقتها؟؟؟


**___**___**___**

ما هو الكاتب الذي لم تقرأ له أبدا ، وتتمنى قراءة كتبه؟
صالح الطيب..

سمعت عنه كتير وللأسف ما قرتش له حاجة

ونفسي أوي أقرا موسم الهجرة للشمال
تقريبا اسمها كده صح؟


فكتور هوجو..

وخاصة رواية البؤساء

لكن اسمها مش عاطفي خالص بالنسبة ليا.. وأنا أصلا

الأنتي بؤس بتاعي بايظ.. أول ما أصلحه هقراها


دنقل..

قريت له كلام من هنا وهناك

نفسي أقع على حاجة كاملة له.. أقراها


د/ عبد الوهاب المسيري

تحديدا.. موسوعة اليهود واليهودية والصهيونية


**___**___**___**


ما هي قائمة كتبك المفضلة؟
ببساطة جدا.. انا لا أقرأ كتاب مرتين أبدا

الكتاب الوحيد اللي أقرأ فيه دوما

المصحف الشريف
وبس


**___**___**___**


ما هي الكتب التي تقرؤها الآن؟

كتاب الأصول الثلاثة

للشيخ محمد بن عبد الوهاب

على فكرة قصة الكتاب ده معايا.. كانت البوست بتاع النهاردة

بس دخلت لاقيت التمريرة من تامر.. وكان لازم اجيب جول

وده بعد عقدة ومأساة الأهلي :(((


كتاب الدليل الطبي لعلاج الإدمان

بغض النظر عن عدم فهمي للكام صفحة الطبية اللي فيه

لكن في المجمل مفيد جدا
لاي شخص متخصص او لا

وبرضو هانزل إن شاء الله ملخص له هنا

أول ما أخلصه.. بإذن الله


**___**___**___**


اللي بعت الدعوه؟

من عمونا تامر علي.. صاحب مدونة

الدنيا ريشة وقلم
.. على سن ورمح

تامر صحيح وبجد والله..هي على سن ورمح.. ولا على سن الرمح؟؟؟

اختر الاجابة الصحيح مع ذكر السبب *_^


**___**___**___**


أرسل الدعوة لمدون واحد علي الأقل من أجل مشاركتنا باطلاعهم في القراءة

قلم رصاص

تيمو (أسف على الأزعاج)

كلمات من نور

محمود (الباحث عن الحب)

mrmr
(امنياتي)

صفاء جلال (مقتطفات)



وطبعا الدعوة عامة للجميع.. :)
عشان نستفاد كلياتنا

من بعضياتنا

وديه هدية على ما قسم
من شباب الفايس بوك.. لخبيتنا القومية
الأهرام.. اللي مجرسانا في الفضائيات
وبيقوللها
إنا على الدرب سائرون
:)


هناك 13 تعليقًا:

  1. اسئله جميله جدا طبعا

    وردك كان اجمل لأنو فيه شيئ من الحياديه هوا سلبى بعض الشيئ بس عادى ما علينا مدونتك وحشتنى اوى على فكره كل سنه وانتى طيبه

    ردحذف
  2. كل اللي زعلني ي البوست ده
    سيرة أجوان الإسماعيلي
    قصدي الأهلي
    ووكسة الأهرام
    قصدي تعبيرية أسامة سرايا :)

    لأ جامدة يا فتفوتة
    جامدة جامدة جدي :)

    ردحذف
  3. فتاتيت فتافيت

    دة كله و فاتفيت

    دة كويس بقى ان انت كنت بتردى عالينا (:

    و لا يهمك احنا مجرد بس ان انتى بتكتبى و نطمن عليكى دة يكفينا

    (:

    ربنا يوفقك فى حياتك

    و يا دكتورة دا انا بحاول انسى مصيبة الأهلى (:

