19 ديسمبر 2009

جواز سال من نيني.. بااااااااطل

أول ما رجعت للتدوين.. كنت دخلت عملت كومنت

عند أحمد أبو العلا.. على بوست أم زغلول

هو سأل هل ممكن أم زغلول تاخد نوبل؟؟
أو حتى زغلول أبنها يبقى حد عدل في الدنيا؟؟

أنا قولت له.. ممكن تاخد نوبل في الفن أو الأدب

قياسا على اوباما.. لما خد نوبل للسلام



وطبعا كانت نوع من الدعابة.. لأن ام زغلول

ماتعرفش في حياتها غير جايزة
آريل آريل.. أوووه أوووه


بس بعد ما قريت اللي قريته.. واللي هاحكي لكم عليه ده

انا من موقعي هذا.. ومن منبر فتافيت

أعلنها للعالم.. بجد ام زغلول ممكن
تاخد نوبل يا رجالة


ههههههههههههه.. والله بجد ممكن

لأننا في زمن كل شيء فيه ممكن

طيب هاحكي وانتم احكموا .. ماشي


قريت على cnn اول امباح
قصة زواج شاب ياباني 27 سنة
الشاب اسمه سال.. والبنت اسمها نيني أنيغاساكي

سال اتعرف على نيني.. في سبتمبر اللي فات وعجبته
واللي عجبه فيها.. عنيها الواسعة
(وطبعا ده عقدة عشان ياباني.. وعيونه ضيقة)
ولبسها الجذاب.. هو حبها لدرجة
انه ما بيفارقهاش نوهائي نوهائي


بعد 3 شهور من الحب والغرام وهيااااااام
( والحب ولع في الدرة يا نيني :) )
قرر سال انه يتجوز نيني.. ويعمل فرحه
على شبكة الانترنت.. عشان العالم كله يحضر


لكن العقبة الوحيدة في الجوازة ديه.. مانتم عارفين
دايما الجواز بيكون فيه مشاكل
العائلات بقى والاتفاقات وكده


العقبة ايه بقى.. تخيلوا والنبي والنبي
العقبة ايه يا خوانا.. يا عاقلين
ان نيني شخصية كرتونية
ان ان .. تشششششششششش
ايوة زي ما قريتوا كده
نيني شخصية كرتونية





ديه صورة المحروسة نيني بجد


الموكوس سال.. جرب لعبة في شهر سبتمبر

وكانت اللعبة فيها شخصية نيني

اللي حبها بجنون وقرر الجواز منها

لا ده فعلا أتجوزوا.. وحضر حفل زواجهم

الآلف المدعوين.. على شبكة الانترنت


سال قال ايه بقى:
انا بحب نيني.. مش الجهاز اللي بلعب عليه
(لعبت عليك نفسك يا بعيد)
وعارف كويس ان جوازي منها
ماينفعش جسديا.. او قانونيا
( المعتوه عارف اهو.. انه جواز ما ينفعش)
لكن بحبها وقال كمان.. ان نيني افضل من الزوجة
البشرية على الأقل لما بتأخر عليها
ما بتزعلش مني وماتردش عليا
(ابن العبيطة هي بتحس اصلا)
ولو زعلت بتسامحني بسرعة
وكمان نيني معايا في كل مكان بيروحه
ومابتفارقنيش ثانية واحدة ابدا
لان سال بياخد جهازه
اللاب توب بتاعه.. في كل شوارع طوكيو
وفي اي مكان مهما ان كان


صدقتوا بقى؟؟.. ان ممكن أي حاجة تحصل؟؟
واللي خلا سال يتجوز نيني.. قادر يخلي

ام زغلول سيدة مجتمع من الطراز الأول

وبقدرة قادر .. تاخد جايزة نوبل


طيب سال ده.. هايعيش مع مراته ازاي؟؟
طيب لو خلفوا.. هايجيبوا ايه؟؟
انسان مكرتن.. ولا كرتون مأنس؟؟
ولا والنبي حارسه سال ده.. يبقى ابو كرتونة؟؟


طيب تفتكروا.. ان ده حل للشباب اللي
مش قادر يتجوز.. انه يتجوز أي انمي؟؟
يعني نقدر نقول.. وعلى اساس كلام سال
اتجوز شخصية كرتونية.. وعيش عيشة هنية؟؟


