30 أغسطس 2010

صدقة جارية.. !

رمضان عدى بسرعة أوي.. خلاص دخلنا العشرة الأواخر
اللهم بلغنا ليلة القدر.. ويتقبل منا كلنا دعاءنا



أنا عملت مدونة جديدة
سمتها صدقة جارية

الفكرة جات ليا من برنامج رحلة قلب
لما مقدم البرنامج قال الحديثين الشريفين
(بلغـّوا عني ولو آيه)

(إذا مات ابن آدم انقطع عمله إلا من ثلاث:
صدقةٍ جاريةٍ، أو علم ينتفع به أو ولدٍ صالح يدعو له)

حسيت إني لو مت دلوقتي.. هاينقطع عملي من الأرض
المدونة الجديدة.. إن شاء الله هيكون فيها
كل الأذكار.. والسنن النبوبية
لكل حاجة بنعملها في حياتنا

أنا نزلت أول بوست فيها النهاردة
وإن شاء الله.. هايتبع إلى ما شاء الله

أنا مش فقيهة ولا عالمة دين
لو أي حد لاقى أي خطأ فيها يقوللي على طول
أنا عارفة إن محتواها هايكون معروف للجميع
بس أهي تذكرة.. وربنا يتقبل منا




هناك 12 تعليقًا:

  1. فكره جميله والاجمل ان الدين لسه جوانا فى وسط اللغط الكتير فى الحياه الصعبة دى
    تحياتى ليكى

    ردحذف
  2. الله عليكى...
    والله فكرة جميلة جدا
    ربنا يجعلها فى ميزان حسناتك ان شاء الله ^^

    ردحذف
  3. ربنا يتقبل منك ان شاء الله

    ردحذف
  4. فتافيت العزيزة :
    معلش التعليق ده على البوست تحديدا ( سرقة زهرة الخشخاش )اللي فات مش ده و انا كتبته هنا عشان انا عارف انك مش هتشوفي اللي فات لان انا عارف انك ماشية بمبدأ اللي فات مات المهم المهم نخش في الموضوع
    انتي زعلانة ليه على زهرة الخشخاش هوه اصلا احنا اللي رسمناها دا واحد من برة المحروسة ( مش عارف محروسة ازاي )
    ثانيا احنا نزعل لو كنا احنا اللي رسمنها .
    ثالثا : منزعلش على الصورة لانهم سرقوا حاجة مهمة سرقوا الانسان المصري مش فلوسه ده سرقوا عقله و سلبوه روحة .عارفة ليه لانهم حتى مش حطين كاميرا علينا احنا مش متشافين اصلا عشان كده ....و لا اقولك اللي فات مات سلاموز و تفاح

    ردحذف
  5. ربنا يبارك فيكي يارب وانا هاغير منك وهابدا اعمل زيك

    ردحذف
  6. فكره جميله جدا
    ربنا يعطيكى حسب اعمالك ويجازيكى خير

    ردحذف
  7. حبيبة قلبي ومهجة فؤادي وفص كبدي الشمال :)
    ها اقترح عليكي اقتراح وانتي شوفي مدى جدواه
    علشان هو ده اللي انا عاملاه
    يعني ده مش تكسير مأديف ابدا متلكا البتة
    ده بس وجهة نظر من حبي فيكي ولأني فاهمة تمام ان عمالين نقول ها نسيب ايه بعد الموت

    لو عملتي مدونة اذكار بس محدش ها يروح لها كتير
    وبعدين انتي عاوزة ناس كتير عينيهم تقرأ علشان تاخدي الثواب
    واللي يقول لك ان الناس ها تروح عليها كتير يبقى بيستعبط
    إلا لو خليتي مع الأذكار مثلا مواضيع منقولة وتكون تهم حياة العامة
    فاللي بيدور من جوجل مثلا يتخبط فيها ويدخل وتاخدي ثواب

    لو مش ها تملئيها مواضيع دينية متنوعة
    اعملي كل شيء هنا علشان وسط البوستات الحلوة ام دم خفيف يكون فيه بوستات ذكرى وان الذكرى تنفع المؤمنين

    لازم نتحايل على الزبون علشان ناخد ثواب
    قطيعة
    محدش بياكلها بالساهل :))
    وبكده تاخدي اعلى نسبة مشاهدة ولا افاتار

    ردحذف
  8. فتافيت

    أحيكى على الفكرة فى مضمنها

    بس أنا مع دكتورة ستيته فى كلامها

    مش لأن الفكرة بتاعتك مش حلوة لالالا

    انا كمان كنت هروح اعمل متابعة علطول

    بس هى فكرتها منطقية

    ربنا يبارك لك كدة فى كل امور حياتك

    ردحذف
  9. فكرة اكثر من رائعة


    جزاك الله خير

    تحياتى

    ردحذف
  10. ربنا يتقبل منا ومنكم صالح الاعمال
    جزاكي الله خيرا
    ادامك الله وتقبل منك
    تحياتي

    ردحذف
  11. جعله الله فى ميزان حسناتك
    فينك متغيبه

    ردحذف
  12. السلام عليكم فتافيت هانم
    بارك الله فيك والله فكره جميله ممكن الواحد يفكر يعملها وآهى تبقى للآخره وخصوصا ان واحد زى عمك فشكول فى الرمق الاخير من الحياه
    عيد سعيد وكل عام وانت بخير
    تحياتى

    ردحذف

خلل براحتك من غير انتظار .. فتافيت أصلاً بتحب الخيار