    ردحذف
  4. بالنوسبه يعني لكلمة على سن ورمح فهي مثل شعبي (إضافة عظيمة) وهي على سن ورمح مش على سن الرمح (إضافة عظيمة أخرى) ومعناها على مقدمة الجميع (بفتي طبعاً ) :)

    أما بالنوسبة للتاج يافندم نحن عاجزين عن الشكر لاستجابتك الفورية (مش زي باقي الناس اللي نفضولي بقلب بارد ) بس معلش هعتبرك بمثابة الممثل الرسمي لهم جميعاً :)
    وطبعاً انتي طلعتي مثكفه أكتر مني زي ما كنت متوقع :)
    بجد مش هزار يعني

    شاكرين مهللين

    ردحذف
  5. اجاباتك جميله جدا
    وعرفتني بيكي اكترر

    بس انتي ماشاء الله عليكي ربنا يحميكي يارب :)

    ردحذف
  6. كده برضه يا فتفوتي؟؟؟؟؟؟؟ فتتي قلبي بتاج؟

    ماشي ماشي حخترعلك تاج قريب و حتكوني الوحيده اللي حتاجك بيه ..انتظري ردي على التاج بتاعك وماشي ماشي

    ردحذف
  7. أزال المؤلف هذا التعليق.

    ردحذف
  8. داه التاج يا فتفوتة الفتافيت

    http://mamanooor.blogspot.com/2010/09/httpfatafetroraz.html

    اسمك مكتوب هنا في منتدى المدونيين ( نور والقلم )

    http://mhg1962.ba7r.org/montada-f13/topic-t1888.htm#9103

    ردحذف
  9. فتافيت السكر هانم
    اهلا يا قمر
    واهلا بدعوتك الجميله كان نفسى بجد البى دعوتك لكن للاسف انا وصلتنى الدعوه فعلا ولبيتها سابقاً الدعوه كانت من الاخ ابو فارس
    فسماح بقى يا اجمل فتفوته من فتافيتنا البلوجريه
    اجاباتك جميله ودمها خفيف على قلبى
    ربنا يسعدك ويفرح قلبك

    ردحذف
  10. فتفوته

    ايه الثقافه دي كلها

    كل سنه و انتي طيبه

    تحياتي

    ردحذف
  11. السلام عليكم
    ايه ده كله
    ايه ده كله
    جميله جدا قائمه الكتب دول
    والله ثقافه عاليه
    جدا
    يارب ينفعك
    بما تعلمتيه
    يارب
    لان التعلم والقرأه
    دين فى رقبتنا
    الهمنا الله
    العمل بما نقرأ
    لاننا محاسبون
    يارب يبارك
    فيكى وليكى
    فى كل ما تقرأين
    والف شكر
    ليكى
    على الدعوه
    لذاك التاج
    ولكن
    قد اتت اليا دعوه قبل ذالك
    ولقد لبيت الدعوه
    وده الرابط
    ياريت
    تشرفينى
    وتدخلى
    وتقولى رايك
    http://bahesanhob.blogspot.com/2010/09/blog-post_05.html

    وياريت
    تزورينى
    لانك
    ليكى زمان مشرفتنيش
    بس التاج
    ده
    فى مدونتى التانيه
    ياريت تشرفينى فى الرابط اللى فات ده
    يارب يبارك فيكى يارب

    ردحذف
  12. مدونه جميلة جدا بجد

    ردحذف
  13. خلل براحتك من غير انتظار .. فتافيت أصلاً بتحب الخيار
    م علينا من المخلل بس اسئله جميلة واجابات اجمل انا اكتر حاجه عجبتنى الصور اللى موجوده على شمال المودنة وتعليقك فوق الصورة انا لسه جديد فى عالم التدوين هتابع جديد مواضيعك ديما استاذنك بقى عشان الف فى باقى مدونتك تقبلى مرورى

    ردحذف

خلل براحتك من غير انتظار .. فتافيت أصلاً بتحب الخيار