13 أكتوبر 2011

بثينة كـــامل،، أتقي الله!!!!


تاني يوم من أحداث ماسبيرو وتحديدا،، يوم 10 أكتوبر
كنت بتابع قناتي المفضلة بي بي سي العربية،،
وكانت على الهواء مع
بثينة كامل (المرشحة المحتملة لرئاسة الجمهورية)،،
ود. حسن نافعة،، وضيف مش فاكره اسمه!

بعد الحلقة دي،، كنت قايمة جري أكتب بوست،،
لكن قولت بـــلاش عشان ميتقالش عليا
حاطة العلمانين والليبرالين في دماغي،،!!

بس النهاردة قررت أكتب،، لما الكل بقى بيتكلم عن الحلقة دي!
د. حسن نافعة كان في منتهى الذكاء،،
والحنكة في الرد،، وحيادي جدا

الإعلامية بقى بثينة كامل،، بعد ما خلصت كلامها،،،
اللي ما يفرقش عن كلام نوارة وغيرهم من نفسه النوعية،،،
المذيع قالها معلش عشان الوقت،،
قالت لا لا عندي حاجة مهمة جدا لازم أقولها
قالها الوقت،، قالت لا دي نقطة مهمة جدا لازم أقولها،،
وقالت إيه بقى،،
قالت لما كان الجيش طالع السلم كان
بيقول الله أكبر!!!،، الجيش ده طائفي طائفي!!

الجيش طائفي عشان كان بيكبر وهو طالع السلم؟؟؟؟
ياترى لم يمر على الإعلامية بثينة كامل،،
قبل كده الحديث الشريف
عَنْ جَابِرِ بْنِ عَبْدِ اللَّهِ، رَضِي اللَّهُ عَنْهُمَا، قَالَ:
كُنَّا إِذَا صَعِدْنَا كَبَّرْنَا، وَإِذَا نَزَلْنَا سَبَّحْنَا...
صحيح البخاري، 2993

طيب هو جيشنا وقت عبور القناة كان طائفي
عشان بيقول الله أكبر الله أكبر؟؟

ياترى المذيعة قناة 25 يناير طائفية
اللي صرخت في نفس الوقت واليوم على الهواء
لما كانت عمالة تعيط وتقول وهي بتعيط ومرعوبة،،
 ِبسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ
فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ؟؟!!

ياترى التليفزيون طائفي عشان كل نصر أكتوبر
يفضل يذيع أغنية بسم الله الله أكبر بسم الله بسم الله؟؟،،
ياترى أصلا حليم كان طائفي وقتها؟؟

ياترى حمادة هلال طائفي
لما عمل أغنية الله أكبر علينا؟؟

ياترى لو كان الجيش كبر بعد ضرب النار
عليه وهو ممعهوش ذخيرة حية،، يبقى طائفي؟؟؟

ياترى اللجوء لربنا بقى طائفية؟؟،،
ياترى المسيرة كانت طائفية عشان رافعة صليب؟؟

ياترى أخبار بثينة كامل إيه،،
لما عرفت إن الجيش الطائفي
ماكنش مسلح بذخيرة حية
؟؟

ياترى أخبار بثينة كامل إيه،،
بعد تصريحات الأنبا بولا
إن كل ما حدث بسبب أخطاء مسيحية
؟

ياترى أخبار بثينة كامل إيه،،
بعد تصريح إئتلاف 25 يناير

 اللي بتأكد عدم دهس الجيش للمتظاهرين؟؟
الله أكبر،،
بنكبر بيها وقت الخوف
الله أكبر،،
بنكبر بيها لما يعجبنا حاجة
الله أكبر،،
بنكبر بيها خوف من الحسد
الله أكبر،،
بنكبر بيها وقت الفاجعة
الله أكبر،،
بنكبر بيها وقت الفرحة
الله أكبر،،
بنكبر بيها عشان ترفع الحماس
الله أكبر،،
دعاء الصعـــــود!!!

الله أكبر،، الله أكبر،، الله أكبر
ذكر لله من حق أي مسلم يقوله في أي وقت
الله أكبـــــــر،،
وقادر يرد كيد كل أعداء الله!!

أنا مش هاقول لأي حد ينتخب مين رئيس،،
بس هاقول لكل اللي أعرفهم وحوليا
أنهم ما ينتخبوش بثينة كامل،،
وهاوصيهم إنهم يقولوا للي حوليهم برضو،،
هو أصلا كده كده محدش هاينتخب بثينة،،
بس أهو زيادة تأكيـــــد،،
زيادة الخير خيرين!

