29 مارس 2010

دامت لمين..؟!!

ازيكم كلكم.. اخباركم ايه؟؟
هو بوست عكننة انا عارفة..
بس مش عارفة بقى
احساس جويا ..
مخيف ..
مرعب ..
ومتعب جدا

الموت علينا حق.. اه طبعا
والموت هو الحقيقة الوحيدة في الدنيا

لكن الفراق بيكون صعب اوي..
ومتعب اوي كمان

كانت صديقة ليا..
ملاك على الارض زي ما بيقولوا

روحها خفيفة وجميلة..
طيبة.. هادية

كنت اول واحدة تعرف انها حامل..
جت تفرحني
كنت يومها متعكننة جدا.. ومكتئبة
فقالت:
هاقول خبر يفرحك.!
قولت لها:
قولي لما نشوف!
قالت:
انا حامل في شهرين :)

انا فرحت لها جدا لانها عايشة
بعيد عن اهلها
فالبيبي ده هيكون ونيس وحدتها
طول ما جوزها في الشغل

بعد شوية.. بدأت تحكي عن تعبها
والمها المستمرة
ونزلت القاهرة عند مامتها.. تكشف
واكتشفت ان القلب تعبان جدا
وماكنش ينفع اصلا حمل :(

تعبت اوي.. واتعذبت
اوي في الفترة ديه
كانت دايما تشكي من تعبها
وتقولي ادعيلي

كنت بدعي لها لانها تستاهل كل خير
كل ما الوقت يعدي كل ما بتتعب اكتر
لحد ما جت في يوم تقول انها تعبانة اوي

كانت قربت تولد
وطلبت اني اسامحها على اي حاجة
عملتها وزعلتني
وربنا يشهد اني مزعلتش منها ابدا

وانقطعت اخبارها فترة
وفجأة......جوزها دخل
قال ادعولها رنا في ذمة الله

رنا..
يمكن علاقتي بها كانت قايمة ع النت
منتدى ومدونة وماسنجر وفيسبوك

لكن حزني عليها
وحزن كل اللي يعرفها
بيفوق تخيل اي حد

ادعولها بالرحمة والمغفرة.
لانها تستاهل

ادعو للطفل اللي سابته
ان ربنا يحميه وجعله عوض عنها
ربنا يرحمك يا رنا.. يارب

وكمان خلونا نفتكر الناس
اللي مشيت وسابتنا
لكن لسه كلامهم معلم جوانا
وبنفتكر مدوناتهم

محمد فارس - الحياة أمل

هدى عبد المنعم - بهلولة

الفارس الملثم - ثرثرة تحت المطر


ربنا يرحمهم جميعا.. ويسكنهم فسيح جناته
تعالوا ندعولهم كلهم.. اكيد هايجي يوم
نحتاج فيه ناس تدعي لنا

سمحوني لاني رجعت
ببوست زي ده..
بس اصلها..
دامت لمين..؟!!




هناك 20 تعليقًا:

  1. بوست موجع بس كلنا محتاجينه عشان نفتكر لو نسينا و نتعظ
    ربنا يرحم كل اموات المسلمين يا رب العالمين

    ردحذف
  2. ربنا يرحمها ويدخلها فسيح جناته يارب

    ردحذف
  3. عارفة انا لسه النهاردة بالصدفة دخلت مدونة محمد الفارس الملثم وقلبت فيها شوية تحسى انهم ماتوا بس المدونة وكلماتهم لسه معانا
    ربنا يرحمهم جميعا يارب ويسكنهم فسيح جناته امين يارب العالمين
    وربنا يصبر اهل صاحبتك يارب ويبارك فى ابنها

    ردحذف
  4. رحم الله اجميع و اسكنهم فسيح جناته

    قد يكون ما دونوا او ما كتبتي سبيل للدعاء لهم و يان تكون ثقلا في موازين حسناتهم

    تحياتي

    ردحذف
  5. رحم الله الكل يارب
    ورحم السابقون واللاحقون
    اللهم امين
    تحياتي

    ردحذف
  6. ربنا يرحمها ويصبر اهلها

    ردحذف
  7. التذكير بالموت ليس عكننة لأننا قلما نتذكره لذا نحن نحتاج لمن يذكرنا بين الحين والآخر به

    جمعنا الله جميعاً في مستقر رحمته يوم الدين بلا حساب ولا سابقة عذاب

    تحياتي

    ردحذف
  8. لا حول ولا قوة الا بالله

    الله يرحم الجميع ويسكنهم فسيح جناته

    :

    وحشااااااااااني بجد

    ردحذف
  9. وانا اللى كنت جايه اهنى وابارك العودة بعد غياب كل الشهور دى
    واللى وجعتى قلبى
    البقاء لله
    وإنا لله وإن إليه راجعون
    هى تذكرة لنا أن كلنا مفارقين
    فـ لنترك خلفنا ما يجعل ذكرانا جميله كذكرى صديقتك
    تغمدها الله بواسع رحمته

    ردحذف
  10. و أشرقت الأرض بنور ربها وحده له البقاء
    هوه طريق في ناس بتوصل الأول و الباقي مسألة وقت
    ليس من مات بميت لكن الميت ميت الأحياء

    ردحذف
  11. Che

    عندك حق.. لكن احنا محتاجين كل فترة اننا نفتكر الحقيقة الوحيدة في حياتنا
    ربنا يرحم كل اموات المسلمين

    ردحذف
  12. Bent Men ElZaman Da !!

    اللهم امين.. هي وجميع المسلمين

    ردحذف
  13. احاسيس آيوشه

    الله يرحمه .. اول بوست ارد عليه في بلوجسبوت كان عن وفاته .. ومع ذلك مأثر فيا جدا

    ربنا يرحمهم جميعا ان شاء الله

    ردحذف
  14. أحــوال الهـوي

    الله يرحهم جميع.. ويجعل الدعاء في ميزان حسانتهم يارب

    ردحذف
  15. sony2000

    ربنا يرحهم جميعا.. يارب

    نورت ديه اول زيارة لك هنا ..صح؟؟

    ردحذف
  16. موناليزا

    الله اميــــــــــــن

    ردحذف
  17. تامر علي

    فعلا يا تامر عندك حق
    ربنا يرحهم جميعا.. ويرحم امه محمد عامة.. رحمة عامة ان شاء الله

    ردحذف
  18. ghorBty

    اللهم امين .. يارب

    وحشاني والله يا قمر.. يارب دايما بخير

    ردحذف
  19. صفــــــاء

    اهلا يا جميل.. اهو اديني رجعت تاني

    والتذكرة كويسة.. يعني نفتكر الحقيقة الوحيدة في حياتنا

    ربنا يرحهم جميعا

    ردحذف
  20. سحساوي

    ازيك؟؟؟

    ربن يرحمهم يارب.. ويرحمنا احنا كمان
    هم ارتاحوا والله من الدنيا.. احن لسه بتعذب فيها

    ردحذف

خلل براحتك من غير انتظار .. فتافيت أصلاً بتحب الخيار