انا بفكر ان الستات تعمل مظاهرة
لا تبقى خيبة.. احنا لازم نحتج بجد
لا منلاقيش رجالة بعد كده نتجوزها
وكل واحد ياخد اللاب توب بتاعه في حضنه
واحنا نقعد كده زي قرد قطع كده؟؟


لا انا مش هاسكوت.. يلهووووي
جواز سال من نيني.. بااااطل
باااااااطل.. بااااااااطل







هناك 34 تعليقًا:

  1. ههههههههه

    والله لو الرجاله اللي هتفضل بتفكر زي سال, يبقى مفيش داعي لمظاهرات ولا غيره صردقيني وانتم الكسبانين

    ده عته ده ولا ايه؟
    متهيألي ده فراغ وناس فاضيه بجد ومعندهمش نفس نوعيه المشاكل اللي عندنا

    وبعدين انتي بتسألي عن ايه؟ جواز وخلفه ايه بس, الراجل بيترفع عن كل الأمور الدنيويه ديه وبيروح للروحانيات بس روحانيات تبع التكنولوجيا الحديثه

    آاااااااااااادي اخرة القاعده ادام الكمبيوتر

    ردحذف
  2. وتعليق كمان في صحة ام زغلول

    يلا ياجماعه بأه كل واحد يقوم من ادام الكمبيوتر بدل مايبقى زي سال

    ردحذف
  3. ههههههههههههههههههههههههههههههه
    فعلا جواز سال من نينى باطل
    كده سوق البنات هيقف خالص والحكاية مش ناقصه
    مش ناقصه عنوسة يعنى
    ههههه
    حلو اوى البوست
    حمد الله على سلامتك
    فيييينك؟؟

    ردحذف
  4. جولتيلي اسمه ايه ؟
    سال !
    ربنا يشفي
    ---------
    طبعا انا فديك الساعة لما اعلق علي الغائبة عن التدوين.
    يا فتافيت دي عالم ولاد كلب مجانين والله يا بنتي صدقيني
    اتجوز انمي !؟
    لا هايل والله
    المشكلة ان الكلام الي علي دماغ الواحد كله مينفعش اقوله هنا هههههههههههههههههههههه

    ردحذف
  5. هههههههههههههههه يا بنتى دى مصيبه سوده على كل البنات و الستات المتزوجات برضه مهو ممكن نينى تبقى المثنى او الثلاث او الرباع حسب العداد بتاع كل راجل
    و الله الناس مخها ضرب خلاص و السلوك بتاعتهم ساحت على الاخر

    ردحذف
  6. هلا هلا

    حمدالله عالسلامه

    ايه الغيبه دي كلها

    والله انا بشكر الحاج سال والحاجه نيني

    اللي خلوكي ترجعيلنا من تاني

    وانا من هذا المنطلق

    احب ابارك لنيني

    وادعي علي سال ان نيني تموت ويقعد كده بحسرتها

    ردحذف
  7. يا شيخة افتقدتك
    وافتقدت ضحكك وكل شيء في كتاباتك
    وحشتيني بجد
    طيب غيبي تاني كده لو جدعة

    اما عن سال
    فده حب الروح اللي ملوش آخر
    الا متعرفيش ناوي يخلف ولد ولا فلاشة؟ :)

    ردحذف
  8. نيني نيني صوتي بعد ماتغطيني:(
    هو ده الجواز ولا بلاش
    ده واحد مهفوف في عقله
    اه والله يا اوختي
    انا بحاول افهم ايه المطلوب من يوم ماعرفت الموضوع ده وبرضو مافهمتش
    يعني هو عايز ايه
    يعني بكره نشوف البنات بتتجوز مازنجر وسلاحف النينجا
    الواحد تفكيره محدود برضو ومش بيستوعب العقليات الفذه دي
    قال بحبها قال
    لا اله الا الله
    والله بحاول افهم ومش عارفه
    ههههههههههههههههههه

    ردحذف
  9. طب ولله واد بيفكر
    عرف ازاي يتجوز بدون تكاليف
    لأ وكمان ايه - لما يحب يسيبها مش هاتجري وراه وتطالب بحقوقها
    وفيه ميزه كبيره كمان انها مش هاتكبر في السن خالص وهاتفضل طول عمرها كده!!