بثنية كامل،،
أتقـــــــــي الله،،
وأذكرك وأذكر نفسي،،،
الفتنة نائمة لعن الله من أيقظها!!
:

هناك 10 تعليقات:

  1. الله اكبر

    انها بداية الفرقان ليميز الله الخبيث من الطيب , كتيير من الناس اللي كانوا من جلدتنا ويتكلمون بالسنتنا قالوا اللي في قلبهم علشان كل واحد فينا يعرف مين معاه ومين عليه
    انها ايات الله تتجدد ليظهر الحق ولا يحيق المكر اليء الا باهله

    ردحذف
  2. ازيك يا رحاب عاملة ايه يارب تكونى بخير
    صحيح مش بسيب تعليقات عندك كتير بس مفيش تدوينة مقريتهاش ليكى
    ربنا يوفقك دايما

    احب اطمنك انها للاكيد المؤكد انها مش هتنجح هى عارفة كده كويس هى اعلانها عن نية ترشحها مجرد فرقعة وشو اعلامى وهى قالت فى برنامج شوفته بنفسى انها كفاية انها هتكون اول امرأة ترشح نفسها بعد ثورة 25
    بس هو ده الهدف
    مش المشكلة انها ست ابدا مش بنفكر كده خالص اقصد المحيط بتاعى مش بيفكر كده
    متنفعناش لا دلوقتى ولا بعد عشرين سنة

    المهم ربنا مع مصر كلها
    مصر مش متحملة اكتر من كده
    مصر تعبت قوى قوى
    بس فرج ربنا سبحانه وتعالى قريب قوى
    هتقومى تانى يا مصر

    ردحذف
  3. ده بوست بخصوص الحوار الجاري حاليا في رفع الصلبان
    http://islam-nogodbutallah.blogspot.com/2011/10/blog-post_13.html

    ردحذف
  4. الله أكبر .. الله أكبر ..

    عن جد بثينة كامل تحفة !! عمري ما حبيتها ولا شايفها تنفع رئيسة مطبخ علشان تبقى رئيسة دولة ، لا ودولة زي مصر كمان ..

    اتقي الله يا بثينة كامل ، ان الفتنة نائمة لعن الله من أيقظها .

    ردحذف
  5. السلام عليكم
    اعتقد مكانتش هتقول كدا لو كانت صاحبة منصب فى الوقت دا
    بس لازم نحسن استغلال الظروف عشان نتكلم ودا حال كل مرشحى الرئاسة التكلم مع كل صغيرة وكبيرة اقوال واقوال وتجاهل تام للافعال
    الله اكبر قبل كل شئ وبعد كل شئ وفوق كل شئ
    الله اكبر كبيرا
    ربما ستحتاج لتقولها يوما حينى تدرك ان قولها ليس طائفيا

    ردحذف
  6. الله اكبر علي كل مفتري وناقم وحاقد :)

    الدكتور حسن نافعه رجل ذكى لدرجه كبيرة

    بثينه كامل مرشحه اصلا غير محتمله من الاساس

    عمري ما شوفت حوار ليها واقنعتنى بنفسها كشخصيه امراه مصريه لها في السياسه ومجالتها
    علي عكس كثيرين او اخرون لم يرشحوا انفسهم وهم مميزين عنها بكثير ......

    ولعن الله من ايقظ الفتنه

    ردحذف
  7. السلام عليكم

    طبعا أنا مع إسلام (واحد من الناس)...
    من أفضل فوائد مثل هذه الأحداث أنها تكشف للناس (وليس للإسلاميين الذين لهم ميزان من الشرع في معرفة الناس) ما في قلوب البعض أمثال هذه البثينة واليعقوبياني وأبو حمالات، وكذلك فرااااغ البعض مثل منى وريم و.... كفاية بقى!!!!!
    تحياتي... ويا ريت تخلي حرقة الدم لحاجات أكبر من كده.. حاجات تستاهل بجد!!
    ..............
    على فكرة، زيادة فائدة: التكبير أيضا مما تُطفأ به النار (هذا في صحيح السنة)... يعني من السنة أن نكبر في وجه النار ونحن نطفئها!!!

    تحياتي.

    ردحذف
  8. خللى بالك ربنا بيفضحهم واحد واحد...وطول الوقت ميزته
    ليميز الله الخبيث من الطيب
    الدوله إللى جايه رغم انف الجميع هويتها إسلاميه مش متشدده لان مفيش إسلام متشدد فى اشخاص لا يفهموا دينهم الحنيف الوسطى الرائع
    والله ان دين الله لغالب
    وبثينه كامل هاقول لها ...ربنا يهديك
    الله اكبر الله اكبر الله اكبر لا إله إلا الله
    اريحوا بها صدوركم وتنفسوا بهواء نقى مع التلفظ بأعظم الكلمات
    ولا نكون مثلهم غلظاء القلب

    ردحذف
  9. بثينة كامل آخرها "اعترافات ليلية " :))
    بصي حضرتك كل من ليس لديه الجزء الضروري من المعلومات الدينية سوف يتخبط ويفضح نفسه بنفسه فهم يعتقدون أن موالاة المسيحين على طول الخط حتى في الخطأ سوف يضعهم في خانة المحافظين على حقوق الأقليات ومن ثم يحصلوا على تأييد الخارج الذي يدير اللعبة من وجهة نظرهم واستعطاف الداخل أيضاً عن طريق النواح على القتلى بغض النظر عن تفصيل القضايا
    وكما قال محمد صبحي في تخاريف "االله يحرقك يا بثينه :)))

    ردحذف

خلل براحتك من غير انتظار .. فتافيت أصلاً بتحب الخيار