23 أغسطس 2010

كهربا بالذبادي.. والبرواز فاضي



الكهربا بجد بقت حاجة مستفزة جداً
بتقطع بطريقة تحرق الدم.. النور يقطع من هنا
وألاقي قطتي ماشية في الشقة مطلعة لسانها
طيب هي يا بختها بترطب على نفسها.. أمشي أنا مطلعة لساني؟؟
أمال إيه بس عدادت إلكترونية.. وتقدم وكروت شحن
وكهربني شكرا.. تقوم تبقى الضلمة دلوقتي وقتها؟؟
وكل شوية يقولك تخفيض أحمال.. يا سلام
لما إحنا ماعندناش.. بنصدر ليه؟؟
ولا هو أقرع وبيصدر؟؟
عاااااااااااا
أموت وأعرف مسؤول مين في البلد
اللي دخل صفقة استراد شمع؟؟
مهو دية الحاجة الوحيدة.. اللي مصر تضلم عشانها؟؟

ولأني وطنية.. وبحب جيل المستقبل أوه أوه
قررت أنزل بتقلي.. وأقترح شعار جديد



يعني عشان ربنا يوفقهم.. في الانتخابات الجاية
وتبقى باكتساح.. زي كل مرة


۩˙·٠• رمضان كريم •٠·˙۩


طيب يلا مش مهم مافيش كهربا.. لكن الخشخاش؟؟
يعني مش كفاية ما فيش حشيش.. عشان الخشخاش يتسرق؟؟
بيقولك.. أن الكاميرات المراقبة عددها 43.. شغال منها 7!!
وزعلانين وبيقولوا إهمال؟؟؟!
يعني المتحف بيعمل تخفيف أحمال ومش عاجب؟؟
قال بدل ما يشغل 43.. يسمع الكلام ويخفف أستخدام!
وبعدين.. اللوحة مخرجتش بره البلد أصلا



ديه أتلفت وأتشربت في مصر .. المحروسة
أصل محدش يقنعني.. أن حد عارف قيمتها يعمل فيها كده
أخد الصورة وقطعها بالموس وساب البرواز فاضي!
يعني حمااار.. يبقى هو سمع خشخاش
قالك بس.. فرجت وهايحل أزمة الحشيش عنده
ده لو كان أتفرج على الفيلم الوثائقي.. حرمية في تايلاند
كان عرف قمتها.. بس تلاقيه أتلخبط
وأستخدم الطريقة الجهنمية.. في سرقة لوحة أثرية
من الفيلم التعليمي هي فوضى ..!
بالذمة نقول للعالم إيه؟؟؟
لوحة سرقوها في 1978 وفشلوا.. بس الحمد لله
ربنا وفقهم في 2010 وسرقوها؟؟؟

۩˙·٠• رمضان كريم •٠·˙۩


بس مش مهم مافيش كهربا.. ومش مهم لوحة فان جوخ
اللي هي ثروة تاريخية.. وتمنها فوق الــ 50 مليون زورار
لكن اللي بيحصل بقى ده.. اللي مش ممكن أستحمله
أنا مقهورة جداً.. عشان كده عيب بجد
لما نبقى في رمضان.. وده يحصل عيني عينك
هو الناس مابقاش عندها ضمير.. خلاص
يعني نصوم أزاي بالذمة يعني؟؟
ده أنا طول عمري بيقول:
حكومتنا خدت مني كل حاجة.. وادتني الذبادي
يقوم حتى الذبادي ... مافيش عاااااا



معقولة حد يصوم.. من غير ذبادي :((
مافيش ذبادي عندنا في الزقازيق
بقى بالحجز والله :(
لا يا مصر .. كله إلا كده
كله إلا الذبادي يا مصر..!
أنا بقولك أهو أزمة.. الكهربا والماية والعيش
والللحمة و والحشيش في كفة
والذبادي في كفة.. ها

۩˙·٠• رمضان كريم •٠·˙۩


وفي النهاية.. ولأننا في شهر الخير
واللي متعودين فيه على إبتزاز المشاعر
بكل السبل الممكنة.. عشان الناس تتعاطف وتتبرع
وكأن التبرع في رمضان بس!!!
جت فانتالوب.. ونزلت بنفس الاسلوب


وأنقفذ مصلحي.. وأشتري فانتالوب
بليل ألاقي أخويا الصغير.. داخل شاري 3 إزازات
ويقولي حرام لمصلحي يلبسهم ويترفد
احنا في رمضان.. !!

۩˙·٠• رمضان كريم •٠·˙۩




هناك 15 تعليقًا:

  1. بأمانة الذبادى بالحجز

    صدقينى كتر خيركم

    الكهربا بقى دى حكايتها حكاية بصراحة كدة احنا عاوزين أجهزة كهربائية مخصوصة تستحمل الهبل بتاع قطع الكهربا

    و اللوحة بقى علشان كدة فان جوخ يتعلم يلم لوحه المتبعتره و ميسبهاش عند اللى يسوى و اللى ميسواش

    مش مصلحى دة

    اللى فى الشغل سيد الكل صح (:


    دمتى متألقه يا فتافيت

    بجد مبتسم طول القراءة (:

    رمضاااااان كريييييم

    ردحذف
  2. هههههههههههههههههههه
    معقول-الزبادي-خلص-من-الزقازيق
    خلاص-هبعتلك-علبتين-من-عندنا:)

