انا زهقت وقرفت بجد من ام الاسطونة اللي
بسمعها مليون مرة في اليوم
بسمعها مليون مرة في اليوم
من ماما وخالاتي من تيته من صحباتي
المتجوزين واللي مش متجوزين حاجة تزهق
جالي عريس من فترة .. عادي يعني مانا طول
عمري بيجي ليا عرسان مش عجبه يعني
المتجوزين واللي مش متجوزين حاجة تزهق
جالي عريس من فترة .. عادي يعني مانا طول
عمري بيجي ليا عرسان مش عجبه يعني
بس المرة دية الكلام بقى اوفر اوي بجد ..
خلاص مش قادرة
خلاص مش قادرة
ماما ليل ونهار .. قايمة نايمة .. تقوللي
حرام عليكي شبابك بيضيع
ياااالهوي ياني يامه .. بيضيع ازاي بقى
حرام عليكي شبابك بيضيع
ياااالهوي ياني يامه .. بيضيع ازاي بقى
كل يوم بترفضي عرسان ومش حاسة بالمصيبة ..
مصيبة ايه يا مامتشي؟؟!!
مصيبة ايه يا مامتشي؟؟!!
ان عمرك بقى 25 سنة وزيادة
انن ااااااااان تش ..
طيب وده الدوا بتاعه عضل ولا وريد؟؟
تابلت ولا شرب؟؟!.. خيبة لا يكون العمر الوحش
الشر بره وبعيد عليا
والله العظيم حرااااااااااام ..
ايه يعني 25 سنة ؟؟!!
انن ااااااااان تش ..
طيب وده الدوا بتاعه عضل ولا وريد؟؟
تابلت ولا شرب؟؟!.. خيبة لا يكون العمر الوحش
الشر بره وبعيد عليا
والله العظيم حرااااااااااام ..
ايه يعني 25 سنة ؟؟!!
ركبت طقم سنان ؟؟!!
والله العظيم ما خلعت درس
والله العظيم ما خلعت درس
لبست نضرة قعر كوباية؟؟!!
اقسم بالله نظري 6/6
اقسم بالله نظري 6/6
ماشية بعكاز؟؟!!
زي القردة والله العظيم
كرمشت وشبت؟؟!!
ابسلوتلي نوهاااااااائي
زي القردة والله العظيم
كرمشت وشبت؟؟!!
ابسلوتلي نوهاااااااائي
طيب ماله بقى عمر ال25 ده؟؟
ده انا لسه في عزي يا نااااااااس
ده انا لسه في عزي يا نااااااااس
يا بنتي حرام عليكي..
شوفتي السنة اللي فاتت جالك كام واحد؟؟
ما بعدش يا ماما .. العدد في الليمون كبري دماغك
شوفتي السنة اللي فاتت جالك كام واحد؟؟
ما بعدش يا ماما .. العدد في الليمون كبري دماغك
لا بس انا بقى بعد يا فالحة
واحد في فبراير.. وواحد في ابريل
واحد في يوليو .. وواحد في سبتمبر
واتنين في عين العدو في نوفمبر
(دول بتوع 2008 بس)
عااااااااااا
طيب يا ماما ديه حاجة مبشرة جدا اهو.. مالك بقى؟؟!
واحد في فبراير.. وواحد في ابريل
واحد في يوليو .. وواحد في سبتمبر
واتنين في عين العدو في نوفمبر
(دول بتوع 2008 بس)
عااااااااااا
طيب يا ماما ديه حاجة مبشرة جدا اهو.. مالك بقى؟؟!
انتي هاتهزري يا خبتي الناقعة..
انتي مش حاسة ولا بتستهبلي؟؟!
والله ماحسة بحاجة؟؟!.. ايه فيه ايه؟!
انتي مش حاسة ولا بتستهبلي؟؟!
والله ماحسة بحاجة؟؟!.. ايه فيه ايه؟!
من نوفمبر 2008 لاخر مارس 2009 مافيش غير العريس ده اللي جه!
طيب وده خطر يا ماما يعني؟؟ انا كده دخلت مرحلة الخطر؟!!
يعني كده خلاص لازم نضحي بالام علشان الجنين يعيش
طيب وده خطر يا ماما يعني؟؟ انا كده دخلت مرحلة الخطر؟!!
يعني كده خلاص لازم نضحي بالام علشان الجنين يعيش
مش مكسوفة من نفسك وانتى طول الباب كده؟؟
الله ديه عقدة بقى علشان اطول منك!
الله ديه عقدة بقى علشان اطول منك!
جتك خيبة وانا قدك كنتي انتى واخواتك معايا
الزمان يا ماما بيختلف.. هو زماننا زي زمانكم
ثم ان ده قسمة ونصيب
اتوكسي يا خبية عمري.. ماكل صحابك اتجوزوا وخلفوا اهم!
ثم ان ده قسمة ونصيب
اتوكسي يا خبية عمري.. ماكل صحابك اتجوزوا وخلفوا اهم!
مهم علشان بيتجوزوا وخلاص.. ولو كنت عايزة كده
كان زمان عندي اورطت عيال
لكن انا على جثتي
كان زمان عندي اورطت عيال
لكن انا على جثتي
ااااااااااااااااااااه
(ديه ماما عضتني على فكرة)
هو حرام اني استنى الشخصية اللي تفهمني؟؟!!
حرام اني اقول يا واحد اعيش معاه
مبسوطة مرتاحة يا بلاش جواز؟!
(ديه ماما عضتني على فكرة)
هو حرام اني استنى الشخصية اللي تفهمني؟؟!!
حرام اني اقول يا واحد اعيش معاه
مبسوطة مرتاحة يا بلاش جواز؟!
يعني ايه اتجوز واحد
مش فاكرة اسمه احمد ولا محمد؟؟!!
يعني اتجوز واحد
مش فاهمني؟؟!
مش فاكرة اسمه احمد ولا محمد؟؟!!
يعني اتجوز واحد
مش فاهمني؟؟!
يعني ايه اتجوز واحد
مافيش بينا اي عامل مشترك؟؟!
مافيش بينا اي عامل مشترك؟؟!
يعني اتجوز واحد
علشان الناس ما تقولش عانس؟!
علشان الناس ما تقولش عانس؟!
طيب انا بقى عااااااانس
وهافضل عايشة لوحدي كده
زي قرد قطع زي ما ماما بتقول
ومش هاتجوز ابدااااااااااااااا
وهافضل عايشة لوحدي كده
زي قرد قطع زي ما ماما بتقول
ومش هاتجوز ابداااااااااااااااالا الانسان اللي اوافق عليه
بعقلي وقلبي سوا
بعقلي وقلبي سوا
انسان يفهمني وافهمه
نفهم بعض يا ناااااااس
نفهم بعض يا ناااااااس
انسان يحترمني ويقدر دماغي
قبل يفكر في جسمي
قبل يفكر في جسمي
حد يقول لامي تحل
عن نفووووووووخي
بدل ما اولع في المدونة بتااااعتي
وكل المدونات الصديقة
عن نفووووووووخي
بدل ما اولع في المدونة بتااااعتي
وكل المدونات الصديقة
عااااااااااااااااااااااااااااا
:"(
أزال المؤلف هذا التعليق.
