31 ديسمبر 2009

نهاية غير متوقعة لـــ2009


كل سنة وأنتم طيبين يا أجمل ناس عرفتها في حياتي
2009 أخيرا هاتنكشح من العالم.. كانت سنة عجب بجد
حصلي فيها حاجات كتير أوي وحشة.. الحمد لله ع كل شيء
لكن معرفتي بيكم.. كانت من أجمل الحاجات اللي حصلت



كنت متخيلة أن السنة ديه هاتفضل.. زرقة زي ما بدأت معايا
فاكرين الزرقان اللي كان هاجم عليا من يوم عيد ميلادي

بس حصل حاجتين في آخر أسبوع فيها.. فرحتي بيهم
تعوضني عن كل اللي حصلي طول شهورها وأيامها


أول حاجة.. الكتاب اللي هاتنزل ليا قصة فيه
وطبعا أنا بدأت كتابة بالنسبة للقصص في مارس بس
فالحمد لله طبعا.. أن بعد أقل من سنة اسمي يكون في معرض
الكتاب ده شيء بجد اسعدني جدا.
وميرسي لموقع
نص الداعم ليا

تاني حاجة.. من كام يوم جالي كومنت على بوست
قديم بتاع التدوينة السودة.. لو تفتكروا.. عن غزة
وربنا يكرمه اثنى على البوست.. وانا رديت عليه
والله ما قريت رده بعد كده
بس لما دخلت لسوووو
وهو زعلان عشان اللي بيتسرق منه
فشيكت على اللي تم نسخه من مدونتي
وعملت بيهم سيرش

وإذ فجأة كده.. الاقي حاجة اصلا عمري
ما تخيلت انها تحصل ليا.. والله بجد.

لاقيت منتدى عامل ليا قسم كامل يناقش فيه مدونتي
القسم كله بوستات من مدونتي وبس.. بصراحة

انا طيرت من الفرحة.. فرحاااااااااااانة
منتدى أبو خضرة


يااااااااااااه بقى.. اصلا من 4 ايام قابلت واحد
ضاف ايميل المدونة.. وكلمته.. وفرحت اوي
ان فيه اصلا حد متابع كده مدونتي.. وفرحت موت

إنه حب التدوين عشان مدونتي
ومدونة د.ستيته وغادة عبد العال

واصلا اسمي مع الاتنين دول.. في حد
ذاته يطيرني من الفرح مكنتش متخيلة ابدا
ان حد يقارني بيهم.. وباسلوبهم


وانا بقوله .. انا عند وعدي ليك
والله ان شاء الله


وبعدين الاقي النهاردة قسم كامل في منتدى ليا
يااااااالهوي.. مش مصدقة وربنا لحد دلوقتي
بجد انا بشكر أبو خضرة.. من كل قلبي
انت غيرت فكرتي عن السنة كلها


يعني انهارده كنت ناوية والنية لله.. اعكنن :)
على كل المدونات الصديقة.. باحداث 2009
بس انت .. خلتني اغير خاااالص


أدعو لعم أبو خضرة.. بطولة العمر
الله يخليه ويبارك فيه.. رحمكم من بوست الآلام


ابو خضرة.. صاحبنا سووو الجميل كان بيشتكي
من الناس اللي بتاخد وماتقولش جابو منين


انا بقوله اهو.. ابو خضرة مثال حي
ان فيه ناس محترمة لدرجة منتخيلهاش
ناس تعرف يعني ايه ناس بتكتب كلمة
وقد ايه الكلمة بتكون غالية عليهم

بشكرك يا ابو خضرة
من معاميق قلبي
:)

وهااااابي نيييو ييييييييير
يا مدونيييييييين

:))

هناك 28 تعليقًا:

  1. كل سنة وانتي طيبه

    والف مبرووووووك على القصة ووجودك في معرض الكتاب
    دي بجد حاجة رائعه ..ربنا يزيدك يارب

