04 أغسطس 2010

أسطورة حب





حبي لك أسطورة..
بلا اسم.. بلا عنوان..!
حبي لك أسطورة
تـُنحر على أعتابها الأزمان...

وتسبح لأجلها الحروف بفلك الوجدان..!
حبي لك أسطورة
أرهقت كل الأذهان...

هي لوحة فنية لم يرسمها فنان.. جمعت كل الألوان..!
وبلمحة استثنائية..
مزجت الفرح بالأشجان..!
حبي لك أسطورة
مـُلكها العشق.. وعرشها الأمان..

وتحت سلطانها وُحِدت كل الأوطان..!
لا مسافات..
لا حدود..
لا أسلاك..
فكل سكانها إنسان..!
حبي لك أسطورة
هي أشبه بالهــذيان..!!

فلولا وجودها..
ما كان لي بين الأكوان.. كيان..!

هناك 13 تعليقًا:

  1. جميلة جدا

    كنتى مخبيه الحاجات دى فين (:

    حبى لك أسطورة

    أرهقت كل الأذهان

    دة حقيقى (:

    أنا أرهقت كل الناس بجد

    من اللى بأكتبه فيها و عليها

    تسلم ايدك

    دمتى متألقة دائما

    ربنا معاكى

    ردحذف
  2. كلمات بسيطه
    بس فوق الرائعه
    ربنا يبارك فيكى وفى حبك
    الاسطورى
    الغير موجود فى الواقع
    الا
    فى قلوب الاقليه من اصحاب القلوب

    ردحذف
  3. سيدى يا سيدى على الرومانسية:)

    ردحذف
  4. بالرغم من انتهاء عصر الأساطير إلا أننا نستطيع بعث الأساطير من جديد بداخلنا بمثل هذه الكلمات العذبه والوصف الجميل لما يعتمل بداخلنا من أحاسيس

    كلمات رشيقة كالعادة

    ملحوظة :

    في راجل سايس كل ما آجي اديلة بقشيش يقولي "لا يا بيه أسطوره والحمدلله "

    الموضوع ده ليه علاقه بالاسطورة ولا لاء؟

    ردحذف
  5. الله
    حلو اوييييييي بجد:)

    ردحذف
  6. رامي

    دايما كده منورني
    ربنا يبارك لك في حبك.. ويتمه على خير
    كل سنة وانت طيب.. اعتقد ان الصوم بدأ صح :)

    ردحذف
  7. محمود

    منور البوست
    وميرسي على ان الكلام عجبك
    بس انا مافيش حالة حب عيشاها ولا حاجة
    ديه مجرد فكرة جت على بالي :)

    كل سنة وانت طيب
    رمضان كريم

    ردحذف
  8. موناليزا

    :)) تاخدي حبه ههههههههه
    والله هي فكرة نقحت على عقلي الباطن
    قومت كتباها :)

    منورة يا قمر

    كل سنة وانت طيبة يا جميل

    ردحذف
  9. تامر علي

    عم تامر بتاع الجلاش :))))
    ازيك يا فندم.. ومبسوطة جدا ان نكش الفراخ ده عجبك

    وبالنسبة لا اسطورة يا بيه
    ربنا يسطورها معانا كلنا :)

    كل سنة وانت طيب والعائلة الكريمة

    ردحذف
  10. sony2000

    الاحلى يا جميل انك نورتي البوست

    كل سنة وانتي طيبة يا قمر :)

    ردحذف
  11. جميلة قوي يا مختفية
    بديعة ورومانسيكية اخر حاجتين تلاتة

    ردحذف
  12. سوتايتة حبيبتي
    مش اجمل منك يا قلبي.. وانا مش مختفية والله
    بس اهي الدنيا مشاغل .. كل سنة وانتي بهنا

    ردحذف
  13. حبي لك أسطورة
    مـُلكها العشق.. وعرشها الأمان..
    وتحت سلطانها وُحِدت كل الأوطان..!
    لا مسافات..
    لا حدود..
    لا أسلاك..
    فكل سكانها إنسان..!


    اكتر من مية مليون رائع بجد تحياتى ليكى

    ردحذف

خلل براحتك من غير انتظار .. فتافيت أصلاً بتحب الخيار