ردحذفانا معاكي بنسبة 100% إنك (تتريثي) في اختيارك لأن ده اختيار صعب جداً وتبعاته هتفضل لها تأثيرها طول العمر سواء نجحت (إن شاء الله تنجح :) أو لاقدر الله العكس ... ومن التجارب الكتيرة اللي شفتها واللي اطلعت عليها أويدك بشدة في عدم الانصياع (لهاجس) العنوسه فحتى لو تأخر (المنتظر)بعض الشيء ثم تكللت العلاقة بالنجاح خير ألف مرة من الإنصياع لضغوط المجتمع وهواجس السن والرضا بمن ليس بكفء .
ردحذفلكن أحب أوضح نقطة معينة ... الرجال بتتفاوت في القدرة على الفهم (والتعبير عن الفهم) فأنصح بعدم التسرع في الأحكام الظاهرية على الأشخاص فالكثير منهم لا تظهر ملامحه إلا بعد أن يأخذ فرصته بدون خوف أو تردد يصنعه مواقف الارتباط التقليدي ...
تحياتي وتمانياتي بالتوفيق دائماً :)
معلش (الحاجه)بتدخل باسمها ومتعملش ساين اوت بعد ما تخلص وانا (أدب وراهافيطلع التعليق باسمها وامسحه واكتبه تاني وهكذا حتى مطلع الفجر:)
ردحذفD:
ردحذفياعيني يابنتى
وماله 25 سنة
زي الفل
والله انا مع نظريتك جدا جدا
ولعلمك اللى بيتجوزوا عشان الجواز وبس .. بيحصلهم مشاكل اد كدة بعد الجواز بفترة قليلة جدا وانا معظم اصحابي كدة بجد
ناس هتتطلق وهي لسة 23 سنة ومكملتهومش كمان
يبقي كدة احسن انى ابقي مطلقة فى سن 23 ولا انتظر الفرصة المناسبة والشخص اللى نعرف نتفاهم مع بعض وافضل معاه طول العمر
بس عشان مهديش النفوس بينك وبين مامتك هقولك بس مترفضيش من الباب للطاق ...
حاولى تشوفيه عامل ازاى وبعد كدة ارفضي
ربنا يكرمك يابنتى يارب ويكتبلك الخير كله
وماتزعليش نفسك ... 25 سنة دي لسة اصلا مطلعتش من البيضة
D:
وانا اللى كنت فاكرة انى اول تعليق
ردحذفخيرها فى غيرها بقي
سلام عليكم
ردحذفطبعا لازم تتأمرى فتافيت
واوعى توافقى على اى حد كده
وخلاص
ده اهم قرار الواحد بياخده فى حياته
وربنا يرزقك بالزوج الصالح ان شاء الله
ردحذفوبعدين اهو
انا كمان مش عارف اكون اول تعلق
عندك ناس بايتة جنب المدونة انتى كمان
هههههههههههههههههههه
فتفوتة
ردحذفانا معاك انك ترتبطى بمن يرتضاه قلبك ويوافق عليه عقلك
ومش معاك فى انك ترفضى بدون فترة اختبار كافية
انا مع تامر فيما يقوله لك
ادى نفسك والاخرين الفرصة
ولازم تقدرى قلق الاهل بعد ان زادت نسبة العنوسة
ربنا يفرح قلبك وقلب اهلك عن قريب
قلبك أبيض
ردحذفولعة ايه بس اللي عايزه تولعيها في المدونات ديه
بصي يافتفوته, مش معنى أن العرسان كتير يبقى معاهم حق. العرسان ممكن تكون كتير لكنهم مش لازم يكونوا مناسبين
في مقوله انجليزيه جميله أوي اقريها وفكري في معناها
http://phocks.org/stumble/girlsarelike.php
والله نفسي كل الامهات يفهموا ده مش مامتك بس
ردحذفماما بتقولي هجوزك ف اولى جامعه :D
قولي الحمدلله ان مامتك صابره عليكي يابنتي :D
بساوعي يا فتفوته .. مافيش حاجه اسمها عانس الا لو عديتي 35
والمرأه بتبقى ف احلى صوره مابين العشرين والتلاتين وبتبقى دماغها كبيره وناضجه مش المفروض انها تتجوز وهي لسه مراهقه
انتي صح ياقمره
هديها وفهميها وابقي المره الجايه انتي صلي استخاره
وربنا هو الي هيختارلك
ربنا معاكي ياقمره
هكذا حال كل الأمهات عاوزين يفرحوا ببناتهم،بس مش واخدين بالهم ان البناتيت الحلوين هما اللى هايطلع عينهم لو طلعت الجوازه قرعه (كنايه عن البطيخه) ،انتى صح و بكره يجى اللى يخطفك ،بس يارب ميخطفكيش مننا ،وبلاش بس موضوع الحريقه دى ، معلش امسحيها فينا
ردحذفطيب واحنا ذنبنا ايه بس تولعي في المدونات ههههههه
ردحذفبصي والله انا معاكي في كل كلامك مش توافقي الا حد تحسي انك تقدري تعيشي معاه ويفهمك صح ويتقي الله فيكي
ربنا معاكي يارب وتلاقي حد يفهمك ويقدرك صح
دمتي بكل خير وسعاده
أنا رأيي
ردحذفمجرد رأي من هذا المزنق
انك تتجوزي عريس الغفلة
وتعضيه زي الصورة التحفة دي بالضبط
وبدل ما تولعي في المدونة والمدونات الصديقة
تخليكي وراه لحد ما يقرع من كتر اللي ها تعمليه فيه
ثم
هووووووووووب
ع الصلعه وتعضي يممممممممممممممممممم
أييييييييييييييييييييييي
بس ولا ماما تزعل ولا المدونات تولع
انتي عندك حق تمام مش عاوزة غير حلم عمرك
ياخد جبيصي يانا يامه ياخد جبيصي يا بح
والوالدة عندها هاجس القطر اياه اللي ها يفوتك
لما تحسي من ساعة ما تصحي لحد ما تنامي انك في محطة مصر
شوفي هي معادلات كيميائية وانتي اختارتي معادلتك
فيه معادلة تقول عاوزة حيطة "على اساس ان الراجل ضله شبهها يعني" ومقدرش استغنى عن لقب ماما حتى لو الحيطة طلعت قصيرة شوية
دول ناس نحترمهم حتى لو احنا مش زيهم
من حق كل واحد يكون له حلم
وفيه واحدة مترضاش بالحيطة دي عاوزة نوفوخ ولو ها تستناه ما بقى من عمر