    ومبروك كمان على اهتمام الاخرين بكتاباتك ..وتستاهلي اطتر من كده بأمانه

    مزيد من التوفيق والسداد

    في حفظ الله

    ردحذف
  2. مساء الخير يا بنتي يا فتافيت .. مساء يحمل لك وللمدونة وكافة اصدقاء المدونه أجمل التهاني بالعام الجديد .. نحن في منتدى
    ابو خضرة سلام لكل الناس , , نحترم المدونيين صراحة أكثر من المنتديات والمواقع , فالمدونات فيها فكر وفيها ذوق وفيها معايشة لواقع الناس .. والمنتديات
    ماده جامده حاملة للمعلومات فقط , فأنا اقرأ المدونة ونراني مشدودا اليها , أعيش أحداثها لحظة بلحظة لأن فيها نبض حياة , مثلا : بوست , خلي السوافين ياكلو عيش .. أنا كنت في الأول مع فتافيت وهي واقفه ع الناصيه تستنى التاكس , كنت جنبها وهي
    حاطه ايديها وضمامهم كده على صدرها وتبص يمين وشمال ’ أنا شفت التاكس قبليها ومديت ايدي , بس السواق مشفش ايدي .. ويشوف ايدي بتاع ايه , قوم ايه , جري على صباع فتافيت , مش عارف لو مدت ايدها كلها
    كان حصل ايه , أصل السواقين في كل البلاد العربيه
    مدربين يشوفو ايدين الستات وهي بتشاور , دول بيشوفو صوابع الست عن بعد , عينيهم موجهه ولا ودانهم اللي بتسمع صوت الكعب العالي وتميزه عن بافي الكعاب اللي خلقها ربنا , آه وبيشموا كمان ويعرفو ريحة البني آدم من قفاه , السواق مشي وقرب من فتافيت وشويه كده طلعت معاه قلت آه ربنا معاك يا بنتي وسجلت في عقل بالي نمرة العربيه أحنياطا أه ودعيت لها ’ أصلها بنت حلوه كده وروشه وصغيره عرفتها من شكلها وقلت لازمن هي البنت فتافيت اللي بيتكلموا عليها في النت .. غيره بقه .. خفت تكون عصابه عايزه تخطفها عشان يعلموها ازاي تطلع م " حظيرة التطبيع " بدون اذن " مع فائق الأحترام " عايزه حريه يختي وعدالة ومساواة دنت لما بشوفي حلمة ودنك خلي المدونه بفه تنفعك ومفيش عرسان
    يالله وطول منت كده ح تفضلي زي البيت الوقف " ربنا يوقف حالكم يا بعدا " هو انا بقول حاجه غلط ؟
    انا بس عايزه أتنفس .. عايزه هوا نقي مفيهوش غيره وحقد وأنانيه .. هوا حر فيه كرامه وعزه وشموخ
    انا متفائله بقه في السنة الجديده .. آه والله .. وح عزمها على فنجان قهوه .. وقولها أنا عايزه ايه ..
    بس يا رب تقبل وم تكسفنيش .

    ردحذف
  3. يا اختشي يا جمالك يا احلى فتفوتة
    الف مبروك على كل شيء فرحك في 2009 وربنا يجعلك 2010 احلى ميت مرة
    كل سنة وانت طيبة

    ردحذف
  4. ابنتى الحبيبة فتافيت
    الف مبروك كل لحظة تقدم ويارب دايما
    الاخت الجبيبة الغالية
    وكل سنة وانت بالف خير
    ويارب العام الجديد يكون سعيد عليك وعلى اسرتك..
    ومحقق لكل امانيكم ..
    اعذرينى لتاخرى عليك ويعلم الله انها ظروف قهرية

    ردحذف
  5. يارب تكون سنة جديدة سعيدة بالنسبة ليكى

    وتحققى فيها كل احلامك


    فعلا اسعد شىء ان الواحد يلاقى ناس مش عارفها بتابعه باهتمام

    ويارب للامام دايما

    ردحذف
  6. عام سعيد وكل عام انتم بخير
    نحن مقبلون علي لحظات حرجه في تاريخ مصرنا
    انتخابات مجلس الشعب 2010
    انتخابات الرئاسه 2011
    هل اعددت نفسك لتقول كلمتك
    هل سجلت نفسك في الجداول الانتخابيه
    اذا كنت قد سجلت نفسك ادعو غيرك
    الحمله الشعبيه للقيد بالجداول الانتخابيه
    باقي من الزمن30 يوم

    ردحذف
  7. السلام عليكم ورحمة الله وبركاته

    حمداً لله على سلامتك يا فتافيت وحشتينا :)

    ألف مبروك ومن نجاح إلى نجاح وتمنياتى بمزيد من التميز .

    تحياتى .

    ردحذف
  8. ربنا يجعل السنة الجديدة كلها خضرة
    ههههه
    كل سنة وانتى طيبة
    وعام جديد سعيد عليكى يارب

    ردحذف
  9. كل سنة وانتى طيبة يافتفوتة ويارب السنه الجاية تكون اجمل بكتيررررررررررررررررررر وتحققى كل احلامك اله قوليلى هو ايه التعليق الى عجبك عند الدكتورة ستيته

    ردحذف
  10. انتى باين عليكى بقيتى من الناس الواصلة ..
    النهاردة منتدى عاملك قسم خاص
    بكرة خيرى رمضان يكتب عنك
    بعد بكرة نلاقيك على قناة الحياة ولا حاجة ..