    ردحذف
  10. حمدالله على السلامة فتافيت

    نورتى عالم التدوين

    خلى سالى فى حالها وبكرة تعرف اللى جرالها ههه


    ربنا يوفقك ويكرمك

    مع خالص تجياتى

    ردحذف
  11. ههههههههههههههههههههه

    بوست تحفه بجد

    "ولا والنبي حارسه سال ده.. يبقى ابو كرتونة؟؟ "

    اه تقريبا هيبقى كده

    وكمان البنات هتتجوز مازنجر على رأي عاشقة وغلبانه

    ههههههههههههههه

    جواز سال من نيني باااااااطل بااااااطل بااااطل

    شعار فظيع

    روحي ياشيخه ربنا يوقف لك اي حاجة في اي حته
    على رأي الزعيم عادل امام ههههههههههه

    كل سنة وحضرتك طيبة

    واشكرك ع الزيارة

    سلاموا عليكم

    ردحذف
  12. سلام عليكم

    كيفك فتفافيت

    نورتى البلوجر

    كل سنة وانتى طيبة الاول
    ومتفق معاكى ان الفايس بوك
    اسرع وسهل حاجات كتير اوى علينا اكتر من البلوجر بكتير لانه اسرع واسهل


    المهم
    دايما عالم النت فيه خليط عجيب من التعلق والارتباط
    ومن الوهم والخيال
    واللى حصل مع الواد ده خليط من الاتنين
    وطبعا دول عالم مخابيل وكمان شوية شو وبروباجندا وخلاص

    ومنتظرين كتاباتك دايما

    ردحذف
  13. هي دي بأه مشاكل الناس الهبل اللي معندهاش مشاكل ... يا يروحوا ينتحروا .... يا يشربوا ساكي .... يا يتجوزوا آنيمي :)

    هم بس ديتهم ياخدوا دورة تدريبية في مصر ... يرجعوا رجالة تاني ويروحوا يبوسوا تراب اليابان ويعرفوا ان الله حق ويبقوا بني آدمين مش (كراتين) بيض :))

    ردحذف
  14. حبيبت قلبي ، ده لو سمحتي لي ، و طظ في أي حد يفهم صح
    وحشتيني جدا ، بس أنا ايه ، دخلت و علقت كام مرة و لاقيتك منفضة لي ، قلت يا واد يا سحس طنش خلاص أصون كرامتي قبل مدونتي ، لكن وحشتيني
    و بلغت شرطة المدونات ، فتافيت تيها يا ولاد الحلال ، ببلوزة نيلون و جيبة ترجال .
    و لو طنشتيني تاني مش هاكلمك تاني
    بجد وحشتيني

    ردحذف
  15. عادى يافتافيت ياحبيبتى
    ناس فاااااااااضية
    ولا عندها بطالة ولا عندها مجارى ضاربة فى كل الشوارع
    ولا عندهم زاط فى رغيف العيش
    مش عايزه يحب نينى
    ده يحب رشيدة معزة بكار كمان D:
    دمتِ بخير ..

    ردحذف
  16. ادي اخرة العزلة مع الانترنت الجدع مخه ضرب ...المفروض نتابع حالته ونقرا يومياته بعد الجواز....الحمدلله على سلامتك يا فتافيت

    ردحذف
  17. ههههههههههههههههههههههههههه

    هقع من كتر الضحك ياشيخه ع اخر البوست

    انسان مكرتن ولا ههههههههههههه

    والمصحف انتي عسسسسل

    وعداكي العيب وازح يا فتفوته بقى ضاقت بيه رايح يتجوز انمي

    حسبي الله ونعم الوكيل

    وحشتيني يا قمره

    ردحذف
  18. اهو ده اللى كان ناقص
    طيب ده نظامه ايه فى الخلفه
    ياترى هايخترع طفل ما بين الشكل الكرتونى و البشرى و يكون ده ابنهم
    بس الظريف فى الموضع ان حتى الستات فى اليابان مافرقوش عننا فى حاجه
    ده شيئ يدعوا للفخر

    ردحذف
  19. ايه ده رجعتى امتى طب مش تقولى كنا رشين الأرض دناميت ولا حاجة ههههههههه
    حمدا لله على السلامة نورتى بجد

    ردحذف
  20. اعجبني تعليق احمد ابو العلا وضحكني بصراحة تفتكري يا فتافيت يا حبيبتي ممكن احنا الستات بعد كده نتجوز سوبر مان اصله فتى احلامي من زمان

    ردحذف
  21. متشكرة موووووووووووت لكل اللي جه زارني بعد
    فترة الانقطاع :)