دول ناس نحترمهم وان كنا شبههم
والعضة دلوقت اخبارها ايه؟
الأم من عادتها انها بتقلق
ردحذفوده موجود في كل البيوت
لكن أقولك على حاجه
مش عيب التريث في اختيار الشخص
لكن بردو مش لازم يكون بنفس المواصفات اللي انتي عوزاها بنسبة 100%
يعني لو جاب 80% كويس
السلام عليكم
ردحذفمتلوميش امك على انها خايفه عليكى
هى أم وهى اتربت على كده يعنى اتقبلى الأمر مفيش حد فى الدنيا بيحبك زيها
المهم انا معاكى فى انك لازم تشوفى وتقتنعى با الشخص الاهيكون زوج لكى ان شاء الله
بس كمان لازم تعرفى ان مفيش حد هتقابليه زى ما انتى عايزة با الظبط عريس تفصيل ده مش موجود على ما اظن يعنى
يعنى لازم تتنازلى ولوبعض الشىء فى الحاجات المسموح فيها با التنازل يعنى
علشان نفسى الكلام هيكون للبيتقدم لكى اكيد كلنا مش كاملين وفينا نواقص و(قوانص )هههههه كتير
سلاااااام
ايوه يا فتافيت معاكي حق
ردحذفاوعي تتسرعي يا بنت الحلال
هما هيروحوا فين
ماهم اكتر من الهم علي القلب
صحيح مضوع الاختيار دا صعب قوي
بس ربنا يوفقك وتلاقي اللي بتدوري عليه
( رغم اني عارف انك ما بتدوريش )
هممممممممم
ردحذفهو ما دام فيها توليع في المدونة والمدونات الصديقة
يبقى معاك حق طبعا يا سعادة الباشا
بس يعني كما قال الشاعر
إذا لم تجد ما تحب .. فأحب ما تجد
وربنا معاكي
اولا احب اعرفك بنفسى انا سمر الهادى ومش معاكم فى عالم المدونات لكن متابعاها من فتره ولما فيه موضوع بيلفت نظرى بقراه وبرد عليه ممكن تقبلينى صديقه؟
ردحذفاما عن موضوعك اعتقد ان ده بقى مرض العصر انا مكنتش عارفه هى المشكله فينا واحنا اللى معقدين ولا احلامنا اكبر بكتير من اللى موجود فى الواقع ولا ايه بالظبط
عموما اعملى زى يافتافيت انا اخدت موقف حاسم مع ماما وبابا كمان والله مرفوض الكلام ف الموضوع حاليا بشكل نهائى مش عاوزة اقولك ان ماما بتخاف تكلمنى هههههههههه فى حاجه زى كده
سيبك انتى المستقبل اهم هههههه طبعا بهزر اكيد لا غنى عن الزواج لكن اصبرى وصدقينى على اد ماانتى واثقه من قيمة نفسك على اد ماهتاخدى اللى انتى عاوزاها
معاك حق طبعا يا معلم
ردحذفربنا يستر منجنانك
انتى مية مية
احسن الولعه تيجى عندى
ملاحظة إن كل "المدونات الصديقة" داخلة تعلق خايفة على مدوناتها؟؟
ردحذفعملتي لهم قلق يا فتفوتة خصوصا الناس اللي مش مأمنة على مدوناتها عشان كده ومن موقعي هذا بقول "أمن ... تعيش مطمن"
محدش يقدر يقول لمامتك حلي عن نوفوخها يا حاجة
لأنها مامتك لو ما قالتش كده يسحبوا منها اللقب يا حبيبتي حطي نفسك في جزمتها ولا مؤاخذة زي الانجليز ما بيقولوا
بس انتي بقى عليكي وعلى تكبير الدماغ
ومن هنا ومن موقعي هذا بقول " طنش تعيش منتعش" :)
السلام عليكم
ردحذفايه المشكلة ان البنت يكون عندها 25 سنة ولسه ما اتجوزتش .... عادى يعنى
اولا هى كده مش عانس
ثانيا لو بقت عانس برضه مش مشكلة ...على الاقل بيبقى دمهم خفيف
وشكرااااااااا
انتى مبسوطه انك عانس و انا مش مبسوطه انى اتجوزت بدرى لانى ملحقتش اعيش حياتى بعد الدراسه الحمد لله انا مبسوطه و الحياه كويسه بس فى الزمن ده لازم التأنى قوى فى القرار ده لان الناس اتغيرت دلوقتى و بقى صعب انك تفهمى الانسان اللى قدامك بسهوله
ردحذفهوه التأني مطلوب
ردحذفلكن أنا خايف إن يجي يوم وترضي بحد اقل من ناس كثير كانوا متاحين قبل كده
على العموم براحتك
بس الله يكرمك لو ماما محلتش عنك .. بلا تولعي فى مدونتي الله يكرمك
ده لسه جديدة على الزيرو وملحقتش أفرح بيها
ومش هاتجوز ابدااااااااااااااا
ردحذفالا الانسان اللي اوافق عليه
بعقلي وقلبي سوا
انسان يفهمني وافهمه
نفهم بعض يا ناااااااس
انسان يحترمني ويقدر دماغي
قبل ما يفكر في جسمي
انا بأييدك بشدة وبفكر نفس تفكيرك
ومش مهم ابدا كمية العرسان المهم مين المناسب
ربنا يوفقك ويسعدك ويرزق كل بنات المسلمين بالزوج الصالح اللي يتقي الله فينا ويفهمنا ويحترمنا
دة على كدة انا كمان عانس وانا معرفش
ردحذفعااااااااااااااااااااااا
هى مامتك طبعا كلامها كلة خوف عليكى وكذلك نفسها تفرح بيكى
لان كل الامهات كدة
بس الموضوع دة فعلا محتاج تأنى وحكمة فى الاختيار لانة قرار بيتبنى عليه العمر كلة
ربنا يوفقك يا قمر ويرزقنا واياكى بالزوج الصالح
طب انا مالى بقى؟؟
ردحذفتولعى فى مدونتى بتاع ايه؟؟
اللى هيقرب من مدونتى هضربه بالنار.
وانتى عارفه ان انا ما برحمش
انا مش مامتك هتسيبك وتسامحك.
انتى لو بنتى وكل يوم يجيلك عريس كده ومتوافقيش انا كنت ضربتك بالرصاص..ههههههههههههه
.....
لا طبعا عمر الكلام ده مهيغير اسم واحد اتكتبلك قبل خمسين الف سنه..
ربنا يرزقك بابن الحلال اللى يفهمك وتفهميه.
خمسة وعشرين سنة مش كتير اوى يعنى..