    نلحق نكلمك شوية قبل ما تنسينا D:

    انتِ اصلا تستاهلى كل خير والله
    وده اقل حاجة تتعمل معاكِ ..

    وان شاء الله هابقى اشوف موقع نص ده كده علشان لوكده ابعت شوية اخترعات ليا ..

    دمتِ بخير ..

    ردحذف
  11. مبروك عليك وعلى أبو خضرة وعلى نص كمان :)

    كده يبقى 2009 عملت معاك الدنيئة في أولها بس ختمتها كويس ..... ربنا يجعل القادم خير من جميع الجهات :)

    ردحذف
  12. السلام عليكمـ

    أختي الكريمة

    مبارك عليك .. وبالفعل فأنتِ مدونة متميزة متألقة بين جميع المدونين ، فليس غريباً على هذه الصفحة المميزة أن يتحدث الجميع عنها وعن همس حروفها العطرة.

    تحياتي

    ردحذف
  13. أزال المؤلف هذا التعليق.

    ردحذف
  14. صباح الخير ..أنا ساره .. من منتدى ابو خضرة - سلام لكل الناس .. الناس الطيبه .. الوحشه لأ .. سلام لكل من أراد لهذه الأمة أن تعيش " بكرامة " مع ان كلمة الكرامه صارت " لهاية أطفال " هذه الأيام
    عمرك با أختي يا فتافيت شفت " رجاله " ماسكه لهايه
    عشان تسكت وتبطل زن وعياط ما علينا .. يسعدني ان
    أقدم اليك والى كافة أصدقاء فتافيت وزوارها أجمل التهاني وأطيب الأماني بقدوم العام الجديد 2010
    ويا رب أصحى .. أي وقت مش مشكله والاقي فتافيت
    بقت رئيســــة مجلــــس التدويــــــن العالمـــي وجوجل يشتغل عندها بواب بجد بجد أنت روعه .. انا شفت مدونات كتير .. معظمهم همهم يكتبوا وخلاص
    ومع الأعتذار للمدونات المصرية الجادة حتى وأن كتبت
    باللهجة العامية الا أنها تحمل رساله وشايله هم الدنيا فوق دماغها .. كما هي " فتفوته " الكميله .. بس حبيت أصبح عليك .. صباح الفل

    ردحذف
  15. كل سنة وانتى طيبة وبخير وسنة حلوة عليكى وربنا يحقق ليكى كل ما تتمنى يارب

    والف مبررروك على الانتشار الجميل

    ربنا يوفقك ويكرمك

    مع خالص تحياتى

    ردحذف
  16. مساء الخير .. هذا أنا علاء الدين من منتدى ابو خضره / مراقب عام
    " أنا مش مجهول .. ولكني لا أملك حساب على جوجل .. أنما ملحوقه ح فتح حساب مخصوص عشان الفتفوته بس ..
    أهنئك بالعام الجديد وأر جو أن تعلمي بأننا أصبحنا
    نصبح ونمسي على فتافيت كل يوم من ساعة ما شرفت منتدانا .. وأرجو أن نظل كذلك .. اخوة في الله ..
    هناك فرق بين أن يكتب الكاتب لمجرد الظهور وأن أسمه
    يشع بالفلاش على صفحات النت , وبين من يملك الموهبة
    ويملك الحس الأنساني والوطني كي يعبر عم معاناة الناس ليس من خلال الهوية الشخصيه الضيقه وأنما من خلال الهوية الأنسانية عامة ..
    كنا في وقت مضى و نحن نتفرج على فيلم ويكون من ضمن الأحداث موقف تفقد فيه المرأة " الممثلة " طفلها من حيث تخطفه العصابه فيصيبنا التأثر من بشاعة السلوك الذي قامت به العصابه .. ونبكي
    امهاتنا تبكي وأخواتنا .. مسكين هالطفل ومسكينه
    الأم .. الآن عندما كبرنا وعرفنا أن أحداث الفيلم
    ليست حقيقيه .. وأن الوقائع الحقيقية أنما تجري هناك في الميدان عندما تكون حياة الأنسان متعلقة
    بضغطة زناد من جندي يهودي حاقد .. في المشهد التمثيلي تقوم العصابة بقتل الطفل بعيدا عن عيني امه.. اما في المشهد الحقيقي فيقوم الجندي بقتل الطفل
    أما عيني أمه .. وفي حضنها .. وهو يلتقم صدرها للرضاعة .. ويختلط الدم بالحليب في مشهد يدمي القلب
    والأكثر بشاعة أنه ليست كل القلوب التي تحس بهول الفاجعة .. هناك قلوب تتقطع وهناك قلوب تتفرج وقلوب تقول : وحنا مالنا !! وهذه القلوب هي أشد فتكا وضررا على الأمة من قلب الجندي اليهودي قاتل الأطفال .. عذرا لهذا .. ولكن الذي يجري في الساحة حولنا أشد وجعا وأيلاما ..

