10 يونيو 2010

عــروض .. لا تقبل المنافسة



عـــايز.. نيــــو لــــوك


يجنن العقول.. ويبكي العيون
يحرق القلوب.. ويذل النفوس
عندنا .. بس أنت تيجي

عايز كسر فــ الجمجمة.. وقطع فــ الفك
عايز دم في كل مكان.. عايز تموت متهان
عندنا .. بس أنت تيجي

عايز تحس أنك حيوان
مالكش حقوق ولا لسان
عايز تحس أنك مالكش ضهر
ولا لك قيمة ولا حتى سعر
عندنا .. بس أنت تيجي

عايز تدوق الذل.. عايز تشيل الهم
عايز تموت مسحول.. ومحدش بيك يهتم
عندنا .. بس أنت تيجي


مع خالص الإهانة
والذل.. وموت القلب

إمضاء
مركز السحل والقتل
سيدي جابر


أسعارنا لا تقبل المنافسة
كل المطلوب
عدم إبراز الهوية الشخصية
مع سؤال بسيط.. أنا بتفتش ليه؟؟
بطريقة مهذبة.. وآدمية

عندها فقط.. سيقوم خبارائنا
بفن التعذيب والقتل بدم بارد
بعمل اللازم من

سحل.. وضرب.. وتكسير .. وقتل

في أقل من 20 دقيقة
بطريقة همجية.. ولاآدامية


لديـــــنا عروض خاصة
جـــداً للطلبة

حسبي الله ونعم الوكيـــل
حسبي الله ونعم الوكيـــل
حسبي الله ونعم الوكيـــل


اللهم أضرب الظالمين بالظالمين
وأخرجنا منهم سالمين

يا حرقة قلبي على شبابك
وعليك .. يــا

خــــــالد

:@

هناك 16 تعليقًا:

  1. لسة والله معلق على الموضوع دة فى مدونة بنت لاسعة

    مش عارف اكتب اية تانى منهم لله

    سفلة

    طب نحب البلد أزاى ازاى ازاى

    ردحذف
  2. لا خالاص .. نحبها ازاي
    وهي مش بتاعتنا.. مالقناش قيهة لا جواها ولا براها
    يا حرقة قلبي عليه وعلى شبابه.. قلبي قايد نار
    في عز شبابه وزي الورد.. يموت على ايد تييييييييييييييييت

    حسبي الله ونعم الوكيل
    ربنا ينتقم من اللي كان السبب

    ردحذف
  3. يا لطيف الطف بينا يارب

    ربنا أخرجنا من هذه البلدة الظالم أهلها او عاملهم بما يستحقونه .............

    ردحذف
  4. مكسوفه تشتمى يافتافيت؟
    خالد مات على ايد كلاب ولاد كلاب
    منهم لله
    حسبى الله ونعم الوكيل

    ردحذف
  5. ربنا منتقم جبار
    وان ضاع حقه في الدنيا
    مش ضايع ان شاء الله يوم الحساب

    حاجة توجع القلب منهم لله

    ردحذف
  6. فتفوته
    بعد غيابى عنك الفترة دى ارجع اجد بوست
    يقطع نياط القلب
    والله العظيم امبارح على الفيس بوك ااقول لهم لاء ده مش تعذيب ده حادثه
    الولد ده عمل حادثه مش ممكن يكون تعذيب
    يا قلب امه ياقلب امه
    اللهم انا نسألك ان تهلك الظالمين بالظالمين
    إنا لله وإنا اليه راجعون
    علم بناتى ميسألوش..ويتفتوش ميفتحوش بقهم
    علهم انه يعيشوا جبناء علشان يعيشوا واتمتع بيهم
    بدل ما الموت ياخدهم منى واتحرم منهم
    :((((((

    ردحذف
  7. حسبنا الله ونعمه الوكيل بجد

    ردحذف
  8. حسبنا الله ونعم الوكيل
    ........
    دا لو كان تاجر مخدرات مش يحصل معاه كده
    دا كده يكون انتهك حقوق الانسان

    ردحذف
  9. حسبى الله ونعم الوكيل

    ردحذف
  10. حاجة بشعة بجد!

    قلبي حيقف من اللي حصل لخالد بجد!

    ردحذف
  11. وتيجي ليه احنا نجيلك لغاية البيت أو فين ما تكون
    في نت كافيه زيه زي مكان مشبوه مفيش مشكلة محدش يقلق
    أنا قرأت الخبر في حوالي 7 أماكن بأشكال مختلفة وكل مرة بقرأه كأني بقرأ لأول مرة وبعيط كأني بعيط لأول مرة
    لكن فكرت في حاجة
    سفينة الحرية فوقت ناس وزودت المطالبات بفك الحصار عن غزة ويمكن ربنا جعل دا تعويض لأهل اللي ماتوا فيها

    وخالد يمكن يكون موته حماية لناس كتير بعده وخصوصا بجنسيته الأمريكية اللي لها تمن وحقوق
    ربنا يرحمه وويصبر أهله

    ردحذف
  12. قتلووووووووه قتلهم الله

    قتلوه قتلهم الله

    ده ممكن يكون اي واحد فينا و ممكن يكون مصيرنا

    و متقولش ايد اديتنا مصر

    اني داعِ و اسألكم التأمين على دعائي

    اللهم اكتبه مع الشهداء و الصديقين

    اللهم افتح له من ابواب رحمتك

    اللهم اسكنه فسيح جناتك

    اللهم افرغ على اهله صبرا و ارزقهم السلوان

    اللهم انتقم ممن قتلوهو عذبوه

    اللهم احصهم عددا و اقتلهم بددا و لاتغادر منهم احدا

    ردحذف
  13. حسبي الله ونعم الوكيل على من طغى وتجبر .. ما أقسى وأشد القلوب الخالية من تقوى الله.


    (حملة الجسد الواحد)

    أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

    صورة الشعار .. في مدونتي كركر .. ويكتبون فوقها ..

    (حملة الجـسد الواحـد)

    رابط المدونة

    http://krkr111.blogspot.com

    جعله الله في ميزان حسانتكم .. آمين

    ردحذف
  14. سلامو عليكو..
    ربنا يرحمه ويصبر امه ويأجرها عن مصيبتها ومصيبتنا.
    حسبى الله ونعم الوكيل.
    اللهم اضرب الظلم بالظلم.
    لك تحياتى

    ردحذف
  15. أصعب ما في الموضوع ده
    ان الواحد بقي مش عارف الحقيقة فين
    مش عارف يصدق مين
    بس الشئ الأكيد
    ان مش هو ده اللي بحم بيه للبد دي ولا لأي حد في البلد دي

    ردحذف
  16. حسبنا الله و نعم الوكيل
    فى هؤلاء القتلة

    دى أول زيارة ليا على مدونتك
    الراااااائعة و ارجوا ان تتقبلى مرورى
    وتشرفينى بمرورك على مدونتى

    تحياتى لك

    ردحذف

خلل براحتك من غير انتظار .. فتافيت أصلاً بتحب الخيار