مامتى وهيه ادك كان عندها 4.. ما شاء الله بلاش أر
هههههههههه
يلا سلام
اتجوزى اللى ترتاحى له عقلا وقلبا
ردحذفبس اياك والبطر
وياريت بلاش حكاية دمه تقيل من غير ما تشوفيه
صلى استخارة وبعدين رازى فى خلق الله
اما قبلها لاء
واياك تزعلى ماما
وطالما هتتقى الله فى اللى هيتقدم لك
ان شاء الله تاخدى اللى يريح دماغك المفتفته دى
على فكرة كلامك مظبوط وميه الميه واوعى تتنازلى الا لشخص ترتاحيله وتتفاهمى معاااه
ردحذفعلى فكره انا كنت زيك بالظبط وكل الى حوليا كان ضغط وزن رهييييييب ولحد كمان ماعديت ال 26 وانا ولا كان فارق معايا لانى مقتنعه تماما ان جواز مسئوليه وحياع مشتركه والحمد الله اتجوزت شخص مقتنعه بيه ومتفاهمين لو بس الناس تصبر كل حاجه هتيجى فوقتها
تحياتى ليكى
ومعلش برده همه جيل قديم وبيجبونا وخايفين علينا استحملى شويه واتفاهمى معاها براحه وقوليلها فى ناس كتيييييير متجوزه واتطلقت لا قدر الله او عايشين تعسا وربنا يصلح كل بيوت المسلمين ويرزقك بالى يقدرك ويسعدك يارب قريب وتعزمينا
ياخبر ابيض هتولعى فى المدونة وكمان المدونات الصديقة
ردحذفهدى كده نصيبك لسه موجود عند ربنا واكيد هتتربطى باحسن انسان فى الدنيا ومعلش الامهات كلهم كده بيخافوا دياما على اولادهم
لا لا ماولعيش ف حد يا طنط سيبيها هو احنا كده دماغنا ناشفه وبعدين ياقمر انتي لسه صغننه اهو ويارب تلاقي الانسان الي يفهمك ونخلص منك اقصد نفرح بيكي
ردحذفهههههههههههههههههههههههه
ردحذفوالمدونه زنبها ايه بس؟
روحى ولعى فى عريس الغفله
وسيبى المدونات فى حالها
يعنى مش قادره على ماما
هتتشطرى على المدونه؟
والله حلال فيكى اللى بتعمله ماما
ههههههههههه
يوووووه ..
ردحذففكرتينى باللذى مضى ..
والعرسان رايحين جايين وهاتفضلى قاعدة كده زى خيبتها ..
والناس كلها بتجوز من حولينا اما بطل يجيلنا عرسان ليه ..
والخ الخ الخ ..
بصى يابنتى دى حياتك وده اهم قرار بجد لاما تعيشى سعيدة طول عمرك لاما هاتتكومى طول عمرك على سريرك ودمعتك نازلة ..
انا اعرف واحدة عندها 35 سنة والى الان تقول لو فضلت كده طول عمرى مش هاتجوز واحد مش حاسة نفسى معاه ..
ده جواز مش شرى بلوزه ..
ربنا يبعتلك اللى يقدرك ويحبك بجد ..
دمتِ بخير فتفوتى العسولة ..
السلام عليكم
ردحذفوالدتك عندها حق نفسها تشوفك عروسة ومعاكى ولادك وعلى فكرة كل ما البنت بتكبر كل ما الفرصة بتقل يعنى هتلاقى وانتى عشرين سنة بيجيلك اكتر من اتنين وعشرين والا بيجى بعد كدة اقل
انصحك بلاش الرفض علشان القلب والعقل دة لان الا قلبك هيقتنع بية اهلك مش هيقتنعوا بية ويمكن سعتها تستحملى منة المر علشان اختيارك
اكيد اهلك مش هيخترولك جوازة والسلام هيخترولك انسان كويس فكرى تانى وبلاش تخدى الموضوع هزار
وعموما كل شئ فى الاول قسمة ونصيب
ربنا يوفقك
اقولك رأيي فى حكاية الزواج دى
ردحذفالزواج بيعتمد بنسبة اكبر على الزوج وقدرتة على خلق حياة مستقرة واسرة سعيدة وعلى الاساس دا لازم تختارى زوج صالح وفى حب تفاهم وحوار واحترام بينكم وتتمسكى برأيك طبعا صح بس اقنعى بية مامتك
وهى اكيد عندها وجهت نظر يمكن تكون شايفة من العرسان اللى اتقدمولك فيهم حد مناسب وخايفة تكونى انتى مكبرة للمسئلة فعايزة تلفت نظرك
ربنا يكرمك يا قمر ويوفقك فى حياتك
بس من غير ما تولعى فى المدونة
:)
تقبلى مرورى
وذبنها ايه بس المدونات الصديقة
ردحذفلا اهدي واعقلي كده
ربنا يرزقك بالي تتمنيه ويفهمك وتفهميه وتقدروا بعض وتعيشوا في تبات ونبات
مهما كان ماما عاوزة مصلحتك شغل أمهات باه
ربنا يوفقك
مودتي
السلام عليكم
ردحذفايه النظرات الشريرة دي
هتولعي في المدونات
وده بس من كلمتين من ماماتك
وان شاء الله بعد الجواز بقي هتعملي ايه
هتفتحي محل جزارة ولا ايه
،،،،،
ان شاء الله
هيجي يعني هيجي
هيروح منك فين
لكن بلاش تصعبي الموضوع
وصلي صلاة استخارة
وفكرة مرة واتنين
وبعدين ابقي اديله سكة
يعني لا تستعجلي وادرسي كل الامور
واكثري من الاستغفار
وحاولي تشغلي ماماتك بأي حاجة تانية
ممكن تسفريها شرم الشيخ أو الغردقة
هو طول ما هية شيفاك قدامه هتكوني أنت شغلتها طبعا
فتفوتة العمر
ردحذفالسلام عليكم
لابد أنم تقدرى مشاعر الوالدة تحوك
ودائما إعطى للذين يريدون الإرتباط بك فرصة
التعارف على الأقل حتى لاتتسرعى فى الحكم عليهم
المهم انا معاكى فى انك لازم تشوفى وتقتنعى با الشخص الاهيكون زوج لكى ان شاء الله
وبعدين بلاش تولعى فى مدونتك لأن مدونتى بجوارك هتولع هى كمان
هههههههههههههههههههه
ربنا يصلح لك حالك
ودمت بكل الخير
بدل ما اولع في المدونة بتااااعتي
ردحذفوكل المدونات الصديقة
عااااااااااااااااااااااااااااا
طيب وانا مالى
دة حتى انا غلباااااااااااااااان
العموم مش حقول والدتك قلقانه عليكى
زى ما كل الناس بتقول فى المواقف دى
بس حقول لك حاجة صغيرة
عمرى ما شفت امى بتضحك من قلبها
الا لما شالت ابن اخويا وقعدت تلاعبة
انا عن نفسى ساعتها افتكرت انى انا اللى
جايب لها الهم
تفكيرك صح جدا
ردحذفخليكِ ثابتة على موقفك
اوعى ثم اوعى ثو اوعى
ردحذفاوعى تستعجلى
خديها نصيحه صريحه ظريفه لطيفه منى
اوعى بجد تستعجلى والله هتندمى ومش تسمعى كلام حد
يا اختى امك محسسانى ان عندك اربعين سنه
سيبك يا فتفوته من الكلام ده
المهم بس انك تختارى اللى يقدرك ويحافظ عليكى واللى بجد تكونى ضامنه معاه مستقبلك
موضوع جامد جدا
ردحذفانا علىفكرة لسه 19
وماما بتقولى نفس الكلام