    ردحذف
  17. سنه سعيده

    زاخره بطاعة الرحمن

    اتمناها لك غاليتي

    لك ودي :)

    ردحذف
  18. ازيك يا فتافيت

    وكل سنه وانت بالف خير

    وان شاء الله تكون 2010 سنه سعيده عليكي

    وبشكر ابو خضره علي الامانه العلميه المعملليه الفذه

    واكيد مدونتك تستاهل منتدي بحاله

    ردحذف
  19. كل سنه وانت بكل خير يا رب
    وكل الاخبار الحلوة دى تخلى عام 2009 عام جميل
    وان شاء الله 2010 يبقى احلى واجمل وأنجح

    ربنا يخلي كل ايامك سعيدة

    ردحذف
  20. ما شاء الله عالأخبار الحلوة ...داه كم يفتح النفس أحسن من الأحداث الدامية بتاعة العام الماضي....ربي يجعل أيامنا و أعوامنا المقبلة عامرة بحبه وحب من يحبه وحب عمل يقربنا إلى حبه...آمين

    ردحذف
  21. بخ
    انا قلت اجى النهارده على غفله عشان اخضك
    اتخضيتى ؟؟

    ردحذف
  22. عزيزتي فتفوته....انا شمس من منتدى ابوخضره اعمل مشرفه على قسم خواطر وهمسات....انا اعلم انه خلال الايام القادمه ستحتفلين بعيد ميلادك السادس والعشرون وكل عام وانت بالف خير...واتمنى ان تقضيه معنا بمنتدى ابوخضره لنحتفل بك وبوجودك كما وعدتنا ان تكوني....
    اليك ترحيبي بك في نهايه غير متوقعه نقلا عن منتدى ابوخضره:

    امممممممممم مش عارفه ىشو احكي بعد كل هالترحيب الحار للاخت فتفوته....و.بصراحه انا اول ماشفت اسم فتافيت افتكرت ابوخضره نقل النا محطه فتافيت للطعام قلت بنفسي ياعيني ياليلي حناكل اكلات جديده هنكسر الروتين وداعا للملوخيه وورق العنب.....حناكل اكل عالمي اكل عمرنا مااكلناه....وبعد ماشهيتي انفتحت للطعام فوجئت....بأن الست فتافيت هي مدونه وصاحبتها احلى فتفوته بالكره الارضيه....خفه دم ايه زي السكر.....نحن سعداء بيكي قوي قوي....ويشرفنا بجد وجودك بمنتدانا الاسري المتواضع المتميز عن باقي المنتديات بترابطه وهدفه لحمل السلام لكل الناس....وبنتمنى تواصلك معانا ونتشارك كل واحد برأييه يعني فتفوته من عندك وفتفوته من عندهم وفتفوته من عندنا تصبح فتافيت....
    اها نسيت ااقولك انا شمس الربيع من منتدى ابوخضره يعني تقريبا عييني ابوخضره مشرفه بتمنى اكون عند حسن ظنه وظن الجميع....
    مابدي اطول عليكي بانتظارك وانتظار وجودك معنا بالمنتدى....ومره اخرى اهلا وسهلا بك
    اختك شمس الربيع
    وبسعدنا وجودك معنا من جديد

    ردحذف
  23. بنوتي الجميله

    ازي احوالك

    و احشاني

    طمنيني عنك

    تحياتي

    ردحذف
  24. نحن في حاجه الي رايك في مشاكل القراء علي مدونة دقات قلب بعد الخمسين

    ردحذف
  25. ياااااه

    بقالي كتير مجيتش هنا

    ازيك يا فتافيت اخبارك ايه

    يارب تكوني بخير ياااااااارب

    ردحذف
  26. السلام عليكم ..
    ح خش في الموضوع على طول ..
    من فضلكم حد يقولنا فتافيت فين ؟
    بقالها مدة طويلة مش يابنه ..
    هو في ايه .. !

    ردحذف
  27. مساء الخير ..
    الحمدلله ع السلامه .. انشغلنا عليك كثير .. لسه يا دوب شفتك ع المنتدى .. بس يا خساره طلعت قبل ما نرحب بحضرتك .. مش مشكله الأيام جايه بمشيئة الله ..
    المهم تطمنا عليك .. شكرا ..

    ردحذف

خلل براحتك من غير انتظار .. فتافيت أصلاً بتحب الخيار