    كل-سنه-وانتي-طيبه-ياحبي

    ردحذف
  3. لا بالله عليكم
    خدوا مني كل حاجة وادوني الزبادي
    ههههههه

    شيئ عجيب اننا لسه بنتعجب من عمايل الحكومه
    مفروض احنا نغير الموضوع بقى ومعدناش نستغرب من تصرفاتها

    عجبني اوي دي
    "أموت وأعرف مسؤول مين في البلد
    اللي دخل صفقة استراد شمع؟؟"

    عندك حف جدااااااااااا
    واضح انها سبوبه بكام مليار زورار
    بدليل اننا بلد مصدر للكهربا بالكام ميجا وات
    دي كهربتنا في تل ابيب والاردن وغيرها بأبخس الاثمان دا ان كان فيها فلوس اساسا

    دا الريس بنفسه استغرب وسأل الحكومه وقال لها نفس كلامنا احنا والله كدا.. زي مايكون مش عايش في البلد

    بلد بطيييييييخ صحيح

    اول مره اعرف ان فان جوخ مصري اصيل وابن بلد كمان ويمكن يطلع من العتبه هههههههههه

    دي بتاعة فان جوخ ايييييييه اللي جابهالنا؟

    ياخدوها ويرجعولنا بقية اثارنا المسروقه

    ثم متقلقيش.. المصريين لسه بخير ومبيسرقوش في رمضان

    لأن الحرامي طلع ايطالي

    شوفتي بقى احنا ظلمه ازاااااااااي

    اه يا بلددددددد

    كل سنه وانتي طيبه ورمضان كريم

    ردحذف
  4. اى حاجة تحصل من الحكومة بقت عادى


    عشان الوحش وتعب الناس بقت مهمة الحكومة فالناس مش متوقعة منها حاجة كويسة وبعدين الحكومة عندها لكل حاجة مبررات


    فتافيت تضامنا معاكى ومع اهل الزقازيق سوف نرسل لكم المزيد من الزبادى

    العيب على اللوحة ازى تسيب خد يسرقها

    تحياتى

    ردحذف
  5. عارفة انت عملتي لي ايه بالبوست الحلو ده..؟؟
    ضربتي لي دماغي زي ما بيضربوا الزبادي في الخلاط :)
    ليه كده يا فتافيت تقولي اللي نفسي اقوله وباضحك على نفسي ومخبية ..؟؟
    كده تصدري صوت (الانا) العليا جوايا وباعلى صوت كمان..؟؟
    كل سنة وانت بكل الخير :)

    ردحذف
  6. على فكرة..
    عجبني مووووت :
    "هي الحياة ايه غير شوية فتافيت فوق بعض"
    (';' )

    ردحذف
  7. فساد فى فساد فى فساد
    كهرباء مقطوعه احنا عندنا السد العالى

    زهره الخشخاش اتسرقت
    واحنا اصل الفنون اللى ضيعها فاروق باشا حسنى
    وفتنا ومصيلحى
    احنا نحتوى الفساد دائما
    كل سننه وانتى طيبه

    ردحذف
  8. يالهوووى
    مش ح قول غير كده بدل ما الطم على حالنا
    المهم مش ينقطع الذيادى وخصوصا فى رمضان

    رمضان كريم

    ردحذف
  9. رمضان كريم

    وكل عام وانتم بخير :)

    ردحذف
  10. ما فيش زبادي في الزقازيق
    رحمتك يا رب
    مش نازل اجازة
    انا ما اقدرش اصوم من غير زبادي

    بس مقال سوبر مخلوط فيه كل شئ و مضروب في خلاط
    ازيك يا فتفوتة يا شرقويه

    تحياتي

    ردحذف
  11. انتو ازاى عايشين من غير زبادى
    ربنا يكون فى عونكم
    اول مرة ازور مدونتك هيا حلوة اوى
    وعلى فكرة كيكى قمر خالص
    رينا يخليهولك
    وكل سنة وانتى طيبة

    ردحذف
  12. فتافيت السكر هانم
    لو محتاره ومنداره تقدمى ايه فى سفرتك انا بقدملك اقتراحات اتمنى تعجبك فى ركنى المفضل ركن المراه
    http://www.soso73.blogspot.com/
    اتمنى اقترحاتى تعجبك

    ردحذف
  13. دمتي مبدعة
    زمان كنا بنقول شر البلية ما يضحك
    لكن في زمن القهر ده شر البلية ما يدهش
    والدهشة بتصبينا في كل حاجة دلوقتي
    الهرم اتقلب خلاص
    تحياتي

    ردحذف
  14. كل شى عندنا اصبح عادى
    من ساعه ما الوزراء اصبحوا طراطير والرئيس عمال يستغرب كل شويه مره يستغرب ان الشباب اغلبهم عايز يسيب البلدويستغرب ان الكهربا بتتقطع كتير ويستغرب ويستغرب وكانه بيحكم بلد تانيه او احنا بقينا جمهوريه الاستغراب العربيه عجبنى اوى حكايه مين المسئول اللى دخل صفقه استيراد شمع
    ربنا يكون فى عونا

    ردحذف
  15. السلام عليكم فتافيت
    كيف حالك
    رمضان كريم وكل عام وانت بخير
    هما يا فتافيت ياخدوا لوحة زهرة الخشخاش
    واحنا نشرب حاجه احمرا ولا اصفرا اسمها فانتالوب
    ولا يا ريت نلاقى حشيش نشربه
    تحياتى

    ردحذف

خلل براحتك من غير انتظار .. فتافيت أصلاً بتحب الخيار