انت كبرت ولا عايزة تبقى معنسه
ربنا يحميهم
كلخم زى بعض
بجد موضوع رائع
100/100
ردحذفيلا يا عانس
ههههههههههههههههههههههه
يا بنتي
ماما عايزة مصلحتك بس بطريقتها طبعاً
بس لو العريس كويس اتكلي علي الله ودوسي
ولو مش كويس او مش عجبك
انا الي بقلك ولعي في المدونة والمدونات الصديقة كلتها
فتفوتة انت صح وامك و المجتمع هم اللي غلط
ردحذفلازم تستمري على موقفك الى ان تجدي اللي بتحبيه و يحبك
*****
الا الانسان اللي اوافق عليه
بعقلي وقلبي سوا
*****
الله ينور عليكي
لازم تلاقي الانسان اللي توافقي عليه بعقلك و قلبك
مودتي
اهلا فتافيت
ردحذف25 دى عانس ازاى دا بعد35 ماشى انما من السن دى
ماما طيبة وخايفة عليكى نفسها تفرح بيكى
على العموم بكرةتتجوزى وتجيبى عيال وتزهق من شقاوتهم
عزيزتى
ردحذفالموضوع مهم برضوا
والعنوسة مشكلة بتقلق المصريات
واكيد من حق تختارى اللى ترتاحيله من كل النواحى والاتجاهات اللى عوزاها
بس
لازم تعرفى ان الرجل سهل انه يفضل للاربعين بلا جواز
المراه ليها طبيعة تانية وفى حمل وولادة
ويمكن انتى شرزطك صعبة شوية
يعنى لو مش بيفهمك اوى وبيحبك ممكن يتقبل
ولو فهمك وموضوع الحب لسه معلش كفاية انه عاوزك وانتى هتخليه يحبك
ومش كل ما يريده المرء بينوله
حولى تختارى من الممكن وابعدى عن المستحيل
وشوفى ايجابيات العريس قبل سلبياته
وده مش معناه انك تقبلى اول عريس يدق بابك
بس ادى لنفسك وحددى سن معين تيأسى فيه عن العثور على فتى احلامك
بدل ما انتظاره يضيع عمرك
العمر بيجرى من غير ما نحس
لتيت كتير ومقولتش فكرتى زى ما كنت عاوز
ربنا يريحيك فى دنيتك ان شاء الله
تحياتى
سلام
بصي يافتفوتة كلامك صح ف حاجات وحاجات لا
ردحذفانا زيك بس اصغر سنه يعني مبقتش عانس اوي زيك هههه
بس انا عاوزة اقولك حاجة ساعات لما الواحد بيقعد
دلوقتي وبيفكر مع نفسه بيلاقي ان كان فيه ناس كتير
كويسين جداً قدامه ومقتنعش بيهم ولا حتي اديت لنفسي
فرصة ولا أدتلهم الفرصه أنهم يعبروا عن نفسهم
أو حتي نشوف إذا كنا هنفهم بعض ولا لاودي كانت حاجات
غلط يمكن الواحد أتسرع ساعتها ف انه ياخد القرار
ويمكن لالالا....!! بس فعلا لما بشوف كل العيال
صحباتي ال أتجوزوا وعندهم 20 سنه كل واحدة شيلالها
عيل ولا اتنين وجنبهم شوال مشاكل بينها وبين جوزها
بس ده من تسرع كل واحدة فيها لجوازة مناسبة والسلام
وفيه ال كانوا واخدين بعض عن حب برده بس حب
المراهقة ده مش كله بينجح في الجواز والنتيجة ...
ياأما واحدةقاعدة عند امها بعيالها أو يا أما
هتطلق أو أطلقت فعلا .. أو عايشه هي وجوزها مستنيين
لبعض علي غلطة ... بس كل ده مش معناه أننا منديش
لنفسنا الفرصه لأن لما بيبقي الاخيار بشكل موضوعي
إن شاء الله يكون أنجح ولو فضلنا ندور طول عمرنا
علي المثاليه ف اي علاقة عمرنا مش هنلاقيها
حتي لو ف بيت اهالينا فيه مشاكل .. يوم حلوويوم لا
وبعدين فيه مثل بيقول البطران سكته أطران :)
فربنا يستر ميكنش عمايلنا دي تبتر
تحياتي ليكي ياعسولة صديقتك ف العنوسة (:
فتافيت
ردحذفإِنَّا كُلَّ شَيْءٍ خَلَقْنَاهُ بِقَدَرٍ* وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ
وانت تعلمين ذلك .. وليت الكل يعلم ذلك ويسكت عنا
وما دامك بدوري عن شئ معين يبقي لا تتراجعي وان شاء الله ربنا يرزقك بما تتمني وزياده .. دا جواز مش مشوار هنروحه ونرجع.. ربنا يحسن اختيارنا ..
ويرزقك عن قرررررررررريب علشان تخلصي من الكلام الكتير اللي بتسمعيه
انا مش حخلل ولا حجيبلك خيار ولا آت ولا حتى زتون وبصل
ردحذفانا حقول لك حاجة واااااااااحدة وبس وحمشى
مادام كله دة بعت لك يواسيكى فى العضة اللى
اخدتيها من مامتك ومردتيش عليه
ومادام عايزة تولعى فى المدونات الصديقة
يبقى احسن فيكى العضة اللى اخدتيها
( نيههاااااااااااااااااااا)
( وش بيضحك & وش دراجووووون)
( ضحكة شريرة نيهاااااااااا)
أنت في أول شبابك و ريعانه
ردحذفخذي وقتك في الإختيار :)
و يبقي في الأ خير كل شيئ
قسمة و نصيب، ما قسم لك
مكتوب و مقدر عند الله
ليه بس هتولعى فى المدونات الصديقة
ردحذفهنكلم ماما حاضررررررررررررررررر ههههههههههه
ربنا يكرمك ويسعدك
ياه هو كل الامهات كده
ردحذفانا كنت فاكره انى لوحدى
معلش يا توته معلش
ربنا يصبر ماما ويصبرك
يارب تستفادى من مدونتى دى هاتفيدك جدا فى حياتك
ردحذفhttp://noureldens.maktoobblog.com
والله انا معاكي فى كل افكارك وموافقك تماما
ردحذفلكن انا فهمت ان جالك عرسان كتير وانتى بترفضيهم
وطبعا مش معقول ان كلهم عيوب ( اعتقد انك حاطة شروط مثالية جدا او فوق الطبيعي)
واخر نقطة احب اتكلم فيها
ان كتر رفض العرسان بيعمل سمعة (ان البنت دى مش عاجبها حد وبترفض كل اللى بيتقدموا لها) فبالتالي العرسان الجدد اللى انتى متوقعة انهم زى الرز مش هيجوا لك ابدا ( والسبب ان محدش هيعوز يحرج نفسة ويترفض )
فكرى تاني .. واوزنى الكلام دة فى دماغك
اتمنى ان ما يكونش اول تعليق لى ضايقك
واتمنى زيارتك لمدونتى الصوتية على الرابط
http://arabfreeradio.blogspot.com
تقبلى مرورى وتحياتى
السلام عليكم / كيفك فتفوته واضح انك متضايقه بس انا حريحك انا معاكِ ميه فى الميه المطلوب مش اسمها اتجوزت وخلاص المطلوب انها تعيش حياة مستقرة وراضيه الى حد ما ، انها مش انتى :) يعنى فعلا الكمال لله مش حتلاقى واحد فيه كل اللى تتمنيه ولكن على اد ما تقدرى يكون فى مبدأ وهو مثلا حديث " إذا جاءكم من ترضون دينه وخلقه فزوجوه ...."