    ده كومنت كده عام.. بشكر فيه الكل
    وهارجع ارد على كل كومنت
    واحد واحد.. باسمه

    ربنا ما يحرمني منكم ابدااااااا
    كل سنة وانتم طيبين

    ردحذف
  22. @ أحمد أبو العــــــــلا

    هههههههههههههه شوفت ام زغلول :)) قمر
    وانا معاك ان اللي زي سال ديه.. ياريتها كانت بركت عليه موته :))))))

    احمد مدونتك ما بتفتحش ليييييه؟؟
    فيه ايه؟؟؟؟

    ردحذف
  23. آه صحيح.. في صحة امزغلول
    لاتفطس على اول السنة ولا حاجة :)

    ردحذف
  24. مسدس باشا

    انا هنا اهو يا سيدي وجيت ازهقكم تاني :)

    وبعدين ايه مش ناقصة ديه.. على اسا ان اللي يعمل زي سال ده راجل.. بلا خيبة خليه على راي ابو العلا في الروحانيات الالكترونية بتاعه.. ههههههههههه

    نورت يا صاصا :)

    ردحذف
  25. Tamer دياب

    ههههههههههههههههههه.. حاسة بيك
    مانا برضو كل اللي كان في دماغي ما قولتش منه كلمة
    ههههههههههههههههههه قرايني يا وديييييييع


    يلا.. انت ايش اخبارك يا كبير؟؟

    ردحذف
  26. صيدلانيه طالعه نازله يقول...


    ياريت يا اوختي.. ديه الزوجة الالكترونية خارج العداد ده

    يعني دول هايبقى ما ملك يمينه .. وصوتي يا اوختشي بقى هههههههههههههههههههههههههه

    كنا ناقصين كمان بنت الكرتونة دية كمان
    قال يعني احنا خالصين من ولاد جنسنا
    عشان كمان الكرتون يقطع علينا
    اوعي تفرجي جوزك على سبيستون.. ولا ام بي سي ثري
    ههههههههههههههههه وقد اعذر من انذر :*

    ردحذف
  27. أبو العريف

    ههههههههههههههههه تموت اايه ده هي ديتها يفرمت الهارد
    او يجلها فيروس محترم.. طيب افرض قاعد معاها
    الويندوز وقع.. ممكن يعورها لو وقع فوقها

    نورتني يا ابو العريف.. ومبرك المدونة الجديدة تحفــــــــــــــــــــــــــــــــة

    ردحذف
  28. ستيته حسب الله الحمش

    حبيبة قلبي.. والله انتي اللي وحشتيني موت
    وبالنوسبة للاخ سال.. يبقى يجي يقابلني لو خلف حتى كارت ميموري :)))))))

    موووووووووووة

    ردحذف
  29. عاشقه وغلبانه

    ههههههههههههههههههه هو عنده متطلبات تانية غيرنا اصلا
    جته ستين خيبة.. بحاول افهم حاجات كتير
    بعيد عنك الافق عندي ضيق ومش عارفة هههههههههههه

    هههههههههههههههههههههههههههههه
    والله انا من يوم ما عرفت الهطل ده.. وانا بفكر
    اشوف رقم واليد اللي كان في كابتن ماجد.. كنت بحبه اوي

    ردحذف
  30. لورنس العرب

    ده اللي انا كنت خايفة منه
    ادي اول حد يثني عليه.. ضاع مستقبل بنات مصر :)
    نورت يا وزير النقل :)

    ردحذف
  31. Tamer Nabil

    ميرسي يا تامر.. نورت المدونة
    وبالنسبة للاخ سال.. يمهل ولا يهمل بقى :)
    البوست الاخير بتاعك يجنن

    ردحذف
  32. قلم رصاص

    ههههههههههههههه لا انا عايزة اتجوز وليد اللي كان حارس مرمى في كابتن ماجد.. فاكره كان موووز :)

    وميرسي على الدعوة.. تصدق جت في وقتها :))

    نورت يا باشااا

    ردحذف
  33. مدونة فتافيت ربع قرن مدونة رائعة وجميلة بكلماتهاالمعبرة و بالونها
    الحلوه ...اتمناءلك النجاح والتوفيق

    اخوكم /عبد الباسط من ليبيا

    ردحذف

خلل براحتك من غير انتظار .. فتافيت أصلاً بتحب الخيار