10 أغسطس 2010

رمضان جانا .. أهلاً رمضان



كل سنة وكلنا طيبين.. يارب
رمضان كريم.. على كل الدنيا


صحيح اليميش غالي نار.. غالي بجد يا غااالي :@
يعني ارخص كيلو بلح ما يتاكلش بـ 12.. بس مش مهم
بلاش تاكلوا بلح.. كلوا بندق وفسدق ولوز :))
صحيح الفراخ بقت غالية .. الكيلو هنا بقى ب17 جنيه
سمعت انه في القاهرة ب25 جنيه
يلا بلاها فراخ كلوا لحمة :))

والسكر والزيت والرز.. قربوا يبقوا رفهيات


بس برضو.. مش مهم
اهو رمضان كريم.. وربنا أكرم

صحيح النور بقى بيتقطع كل يوم.. يعني عطش وحر
بس برضو يلا أهو يرحمنا من مسلسلات
رمضان الحصرية.. وسبحان الله
المسلسل اعلاناته على القنوات كلها
وحصري على كل قناة :))

۩˙·٠• رمضان كريم •٠·˙۩



مش عايزة ألك وأنا جاية أهني بس
ده كفاية الحكومة ربنا يعمر بيتها.. قولوا آمين
هتعلق التوقيت الصيفي.. عشان رمضان
ويا صباح الظروطة :))
هو بس سؤال بريء .. ساذج


الناس اللي عاصرت رمضان زمان لم جه في نفس التوقيت
ياترى الحكومة برضو عملت كده؟؟ ولا ده اوبشن لنا؟؟
والله ما عرفة هو فعلا الاوبشن ده لنا احنا
ولا للي عمرهم الافتراضي انتهى من زمان
ومش قادرين يصوموا خلاص.. وماسكين فيه

ما علينا بقى.. أهو جه يا ولاد.. هيصوا يا ولاد
كل سنة وانتم طيبين.. وينعاد عليكم
بالخير والبركة والهنا
يارب تقبل صيامنا.. وقيامنا
واغفر لنا.. وأرحمنا
آمـــيـــن يارب

۩˙·٠• رمضان كريم •٠·˙۩






هناك 18 تعليقًا:

  1. السلام عليكم
    كا عام انتى
    بكل خير
    يارب يعود عليكى الايام بكل خير
    زمان عمره ما هيرجع

    ربنا يرحمنا
    تلوقتى
    اغنيه رائعه بجد
    اقصد انشودة رائعه
    ربنا يجعله فى ميزان حسناتك

    ردحذف
  2. سيبك انتى
    اهم حاجه انك بخير
    وكل سنه وانتى
    طيبه ذى ما انتى
    رمضان كريم

    ردحذف
  3. كل سنة وانتى طيبة يارحاب وكل الناس طيبين معلش الناس هتعمل ايه اهى بتعيش والسلام

    ردحذف
  4. رمضان مبارك يا فتوتة وكل كلامك زين بس تقولي إيه بقى القول ضايع مع الاسف .......

    ردحذف
  5. كل سنة وانتى طيبة ورمضان كريم عليكى

    ردحذف
  6. بس والله مهما كانت الظروف بتصعب والأسعار بتعلى والنور بيقطع حتى .. بردو سبحان الله شهر كريم بجد وايامه حلوه

    بس لو ساندوتش ع العصر على رأي واحد صاحبي
    هههههههههههههههههه

    كل سنه وانتي طيبه وصوم مقبول ان شاء الله

    ردحذف
  7. كل سنه وانتى طيبه ورمضان كريم

    ياستى هى جت على الياميش والفراخ والنور اللى بينقطع كل يوم بالتلت ساعات واكتر
    خليها على الله

    رمضان كريم وربنا اكرم فعلا

    الحمد لله اننا بنلاقى بوق الميه نفطر عليه
    غيرنا فى مصر ومش لاقى
    الحمد لله
    ربنا يكون فى عون الاجيال اللى بعدنا
    يعالم سعنه هيكون فيه رمضان ولا لا

    كل سنه وانتى طيبه
    تقبلى مرورى

    محمد التركى

    ردحذف
  8. كل سنه وانتى طيبه
    والمسلمين كلهم بخير

    ردحذف
  9. كل سنة وانتى طيبة يا فتافيت

    ويارب تنعاد عليكى الايام بالخير دايما يارب يا جميلة

    ردحذف
  10. محمود(باحث عن حب)

    اهلا يا محمود
    كل سنة وانت طيب
    والانشودة انا بحبها جدا
    وهعي رنة موبايلي.. حستها افضل لرمضان
    عشان ماخدش ذنب حد يسمع اغنيه وهو صايم
    شوفت اذدواجية اكتر من كده :)

    ۩˙·٠• رمضان كريم •٠·˙۩

    ردحذف
  11. mrmr

    الله أكرم يا جميل
    كل سنة واحن كلنا طيبين.. وبخير

    ۩˙·٠• رمضان كريم •٠·˙۩

    ردحذف
  12. احاسيس آيوشه

    اهي عيشة والسلام على رأي الاخت المناضلة إليسا
    عااااااااااااااا

    كل سنة وانتي طيبة يا جميل

    ۩˙·٠• رمضان كريم •٠·˙۩

    ردحذف
  13. كلمات من نور

    يا قمر سيبك أنت
    كل سنة وانتي طيبة
    وينعاد عليكي بالخير يا رب

    ۩˙·٠• رمضان كريم •٠·˙۩

    ردحذف
  14. mohamed ghalia

    كاتبنا الكبير.. اللي رافع راسنا في الفضائيات :)
    الله أكرم

    كل سنة وانت طيب يا محمد
    وتفضل طيب زي مانت

    ۩˙·٠• رمضان كريم •٠·˙۩

    ردحذف
  15. قلم رصاص

    ههههههههههههههههههه
    تصدق مش مهم الساندوتش.. بس لو مج الاستيمورنج بتاع النسكافيه عااااااااااا

    كل سنة وانت طيب
    وينعاد عليك بالخير يارب

    ۩˙·٠• رمضان كريم •٠·˙۩

    ردحذف
  16. محمد التركى

    ممممم.. لوجك برضو
    بس تصدق بالله.. لا إله إلا الله
    إني كل ما فكر في بكره بكتئب.. عشان كده خايفة
    اني افكر في اني افكر في الاجيال الجاية
    ربنا يستر علينا بقى

    مبسوطة بمتابعتك مدونتي.. :)

    كل سنة وانت طيب ..
    وينعاد عليك بالخير يا رب

    ۩˙·٠• رمضان كريم •٠·˙۩

    ردحذف
  17. 7akwena

    أهلا أهلا
    وانت طيب .. وينعاد عليك بالخير
    انت واحنا.. وامة محمد عامة يارب

    على فكرة مدونتك عجبتني جدا
    كتصميم.. وطبعا كقلم

    مبسوطة جدا بالتواصل

    ۩˙·٠• رمضان كريم •٠·˙۩

    ردحذف
  18. мαησηα

    اهلا يا قمر
    وانتي طيبة.. وينعاد عليكي بالخير يارب
    انا مبسوطة جدا جدا.. اني اتعرفت عليكي
    شكلك فقرية .. وانا بموت في الفقريين
    هههههههههههههههههه.. ياريت تتابعي اهم الاخبار عندك بقى وبعد الفطار احكيلي :)))))))

    ۩˙·٠• رمضان كريم •٠·˙۩

    ردحذف

خلل براحتك من غير انتظار .. فتافيت أصلاً بتحب الخيار