ردحذفاو زى ما قال عمرو خالد تعملى ورقه مكونه من تلت خانات الاولى صفات لابد منها ، التانيه صفات ممكن اتنازل عنها ، التالته صفات ياااااه يا سلام لو موجوده :)
اكيد اللى حييجى مش حيكون مالى كل الخانات ولكن تشوفى اد ايه هوه قريب من اللى كتبتيه مع نفسك .
ثم الاستشاره والاستخاره .
وبعد كده كل حياه فيها الحلو والمر هيه الدنيا كده ولكن أهم حاجه انهم يبقو مع ربنا ويكون فى تكافؤ بينهم الى حد ما ينتج عنه تقارب عقلى ونفسى .
وربنا معانا ومعاكِ . وما تتضايقيش من ماما اكيد نفسها تفرح بيكِ :)
ربنا يسعدك دنيا وآخره ويرضيكِ ويرضى عنك آمين .
انتي مامتك اللي بتقولك انا تخطيت المرحله دي
ردحذفاصحابي بقوا بيقولولي اتجوزي وريحينا
قال يعني قاعده علي مراوح قلبهم
جاتهم نيله
ولا يهمك
ردحذفانتى تفكيرك صح
يارب تكونى لقيتى العريس ودماغك لانت لكلام ماما احسن تبقى عانس بجد ووحشه اوى انك تبقى عانس وماتعمليش فيها مش همك كل بنت نفسها تتجوز
ردحذفصعلوك
ردحذفالسلام عليكم :
ردحذفناااايس ^^
اسلوبك حلو كتير ^__^
ربنا يهدي سرك و يرزقك بالانسان الي يفهك و تفهميه ^^
ربي يوفقك
أختك نومو ~
هههههههههههههه
ردحذفالله يخرب عقلك ، تعرفي انت مصيبة ، انا مت من الضحك ، بجد دمك شربات ( اللي بيتشرب بالبق مش اللي بتتلبس في الرجل ) .
بس خي بالك يا بنتي الجواز قطر بيفوت و ما بيرجعش ، فمن راي تحضري الشنطة لاحسن ما تحصلهوهوش ، إلا أقولك يا فتافيت هما الرجالة اللي بيتأخروا في الجواز بيتسموا عانس بردو ا ، احيات أبوك الموضوع مهم جدا ممكن تجوبيني .
مرسييي ياقمرر وانا خليك اول واحدة طبعا :)
ردحذفانا جايه اسلم بس واعضك عضه صغنونه هههههههه
موووووه
طيب نعمل ايه ..لما الدم الخفيف ده ماحدش حاسس بيه ولا شايفه
ردحذفالهى هما اللى يتوكسوا
شباب يسد النفس
ربنا يسعدك باللى يستاهلك انتى وبنتى
روحى ااقرى دعاء عند القدر وانا
بتقول ايه:الهى يرزق كل بنت بعريس هديه..عنده وظيفه وشقه وعربيه
اللهم امين
السلام عليكم
ردحذفازيك يا فتافيت عاملة ايه؟
وحشتينى والله
كل سنة وانتى طيبة
اولا اسمحيلى أقولك بلاش كلمة عاانس دى
انتى لسة صغيرة وبعدين ما بحبهاش خالص
ثانيا لكى كل الحق فى الانتظار والاختيار في التانى السلامة و في العجالة الندامة
ويارب نفرح بيكى قريب مع العريس ايللي تختاريه
تحياتى وسلاااااااام كبييييييييير
دى مشكله كل البنات شكلها بس انتى الحمدلله ماما بس
ردحذفانا بقى بقالى اكتر من شهر فى وجع القلب ده بس مش من ماما لا و خلانى و جدى و جدتى وهيييييييييييصه
مش عارفه ليه فعلا مش عايزين يقتنعوا ان ماينفعش اننا ننجوز علشان الجواز و بس
خليكى على رأيك ياقمر لحد ان شاء الله مايجى فارس الاحلام و ماتتضعفيش
و بردو بلاش التوليع فى المدونات لان ده اختصاصى انا (:
تحياتى ياجميله (:
هيا فتافيت فين ياجدعااااان
ردحذفبقالها كتير محدش سمعلها حس ليه
خير ان شاء الله؟!!!
موقفك سليم
ردحذفالاختيار في الزواج هو اهم خطوة لحياة هادئة ليس فيها عواصف
لكن هناك حل مطروح غير الانتظار
اولا عليك بالدعاء وربنا سمي نفسة بأنه نعم المجيبين
ثانيا لابد من تسويق نفسك في الشريحة المستهدفة فلو كنت تريدين متدينا فعليك بتجمعاتهم ولو كنت تريد مثقفا فتعرفي علي منتدياتهم وهكذا
ولا ننسا انه لايوجد من حاز الكمال
دعواتي لك بالتوفيق
فتفوتة العسولة
ردحذفما تزعليش أبدا أبدا يا فتقوتى
كلامك صح جدا والله
و هو دا نفس اللى بيحصل معايا
بجد حاجة تزهق
بس بجد اثبتى على تفكيرك دا
لأن كدا هتكسبى نفسك
ممكن صحيح بعض الناس هيتكلموا كلام ممنوش فايدة
ممكن تخسرى شئ من الدنيا اللى حواليكى
لكن طلعتى بمكسب
انما لو وافقتى عشان خاطرهم
بتخسرى كل شئ
و اولهم نفسك
و دا صعب جدااااااااااااااا
بجد ربنا يعينك يا فتفوتة
بيس يا بنتى أكيد انتى عارفة دماغ مامتك ماشية ازاى
اضحكى عليها زى مابعمل بردوا
ههههههههههههههههههههه
دمتى بكل ود يا قمر
عزيزتي من اختك الكبيرة اسمحي لي اقول لك لو عرفتي رجل 100 سنة واتجوزتيه حتكتشفي انك اتجوزتي واحد تاني خالص صدقيني عن خبرة الرجل قبل الزواج بيحبك انت زي ما انت وبعد الزواج بيحاول يخليك شبه امه او اخته فانصحك لما يتقدم لك عريس شوفي امه واخته لو شبهك ثقي انك حتتفقي معاه بنسبة تزيد عن ال80 % ولو مختلفين ومش عجبينك اجري لان هو ده الي حيعمله فيك بعد الزواج لكن في كل الاحوال اوعي تستهيني بالعمر الي بيعدي صدقيني عن خبرة لي صديقة كنت بحبها قوي وكانت لها نفس افكارك بالضبط وواخده الحكاية هزار ومع الوقت الان بعد الشر عنك بقت 33 سنة ولم تتزوج و الان عندها استعداد ان تقبل باي رجل حتى لو متزوج صدقيني لما بتكبر البنت بتتغير افكارها تماما مهما كانت مثقفة والاحساس بالوحدة والمرارة بيخليها تتنازل وتوافق على رجل بمواصفات كان من المستحيل انها تقبلها فاعملي بقول النبي عليه الصلاة والسلام اذا جاءكم من ترضون دينه فزوجوه ففكري كويس في اختياراتك والحب يا حبيبة قلبي مش حب الافلام الحب حب رجل بمعنى الكلام رجل تشوفيه الصبح وهو نازل شغله وتعبان علشان خاطر عيونك الحب انه يرجع بيته يلاقيك مستنياه يتغدى ويفتح عينه ويبتسم لك الحب يا حبيبتي لما يتحرك داخلك حياة جديدة لطفل تشوفي فرحة عيون زوجك به وهو منتظر اول حركة لحملك الحب لما تشوفي زوجك بيحوش لعيد زواجكم علشان يشتري لك هدية ويقدمها لك الحب لما يطيب خاطرك بكلمة حلوة علشان متزعليش من سخافة اخته ولا حد من عيلته جرحك بكلمة الحب هو ده الحب مش حب الافلام والصراعات والبكاء علشان الي وقعوا بينكم حتلاقي اكتر بكتير من كده في الزواج واحلى واطعم في شرع الله من كل افلام الدنيا صدقيني الي اكبر منك بيوم يعرف عنك بسنة الحقي لا تندمي بقية عمرك فكري كويس واستخيري الله
ردحذففتافيت عزيزتي
ردحذفغيابك طول عالنت و علينا و مبقيناش نشوف ادراجاتك و لا تعليقاتك عندنا
ايه بقا ممكن قبلت العريس و ما ارسلت كارت الدعوة
حزعل ان عملتها من دون دعوتنا
ههههههههه
اتمنى انك تكوني بخير و ان المانع عن تواجدك يكون خيرا
مودتي
السلام عليكم
ردحذفهههههههههههههه
انا جالي سكر وشاي وانا قاعده
كله نصيب
وانتي معاكي حق
امشي ورايا وانتي مش هتكسبي ابدا
هههههههههههه
خليك علي موقفك
دايما الامهات بيقولوا كدا
الحمد لله لسه ماتقالليش كدا
هاهاهاها
بس هيتقاللي قريب اصلي ناويه اقعد اقشر البصل جنب ماما واسيب السلطه كلها
هههههههههههههههه
في رعاية الله
بجد انتي هايله
********
بنوته مرحه
ههههههههههههههههههه
ردحذفبجد أنتي مشكلة
تريثي .. ولا تتسناعي
ويبقى التواصل
لا لا بجد جميله اوعى تولعى في حد بعدين مامتك دى بيوزعوها على كل ربع قرن متخفيش عندى منهم بس والله مسلين ياعنى اهى اسطوانه شغاله بدل ما يقعدو كده ويصدوا ياله الحمد لله وربنا يرزقك يارب بالى تتمنيه مدونتك تحفه بجد
ردحذفيا قلبى بس انت مش عانس
ردحذفمش عانس اوى على الاقل يعنى
عانس نص نص
وبعدين يعنى هو لو مكنش فيه راجل احنا هنموت من الجوع ؟
أى نعم الراجل مهمه جدا ودة شرع الله
بس مش اى راجل ولا أى جوازة يا قمر
أصبرى ... خدى وقتك
وفكرى كويس .. عشان هو دة جوز العمر يا اوختشى
اللى هتتصبحى بخلقته وتغسلى شرباته وتشمى ريحه رجليه فى البطانيه
وربنا يكرمك بجوز حلو وامور كدة وعلى قد أيدك وميكونش متعب
تابعى دى هاتفيدك جدا
ردحذفhttp://noureldens.maktoobblog.com/
انتي فين ياجميل؟؟؟
ردحذفوحشااااااااااااااااااااني اوي اوي
مستنيه جديدك
منار فايد
فتافيت ازيييك وفينك يا قمر
ردحذفمش عارفه انا ايه حكايه الجواز دى
اهلنا مش طايقنا فى البيت تقريبا ههههههههههههه
مش عارفه ايه المشكله يعنى 25 سنه
كل الموضوع نصيب مش اكتر
يجى وقت ما يجى بقى
ماينفعش نجرى ورا حاجه بتيجى لوحدها
انتى فين وحشتينا ووحشتنا مواضيعك، ينفع كده كل ده غياب
ردحذفاجمل فتاافيت انتى فين ياجميل انتى بجد وحشتينى جدا ارجعى بسرعة بئا وبطلى الدلع ده علينا :(
ردحذفوالله انتى دمك خفيف هههههه
ردحذفوعندك حق فى كلامك
لازم اختيارك يبقى عن اقتناع تام بالانسان اللى هتعيشى معاه بس كمان مش ترفضى اى حد كده وخلاص لازم تقعدى معاه وتعرفيه وتشوفى المواصفات الاساسيه اللى متقدريش تتنزلى عنها واى مواصفات تانيه مش اساسيه ممكن تتنزلى عنها او ممكن تظبطيها انتى بعدين وياما بنات كتير بيبقى مخطوبين لاشخاص مكنوش بيحبوهم فى بداية الخطوبه بس لما عرفوهم حبوهم جدااااااا لدرجة انهم ميقدروش يعيشوا لحظه من غيرهم ولقوا فيهم كل حاجه حلوه بيتمنوها ربنا يوفقك يارب
وربنا يرزقك بالزوج الصالح ان شاء الله
بووووووووووووووووووووووووووووووووووووووووه
ردحذفخى مشكله الشرق الوسط بقه
حاجه تزهق
اا بقهغير كووووووووووووووووووووووووووووووووووووووول البشر بابا ومام مش عاجبهم حد دي ياجيجي ياجماعه مين بقه يستاهلها ويفكر حتى يتقدملها انت تيجى ايه اصلا جنبها
بس يلا تعددت الاسباب والموت واحد
والمهم كلنا فى امشكه العالميه دي
يارب مايعدموناش زي الخنازير
مدونه جميييييييله جدا
بس علشان اتاكد مش انتى رحاب الخضرى
هو علشان كده فتافيت
ايه واحد في فبراير وواحد في طوبه وواحد في امشير ده ؟ هي ماما مرقماهم ؟
ردحذفآه لو يعرف العريس وهو رايح متشيك وشايف نفسه وفاكر انه هيغزو أسوار عكا انه هيترفض وكمان هيتحط في أجندة التقويم , حرام عليكم يا ظلمه هههههههه
وبعدين حد يفهمني حد يفهمني , هو انتي درس فيزيا قوي كده ؟ ههههههه
لأ بجد انتي صح مليون الميه , لا خمسه وعشرين ولا خمسه وتلاتين تخلي واحده تتجوز لمجرد الجواز , بس الأمهات بتقلق وعلاجها إنك تقنعيها ومتحسسيهاش انك رافضه الموضوع
بجد ربنا يوفقك وتلاقي الإنسان اللي بتتمنيه
تحياتي
طبعا من حقك تختاري بقلبك وعقلك
ردحذفبس خلى بالك فيه فرق كبير بين الاختيار والبطر
تحياتى لك
السلام عليكم ورحمة الله وبركاته
ردحذفالأخت فتافيت
مش هاقولك كلامك غير منطقي أو غير عقلاني ولا الكلام دا خالص وكوني مش هاقوله لا يعني ايضا اني اتفق معكِ في الرأي
ولكن كل هذا لا يمنع اطلاقا من تسجيل اعجابي باسلوبك فسرد الفكرة حتى وان كانت من وجهة نظر الآخرين غير صحيحه فهو وحده كفيل بجذب الانتباه والتفكير فيها
تحياتي وتقبلي مروري
عزيزتى
ردحذفهو انتى فيين
يا رب يكون المانع خير
وحشنى زيارتك لمدوناتى
تحياتى
سلام
فتافيت فينك من 12 \4
ردحذفخير يارب تكون امورك كلها بخير
سلام اختى رحاب
السلام عليكم
ردحذفمن حقك بردة تتريثى فى إختيار شريك حياتك ومتكونش إلى هتتجوزى أى واحد وخلاص ويكون شخصية محترمة وعلى خلق وفية مواصفات جيدة بس إية رأيك ف الجوازات الناجحة إلى قبل كدة إلى كان فيها مبيشوفش إلى العروسة إلا مرة واحدة قبل الجواز وعلى فكرة كانت بتبقى جوازات ناجحة جدا بس أنا أعتقد أن مفهوم الجواز دلوقتى مش بيعتمد على إنك تفهمى أو تحبى الشخص إلى إنت هتتجوزية ولكن بيعتمد على إن الشخص إلى إنتى هترتبطى بية شخصية كويسة ومحترمة وعارفة ربنا لأنة ياما ناس كتير إتجوزو عل حب وكانت قصص حبهم تناطح السحاب وبعد 6 أشهر تلاقى خلافتهم بردة تناطح السحاب لكن فى حالة الشخص الى عارف ربنا لو إنتى كويسة هيرعاكى ويحطك فى عينة لأنة هو أصلا بيعامل ربنا فيك ولو إنتى (لاقدر الله)مش كويسة بردة هيعامل فيكى ربنا وهيعملك بالمعروف ودة إلى إحنا بنفتقدة اليومين دول
ومعلش أنا بعترض عل فكرة إن الشخص هيفضل عانس أصلاً لأن الزواج نصف الدين والرسول (صلى الله علية وسلم ) قال (الزواج من سنتى فمن رغب عن سنت فليس منى) والله أعلى وأعلم
وسلامو عليكو
فتفوته
ردحذفهو انتي فين ياختي
انا ركزت شويه لاقيتني بقالي كتير ماجتش هنا ولاقيتك غايبه
اظهر ياقمر وبان عليك الامان
فتاااااااااااااااااااااافييييييييييييييييت
ردحذفعوووووووووووووووودي ياااااااااهااميس
هوه لازم اللى تتجوز تكون زى العربيه المستهلكه سيبك من شغل الافلام والحب فوق الاطلال وحب فى الزنزانه حتبقى ميه ميه وماما هتفرح بيكى
ردحذفأولاً: المدونه جميلة جداً لاني أول مرة أدخل عليها لاني جديد في الموضوع.
ردحذفثانياً: أسلوبك في الكتابة رائع جداً وشيق للغاية ودمه خفيف جداً لازم تستغلي الموهبة دي.
ثالثاً :أوعي تتجوزي وخلاص لازم تدققي في الاختيار ويكون اللي تختارية علي دين وعلي خلق وهما دول اللي يضمنوا سعادتك معاه وطبعاً يكون فيه قبول وتفاهم وأفكار مشتركة مش كل واحد يبقي في وادي وده طبعاً بيتحس بسهوله والمشكلة أن الناس اللي بتتجوز وخلاص هما السبب في نسبة الطلاق المفزعة لكن لازم الموضوع يكون علي بالك وفي دماغك وتفكري كويس يعني ماتستسهليش وترفضي علي طول وكمان لازم تعذري ماما لانك مش هتحسي إحساسها غير لما تتجوزي ويبقي عندك فتافيت صغيرة إن شاء الله.
وأخر حاجه علشان كده طولت قوي هي دعاء من القلب لكِ ولكل بنات المسلمين "اللهم زوج بنات المسلمين وأرزقهم بالازواج الصالحين وأكتب لهم السعاده آمين يارب العالمين
معلش زي ما قلتلك انا جديد في الموضوع والغريب أعمي ولو كان بصير ولما قولتلك إستغلي الموهبة ما كنتش قريت باقي المدونه وما كنتش أعرف إنك أستاذة أصلاً معلش يا أستاذه فتافيت سماح النوبه واللي ما يعرفك يجهلك.
ردحذفوعلي فكرة هكون سعيد جداً بزيارتك لمدونتي همس القلوب يارب تعجبك مع إنها كئيبة شوية
يا سلام كأنى بقرا حواراتى مع ماما بس انا اعبط منك انا اتخطبت لواحد مش طايقاه و ياريت عاجب دلوقتى ضغط من نوع تانى كلميه خليه يزورنا و كده
ردحذفعلى فكرة انا 22 سنة و فى اختلاف كمان ان ما فيش عرسان بتيجى للعيلة فده جه كده لقطة .
ربنا يوفقك للى فيه الخير و صلى استخارة